السلام عليكم ورحمة الله وبركاته
إخوي KING 4X4: ممكن أسألك سؤال، هل الأوبل أوميجا والكادي CTS/كاتيرا مبنيه على نفس قاعدة اللومينا أو لا؟

نعم.

بس فيه شيء بسيييييييييييييييييييييييييط بينهم.

الكاديلاك مثبت بكلبات مشتركه مع بلتات.

اللومينا بس بلتات.

و نفس المواد غير بينهم.

و اذا كنت تسأل أسئله تقنيه زي كذا.

خلني أسأل أنا سؤال حلو.

مين أحسن ناس في صنع الحديد في العالم ؟؟

و أجيبها بصوره أدق.

مين أحسن ناس في علم الميتولوجي (Metalogoy) ??

السلام عليكم ورحمة الله وبركاته
خل باقي الأسئله لي عقبن تفضل دش هني
وهني بعد
وشوف التقييم اللي حاطينه في الموقع، ثاني شي ماتقدر تحكم على بدي اللومينا إلا لين كانت أغلب الخانات مقيمه، للومينا ما في إلا خانيتين أو ثلاث، شلون تحكم عليها من هذولي، وأنتظر ردك.:think:

زين بدل ما تنكلم في منتدى ببطئ (واحد متحمس)

هذا ايميلي :

King__4x4@hotmail.com

السلام عليكم ورحمة الله وبركاته
آسف حبيبي ماعندي E-MAIL ( مشترك بE-MAIL ولد إختي عمره 6سنين).
الأهل سووا لي واحد بس ماإفتكرت فيه لأن مالي حاجه به.

السلام عليكم ورحمة الله وبركاته
على فكره آنا متحمس أكثر منك، بس خلنا سريعين ومانتعطل وكل واحد ينطر رد الثاني.

بالنسبه لكلامك انهم نفس القاعده (هي عباره عن شاصي يمسك القطع الثانيه).

انه هو ما ينفع في الحادث لا قدر الله الا اذا كان تعرض لنسبه عاليه لحادث.

كأنك تجيب لك قاعده حديد مربعه.

و تاخذ حبتين.

و تملى الثنتين بقطن وتحط فيهم بيضه في كل منهم.

بس

بنقطه وحده و هي انك تحيط وحده بورق و الثانيه بكرتون.

و تقطهم من فوق مبني طابقين.

و نشوف أي بيضه تنكسر.

طبعا اللي فيها ورق بتنكسر البيضه لأنها بتمرر أكبر نسبه من الذبذبات.
أما الكرتون فنسبه ضئيله تنكسر الا بكسر بسيييييييط.

وهذا أقرب مثال لكم شباب.

الحمد لله على النعمه

احنا هنا الايميلات ببلاش و لو تبغى تسوي مليون ما احد يكلمك

يمكن عندكم تقدم عليه بعدين تجيك الموافقه بس لازم تسدد المخالفات اول ولازم يروح وياك ولي امرك بعد :banana:

السلام عليكم ورحمة الله وبركاته
بس السيارات الثلاث يشتركون بنفس القاعده وأغلب المواد( جرب روح السكراب وشيل المقعد الخلفي مال أوبل وسو نفس الحركه مع لومينا وأشرط لك بتلاقي نفس الكتابه والمواد) إحنا لما نتكلم عن لكزس ES وكامري شوف موقعك وبتلاقي اللكزس كلها أخضر وأزرق والكامري فيها واحد أصفر( السيارتين نفس القاعده والبدي الإختلافات في قصه البدي بس) الفرق بينهم بسيط جداً، لكن اللومينا والأوميجا والكادي مافيهم فرق غير الشكل لكن نفس المواد المستخدمه ونفس الجوده، بالمقارنات ذي شنو نستنتج؟
اللومينا= كادي= أوميجا= اللومينا ماتشابه ولا وحده والأوميجا نتايجها نفس الكادي تقريباً.
حاطين حق اللومينا نتيجتين، ليش ماحطوا الكابرس( حاطين الهولدن سيستمان قبل ال2000)
اللومينا حكموا عليها بتجربتين والباقي بأغلب التجارب ذي الشي يفسر لي إن اللومينا نفس قوه خواتها.
:think:

أنا من نفسي ماأبي، ليش من كثر أملاكي وشركاتي، على ماأظن شروط الموافقه مثلكم، وذاك إنقبل كان BORASHED@HOTMAIL.COM
لاكن تصدق ولامره فكرت أدخل عليه ويمكن إنقفل( خلنا بدون أحسن )

بمعنى كذبت الخبراء و صدقت اللي في الشارع.

