السلام عليكم

اخوي 902 ..

اذا كان هدفك الافلام بدرجه اولا فا انصحك انك تشتري سماعات جاهزه مرره وحده بس المشكله السعر المرتفع ..

طيب انت كم ناوي تحط ؟؟

لو كان عندك معارف في جده في محل هناك مشهور نسيت اسمه الزبده انه يجيب الماركات الامريكيه المحترمه لان جاري شاري من عندهم ..

ابيك تسأل لي عن اقل سيستم يتكون من 5 سماعات و سبوففر من ماركه

M&K طبعا اقل وارخص سيت متكامل ..

في امريكا اعتقد سعره بين 6000 الى 10000 ريال يمكن ..

ولكن انا قريبي كان عنده سماعات B&W حق اغاني بس وكان يبدلهم بين فتره وفتره مع المحل يعني يرجعه وياخذ موديل افضل مع زيده السعر ..

فا انت لو تسالهم يمكن يكون عندهم مستعمل ..

وصدقني احسن سماعات سمعتها في حياتي في الافلام هي M&K خصوصا انها THX مصدقه من عندهم ..

وايضا كان لها قدره خارق وجوده مقبلوه جدا جدا في تشغيل الاغاني ..


طبعا فيه احسن بس خلينا على هذا المستوى افضل ..

فا انت حاول تدور مستعمل يمكن تحصل صيده محترمه وبسعر مناسب ..


==============


بالنسبه للمواقع راح اعطيك اياهم لما يوصل النيت للبيت لانهم في جهازي ...

==============

كروس اوفر ياماها ؟؟

طيب هو Passive ولا Electronic ؟؟

لانه اذا كان Passive فا ما راح تستفيد اي شيء لان كل سماعه لها ترددها الخاص وفلاترها الخاصه ..

=============

بخصوص مضخم الكينود 100 ضرب 5 فا هو ممتاز جدا جدا وعجبني الصراحه ..

حتى اني قارنته مع Karmen Harmen الامريكيه واللي هي تسوي JBL وكان المضخم 110 واط ضرب 5 وللاسف الكينود كان افضل بكثير وارخص بكثير ايضا ..

يعني الهارمن قوه ولكن بدون جوده ونقاء ..


شوف انت اذا بغيت تشتري مضخم لازم تراعي مشكله الاوم لانه مثلا الهارمن ما ياخذ الا 12 و 16 اوم فقط يعني لو تجيب سماعات البوس راح يخربون المضخم ..

حاول تاخذ مضخم يستقبل بين 8 الى 16 اوم ..


===========

بخصوص كروت كرياتف 16 بت او 24 بت فا مستحيل ان تصل الى مستوى الاجهزه المنفصله طبعا الماركات المعروفه وليست الصينيه المنتشره في السوق لانها بالتاكيد سوف تكون افضل ..

يوجد كروت صوت افضل من كرياتف وتكون ايضا افضل من الاجهزه المنفصله امثال :

Echo
MA Audio

ااااا والله نسيت البقيه ... المهم انها غاليه حيل لانها حق انتاج الصوت ..



================

الاخ GTO Burner

والله انا ما اقدر اتكلم لانك قلت لي ان الصوت يطلع حتى مع السيديات الاصليه !!!

ومضخمات كينود ما اخبر ان فيها مشاكل من هذه النوعيه !!!

يعني الصراحه لازم اسمع واشوف علشان احكم ..

حاول توديها حق اي فني يمكن يعرف المشكله ..

===============

اخوي M.A.M

افففففففف والله طفشت فلوسي كلها على المقاهي يمكن الحين دفعت قيمه الدي اس ال وزياده ..

هم سريعين مرررره حتى خويي وصلو له كل شيء ولكن المشكله انها صارت في اسلاك يعني تحت الارض الشغل !!!


اما بخصوص MP3 فا ماراح تفرق الجوده سواء حولتها الى اوديو ولا خليتها بنفس الشيء ..


