السلام عليكم
اخوي Impala
الصراحه لم اصل الى هذا المستوى من الخبره لكي اقارن بين مواد الصنع فا مواد الصنع اكيد انها هي الاهم ولكن ليس شرط ان تكون السماعه جيده اذا الشركه ما عندها خبره ..
اما بخصوص صناعه Cone الخاص بالوفررات ..
فا تعتبر سب وففرات Digital Designs هي من افضل السب وففرات في الصنع والتي تاخذ حوالي شهر الى شهر ونصف في تصنيع محرك واحد وهذا ما حصل معي حيث انتظر حوالي شهر كامل ثم يصلني كل شيء ..
حتى انك تشم رائحه الربل و الكون كله وينتشر في السياره ..
طبعا الكون لازم تكون ثقيله الحركه وليست خفيفه جدا كما هو الحال مع سب وففرات بايونير و بقيه الشله ولكن طبعا لا تكون ثقيله جدا جدا تعيق الحركه ولكن تكون ثقيله قليلا حتى تتحمل الواطات العاليه الداخله للملف الصوتي ..
ما تستعمله DD هو
synthetic base of fibers including 25% Kevlar, polyester fibers, glass fibers, Sisal fibers and other fibers that are bound with a high solids acrylic matrix
اما بالنسبه للمحيط surrounder فا والله ما اعرف ايش هو اليورثان..
ولكن لاحظت ان هناك نوعين واحد يكون ربل مثل تواير السياره والثاني يكون مثل البلاستك..
طبعا DD تستخدم الربل مثل الموجود في سب وفررات بايونير ولكن ليس بمثل هشاشتهم ولكنه مبني بطبقات كثيره وكثيفه ..
طبعا لا خوف لانشقاق او انخفاس المحيط او الكون في السبوففرات المحترمه كما هو حاصل في البايونير القديم بل حتى لو تجلس عليه ما يصير شيء من قوته ولو تجيب سكين وتقعد اكثر من ساعه ما تقدر تشيل الكون او السبايدر ..
عموما في فيديو كليب عندي حق الوففر اللي عندي وهم مشبكينه على كهرباء 220 فولت يعني حوالي 12000 واط RMS ..
وبهذا الفيديو تستطيع ان ترى كيف يتحمل هذه القدره الهائله ..
الفيديو 10 ميجا وسوف احاول ان اربط له وصلات بس خلي النيت يوصل للبيت ..
اما بخصوص المغانط فا لا اظن ان هناك انواع بل هو نوع واحد ولكن كثافه المغناطيس تختلف ..
اهم شيء تقراء كم OZ المغناطيس ..
اللي عندي هو 300 او زي .. وهي وحده قياس المغناطيس ..
يوجد 400 او زي ويمكن اكثر ..
شوف هني شلون يصنعونهم :
يقطعونهم عن طريق البلازما ..
قبل التعديل :
بعد التعديل :
اما بخصوص العازل فا اول مره اسمع فيه من شركه روكفورد العوازل كثيره وليست فقط رولات يوجد ايضا بخاخات من Beal and Seal ..
اما بخصوص سيستم احلامك فا اذا كنت تبي رأيي بصراحه ما انصحك فيه .
خصوصا انه بنفس السعر تقدر تشتري مثل سيستم اخونا ؟؟ نسيت اسمه هو موجود في هذا الموضوع مركب مضخمات JL و ماركات امريكيه وكلفه 5000 ريال فقط ..
=================
اخوي M.A.M
بخصوص المقصود فا انا اقولك ان العاده 2 ميد رينج و 2 ميد بيس و 2 تويتر ..
ولكن لو تحط 4 ميد رينج و 4 ميدبيس او تحصل مقاس اكبر يعني مثلا 8 انش ميد بيس يكون افضل وهو المثالي ..
لانه مستحيل انك توصل الى مستوى الديسكوات الا مع تعددد السماعات وكبر حجمها ..
الا اذا حولت من سماعات وقمت تستخدم ما يسمى هورنز Horns واعتقد تكلمنا في هذا الموضوع من قبل ..
اما بخصوص النيت فا قالو لي اقل شيء اسبوعين
للاسف الكيبلات فيها مشاكل ..
اما طلبك فا اصبر علي يكون مره وحده مع النيت ..
===========================
اخوي 902
بخصوص النظام المنزلي المسرحي فا ما هي اهدافك ؟؟
هل الموسيقى ؟؟ ام الافلام ؟؟ لان كل واحد يختلف وما يصيرون بنفس الوقت ..
اغلب انظمه الصوت 5.1 ما راح تستمع فيها لما تسمع اغاني ..
لازم تاخذ لك مضخم ابو قناتين وسماعاتين و سب وففر ويكون كل شيء احلا كلام ..
طبعا تبي نصيحتي علشان تتفدى الاسعار الخياليه وهو ما سوف افعله بعد كم سنه ان شاء الله في البيت ..
وهو تصميم سماعات الخاصه بي كما افعل بالسياره ..
يوجد مواقع كثيره تساعدك في هذه الامور والنتائج خياليه ..
يعني مثلا تاخذ لك تويتر مثل Morel بمعاوقه 8 اوم وتاخذ لك ميدرينج من Seas او Vifa او Scan Speak وكلهم يجون 8 اوم ..
وتاخذ لك ميد بيس من نفس الشركات ..
وتسويك صندوق كوستم على كيف كيفك للسماعات طبعا المساحه مفتوحه بالبيت ..
يبقى اصعب شيء هو الكروسس اوفر ومامك حلين ..
تصنعهم بنفسك ... ولا تعطي بعض الشركات في الانترنيت قيم كل الموجات وهم يسون لك واحد Passive XO وبسعر زهيد جدا جدا ..
او انك تشتري Electronic XO يكون متعدد الموجات ..
اما المضخمات فا خذ اي شيء من السوق يكون محترم مثل يماها وما فوق ..
100 واط RMS هي كافيه صدقني ولكن كل زياده فيها خير ..
اما سبب استعمال البيوت لنظام 8 اوم فا هو بسبب قوه مصدر الطاقه الموجود في البيوت حيث تستطيع ان تحصل على مثلا 2000 واط خلال حمل 8 اوم فا ماذا يحصل لو نزل عن 8 اوم !!!! ؟؟؟
طبعا هي معادله الكترونيه بين جهد الخرج والذي هو 110 او 220 وبين 12 فولت من البطاريه ..
طبعا في السياره انت تستهلك امبير اكثر من البيت يعني تخيل لو اسحب 120 امبير من البيت !!!!!!!!! راح يطق السيركت بريكر لان اصلا سكيكو ما تعطيك اكثر من 70 امبير حسب علمي ..
فا نظام البيوت شوي مختلف ..
ولكن تستطيع ان تحل بعض هذه الامور عن طريق التشبيك التسلسي كما هو حاصل في بعض سماعات BOSE حيث يضعون 2 ميدرينج في السماعات كلهم 4 اوم ينشبكون بطريقه تجعله 8 اوم ..
===================
اخوي محمد 101
اوكي ...
==================
اخوي GTO Burner
ايش نوع المضخمات ؟؟ اكيد سينكور ؟؟ لانه ابو وساخه ( السيجنال )
تضبيت المضخم في ظهر المقعد لا يسبب اي شيء حتى لو لامس الحديد لانه كلها Ground ..
انا مثب 2 في ظهر الكرسي ..
=====================
إقتباس:
تعرف يفضل إن الآر إم إس للسماعة يكون أعلى من اللي في الآمبلي إستحياطا وحفاظا على السماعة....
|
ليس شرط واصلا مو دائما المكتوب على السماعه صحيح ..
سماعاتي 130 RMS وانا معطيهم 150 RMS بدون اي مشكله او احتراق ولكن تاكد انك موسيلهم High Pass من موجات BASS ..
إقتباس:
هناك قطعة إليكترونية تركب قبل الأمبلي تسمى Noise Killer شكلها زي
|
عرفت قصدك هذه تحظها لما يكون عندك مشاكل في الكهرباء في السياره سواء القراوند مو مضبوط او عندك مضخم تعبان مثل السينكور او مممممممم والله نسيت فيه شيء مهم !!
عموما انا ما استخدمها ..
وآسف شباب على التاخير ولكنه بسب النيت ما وصل عندي للبيت ...