هدي اعصابك اخوي ريد تشيفي....


الكامري الياباني موديل 97 كان يتجمع في اليابان وكان سعره تقريبا 50 الف ريال...


بالنسبه للكامري 2004 التقنيه فيه اعلى وشكله اكبر وافخم من الداخل لكن مع ذلك السعر لم يتغير تدري ليش...لانهم صاروا يجمعونه برا اليابان..

يعني لو كان الكامري الجديد بهذي المواصفات يصنع 100 بالميه باليابان كان بتلاحظ الزياده في السعر..


وبعدين وش عنده الحاج ريد تشيفي...ومن قال لك ان المرسيدس المصري اسعاره مثل المرسيدس الياباني؟؟؟؟

اذا كان نفس الاسعار...كان ماحد بياخذ المرسيدس من مصر...


اكيد فيه انخفاض في الاسعار....واذا كان الانخفاض ماهو واضح فالخلل يكون من طمع الشركه في الارباح....



تصدق نسيت الموضوع الاصلي



بالنسبه لخرابات السوناتا..عن تجربه مشت معاي 200 الف كيلو..وكنت اقاوم فيها..مكينتها DOHC
وبخاخها تظام ECI-MULTI

ماعانيت معها من اي مشاكل..


سوا اشياء روتينيه..(بواجي-قماشات- سير تايمينق-فلاتر..).


طبعا غيرت الكلتش ومروحة التبريد..فقط...


لكن الليومينا مشاكلها كايده..وانت فاهم قصدي

[IMG]

أخوي سردال لو الياباني جودته عاليه ليش تطلع العيوب فيه؟
إذا التجارب مب دليل شنو الدليل عيل، الصور اللي في التلفزون، والسعر إذا كان سياسات تسويقيه ليش ماينزلون السعر وتزيد مبيعاتهم، لاتنسى المثل اللي يقول إسأل مجرب ولاتسأل طبيب.

أوكي أخوي لو الكامري إنصنعت في اليابان بيكون سعرها أعلى، ليش الأكورد تنصنع في اليابان وبمواصفات أكثر وبجوده أعلى وبسعر أرخص؟

حتى الالماني يطلع فيه عيوب...الا اذا كانوا الالمان مو بشر...كل البشر يغلطون..







السوناتا موجوده من زمان في السوق..فكيف تسرق من اللومينا..

السلام عليكم ورحمة الله وبركاته
أخوي وفي شركه في العالم مافيها مشاكل أوعيوب، حتى الرولز والمايباخ ممكن تحصل فيه مشاكل.
خليتني أرد غصب آنا كنت أبي يكون الرد رقم600 في موضوعي.

يعجبني نقاشكم

أخي الكريم، كل الشركات لديها عيوب، ومن يقول غير ذلك يكون غير منطقي وتحكمه العواطف، هناك دراسة كنت أتابعها في السنوات الماضية لا أذكر اسمها، يحصون فيها عدد الأعطال لكل مئة سيارة خلال السنوات الثلاث الماضية، وتظهر النتائج دائماً أن تويوتا ولكزس تحصلان على إحدى المراكز الأولى في معظم الفئات، وتأخذ الدراسة أيضاً آراء آلاف مستخدمي السيارات، ليس واحد أو إثنان أو حتى مئة بل آلاف.

بخصوص سياسات التسعير، مرسيدس تستطيع أن تطرح سيارتها S320 بسعر 100 ألف ريال أو درهم وتربح فيه الشيء القليل، لكنها لن تفعل أبداً ذلك، لأنها لو فعلت فستؤثر على صورة مرسيدس المتمثلة في سيارات فخمة وغالية الثمن، السعر يؤثر على صورة الماركة، لذلك قامت تويوتا بإنشاء ماركة لكزس لكي تكون السيارة الفخمة، لأن سيارات تويوتا من المفترض أن تكون رخيصة الثمن وغير فخمة، هذا هو تصور الناس عن تويوتا، لو طرحت تويوتا سيارة LS430 تحت ماركة تويوتا ربما لن يتقبل الناس شراءها لأنها تويوتا ولا تستحق هذا السعر، هكذا يتصور الناس.

ملاحظة مهمة: أنا لا أدافع عن تويوتا أو عن السيارات الكورية وليس لدي أدنى تعصب لأي شركة في العالم، في النهاية كل السيارات لدي مجرد سيارات لا أكثر، فقط عندما أشاهد بعض الردود غير المنطقية أرد لكي أوضح الأمور كما أراها منطقية.

السلام عليكم ورحمة الله وبركاته
آت=نا معاك اخوي سردال إنها تقدر، وهي بالفعل تسوي هالشي، لوتلاحظ البنز أسعره أرخص من الbmw في أغلب الفئات، وبعض الفئات يكون الفرق كبير، مثلاً الE-CLASS يبتدي ب16000 والBMW 530 ينباع ب23000 والML ب16000 والX5 ب19000، والبنز لو نزل الS ب10000 بيخسر الربح لأن مثل ماتعرف الوكيل يضرب ضربته في السيارات الغاليه، وإنت صاج إن اللكزس ماكان بينجح لوكان بشعار تويوتا، عطني أي واحد مجنون بيشتر تيوتا غير اللاند بأكثر من 14000، لكن سياسه تيوتا التسويقيه بتبديل الشعارات نجحت وضربوا على الناس، لوتلاحظ موديلات اللكزس كلها تيويوتا معدله، وذي يبين أكثر شي في الES والLX كامري وكروزر معدلين على خفيف، وكراسي اللكزس مافي بينهم وبين كراسي الVXR أي فرق بس سالفه كماليات ولعب على الناس، يعني الفرق بينهم لايذكر وشوف اللكزس أغلى بكم.

السلام عليكم ورحمة الله وبركاته


بصراحة انا مادري ليه انتوا معصبين وزعلانين......الموضوع مايحتاج له....

شوفوا .......

الكوري صاير في اذهان الكثير من الناس انه سئ....مو عن تجربة سابقة مثلا .....لا عن طريقة تفكيره......هذا كوري يعني سئ....طيب ليه كذا؟...الصناعة الكورية نجحت بمختلف انواعها....مثلا سامسونج وال جي......اتحدى احد يقول مانجحت مثلا في الجوالات والتلفزيونات وباقي الاجهزة.......

طيب سوناتا سيارة كورية......السؤال هنا ايش الشي المفيد فيها؟...اولا هي سيارة كرف وشوفوا الليموزينات يستعملوها بكثرة....ثانيا سعرها حلو بالنسبة لمواصفاتها......يعني بالعقل اخذ سوناتا درايش اوتو وماكينة 2.0 وحجمها كبير ومريحة وسعرها 39 ولا اخذ كورولا كل شي يدوي وماكينة 1.3 والراحة اقل بسعر 44 الف عشان بس انها تويوتا؟والسوناتا الي بسعر 45 الف فيها جنوط وكشافات واطراف الصدامات كروم وجير تبترونيك وخشب وحساسات بعد......

طيب ايش الفرق بين اليابان وكوريا؟؟....كلهم جنب بعض....حتى اشكالهم مثل بعض....بس الفرق انه تويوتا جاتنا قبل هونداي بـ 10 ولا 20 سنة....يعني المهم بعدها...وصار في عقول الناس انه تويوتا السيارة المثالية والسيارات الثانية لا مو بحلوة خايسة.....

طيب نستعمل شوي عقلنا ونفكر......مو واثق في كلام ناس جربوا سيارة هونداي....طيب روح انت جرب بنفسك......تلقاها في محلات الايجار بمختلف الفئات من اكسنت والنترا وسوناتا ومادري اذا فيه شي ثاني......بس لما تجربها لاتتوقع انها لكزس.....وتجي تقول ماهي فخمة....انتوا اسمعوا كلامي وجربوها.......

ومسألة الخرابات انا اعرف ناس كثير عندهم وهي عملية مثل سيارات تويوتا......وترى السيارات نصيب........تلقى واحد عنده بي ام ويشتكي منها وواحد عنده ايكو ومرتاح يعني الموضوع نصيب وقدرك كذا .......

واذا احد قلد احد او اقتبس من احد ترى حنا المستفيدين......يعني مثلا اشتري سيارة تشبه الاودي وسعرها 40 الف شي رااااااائع.....ولا ايش رايكم؟؟

واااااااااااااسف جدا على الاطالة وارجو انه ماحد زعل من كلامي............

كلامك ممتاز و لا ازيد عنه بشئ

للحديث بقيه
بس انا في حالة سفر ما عندي وقت

وتسلمون شباب على التوضيح


ويبقى الكوري شامخا

من خلال كلامك هذا اقدر اقول ان الياباني مافيه اي نوع من الجودة ؟

عارف ليه .؟؟؟ لاني ساقارنه بالالماني الاغلى سعرا على الاطلاق .!!!

بالفعل سيارات هونداي لم ولن يقدرها الا من جربها ...ام غير ذلك فلا ....

رخص سعر الهونداي لا يعني خيبتها او خيستها ...فهي سيارة ولا كل السيارات ...

انا جربت كامري 97 وكسرت ظهري قطع غيار ...اقلها الاقمشة اغيرها بعد 8-10 اشهر ..اما الهونداي فوالله اني نسيت متى اخر مرة غيرت الاقمشة فيها

من ناحية المحرك فانا استطيع به مبارزة ومنازله سيارات اقوى منها واغلى منها سعرا ..

بالنسبة للراحة انا استطيع ان اتحدى بها مرسيدس S320 موديلات 92-98 واقولها دايما واعلن التحدي ومن اراد فليتقدم .....

من ناحية العمللانية فهي افضل من اغلب السياارت ولله الحمد الى الان جربنا عندنا في العائله 5 سيارارات هونداي ولله الحمد عن قناعة وليس من قله المال ......

انا افكر جديا في امتلاك هالسيارة عند نزولها مع العلم اني الان املك موديل 99 ولا افكر بتاتا في تغييرها او بيعها ....


المصيبة انك تتكلم عن الكوري كانه زباله استراليا

ومحرك السوناتا 6 سلندر اثبت جدارته امام المكسما والكامري والكل يشهد ...فلا عزاء للخروف الاسترالي ....

ومن اراد التحدي فليتقدم ....

اسمح لي اقولك وش وش عالراحة اللي في الهايونداي مقارنة بالاس 320 ... احس انك مب صاحي نوعا ما...

وين الاحاسيس اللي تتكلم عنها يوم تقارن بترف الفخامة من مرسيدس بالهايونداي...

لكن هذا يدل على عقدتك الحاقدة على مرسيدس اللي طول عمرك بتم اتذم فيها...

بس مقارنه حلوة تنفع لمستواك يوم انك اتقارن بين مرسيدس وهايونداي... وييييييين تباااااااا؟؟؟؟

يا شباااااااااااب

احد شافني جبت سيرة الفخامة بين مرسيدس وهونداي؟:rolleyes:

هذا قولك يا S8 ,, بصراحة نقاشكم جميل أكملوا أكملوا

بسم الله الرحمن الرحيم

اصلا شئ اسمه كوري انا غاسل يدي منها وخاصه من الكلام الي اسمعه من مجربينها كلها مشاكل

اهلين والله احنه عنده هونداي اكسنت موديل 2001 مااشوفها اختربة او بس غيرنه ليه قمشات وبواجي اشياء عاديه لا في مره ودينها ورشه او الوكاله وقلنه خربانه :rolleyes:

والله حالة


من يقول ان الكوري (خصوصا هيونداي) فيها مشاكل
خلاص الكلام ذا ولا الي غير رجعة


الان تنافس الياباني وبكل ثقة (ويمكن تكون اقل تكلفة منه في اسعار القطع)

طبعا انا ما اتكلم من فراغ (سيارتي سوناتا 2000 ماشية 115000 كم)

وماشاء الله والحمد لله لم تشتكي من مشاكل

اخوي ما سمعت عن عيوب الغولف والباسات في الشبابيك الجانبية
وماسمع عن مشكلة المني كوبر في خزان البنزين
وماسمعت عن مشكلة الاكس فايف في الفرامل
وماسمعت عن مشكلة السوباربن في طرمبة البنزين
وماسمعت عن مشكلة الهوندا في نظام البخاخات
وماسمعت عن مشكلة الماجنا في تنسيم الهوا
وماسمعت عن مشاكل اللومينا في الجير وطرمبة البنزين والفضايح الثانية
وماسمعت عن مشكلة المكسما القديمة في سرعة التفكك (يعني يبغالها تربيط)
وماسمعت عن مشاكل الفورد والكابرس

هذا اللي انا اعرفه
قلي مشاكل الهيونداي

وبعدين مين قال ان ارتفاع السعر يعني ان السلعة افضل
طيب البيجو 607 فيها مميزات افضل من المرسدس C وE و البي ام 330
وسعرها مقارب لها

اسمحلي اقلك لا تحكم على الشى قبل ما تجربه

عدل كلامك ميه ميه وانا اتفق معااااااااااه :anger:

:banana:

هههههههههههههه

من زين مؤخرة الأكورد عشان يقلدونها بدون زعل من احد
:banana:

السلام عليكم ورحمة الله وبركاته
إخوي مجنون بورش: أول شي عنك الجامبينات، وثاني شي شوف نوع المواد اللي داخل( ذي الشي اللي متأكد منه 10000%) أخس مواد بعد الكامري98/2002، ثالث شي الكوري في البحرين سمعته أزفت من الزفت، وإذا عنكم ياخذون الهونداي كليموزين، تعال البحرين وعد لي كم هونداي تكسي( مابيزيدون عن 20)، ثالث شي إحنا كان عندنا وحده مادري شسمها (ماخذينها لمصر)، والمكينه بدون سابق تحذير إنكسرت، وعقب ركبنا مكينه لانسر وعقب مشت تمام، وترى كلامي مو من عندي آنا أتكلم من اللي سمعته من الناس ذاقوا المر منها، في ناس متحسفين قد شعر راسهم لأنهم خذوا هونداي( ووكيلهم أخس وكيل) وشوف شباب الأمريكي شقالوا عنها.( ولاتقولون لي أسامي، أعرف بس أساميها لكن أشكالها لا).

إنت شوف ردي، قلت إنها أحلى من مؤخره الأكورد، ومافي زعل كلنا إخوان.

بالنسبة للراحة انا استطيع ان اتحدى بها مرسيدس S320 موديلات 92-98 واقولها دايما واعلن التحدي ومن اراد فليتقدم .....
============================


اخوي S8 معليش خليني اضغط عليك هنا

ممكن تقلي كيف حتسوي التحدي هذا ؟؟؟

عارفين القوة ===> الميدان يا حميدان

بس الراحة :think:

يعني حتجيب عجايز وتقعدهم في السيارتين وبعدين تسوي تصويت ايت اريح ؟!!!

يعني كذا ولا عندك طريقة او طرق اخرى

يعني بلييز ممكن توضح اكثر او تكون اكثر وضوحا لو سمحت

اكلبس