وال CD-R و CD-RW لا فرق بينهم في الجوده ما دام انهم من نفس الشركه ..



مممممم هذا غير صحيح كلهم نفس الشيء سبب وجود هذه السيديات فقط لانه توجد اجهزه لا تقراء CD-R العادي ..



اذا كان السيدي من ماركه محترمه فا لن يتضرر بشيء وعندك حوالي 1000 مره تمسح وتكتب عادي ..

اخوي Nas

بخصوص الوففرات فا انصحك انك تاخذ 2 ابو 10 انش ..

السبب انك راح تزيد cone area وهذا يزيد قوه الصوت اكثر ..


اختيارك كله تمام التمام ولكن المضخم حق السبوففر ضعيف وايد !!!

يعني انت تبي تشغل مضخمك على 2 !!! يعني يمكن 150 واط اذا مرررره وصل للوفرر الواحد ..

انصحك انك تاخذ لك مضخمين يعطون 200 الى 300 واط RMS ..

او تاخذ واحد قوي ابو 600 واط مثلا وتوزعه على الاثنين ..

انت ايش الحمل اللي رايح تاخذه للوفففر ؟؟ هل هم مخيرينك ؟؟

يعني 4 اوم ولا 6 اوم ولا ايش بالضبط ؟؟



على فكره انت من الامارات ؟؟

اذا كنت قريب من عندي انا في الشارقه الصراحه ودي اسمع صوت وفررات JL لاني ما عمري سمعتها ابد ..

بخصوص الصناديق لا تخلي المحل يسوي لك الوفففر لانه يمكن ياخذ فلوس كثير ..

انت قول لي وانا راح اعطيك مقاسات محترمه تخلي الوففرات تتحرك صح طبعا يفضل انك تسويه عند ننجار عادي يمكن ياخذ 150 درهم ..

وبعدين بقيه الفينيشينج عليك مثل تغطيتيه بمخمل او ما شابه ..


تحياتي للجميع ......

الشباب ماقصروا بس ناخذ رايك ايضا

http://www.swalif.net/sforum1/showt...threadid=185408

والله ما قصرتو فيكم الخير...

المهم بركب الا مبيلفاير على الصندوق انشأ الله يتحسن الصوت واردلكم.
شكراا

نحول على سيستم جديد... وهو كالتالي:

السماعات الأمامية:

Infinity Reference 6800cs
Reference Series 6"x8
Component Speaker System



Key Features:
Plus One+ polypropylene woofer
hi-roll rubber surround
edge-driven textile dome tweeter
2-way external crossover network (18 dB/octave, 3,500 Hz high-pass and low-pass)
frequency response 49-21,000 Hz
power range 2-90 watts RMS
peak power handling 270 watts
sensitivity 92 dB
top-mount depth 2-7/16"
1-year warranty

$159.99

السماعات الخلفية:

Infinity Reference 9603i
Reference Series 6"x9" 3-way Speakers



Key Features:
Plus One+ polypropylene woofer
hi-roll rubber surround
textile dome tweeter
textile dome supertweeter
frequency response 46-21,000 Hz
recommended power range 2-100 watts RMS
peak power handling 300 watts
sensitivity 92 dB
top-mount depth 3-5/16"
1-year warranty

$119.99


السبووفر: إثنين من التالي:-

Infinity Kappa Perfect 10.1d10" Dual 4-ohm Voice Coil Subwoofer




Key Features:
aluminum cone
high-roll butyl-rubber surround
massive cast-aluminum basket
dual 4-ohm voice coils
suitable for free-air use (handles up to 175 watts in free-air applications)
recommended power range 75-350 watts RMS (175 watts per coil)
peak power handling 1,400 watts
frequency response 18-200 Hz
sensitivity 94 dB
top mount depth 5-3/4"
sealed box volume: 0.6 cu. ft.
ported box volume: 1.0 cu. ft.
Recommended Box Type: 1, 2
3-year warranty

