أخوي DD
ممكن تقول أنا غثيتك وأزعجتك.....بس ما يخالف تحملنا شوي...

ليش مو راضي تقتنع بأنني مو قاعد أتكلم عن الكينوود التجاري المعروف للغالبية......أنا أتكلم عن خط منتجات إسمه
Kenwood Excelon

تحديدا عن هذه السلسلة من المنتجات.....وهي فعلا إحترافية إلى حد جيدجدا....طبعا بدون مقارنة مع الـ Custom Products واللي أسعارها ممكن تكون فلكية...وهذا لا يناسب سوى القلة من الناس...
ولكن أقارنها وبكل قوة مع ماركات مثل JBL Alpine وطبعا تحط البايونيير تحت "با--ها"....
أعطيها فرصة وألقي نظرة على مواصفاتها....واحكم بنفسك...

طبعا لا يفوتني أن أتقدم بالشكر الجزيل للأخ 902 على مجهوده جزاه الله خيرا وهناك تعليق بسيط حول النقطة التالية....
حكاية الـ Bass Boost أنا وجدت التالي في موقع كرتشفيلد
Alpine Kenwood
Bass Boost 0-12 dB 0,6,12,18dB
هذا يعني وجود أكثر من مود للـ Bass Boost في كليهما.....لذلك Alpine خسر نقطة تميزه تقريبا أمام الكينوود....

وصورة الكينوود....المذكور...




وأطالب مرة أخرى بعمل مراجعة لخط منتجات Kenwood Excelon
و سماعات سوني ذات الووفرات الألومينيوم...
حتى لو هي سيئة أثبتوا لي بالدليل...

وتحية لكم وأشكر لكم سعة صدركم و تفاعلكم...

[QUOTE]
بينما الكينود
و ال bass bost

[QUOTE]

خطأ مطبعي

وال = في

:rolleyes:


انا ذكرت ان الكينود اعلى في BASS BOOST

********************************************


ولكن المهم هل هناك معدات اختباريه توضح انا هذا المتج احسن من ذاك

موجوده :eek:

لقياس القوة المقننة RMS يتم استخدام بعض الاجهزه في اللوفرات لقياس المجال المغناطيسي المتولد ونسبة وحدة الازعاج db

اذا حلت مشكله قياس قوة التحمل ولكن بالنسبة للنقاوة تحتاج شغل اكثر ولكن كلما زادات الدخل كلما احتاج الى خفض مستوى Gain
في المضخم لضمان انقى اشارة


ومن المعروف ان المضخمات تحتوي على مكثفات كيمائيه
لفلترة الترددات من منخفض الى عالي
و يوجد ملفات لعزل الترددات المنخفضة عنها في العاليه
ويتم قياس الدخل والخرج ومقدار التشويش

وفي الترازوسرات قياس جودتها في التوصيل والاداء بالاوم بمقارنه القاعدة مع المشع والجامع ومقارنتها بغيرها من نفس النوع
وكذلك يجب قياس مدى قوة توصيل القطعة الرئيسة من موصلات نحاسة ومقارنتها او المطليه بذهب منها


اذاً هذه هي الطرق الممكنه والاكيد والتى ستحسم الامر <<<<صرت جدي مررره


فإذا كان عندك شده انت او حتى في DD

فلتتفضلوا بالمقارنه بالاجهزة والمعدات <<<<<بنخترع :ekk:

اما اذا كنا سنتكلم عن الموصفات الموجودة على الورق والمواقع
وكلام الشركات عن منتجاتها

فهذا لان يجدي بشي وهدفنا الاكيد

الوصول للافضل


"وجه نظر جداً جداً بحته"

