معليش اسمحوا لي ابتدخل بالموضوع

اذا غيرت السماعات المسجل ماراح يصير له شي ابداً

تحياتي

مين سمحلك تدخل :anger:

هذه أخر مرة تقولي إسمحلي

خذ راحتك
بس المحل قالي إن المسجل ما راح يتحمل السماعات
وماعرف شو قصده

والسلااااااااااااام

تعديل قوي جداً لمسجل الاكورد 2003-2004 السياحي فقط :rolleyes:

يعني المسجل يحتر بعدين يقطع الصوت

والحل امبلفاير للسماعات الاضافيه

واذا فلوسك زايده غير السماعات كلها وركب امبلفاير ات وبيصير نظامك :banana:

بسم الله الرحمن الرحيم
السلام عليكم ورحمة الله وبركاته

أخوي 902 هذا فريم بلاستيك مع تحكم بالمكيف يجي للأكورد ؟ ولا رسمه تخيليه :p

اذا هو فريم وومكن يركب فيه اي مسجل صغير كم سعره تقريبا ؟ عجبتن فكرته بس كأنه صناعه تجاريه


عموما مشكور

هذه القطعه الخاصه بالاكورد شغل مضبوط و اعتقد في مواقع الهوندا للتضبيط يبيعوها ولا اعتقد انها شغل تجاري ..

اخوي بريليود .....

والله ادخل الماسينجر ما احصل لك علشان كذا ما رديت على اي ميلك ..

عموما شكله الماسينجر ما ينفع ...

خذ هذا جوال اخوي انا استخدمه لان جوالي الاماراتي ما فيه تجوال ..

0506866166

انا ماشي الامارات يوم الاحد او الاثنين ..

فا يا ليت لو تكلمني قبل ما اشمي علشان نتفاهم عدل ..

انا ساكن بالخبر جمب الكورنيش ..


تحياتي .....

الصراحة يشرفني اشوفك واتعترف عليك لانك اول شخص شفته يهتم بالصوتيات وبشكل صحيح واكتسب اغلب خبرتي منك وساعدتني في اشياء كثيره بس للاسف ضروفي الحاليه ماتسمحلي


اخذت الصوره هذي من موقعك


واكتشفت فيها

1-انك كنت حران يوم تصورها
2-كمرتك سوني وعلى الارجح P8
3-انك تشتري سيدات اصليه فقط

حياك الله اخوي 902 ..

والصراحه انا اللي لي الشرف اتقابل معاك ومع جميع الاخوه المهتمين في هذا المجال وودنا نسوي مجموعه خاصه بينا ...

اما بخصوص النقاط اللي اشرت اليها فا هي ::

1- نعم كنت اصور صور على السريع وكان وقتها حر ..

2- الصور القديمه انا مصوره بكاميرا محترمه وهي سوني DSC-F717 ام 5 ميجا بكسل اما بقيه الصور فا هي الكاميرا اللي امكلها حاليا Kodak 4900 ام 4 ميجا بكسل ..

3- اما بخصوص السيديات الاصليه فالا انا مش الى هذه الدرجه بطره واشتري كل سيدي ب 55 ريال بس الشيء الوحيد اللي اشتريه اصلي هو اللي احلله مزبوط واسمعه كثير الا وهو JAZZ و Guitar و SAX وبقيه الشله يعني بس الات موسيقيه بدون كلام لانه ما ينفع تسمعها MP3 ..

عندي شنطتين فول يعني 400 سيدي كل السيديات اجيبها من سوريا كل بين فتره وفتره انزل وانقى الزين وامش وطبعا نسخ طبق الاصليه وقمه في النقاوه. والسيدي ب 1 دولار لوووووووول .


انا ان شاء الله راح اطور الصور في الموقع بس خليني افضى شوي الجو ما يساعد ولا يخليك رايق تصور سيارتك او سيستمك ههههههههه..

اخخخخخخخخ بس لو انت او الاخ M.A.M موجودين في الشرقيه كان من زمان متقابلين مشكلتي ما احب الرياض من يوم اني صغير ما ادري ليش ولا كان زرتكم في الرياض من زمان وعندي شباب كثير هناك مللوا يبوني اجي هناك بس يستسلمون ويجون عندي الشرقيه لوووووووول .

عموما شباب اللي عنده زياره للامارات لا ينسانا انا حاضر وموجود وخلونا نتشرف في معرفتكم ..

اخوي DD متى بتروح للامارات ؟؟
ابحاول اجي للشرقية علشانك اذا قدرت
وتصدق على اننا انا و902 في الرياض وبيوتنا قريبة عند بعض الا اني ماشفته الا مرة وحدة ومن بعدها ماشفته ابد

الله يخليك اخوي M.A.M بس والله انا ماشي مع خويي اليوم بالليل لان وراي دراسه صيفي + الخبر شوي ملل لان ما ادري وين ربعي اغلبهم مسافرين ههههه ...