$279.98



الصندوق:

Q-Logic QLH-1.0010D
Type 2 Dual 10" Hatchback Box



Key Specifications:
for two 10" subwoofers
1.0 cubic feet internal volume (per sub)
dimensions:
width: 31-7/8"
height: 14-1/4"
bottom depth: 13-1/2"
top depth: 7-3/4"
1-year warranty

$99.99

مضخم السماعات:

Audiobahn A4004T 50W x 4 Car Amplifier



Key Features:
50 watts RMS x 4 at 4 ohms
100 watts RMS x 4 at 2 ohms
200 watts RMS x 2 bridged output
4-, 3-, or 2-channel operation
Tri-Way capable
MOSFET power supply
requires 8-gauge power and ground leads — wiring and hardware not included with amplifier
two 20-amp fuses
50-750 Hz high-pass/50-120 Hz low-pass crossover, 18 dB/octave
separate, selectable bass boosts on front and rear channels (+18 dB at 50 Hz)
variable (20-50 Hz) subsonic filter
cooling fan
cobalt blue illumination
speaker- and preamp-level inputs
11-5/16"W x 2-7/16"H x 11-3/4"D
1-year warranty

$279.99

مضخم السبووفر:

Audiobahn A4002T 100W x 2 Car Amplifier



Key Features:
100 watts RMS x 2 at 4 ohms
200 watts RMS x 2 at 2 ohms
400 watts RMS x 1 bridged output
stereo or bridged mono output
Tri-Way capable
MOSFET power supply
requires 8-gauge power and ground leads — wiring and hardware not included with amplifier
40-amp fuse
50-750 Hz high-pass/50-120 Hz low-pass crossover, 18 dB/octave
18 dB bass boost at 50 Hz (switchable on/off)
variable (20-50 Hz) subsonic filter
preamp outputs
cooling fan
cobalt blue illumination
speaker- and preamp-level inputs
11-5/16"W x 2-3/8"H x 10-7/8"D
1-year warranty

$249.99

التكلفة الكلية حتى الآن مع الخصميات 1288$...

المسجل:

Kenwood DPX-MP4030 CD/Cassette/MP3 Receiver

US$325.00 سعره في النت بس عندنا بـ 1000 ريال فقط..

يعني الشغلة كلها أبو 5830 إلى 6000 ريال فقط...

بصراحة يبغالي خطة خمسية حتى أدبر هذا المبلغ....
بس عطونا رايكم....
وبالنسبة للأخ DDesigns
هل ممكن تعطيني طريقة أشتري بها هذه القطع علما بأن موقع Crutchfield ما يوصل؟؟؟
وكم تتوقع تكاليف النقل؟؟؟


تحياتي للجميع...

أخي IMPALA SS '96، أنا شفت موقع crutchfield و على ما أظن انهم ما يشحنون خارج أمريكا:anger:

ممكن تتأكد من الرابط التالي:

http://www.crutchfield.com/international.html

أنا شريت 4 سماعات infinity من الebay و هم في الطريج
كلفني الشحن حوالي 89$

ناوي احط 5000ريال خلال سنه من الان
ادري سعر بايخ مرررررررره

======================================
سماعات M&K
ماركه محترمه جداً ولكن السعر غالي
بالنسبة لي

بس اذا كان فيه مستعمل ممكن
واكيد لو لقيت مستعمل بشتريه

======================================
كروس اوفر ياماها

مع الاسف Passive

هل يستحق 600 ريال

======================================
بالنسبه للمضخم مايهمني كم واط

اهم شي ال BASS يكون قوي

وانا اخطط اني احط ووفرين

ويمكن اشتري امبلفاير منفصل لل BASS

======================================
كريتتف ال 24 بت DVD Play back




وهو مصدق من THX الكرت الوحيد

The only certified sound card with exclusive Creative THX® Setup Console that provides accurate audio calibration for a precise speaker listening environment
قيمته 700 ريال اغلى من مشغل ال DVD المنفصل

لا تحطمني في جودتها

لاني ناوي اركب السستم على كمبيوتر واشبكه على بروجيكتر مستقبلاً
او LCD VGA

اخوي
DDesigns

وش اسهل طريقة اركب فيها بطاريتين بدون ماتحترق الاسلاك

اذا شغلت السياره

:rolleyes:

السلام عليكم


ممممم غريبه انا كنت كتبت رد من اول والان احتفى !!!!!!!!