واسف على الاطالة


مساكين اللى بيدخلون الموضوع.......
الله يعنيهم

السلام عليكم ورحمة الله وبركاته

كيف حالكم ياشباب

المهم انا اليوم رحت وديت سيارتي على شان اركب المسجل

وراح تخلص انشاء الله الساعة 6 الليل فأذا حابين تشوفون كيف شكل الديكور بعد المسجل الجديد وقبلة ابغى احد اذا ماعليكم امر يقابلني على المسنجر واعطية الصور ويحطها وهذا ايميلي

omega_506@hotmail.com

وعملت التركيب عند الفلبيني نويل

وشكرا لكم جميعا

السلام عليكم
ماشاء الله ماشاء الله
انا شايف السالفة بدت تصير جد .. والله شي جيد لاننا في الاخير بنستفيد من هالمناظرة ان شاء الله ... طلعت قناة المستقلة
بس المشكلة مثل ماقال الاخ 902 وين الاجهزة والمعدات :(
وماشاء الله على اخونا 902 اشوفه طلع معلوماته وبدا يطلع اللي في راسه ماشاء الله عليه ;) بس ودي اسأله من هو العضو متحطم ووين كاتب الموضوع حقه فيه ؟؟ لاني صراحة احس انه عنده معلومات كويسة وكاتب كلام كويس فلو كنت تعرفه جبه لسوالف هنا .. ومدري انا عندي احساس اخوي 902 ان العضو : متحطم هو انت :think: وهذي احد مواضيعك القديمة .. فياليت تقول لي اخوي 902 اذا كنت على صواب او مخطيء ‍‍‍!!!
وماشاء الله على IMPALA SS '96
ووالله حنا ندور ناس تحرك مواضيع الصوتيات لاننا فقيرين بدنياً ومادياً وفنياً من هذي الناحية
وبالنسبة لاخونا -X- ابارك له على المشغل اللي اشتراه وانا اضفتك عندي بالماسنجر بقائمة الانظمة الصوتية ;) لتبادل الخبرة والاستفادة المتبادلة ان شاء الله .. وبالنسبة للصور سهلة تحطها على ساوند دومين ولا اي موقع يعطيك مساحة كويسة .. وانا كان عندي موقع كويس بس للاسف هو في المفضلة حقت كمبيوتري وانا شغال على كمبيوتر ثاني لان كمبيوتري الرام حقته خربت علي وللاسف ماحصلتها بالسوق لانها RD RAM وماعليها طلب
بس اتذكر اسم الموقع هو اسمه الهدهد ويعطيط حرية انك تحمل الصور اللي تبغى والظاهر ماحدد حجم معين انت شفه وقل لي علشان تحط الصور هنا في سوالف ويستفيد الاعضاء كلهم منها
وننتظر رد اخونا DDesigns لاستكمال المناظرة الفنية
تحياتي للجميع

-X-

الف مبروك وبالتوفيق اخوي

ونويل هذا مشهور وله خبرة كبيرة في مجال الصوتيات وخصوصاً التركيب


==================================

M.A.M

العضو محطم هو انا 902

والسبب ان المشاكل اللي ذكرتها تواجهني لاني ابغى نظام احترافي

وكل لها حلول بس كلها من الخارج


اما اذا كنت بركب صندوق في الشنطة زي كل الشباب واعبيه سماعات من نوع وشكل واقول هذا سستم قوي ......

=====================================

بالنسبة للاجهزة والمعدات موجودة وبكثره في محلات الالكترونيات

الرياض "شارع الثميري"

ولكن المشكله هنا من بيقيس كل منتج ويقارنه بالثاني ويحدد اذا كان هذا اقوة وانقى من ذاك

=========================

شوفوا هذا الامبلفاير 5000 واط حتى شكله كنه محطة كهرباء قيمته فوق 2500 دولار لوووووووووووول

:banana:


هذا امبلفاير Xtant X604 غالى على 500 واط بس 1000 دولار

يا أخوان ترى الموضوع بدى يحمى بس بشكل إيجابي....
وهذه ظاهرة نادرة وممتازة إن الموضوع يحمى دون إصابات أو حروق ...كفى الله الشر....