ان شاء الله مره ثانيه تضبط ونتقابل ...

بسم الله الرحمن الرحيم


اخوي DD

شرايك في طريقة توزيع السماعات في ال 430 ؟

http://www.soundlabsgroup.com.au/ma...inson_ls430.htm

طبعا الحين اللكزس اللي تجي عندنا بنفس المسجل هذا و فيها شاشه وكل شي .. بس اعتقد من قبل يعني سنة 2001 كان نظام الصوت مختلف و بدون شاشه


اذا انت سمعت صوتها بالمسجل الجديد هذا ابو الشاشه وش رايك فيه؟و هل توزيع السماعات حلو ؟ وش رايك لو اوزع السماعات بهالطريقه ؟

فيه الطريقه اللي قلت لك عليها من قبل اللي هي في الأبواب الأماميه 2 تويتر + 2 ميدرنج + 2 ووفر
في الأبواب الخلفيه 2 ووفر
في الطبلون الخلفي سب ووفر واحد بصندوق (في الشنطه طبعا بيكون)

اعتقد طريقة التوزيع راح تعطي سرراوند جيد جدا و كافي لسياره صغيره ؟

اذا عندك اقتراحات افضل بعد لا تبخل علينا

حبيت اسألك اذا تعرف كم يكلفو تقريبا سماعات مارك لفنسون أكيد غاالييين:think: يعني حدود كم يكلفو حقين ال 430 ؟ هذي




تحياتي

السلام عليكم

مرحبا اخوي ...

انا ركبتها بس ما جربت اعلي الصوت ..

شوف توزيع الصوت الموجود ممتاز وهو نفس اللي قلت لك عليه تحط :

2 تويت و 2 ميدبيس و 2 ميدرينج كله قدام وبعدين ورا تحط سماعات عاديه وليست قطع سواء 2 واي او 3 واي وهو نفس الموجود في اللكزس ..


اما بخصوص الاسعار فا الى الان ما رد علي لانه مشغول شوي وتخبر زميلي هو مو اختصاصه بيع ماركات غير اللي عنده بس هو يساعدني لانه يعرفني فا لازم اسكت وانتظر لووووووووووول .

اخوي DD
وانا ماادري وش صار على طلبي ؟؟
ترا والله الظاهر اني ابخش موسوعة جينيس للارقام القياسية لاني من زمان وانا طالب السب ووفر وحاط مواصفاته والى الحين مافيه فايدة .. لذلك شكلي ابكنسل الشغلة
لاني صراحة مليت وانا ماسك فلوسي ومعد اقدر اتحمل

هلا اخوي M.A.M حياك الله

والله سوري سوري سوري انا آسف وادري اني طولت عليك ..

بس ان شاء الله ارد عليك خبر خلال هذا الاسبوع ..

كم الميزانيه من جديد قول لي ...

ولو كان فيه امكانيه طلب من برا هل تبي ؟؟

يعني مثلا اجيب لك DD .. بس يوصلك بعد شهر وشوي لاني اخذ شحن رخيص + ياخذون وقت للتصنيع ..

اذا كنت من النوع اللي ما تبي تاخذ مساحه كبيره في الشنطه ترى DD ما ينفع لك .

الميزانية مثل ماقلت لك من قبل 1000 ريال
واهم شي انه يكون SQ ويمشي مع الامبليفاير حقي ال 944 ويكون قابل للتطوير اذا ركبت امبليفاير اضافي CLASS D
وطبعاً يتفوق على السبووفرات الموجودة في السعودية لانه اذا صار مايتفوق عليها ابصير مااستفدت شي
وطبعاً مثل ماقلت لي انت انه يجتمع ال SQ مع الهز لذلك ابغى هالميزة تكون من ضمن المواصفات

فعلاً انا لو اقدر يكون مافيه صندوق يكون احسن بس وش اسوي مالي الا كذا علشان احسن السيستم حقي وبصراحة انا من ناحيتي مقتنع بالسيستم حق اللكزس واذا وصلت له بالنقاوة وقدرت اضيف لهذي النقاوة الهز والاهتزاز اكون خلاص وصلت لمرحلة طموحي اللي اتمنى انه مايوقف واتمنى ان الفلوس تطاوعني
تحياتي

ب 1000 ريال تاخذلك احلى سبوفرين بايوننير مع الصندوق واشبكهم على ال 944 ويصير عندك انقى subs

هذا رائي

واذا تبي SPL خذ لك 3 ووفرات سوني او كينود وكم امبلفاير اكاي وانت ماشي وبيصير عندك اقوى subs

اما اذا بغيت اقوى وانقى فا 1000 ريال ماتكفى ابداً

ال DD يكلف حدود 2000 ريال بدون شحن وغيره مايقل عنه باالسعر وخصوصاً الاصلي

DDesigns


ابغى رايك في اني استعمل Hi Lo Adapters طبعاً يكون معه Line Drivers اكيد

على مسجل الهوندا

او اركب المسجل البايوننير اللي عندى....