والله ما لي خلق اكتب من جديد زهقت .

عموما اخوي 902


بخصوص كرت كرياتف الجديد اخر واحد هو ممتاز في العرض ولكن ليس في التسجيل ...

طبعا صح كلامك فا هو الوحيد في العالم المصدق من THX ..

لا انصحك انك تسوي هذه الطريقه اللي في بالك لان احس ان فيها مشاكل كثيره لاني حاولت في يوم من الايام اني اسويه في كرت Audigy 1 ولكن للاسف لم استطع ان اجعل الصوت 100% ديجيتال 5.1 او DTS دائما يكون Pro Logic وهذا لن يفيد ابدا ابدا ..


اما شغله البروجيكتور فا ايضا ما انصحك اذا كان دخلك شوي بسيط لان البروجيكتور يحتاج الى تغير عدسه العرض كل 2000 ساعه وتقريبا سعرها نفس الشيء يعني تحط ريال كل ساعه علشان ما تتوهق اخر شيء ..


اما بخصوص شبك بطاريتين فا ما انصحك فيها اذا كان عندك دينمو تعبان يعني 70 امبير مثلا لانه راح يخرب ويحترق وتحتاج الى دينمو جديد ..


اما
ريقه التشبيك فا تكون على التوازي يعني كانك تسوي اشتراك شحن لبطاريه السياره يعني السالب مع السالب و الموجب مع الموجب ..

وراح يعطيك امبير عالي جدا جدا ولكن سوف تتوهق في عمليه الشحن .. لان الدينمو راح يشحن بطاريتين في نفس الوقت وهذا يؤدي الى موته ..

ولكن يوجد حل ما ادري راح تحصل القطع اعتقد اسمه Isolater وهو قطعه تركبها بين البطاريات تخلي الدينمو يشحن بطاريه وحده بس ولما تصير فل يتحول الشحن على البطاريه الثانيه ..

بس دير بالك تشبك اسلاك البطاريه على التوالي لانك راح تحرق الدنيا كلها وترحق المضخمات وكل شيء لان الفولت راح يكون 24 فولت وليس 12 فولت ..

تحياتي ..........

DDesigns


مشكور وماقصرت

انا امس جاي من الخبر ورحت محل صوتيات في الخبر وبالتحديد سوق الراشد :rolleyes: <<<<<يعلم انه رايح من الشرقيه

وكرهت الموظف من كثرة الاسئله :anger:

لقيت ماركه انكوي ومداحها كثير

والياماها موجودة بس انصدمت من الاسعار..

فا وش رايك

ومشكور مقدماً

M.A.M وكل من ركب سستم في السياره

التفتيش :

اليوم طلبو من افتح الشنطه وشافو اللوفر وقالوا وش هذا
وماامداني ارد الا جاني عسكري قال انت داشر ومجاهر بامعصية وتسمع الناس الاغاني بالغصب وجر الصندوق وقطع الاسلاك وصار التماس وقال السياره بتحجز
قلت في احد اشتكى على وقلت ازعجته
رد على لا تفلسف عشان مانحجزك انت بعد
وفي نص شغله قلت له ممكن طلب............
قال وش تبي قلت ممكن اسمك ورقمك العسكري
قال وبستهزاء وش تبي فيه
رديت قلت بعدين تدري
رجع الصندوق على الارض "ناوي يركبه في الدوريه"

وقال خذ زبالتك وتوكل على الله

وهذا انا الحين امبلفايراتي في البيت

(ماعندي واسطه ولاشي بس مادري شلون طلعت معي)
+++++++++++++++++++++++++++++++++++

فامن الان فكر في اخفاء كل شي تركبه مايكون وكاله

اخوي 902
مالك ال انك تقول : جملتين
الاولى : ردد ردد ياليـــــــــــــل مااطولـــــــــــك
الثانية : حسبنا الله ونعم الوكيل على الظالمين
تحياتي ...