أخي 902 تحديدا وباقي الأعضاء عموما....
أنا ما أتوقع إن في شركة محترمة مستعدة تخاطر بسمعتها وتنشر مواصفات كاذبة......لأن المنافسة لن تفوت ذلك....وعموما هناك شركات متوسطة المستوى مانقول سيئة ونجحف بحقها.....تحجم وتمتنع عن ذكر المواصفات التفصيلية لمنتجاتها مثل سوني ((في مجال الأمبليفايرات و للسيارات تحديدا)).....ولكن كونها تكذب أعتقد إن هذا شغل الشركات الصينية و التايوانية.....

وعلى العموم من ناحية قياس القوة وما شابه....بصراحة أتمنى ذلك ولكنني على قد حالي وبصراحة عندي أشياء أهم بمليون مرة من أني أروح أصرف 10000 ريال علشان اثبت صحة كلامي.....
المنطق الذي ذكرته في بداية الرد ((ما أتوقع إن في شركة محترمة مستعدة تخاطر بسمعتها وتنشر مواصفات كاذبة)) كافي لإثبات صحة ما أقول بنسبة كبيرة على ما أظن......

وعشان أكون صريح معاكم أنا مهتم بالجانب النظري لهذا العلم....ولكنني عمليا أملك سيستم بسيط مكون من أربع سماعات ومضخم ((طبعا كلها كينوود عادي مو إكسيلون))....ومسجل السيارة شد بلد.....وتوي خريج وبادور على وظيفة و الحال طحينة... ....
ولكن مستقبلا إن شاء الله قريبا أفكر أنتقل لسيستم جديد كله كينوود إكسيلون.....

و أخيرا أحب أقول إنه هذا أكثر موضوع عجبني في سوالف منذ وقت طويل.....وأشكركم على تفاعلكم وحسن ردودكم ونستنى المعلم DD يطل علينا....و النائب 902 ما يحتاج توصية....

ألف تحية للجميع....

أنا ما أتوقع إن في شركة محترمة مستعدة تخاطر بسمعتها وتنشر مواصفات كاذبة

كلامك ميه في الميه صيحيح لو كان خط الانتاج من اليابان زي اول

اما الان كله من دول ثانية والقطع ماتكون من اليابان ويتم توفير القطع عن طريق منقصات تقزم بين الشركات

فا هنا يتم التلاعب

وغير كذا ان المستهلك العربي يفرق عن المستهلك الامريكي او الاوربي


=====================================

وعلى العموم من ناحية قياس القوة وما شابه....بصراحة أتمنى ذلك ولكنني على قد حالي وبصراحة عندي أشياء أهم بمليون مرة من أني أروح أصرف 10000 ريال علشان اثبت صحة كلامي.....

ماتحتاج الا 100 ريال جهز فحص الاوم وتقارن الارقام مع المذكور في ارقام القطع من مواقع الالكترونيات

=====================================

انت اغريتني عشان اشوف منتجات كينود إكسيلون

وعلى فكرة اللوفر اللي عندي كنود ومعجبني الى حد ما عيبه مايتحمل قوة بس وبشوف ووفرات إكسيلون قريباً واعطيك رائي



:p :p :p

أنا بإذن الله ناوي أشتري العدة القادمة من النت....

لأنني مستغرب من رخص أسعار القطع اللي توصلنا
أحيانا نفس الموديل في أمريكا تحصل سعره أزود بـمعدل 20%-30% عن السعر اللي عندنا في السعودية.....

بالنسبة لخطوط الإنتاج في بلدان أخرى فأنا أجد منتجات كينوود المكسيكية جيدة إلى حد كبير.....

و ووفرات كينود إكسيلون تعرف بإسم كينوود DB أحيانا...

وأخيرا أشكر لك تفاعلك مع ردودي....