ذا الشيء الوحيد اللي أفسره من كلامك.

وثانيا ذي الاختبارات مب اختبارات وحده لكل نقطه.

ذي اختبارات لكل منطقه في العالم.

بمعنى لكل منها مقياس و لا تاخذ بالاعتبار الكبير الا باختبارات أوربا و اليابان ذولي اللي أدق ناس في الشغله.

السلام عليكم ورحمة الله وبركاته
أي خبراء الله يهداك، لو شغلوا مخهم شوي ماحطوا ل3 سيارات تشترك بنفس الويل بيس نتايج كل وحده ببلد، يعني بأسألك لو جا واحد وقال لك الباثفايندر محصل أقل درجه في الأمان في الإختبار الفلاني ونفس الشخص قال الQX4 محصل أعلى درجه هل بتصدقه؟
وثاني شي أي خبير اللي بيحط لأقوى موديل شفر بور.

خل النقاش لي بكره آنا خلاص باتري لوووووووووووووووووووووووووووووووو.

باتري لووووووووووووووووووو

أو
باتري فللللللللللللللللللللل

أنا ما انتهيت.

و اذا جيت تتكلم عن سياره فلانيه حط في الاعتبار كيف شكلها الخارجي.

حتى الاسطب الأمامي له دخل.

ينكسر بسرعه.

أو يحتاج له مطرقه عشان ينكسر.

و لاتنسى ان كل سياره لها نظم خاصه.

بمعنى حساسات الايرباج.

و شغلات كثير.

و أما عن كلام الثبات أنا قاعد أدور و انشاء الله بألقاه.

و ما يبقى الا سالفت الفخامه اللي ذابحينا فيها.

وأخوي ريد شفي.

لا تعب نفسك عشان تفهمنا ان اللي قدامنا ذهب مب نحاس.

و آسفين على الاطاله :anger:

:rolleyes:

حبيت أشارك معاكم أنا معاك في كلامك يا أخوي أن الشفر ما في مقارنه معاه وبذات الفورد الفورد سياره غير عملية مهما كا نت ما تتحمل اي ضغط وأي حمل وسريع الأحتراق يعني بصراحه سياره فاشلة وعلى القوه يالي تتكلم لو تجيب كابريس 84 وتجيب فورد 2004 ما يطلع الفورد على الكابريس أصلا ما يطلع حتى على اللومينا ال6 سلندر ما في مقارنه وهو 8 سلندر يا خي كلام الفورد اسم بس ولا أكثر ماعلى الشفر كلام
تحياتي لكم
أسف على الطالة
الشفر يتحمل الصعاب:banana: :banana:

السلام عليكم ورحمة الله وبركاته
الشكل الخارجي يختلف في الكادي بس، لكن شوف الأوميجا شلون تتشابه مع اللومينا، ( الكاتيرا كان نفس الشكل)، شوف بس الكاتيرا وخلنا من الباقي شكله لومينا بس معدل( مثل الكامري و الES)، إسمحلي أقولك إن الموقع مصداقيته 0%، مارديت علي بخصوص الباثفايندر والإنفنتيQX4.

زين أخوي ما كأنك نسيت سؤالي اللي سألته قبل ؟؟

مين أحسن في علم الحديد ؟؟؟ :think:

السلام عليكم ورحمة الله وبركاته
والله في الألمنيوم البحرين لكن الحديد الله وأعلم( ليش شايفني بروفيسور)، وأصلاً شنو هو علم الحديد، إذا التقنيات فالأوروبيين يظبط لك الحديد وشغل عدل لكن اتلباقي إسمحلي ماعندي فكره عنه.

اذا ماكان عندك خبره فيه.

ليش تتفلسف علينا الحين ؟؟

ذا كلام برفسور كيمياء عندنا في جامعه الملك فهد للبترول والمعادن في الشرقيه.

اسمه Dr. Maung .

عشان تروح تكلمه بنفسك.

أحسن ناس يصنعون الحديد هم اليابانيين و يليهم الألمان و بعدين الكوريين و آخرهم الامريكان.