السلام عليكم

اخوي 902

شوف انت لا تشتري كل شيء مررره وحده لانك راح تتوهق بعدين ..

اول شيء اشتري المضخم وانصحك في مضخمات ياماها فا هي جدا جدا رائعه حتى ولو كانت لا تدعم THX ..

بعدين حبه حبه روح للبقيه ..


============

اما سالفه الشرطه والتفتيش حسبي الله عليهم !!!

قطعوا لك الاسلاك !!!!

والله كنت ما راح اسكت ابد حتى لو ما عندي واسطه راح احاول اسوي اللي اقدر عليه لانه خرب لي شيء من سيارتي ..


طيب اسالك اكيد الشرطي كان مطوع ؟؟ !!

والله الحمد لله كل التفاتيش اللي مروا علي كانوا يتعاملون معاي باكبر احترام مع ان سيارتي اي كلام بس النقطه ان السماعات كانت موجهه للامام يعني ما يشوفون شيء ولما يسألون ارفع لهم الصندوق شوي فا ما يبين هل هي كبيره ولا لا ..

ولكن عموما مناظق المملكه تختلف وعقليات رجال الشرطه تختلف على حسب البيئه اللي هو متربي فيها ..


هههههههه تعال شوف هني في الامارات والله اني موقف عند الاشاره وتعمدت ارفع الصوت وكان الشرطي جمبي كنت ابي اشوف ردت فعله طبعا السياره مظلله من جميع النواحي لان عندهم مسموح ..

تعرف ايش قال لي الشرطي ؟؟

قال لي اربط حزامك لان الجامه كانت مفتوحه شوي فا انتبه ان الحزام مو مركب ..

صراحه شرطه محترمين احلى شيء ان الشرطه عندهم تجدهم من جميع الجنسيات سواء مواطن او سوري او سوداني عادي ..


عموما ان شاء الله الوضع يتحسن في المستقبل ويحاولون يشيلون المتخلفين من هذه النوعيات اللي ما يحترمون اغراض الناس .


============

اخوي امبالا ..

ترا انا رديت رد طويل وعريض ولكنه اختفى ما ادري ليش !!!

فا تحملني شوي الى ان يرجع النيت للبيت وراح ارد عليك ..

أخوي DDesigns ممكن سؤال اذا ما عليك أمر،

بما أني مبتدأ في عالم الصوتيات في شغلة ما فهمته عدل و هي بخصوص الأمبليفير، اللي فهمته من تعريف الأمبليفير هو أنه جهاز لتقوية السجنال، طيب أخوي مركب مسجل بيونير DEH-P5550P الRMS ماله حوالي 22وات و RMS السماعات 50وات.

صوت المسجل مرقم من 0 إلى 62 ،اذا مثلا شغل موسيقى و طول على الصوت مثلا الى 45 تلاقي الصوت إصير مشوش ،فشراح بصير لو ركبت أمبليفير؟؟ إنا في تصوري ان إذا ركبته راح يتشوش الصوت عند مستوى أقل من 45!