و تحية لك خصوصي و أخرى للجميع...

السلام عليكم

آآآآآآآآآآآآآخخخخخخخ يا شباب والله خسرتوني وانا في بلاد غربه تقريبا ..


النيت الى الان ما وصل لي للبيت والسبه الاتصالات ما ادري شفيهم صار لي اكثر من 16 يوم ..

وانتوا تجبروني اقعد في مقاهي الانترنيت وهذا وانا ما احبهم بسبب قله الحمايه الموجوده فيها ...

عموما انا راح اشرح شوي شوي والشرح العدل لما يوصل للشقه واستلم الكيبورد ميه ميه ..


==========================









انا ما ادري مين هذا العضو المتحطم ولكن انا اعتبر نفسي طبيب واقدر احل لك كل المشاكل بس حط لي فلوسك وانت تامر امر ..

اولا بخصوص ضعف الانوار فا اعمل ما يسمى Big 3 وهي تغير جميع اسلاك الكهرباء الرئيسيه والتي شرحتها من قبل ..

ثم وضع بطاريه محترمه مثل Optima Yellow Top وقيمتها هني في الامارات فقط 620 درهم وانا مركبها عندي وزي الحلاوه يمكن انا قاعد اسحب اكثر من 120 امبير والانوار ما تضعف بشده يعني ما تبين نهائيا ..

و لكن لو زدت شوي تبدي تضعف لو السياره شغاله والحل تركب دينمو قوي ..


اما عن قولتك ما تحصل دينمو ستوك 200 امبير فا اقولك اولا 200 امبير حيل حيل وايد يعني 120 او 150 امبير كفايه ..

واذا كنت تبي واحد عطني فلوسك وانا اركب لك واحد مال السيارات الامريكيه والورشات موجودين واعرفهم هني في الامارات وحتى في الخبر فيه واحد اعرفه بس ما شفته للحين ..

واذا تبي واحد يطور لك الدينمو الموجود حاليا في سيارتك ويخليه اقوى عن طريق زياده عدد الدورات هم بعد موجود في الخبر نفس الشخص اعتقد انه فلسطيني شاطر ولكن السعر شوي عالي ..

يعين اعطيك مثال في امريكا ياخذون على كل امبير = دولار واحد ..


اما عداد قياس الفولت فا موجود في كل مكان حتى عند اللي يغيرون زيت ..

او انك تشتري من محلات الالكترونيات ما يسمى AVO Meter يعني يقيس امبير و فولت و اوم ..



تستطيع ان تعمل مواصفاتك الخاصه للوفر اللي عندك ولكن يجب ان تعرف كل شيء عنه ..

اما عن المعادلات فا ما انصحك تستخدمها لانها احترافيه كثير ومعقده ..

يوجد مواقع تعلمك وتعطيك ارقام نسبيه تشتغل على كل الوفرات ولكن ما هي موجوده عندي هني ..



عادي اغلب الناس يستعملون مواسير بلاستك نفس اللي تستخدمها في البيت ..

اذا ما ودك تستخدم استخدم slot ported كما انا سويت انا في صندوقي وهي فتحه مستطيله على مقاس الصندوق ..

طبعا الفتحات المستطيله اكثر فعاليه في اخراج الضغط العالي من الدائريه ولكنها لا تنفع مع الوفررات الضعيفه .



ههههه ليست فقط هذه المشكله بل حتى اذا كنت من اصحاب الريسينج سوف تواجه مشكله الوزن طبعا لا يوجد حل لهذه المشكله الا بالتغير لسياره اكبر ..



اللي اعرفه ان isobraik هو نفسه ported ابو فتحه وحده ..





الحلول موجوده وتتوقف فقط على حطت فلوسك ( بيزاتك )

تروح للوكاله وتقولهم سوولي ترصيص للسياره كلها وترجع زي الوكاله ..