مب مصدق.

موجود اسم الدكتور و مكان شغله في مبنى أربعه بعد.

روح بنفسك اسئله.

واذا كنت تبغى تفهمنا ان كلامك صح اما تأتي بدليل أو بلاش.

واذا الموقع المصداقيه فيه 0%.

مين بقى نصدقه ؟؟؟؟؟؟

خلاص شكلك عندك كابرس سبير.

أنا مستعد و الشباب يشهدون.

اني آخذ ربعي و الكابرس حقكم و نشوف مين يتحمل أكثر صقعت جدار بسرعه 120.
وأنا بأسوق و انت سوق بعد الكابرس.

بس بشرط الكابرس الجديد مب القديم.

السلام عليكم ورحمة الله وبركاته
أوكي إذا اليابانيين أحسن نا يصنعون حديد، ليش مايستخدمونه في سياراتهم، جيب سنس أو مكسيما وإرفس الباب على خفيف وهاي وجهي إذا ماإنخفس، وجيب أي موتر أمريكي أو ألماني وشوف شيصير، ليش إنتو تقتنعون بأن الياباني بديه أقوى من الألماني، الكابرس صج إنه مو مثل قبل( وحتى 96 مو نفس الثمانينات) تقدر تقو لي ليش.

لأن كل الشركات تستغني عن الحديد وتركب بلاستيك بداله، وكلها بدت تستغني عن الشاصي، وعن 120 في الطوفه شوف لك أحد غير موترنا ماطاف 5000، وإذا تبي دليل تفضل


هذي لومينا وداش في شجره بسرعه فوق ال200 ومو تقول لي 120، أتحدى تجيب لي صوره أي موتر ياباني داخل بهالسرعه في شجره ويطلع بهالشكل، آنا ماأقو لك إن أقوى بدي هو الgm لاكن لاتقول بدي الماكس أقو منه جيب لي صورة ماكس داعم على 140 وأتحدى إنه يكون في ذي الحاله

السلام عليكم ورحمة الله وبركاته
شوفوا الbbc ماعطين الأوبترا جائزه أفضل سيار في الاعم وقالوا نوت تويوتا.............نوت هوندا...........إتس شيفروليت أوبترا.

أخوي ريد شفي.

اسمح لي.

تقارن اللومينا الكوبيه لييييييييييش مع اللومينا حقتنا ؟؟؟؟؟؟؟؟

الشاصي غير كليا.

غير انه فيها سلامه و أثقل من اللومينا العاديه :rolleyes:

و اسئل أي واحد.

اللومينا أس أس السيدان تروح على الكوبيه لأنها أخف.

آخر فضايح شركه هولدن شفرليت :

تدرس شركه هولدن في استراليا سحب وكاله دايو اللي تملكها شركه GM من استراليا لقله المبيعات و تزايد تكلفه تشغيل وكالاتها.

وكذلك عدم اجراد سيارات دايو تحت علامه هولدن لخوف الشركه من تأثير المبيعات بسبب قلت جوده سيارات دايو و خوف شركه هولدن من تأثر سمعتها في استراليا.

وطبعا يلاحظ انه في الشرق الأوسط دخلت وكاله دايو بسرعه البرق تحت شعار شفرليت لأن أكثر الناس في الشرق الأوسط و للصعوبه القسوه ما يقدر يشغل مخه أكثر من بعد ما يشوف علامت شفرليت.

ولا أحد يزعل منا.

لأن الحين يعاملون استراليا باهتمام بينما احنا الطش فلوس وبسرعه.

وهذا اللنك حق الخبر :

http://s3.invisionfree.com/Sportsca...hp?showtopic=13

و آسفين على الاطاله. :anger:

وادعوا متى الناس يصحون شوي.

الشفر من قبل 96

الحين صار ما يسوى.

انت ما سمعت بالبدي الماص للصدمات

انا اقول ان بدي الكامري او المكسيما الضعيف افضل من بدي القوي سواء لل GM او غيره ما ودي اتكلم في الموضوع هذا لاني تعبت من اعادته اقرأ عن البدي في النك هذا وانت تعرف اضغط هنا

السلام عليكم ورحمة الله وبركاته
قريت موضوعك من قبل، بس قولي الصلابه الإلتوتئيه في الهيكل تتوافر في الكابرس واللومينا أو لا؟:think: