بسم الله الرحمن الرحيم

السلام عليكم ورحمة الله وبركاته

الشباب في سوالف وكل المنتديات حاطين على اللومينا والكابرس والGM بشكل عام كأن مافي سيارات غيرها، وكل الكلام عن اللومينا والكابرس يؤدي إلى إن اللومينا أخس سياره ومشاكلها كثير ومافيها ثبات وأمان، وآنا متأكد إن 70% من اللي يقولون هالكلام ماجربوا السياره، والشباب يقولون إبعد عن شي الGM حاطة يدها فيه.
يعني ماتدرون إن الشركه كانت ولازالت وبتكون أكبر صانع سيارات في العالم؟
يعني هل كل اللي يشترون سيارات GM أغبياء ومتخلفين؟

إذا الGM شركه فاشله بشنو تفسرون مبيعاتها، وشلون صارت أكبر منتج سيارات في العالم، وشلون ناجحه في أوروبا والشرق الأوسط؟

لوتقارنون مبيعات الGM بأي شركه مابتكون منافس لها من الدرجه الأولى، لو GM كانت فاشله خل نقول على صعيد الشرق الأوسط مو العالم، شلون بتنزل الكابرس واللومينا وهي تدري إنهم فاشلين ومشاكلهم كثيره، لوكان الكلام صح كانوا تفادوا المشاكل ومانزلوهم من أصل، والدليل على نجاحهم إن المبيعات في زياده والمنافسين تعبوا منهم، اللومينا الموديل الأخحير إنتشر أكثر من الموديل السابق وخاصه طرازات السته سلندر، يعني موتقولون إن السياره فيها سرعه من جذي إنتشرت، في واحد يقدر يعطيني سياره بمواصفات الكابرس واللومينا والأوبل والساب بأسعارهم، حتى الكاديلاك مواصفات أكثر من التيوتا430، وسعره أقل بس مب ماشي عندنا.

السيارات اللي تابعه للGM أثبتت وجودها، حتى الدايو( مع لإني أكرهها) ماشيه، والدايو اللي نزلوا بشعار شفر نجحوا وإنباعوا، ومبيعاتهم معقولع بالنسبه لهم، آنا أول مانزلوا توقعت إن مابيعون إلا كم وحده، لكن أحين أشوفهم منتشرين كفايه كدايو.

يعني ليش حاطين على الGM مافي شركات تصير عندها أعطال غير، ليش يوم كرايسلر إسحبت سيارات ماتكلمتوا(يمكن لأنها مشتركه ويا البنز)، يوم عبدالله هاشم سحب الهوندا أثنيتوا عليه وقلتوا شي جيد، ليش ماقلتوا إن الهوندا يصير فيها عيوب، النيسان مؤخراً سحبت كم طراز وهم محد تكلم، لكن إذا تبون تصير ضجه قولوا الجميح سحب كابرس أو لومينا أو جمس، وشوف الردود شلون تنهال عليك واللي يسب ويلعن في الGM ويقول هاذي شركه الخراب.

آنا أنصح اللي ماخذ موقف من الGM يفكر عدل ويحسبها صح، ويطالع الشوارع شتقول، يعني سيارات بإنتشار الجمس والكابرس واللومينا بتكون فاشله، لوفاشله كان محد شراها.
وإخيراً إعذروني على الإطاله ونبي تفاعل ويا الموضوع والكل يبدي وجه نظره سواء كانت مع أو ضد.

السلام عليكم ورحمة الله وبركاته
شي ثاني، اللي يقول اللومينا مافي ثبات خل يشوف ذي الرابط
وشوفوا الHSV اللي أقوى من اللومينات اللي تنزل عندنا وشوفوا ثبات السياره.

مشكور اخوي على الكلام الحلو وانا معاك في الكلام الي قلته 100%
;)

السلام عليكم ورحمة الله وبركاته
العفو إخوي Mr_CoRvEtTe
وشباب اللي عنده راي أو شي زود يتكلم.

يجيب الله مطر




تبي الصراحه مو بس الشفر الامريكي كله متخلف يهتمو بقوة المكينه وينسوو الاشياء المهمه




روح شوف سيارات الياباني الي طول عمرنا نسخر عليهم والله انها افضل من الامريكي يكثير

وشوف اللماني ياعني عليهم هذوله الي فيهم عقل بحق وحقيقي

المشكله عندي:rolleyes:

اني ماخذ موقف من هولدن مو GM


و الشي الثاني:rolleyes:



اني عاشق فورد:p


;)

السلام عليكم ورحمة الله وبركاته

من وجهة نظري أن أغلب الناس ,,,

ياخذون السياراة علشان ..
1- الشكل ...( الGM ) اشكلها منسابة جداً..
2- السعر .. ايضاً... ال GM أسعارها مناسبة لجميع الفئات .. أو خلنا نقول رخيصه نسبياً..
3- السعة .. ( الحجم).. والي هي متوفرة في الGM

ولو تلاحظ اليباني والاوروبي .. ماتحصل فيهم هذي الصفه ..

وهي من أهم الصفات عند العرب .. لأن عوائلة أكبر من غيرهم


ولكن يتركون الجوانب الأهم ,,, مثل الجودة... السلامة ... والثبات ...


على فكرة ... هذا اكلام من واقع تجربة ....

وتظل وجهة نظر

السلام عليكم ورحمة الله وبركاته
أشكركم شباب على التفاعل ويا الموضوع.

فوردLX ليش الأمريكي متخلف، هل يعني مافيه تقنيات أو مافيه مواصفات، اللومينا والتورس مواصفاتهم وشكلهم أحسن من الاياباني، وماأظن أحد يقدر ينكر.

إخوي bashar_255 ماقلت ليش ماخذ موقف من الهولدن.

إخوي FSM نسيت إن الأمريكي أحسن موتر للكرف، والدليل الكوابرس موديلات الثمانين لو تسوي فيه اللي تسويه مايقول شي، والمواصفات بتدوا يهتمون فيها أحين يعني أشوف إنه كامل من جميع النواحي من جوده وأمان وثبات.

السلام عليكم ورحمة الله وبركاته
على صعيد ثاني GM وقعت عقد مع أكبر شركه تأجير سيارات وهي إيفس، والعقد يشمل بيع 35000 سياره على مدى 5 سنين بمعدل 7000 سياره في السنه، وذي دليل على نجاح السيارات، يعنو لوكانت مب ناجحه كان ماكلفت إيفس نفسها كلفه تصليح 35000 سياره.

أول شي مشاكل القير ...

كل اللى ياخذو السياره حق يتسابقو بها اللى اعرفهم يسبو و يلعنو فيه و لإذا اخترب خارج الضمان يقول لك لاعب في السياره

انا صار لي سنه و مافي حركه ما سويتها في البيجو لعبت بقيرها لعب اجيب السفتي للقير يومياً صبح و مسا سنه كامله ما قالت آه

ثاني شي هجينه...

علشان عليها ls1 لازم تنزل الخليج و مطبوع عليها شفر

ليشششششششششششششششش:p

لأن الناس ما يعرفو الهولدن و يبيلها وكلا زياده و لزقو عليها طابعة شفر ارخص


ثالث شي الأكزوز سستم....

اخس قزوز سستم شفته في حياتي

و اسأل الشباب اللى غيرو اللإكزوست تبعه كيف شافوه و كيف الفرق

رابع شي المشاكل الجانبيه اللى نسمع عنها...

واحد احترق عليه المكيف و هو يسوق:eek:

واحد دابت عليه قطع من الديكور في الشمس...

واحد مدري ايش

ليش كذا ؟؟؟؟ انا مو شاري سياره وكاله ولا كيف الطريقه يعني؟؟؟؟؟

و المفروض انها امريكي

و اذا على الثبات شباب انا ما اعترف بسياره دفع خلفي فيها ثبات الا لما تعدي الميه:rolleyes:



و السلام،،،،

السلام عليكم ورحمة الله وبركاته
يابشار اللإقزوز سستم آنا معاك، وذي لأن النظام لين واحد مولينين، وعن قطع الديكور آنا أشوفه مناسبه وجداً لسياره أمريكيه، ولانسينا اللومينا الفان (السياره من داخل بس بلاستيك ومخمل)، لكن في الكابرس أحين الرويال فيه شاموا وجلد وخشب( شتبي زود على سياره بهالسعر، والمكيف ماقط سمعت عن بنز أو BMW وحتى تيوتا المكيف يخرب، إحنا عندنا ورشه كهرباء سيارات وتمر علينا جميع أنواع السيارات بدون إستثناء(حتى الرولس مر علينا) وكلها تصير فيها مشاكل المكيف، وأكثر السيارات لازم تبدل كمبريسور، لكن إذا الألماني والياباني مافيه مشاكل فذي صعبه، أتحدى أي واحد( أكرر أي واحد) يقولي إسم سياره مافيها مشاكل( لو كانت شنو حتى الرولس اللي بمليون ريال يخرب).

السلام عليكم ورحمة الله وبركاته
ملحوظه ثانيه، مكيف الكابرس واللومينا أفضل وأقوى مكيف شفته، بارد ودفعه قوي، وحتى الآن مامر علينا كابرس أو لومينا فيه مشكله في المكيف.(طبعاً من 2000 ورايح)

شوف سياره بريالين في السوق زي....






بيجو 206!!!!!!!!!!!!!!!!!!!!!!

محد اشتكى منها خير شر في الوكاله



المهم اخوي


الناس في الأمريكي حزبين



ما تقدر تقنع واحد بأفضلية الثاني بس في احترام متبادل












بس هولدن ما لها احترام

ايش رايك في الصوره معبره

مو

السلام عليكم ورحمة الله وبركاته
أقولك موحزبين آنا أحب الشفر والفورد والدوج والأوروبي.
والهولدن لها إحترام وصوره الكمورو تثبت إحترام الهولدن، شوف مكتوبLS1 وذي معبره أكثر صح.

10 سنوات و المقصات حقت الكابرس تنكسر و تصير حوادث للعالم و ناس تموت و تقولي جودة الشفر ممتازه !!!!!!!!!!!!!!!!!!!!!!!!!!!!

الكابرس من موديل 80 الى موديل 90 دايم تشوفه طايح على جمب و المقص مكسور ولا تشوفه صافق في صبه ولا صادم سياره و السبب ان المقص ينكسر عمري ما شفت سياره ينكسر فيها المقص و تقولي جوده اي جوده الله يرحم جميع المسلمين ؟؟؟؟؟؟؟؟؟؟؟؟؟؟؟

والله بصراحه..ان الشفر الجديد جدا تعبان..ومشاكله كثيره..وروح شوف الورش والوكاله..وانواع الخرابات..


وخاصة اللومينا...يبغالك يكون عندك مثل قيمتها عشان تصلح فيها بعد 3 سنوات..



شكرا لك

السلام عليكم ورحمة الله وبركاته

مافهمت قصدك إخوي إنفنتي بكلمه المقصات

العفو إخوي ولد الخبر، بس لو فعلاً المشاكل منتشره كان الناس وعوا لأن السياره نازله من قبل ال2000 ومايصير 4 سنين والناس منغشه فيهم، عندنا في البحرين مبيعات الكامري تنزل والأكورد واللومينا والماكس في إزدهار، تدري ليش؟ لأن اللي جربوا الكامري عرفوا حقيقته وإبتعدوا عنه، لكن اللي كان عنده لومينا 2000 بدله وخذ 2003.
والوكاله تصلح الخراب اللي في الموتر على الضمان، وآنا من قبل قلت صديق إخوي بدلوا له مكينه كامله بدون مايخذون ولافلس، فبتدفع كم عشان تصلح؟

اخوي ريد تشيفي...انتشار مبيعات سياره لايدل على جودتها....وهذا لا يعتبر مقياس...وبعدين تويوتا ولكزس اخذت من المراكز الاولى في السيارات الاعتماديه وقلت الاعطال..


وبعدين ..




لو الومينا الاستراليه فيها خير..كان ماوردوها لنا ..وهم اتحدا اذا يستعملونها...هم يستعملون الومينا الامريكيه تحت مسمى بونتياك...






SIZE=4]ممكن تفسر لي..ليه ماوردوها لامريكا...يعني يحبوننا؟.؟؟؟[/SIZE]
اكيد لانها لاتمثل جودة الشفر..وانما سياره صممت للخليج وعقول الخليج...اللي تجري وراء سيارات ..مقنعه..باسم شركة كان لها ماضي...[

السلام عليكم ورحمة الله وبركاته
إخوي ولد الخبر بشنو تفسر لي إن اللومينا الكوبيه تصدرت لأمريكا، ليش ماصنعوا سياره غير وسموها أي إسم، اللي تنزل في أمريكا بإسم بونتياكGTO هي نفسها لومينا كوبيه، يعني الGTO مصممه لخداع الأمريكيين واللعب عليهم.

وسيارات الهولدن تتصدر لنا تدري ليش، لأن الكابرس القديم إنخفضت مبيعاته بشكل يخلي GM توقف إنتاجه، ونفس الشي حصل مع الكراون فيكتوريا، وذي إن دل يدل على الطلب المتنامي في السوق الخليجيه على هالنوع من السيارات.
يعني تبي GM تصنع الكابرس وتنزله بس في الشرق الأوسط.

وشي ثاني، إذا إرتفاع مبيعات سياره لايدل على جودتها، آنا معاك في جزء من الكلام، بعض السياراتت إرتفاع مبيعاتهم بسبب سعرهم الرخيص، وبعضهم لمميزاتهم وبعضهم لقله مشاكلهم، وآنا أشوف إن كل المميزات ذي متوفره في الشفر.

RED Chevy
هذا هو المقص



لو في اي مراقبه للجودة ما صارت 10 سنوات و المقص ينكسر و الاخوان في GM نايمين .

دام ان العرب يشترون ماهمهم اي الا المردود المادي .

انكسر عليك المقص توفيت طحت من فوق كبري كله واحد عندهم وهذا اللي صاير الحين في اللومينا و الكابرس.

اضيف نقطه من عرفت الشفر الى هذا اليوم ماعرفوا يصنعون قير زي العالم مستحيل يعيش قير الشفر 6 سنوات من سابع المستحيلات لو انك محافظ عليه مايعيش اكثر من 5 سنوات وين الجوده ؟؟؟

من المعروف ان الكابرس حق شركة هولدن هو بس فقط للخليج...
...






من قال انهم يلعبون على الامريكيين..الامريكيين اكبر من كذا..ومن قال لك ان اللومينا هي نفسها اللي عندهم...حبيبي ..هذا بس تشابه اشكال...اللي عندهم امريكيه 100 في الميه..يعني مايستنون هولدن تجمعها لهم ...وتحط لها خامات اي كلام...



مافهمت قصدك يوم تقول نفس الشي حصل مع الفكتوريا...بالعكس الفكتوريا مبيعاته خياليه....في الخليج...وان قلت المبيعات في عام 2004 ...فهذ بسبب تخوف الناس من تغير الشكل في 2005...


وبعدين الفكتوريا افضل من الكابرس الهولدن بمليووووون مره من ناحية الخدمه والجوده..

والرااااحه

السلام عليكم ورحمة الله وبركاته
والله إخوي مومتأكد منها، الصوره مو واضحه بس يمكن جامبينات.
بس تعرف إسمها بالفصحى أو بالإنجليزي؟

السلام عليكم ورحمة الله وبركاته
شي ثاني إخوي إنفنتي، ماأظن أحد جرب الكابرس مثلنا، كان عندنا واحد موديل82، وإخوي خذ 3 موديل83(طبعاً يشتري ويبيع)، وخذنا 2موديل88، وواحد موديل 96، والصافي حالياً 2سود واحد2004 والثاني87، وولا واحد منهم كام طايح على صوب.