بعدين تجي عندي وتقولي مشعل ابي عوازل صوت وبعدين انا ايب لك كل اللي تبيه ..

واحط لك عوازل بالسياره حتى لو اضرطيت لاستعمال اكثر من طبقه والله يعينك على حراره السياره من الداخل هههههههه ..



تعال عندي اطلب لك من الخارج علاقاتي مع الشركات اللي برا اوكي واقدر اسوي لك شويت خصم وخلي ابو يمن يولون .. ههههههههه



ممممم مشكله ما اظن يقدرون يسونها .. عاد 130 ديسيبل مررره وحده ترى وايد حيل ..



اصاب اخي 902 في هذا الرد ...


......................... تكمله الرد جاريه الان .........................

عادي اخوي اصلا انا اللي احس اني غثيتك مع ردودي ..



والله فاهم عليك اخوي 100%

حتى لو كان اصلي 100% فا كينود و سوني و JVC و بايونير كلهم ماركات كويسه للفلوس بس وليس للجوده المطلوبه يعني حقه تمشيه حال فقط .

فا مثل ما بينت حتى لو كانت الماركه صناعه اصليه فا هم ايضا يكذبون على المستهلك حتى لو في امريكا ..

و اريد ان اوضح شيء آخر ..

موضوعك انت مع الاخ 902 بخصوص BASS Boost !!!

عمليه تضخيم الموجات المنخضه التي تفارنون فيها بين Alpine او Kenwood غير عادله نهائيا ..

اصلا المحترفين لا يستخدمون شيء اسمه BASS Boost نهائيا ..

هذه فقط حركه لجلب الزبون بل ان مضارها اكثر من منفعتها في رأيي الشخصي ..

طيب اعطيكم مثال انا المضخم اللي عندي MMATS 1400.2 في المواصفات مكتوب انها 1400 واط وعندما جربوه كان يخرج اكثر حوالي 1700 الى 1800 واط ..

اوكي هذا شيء اما الشيء الثاني المضخم اللي عندي ما فيه خاصيه BASS Boost نهائيا فهل معناها ان كينودد او Alpine افضل منها ؟؟ !!!


هناك شيء يسمى جوده Signal وهي الاشاره الخارجه من المسجل و الاشاره الخارجه من الامبلي فاير ..

كما هو معروف في كل مكان في تخصص الصوتيات والاليكترونيات ان الموجات الصوتيه تكون على هذا الشكل :




وهذه تعتبر موجه نقيه وصافيه وغاليه من الشوائب اقصد الموجه ذات اللون الابيض ..

ولكن انظروا الى الموجه الصفراء والتي انقصت من فوق ..

هذا يسمى Clipping Signal .





ا

هذولي كلهم صور حق كليبينج للتويتر ..

فا انت ما يصير تقارن لي مع كينوود ابو 100 واط في 4 قنوات مع Alpine ابو 100 واط في 4 قنوات ..

لاني بالتاكيد راح اخذ Alpine حتى لو كان 80 واط لان الكليبينج حقه مو مثل الكينود او السوني او JVC ..

وهذا هو السبب في اختلاف اسعار المضخمات ..


لانه ما في فايده من شراء مضخم 2000 واط والاشاره حقته مو نظيفه ..

طبعا الكليبينج يكون يطلع من المسجل اذا كانت اشاره المسجل وسخه فا المضخم راح يطلع وحده وسخه ..

ولكن اذا كانت الاشاره القادمه نظيفه فا سوف تكون نيفه بشرط عدم زياده القدره على المضخم لانه سوف يؤدي الى عمليه الكليبينج ..

يعني شيء يعتمد على شيء ..


طبعا عمليه الكليبينج تهتمد على جوده تصنيع المضخم ويعتمد على جوده المكثفات والترانزرسترات والدايودات المستخدمه ..