السلام عليكم
902 او DD
ياليت لو تذكروني بترددات الصوت لاني بحث عنها هنا بالمنتدى لاني اتذكر DD سبق وكتبها لكن ماحصلتها !!
اللي اعرفه انا ان الانسان الطبيعي يسمع من 20 هرتز الى 20000 هرتز
واللي اعرفه ان البيس هو الترددات المنخفضة والميدرنج هي الترددات الوسطى والميدباس بين الوسطى وبين المنخفضة والتويترات الترددات العالية .. بس انا ابغاها بالارقام
تحياتي

السلام عليكم

اخوي 902

هل تقصد انك تريد كروس اوفر ويكون فيه لاين درايفر ؟؟

لا يوجد الكثير ولو وجدت سوف يكون غالي ..

لو تشتريهم منفصلين اعتقد يكون ارخص واقوى ..

--------

اخوي M.A.M

لا يوجد ارقام معينه للترددات فا كل واحد يحط التردد على كيفه على اللي يلائم سماعاته يعني مثلا فيه ميدرينجات تستحمل توصل الى 7000 هرتز وفيه بعضهم جدهم 3500 هرتز ..

عندي انا مسوي كذا :

سب وففر = من 1 الى 80 هرتز
ميد بيس = من 80 الى 300 هرتز
ميد رينج = من 270 الى ( الله اعلم لانه في الكروس اوفر وما اعرف نقاط التقاطع فيه ) ب سغالبا يكون الى 4000 هرتز
تيوتر = لا اعلم ولكن فوق 4000 هرتز

لا ينصح انك تشغل تويتر على اقل من 2500 هرتز يعني فضل من 3000 هرتز ..

لاني سبق وحرقت التويتر Vifa اللي شريتهم من امريكا بهذا الشكل وقتها ما كنت اعرف ان التويتر تحتاج الى كروسينج بعد وكانت تجيها موجات ميد بيس واحترقت لووووووووووول . حرام والله ضاعت 500 ريال على الفاضي .

اخوي DD
بشرني رحت تشوف لي سب ووفر مناسب ولا لسا ؟؟
اخوي DD
اليوم صراحة شفت شي غريب وهو صراحة مو غريب لكن لانه في السعودية وبالرياض خصوصاً قلت انه غريب الشي هذا هو : سماعات قطع ولاول مرة بحياتي اشوف كروس اوفر على الهواء مباشرة
وكان نوعها VELOCITY ويقول راعي المحل انها المانية الشركة وصناعتها امريكية او شي زي كذا وسعرها 900 ريال وقلت له طيب كم عدد القطع وقال لي : 2 ميدرينج و 2 تويتر و2 كروس اوفر و2 ووفر واتوقع انه يقصد بالووفر الميدبيس !!
وش رايك ؟؟
وصراحة انا استغربت من هذا المحل لان عنده سب ووفرات من نوع AUDIO BAHN مثل اللي انا شفتها في دبي وعنده الباين يعني تحس ان المحل هذا مميز

اكيد شفته في شارع الغرابي عند الاتراك وبالاخص عند معرض الشباب

اللي مسوي فاهم وحاط ووفر JBL وغيره

مااقوال الا الله يخلي جبل علي اللاي السوق مليان منه

اخوي اذا كانت وكالة بايونير يجيبون تجاري وفيه تلاعب في السماعات

خصوصاً

تتوقع محل بيجيب اصلي

اخوي 902 انا شفته بالغرابي صحيح
لكن عند محل غير محل الشباب والمحل فيه واحد الظاهر انه يمني
عاد اوووه انت واليمنيين بينكم صداقة غير طبيعية
بس صراحة يامحمد المحل هذا فيه اشياء حلوة واسمه احد وصراحة كل السيارات اللي عنده فخمة وتحس ان شغله مضبوط .. وعلى العموم الشرهة ماهي علي ولا عليك الشرهة على وزارة التجارة اللي تخلي الناس واصحاب المحلات يلعبون على العالم وينصبون عليهم
على العموم يامحمد انا اعتبر هذي بداية جيدة للسوق السعودي وانا امنيتي ان فيه حركة او شي او رقم اقدر افرق فيه بين الاصلي والتجاري اموووووووووووت واعرف كيف افرق
بانتظار تعليق DD على الموضوع
تحياتي وتقديري لكم يا 902 و DD لان الظاهر مافيه غيركم يحب الصوتيات ويتكلم فيها
وتحياتي للجميع

DD
من طول الغيبات جاب الغنايم
اخوي DD ماادري وش رايك بالموضوع ؟؟

خلاص افهمها :p