هل كلامي صحيح؟؟

وهل الأمبليفير يحسن جودة الصوت؟؟

السلام عليكم
اخوي V12
صراحة انا شايف ردك من فترة بس ماحبيت ارد الا لما اشوف اخوي DDesigns يقول لك الجواب الشافي لكن هو له فترة ماشفنا له اي رد وعسا المانع خير ان شاء الله واتوقع انه ينتظر الانترنت لما توصل عنده واتمنى انه يرد علينا باسرع وقت
وبالنسبة لاستفسارك اخوي v12
الامبليفاير فعلاً هو جهاز يقوي السيجنال وبعدين السماعات تحول السيقنال هذا الى موجات او صوت مسموع
وبالنسبة للتشويش اذا زودت الصوت فانا ابقول لك مثال بسيط عندي انا كنت مركب امبليفاير سوني 444 على 4 سماعات بايونير المهم كان الصوت يوصل عندي في المسجل الى ال 30 وبعدها يبدأ يشوش الصوت .. المهم غيرت الامبليفاير حقي بامبليفاير بايونير وصار الصوت يوصل الى ال 40 مع العلم ان مسجلي JVC واخر مستوى للصوت 50
يعني لو تلاحظ اني بعد ماركبت امبليفاير بايونير ورغم انه اقوى من السوني الا ان الصوت تحسن وضوحه وصار يوصل ال 40 بعد ماكان يوصل الى 30 فاتمنى انك تكون فهمت شي مني واكون افدتك
وبانتظار اخونا DDesigns
وتحياتي للجميع

شكرا أخوي M.A.M على الرد،

يعني لما يصير تشويش عندي العيب مب من السماعات؟ لان صوت البيس على مستوى منخفض جيد جدا و لكن من يوصل مستوى الصوت ل35 يصير كانه دبل مغظوظ

اخوي V12
هل السماعات عندك سماعات الوكالة ؟؟ واذا كانت سماعات الوكالة وش سيارتك ؟؟
تحياتي ...

سماعاتي INFINITY KAPPA 63.5i 6.5" 3 Way

و المسجل بيونير 50x4

اخوي V12
سماعاتك نفس هذي صح ولا


سماعاتك اذا كانت مثل هذي فال RMS حقها 75 واط واتوقع انها ماوصلتها القوة الكافية لان ماوصلها الا 22 واط تقريبا
فاتوقع الامبليفاير يمكن يفرق معك
ولو تعرف احد مركب مثل هالسماعات وتسأله يكون احسن
لكن انا اتوقع واجزم ان الصوت بيتحسن اذا ركبت امبليفاير جيد
وصراحة انا خبرتي مهيب كبيرة مرة مثل DDesigns او 902 لكن انا حاولت باللي اقدر عليه وان شاء الله اكون افدتك وحنا بانتظار الاخوين DDesigns و 902
وتحياتي

صحيح أخوي M.A.M سماعاتي نفس الصورة الي حطيته،


عموما ياريت أي أحد من الأخوان اللي عندهم خبرة في مجال الصوتيات يفيدني.


و مشكور أخوي M.A.M و ما قصرت

السلام عليكم

آسف للتاخير بس وش اسوي والله ان ضغطي مرتفع حتى اني كنت راح اهون من DSL واحول على دايل اب عادي ..

عموما هم وعدوني على نهياه هذا الاسبوع حيث قالوا انهم ركبو الكيبلات وبس باقي البوردات ..

=====

اخوي V12


مسأله تشويش الصوت تعتمد على عده اشياء ..

1- المصدر = المسجل

2- مضخم الصوت = امبلي فاير

3- السماعات

وبما ان مسجلك اوكي و ممتاز فا يبقى النظر في المضخم والسماعات ..

طبعا وبكل تاكيد عند وضع مضخم خارجي سوف تلاحظ تحسن مذهل في الصوت والنقاء حتى ان هذا الشيء مريح للسماعات حيث الاشاره تكون انقى وانظف ..

ما دام انك مركب سماعات انفينتي وهي ماركه اوكي وافضل من بايونير ( لو كانت اصليه ) فا مشكلتك بالتاكيد المضخم ..

لا انصحك بتشغيل السماعات مباشره من المسجل اولا لان النقاوه ليست اوكي خصوصا عند رفع BASS سوف يزيد التوشوش كثيرا ..

ولكن مع المضخم فا لن يكون هناك اي مشكله ..

ركب مضخم اوكي من ماركه معروفه وسوف تلاحظ الفرق ..

وما عليك من كم واط يحتوي المضخم ااهم شيء يكون من ماركه محترمه وان لا يقل عن 45 واط لكل قناه RMS .


===========

تحياتي للجميع

انتظروني بعد ايام قليله ....

الحمدلله على السلامة اخوي DDesigns
ومن طول الغيبات جاب الغنايم
اخوي DDesigns معقولة الاشتراك ماوصلك الى الحين ... ياسااااتر
انا كنت متوقع انك بتنصحه يركب امبليفاير خارجي ;)
اخوي DDesigns فيه عيال عمي بروحون للامارات قريب يمكن بكرة ولا بعده فماادري الطلب حقي وش صار عليه ؟؟ ولا تنصحني انتظر شوي لين تتفرغ لي تمام .. ترا ماعندي اي مشكلة
تحياتي وتقديري لك
وتحياتي للجميع

السلام عليكم ورحمة الله وبركاته

بعد الانتهاك لخصوصياتي مؤخراُ من قبل السلطات اعزهم الله ووفقهم

وحفظهم من كل مكروه

والعسكري اللي بغى يولع في الشنطه وقطع اسلاكي الله يحفضه من الماء والهوا


=====================================


بديت اركب نظامي بشكل مخفي جداً يعني لو تفتش السياه

يحتاج الى فرد عدة سياره كامله ويبدا يفك المراتب والارضيه عشان يلقى اثر واحد

والله حاله لو اني بهرب جوالات >>>>>>لاتفهمون غلط


وقريباً بحط صور لشغلي واللي انصحكم تسونها

مو بس خوف من التفاتيش عشان السرقات كذلك

والاهم اذا واحد حاب يشوف سيارتك وماتبغاه يدري انك مركب ومسوي الخ


====================================


M.A.M

سمعت صوت اللكزس es 300 موديل 2000
وصوت الجيب LX 430 مديل 99
وصوت GS موديل 2001
ولكزس LS 400 مديل 93 >>>>وش تبي انت

المهم كله انظمه ممتازة بس ماتوصل لقوة او نقاوة سستم

aftermark

ولكن نظامك تحتاج شويه شغل عشان تضبط مستوى HPF اكثر
ووفر بس


====================================

DDesigns

الله يعينك

لقيت امبلفاير منزلي 5.1 بايونيير ب 1300 ريال بس
100 واط لكل قناه

طبعا السماعات مزدوجه 4 اوم لكل قناة "سماعات سياره" >>اقتصادي جداً

وامبلفاير اللوفر بيكون حق سيارة مع محول 30 امبير AC -DC
ووفر 12 انتش
بقوة 220 واط RMS "طبعا مؤقت جداً"


وش رايك....

مشكور أخوي DDesigns و ما قصرت،

الصراحة أنا ناوي اشتري امبليفير kenwood



2-, 3-, or 4-channel output
Tri-Way capable
150 watts RMS x 2 in bridged mode
75 watts x 4 at 2 ohms
requires 8-gauge power and ground leads — wiring and hardware not included with amplifier
MOSFET power switching supply
speaker-level inputs
signal-to-noise ratio 100 dB
50-200 Hz high-pass/low-pass crossovers, 12 dB/octave
bass boost (6 dB at 90 Hz)
gold-plated preamp outputs
12-3/4"W x 2-3/16"H x 11-5/8"D
1-year warranty

سعره في النت 700 ريال مع الشحن، هل يسوه أشتريه من الخارج؟؟

v12

ممتاز الامبلفاير بس ليش ماتشوف سعره محلى

يمكن اكثر يمكن اقل

وبالتوفيق