يعني انا اقدر احرق ابو ال DD اللي عندي اللي هو يتحمل فوق 8000 واط كما زعم البعض عن طريق مضخم كينود ابو 1000 واط كما يزعمون

هل تعرف كيف عن طريق زياده الصوت وتعليه Gain مما يؤدي الى عمليه الكليبينج على السب ووفر مما يؤدي الى احتراق الملف الصوتي كليا ..


اقراء هذا الموضوع :

http://www.bcae1.com/images/gifs/cl...tweeterboth.gif

او هذا الموقع الرئيسي :

http://www.bcae1.com/

هذا الموقع هو اللي علمني كل شيء في عالم الصوتيات من طاء طاء الى سلامو عليكم .

وصدقني راح يفيدك ..

ااااااا شيء ثاني انا عرفت قصدك في منتجات كينود الجديده حقت سب وفررات dB حقتهم طبعا مستواها زي مستوى البايونير لا اكثر ..

يعني زينه لسعرها الرخيص فقط ..

شوف هذا بحث بسيط داخل هذا المنتدى :

http://forum.sounddomain.com/forum/...t=000132#000000

http://forum.sounddomain.com/forum/...t=027442#000000

شوف المسكين حرق السببوفر ابو 2000 واط عن طريق مضخم كينود ابو 1200 واط ! ليش ؟؟

لانه سوى كليبينج ظننا منه ان الكينود راح يطلع 1200 واط ..

مع ان الشباب في المنتدى قالوا له انها كلها 600 واط ..


====================

اما بخصوص وففرات السوني ذات الالمينيوم فا انا صراحه شفتها في السوق ولكني لم اسمعها ولكن متاكد 100% انها لن تختلف عن بقيه الشله الكينود والسوني ...... الخ

=======================




والله ما ادري اخوي 902 ايش قصدك هل قصدك قياس RMS الخارج من المضخم ..

ام قياس قوه تحمل السببوفر للواطات الداخله في وحده RMS ؟؟


اذا كانت الاولى فا تستطيع عن طريق جهاز الالسكلسكوب يمكن ما رح تعرف تستخدمه لانه معقد شوي ولكن اسالك اي واحد فني وراح يعرف او قول لي انا وراح اجاوب عليك لاني درسته في الكليه ..


اما قياس قوه تحمل الوففر للواط فا ببساطه ..

يقومون بادخال موجه معينه لل BASS بقوه مثلا 1000 واط ولمده معينه يعني 10 دقائق مثلا وتكون مستمره RMS ..

اذا ما صار شيءي معناها ان الوففر يتحمل 1000 واط RMS ...

ويتحمل مثلا 1500 او 2500 واط Music او Max والتي يقصدون بها الاغاني العاديه نظرا لان نغمات BASS في الاغاني ليست مستمره ولا تتسبب في رفع حراره الملف الصوتي كثيرا ..


======================


اما بخصوص قياس نقاوه الصوت فا ايضا تستطيع ولكن باجهزه خاصه ..

ولكن اسهل شيء عن طريق الاذن تستطيع معرفه ان الصوت اوكي ولا لا ...

او تروح المسابقات وهناك راح يحطون لك اختبارات يقيسون فيها مدى الكليبينج اللي عندك عند موجه 1000 هرتز او 2000 هترز وهكذا ........


==================



هذا كلام واحد دارس الكترونيات !!!

اخوي 902 هل انت دارس مثلي هذا الشيء ؟؟

====================


اخوي X

مبرووووووووك على المسجل ...

===================



والله ما توقعت انه انت !!!!!!

وترى انا رديت من قبل لا اعرف انه انت ..

===================



............................... التكمله جاريه ...........................

من اغلى الامبلي فايرات هي ماركه

Helix

و

Brax

شوف هني :

http://www.theautophile.com/products/BraxNavFrame.html

تخيل الاسعار وهي بس فقط مضخمات Class A ..

وعندك SH-1 ابو 3000 واط RMS من شركه TruTechnology :

http://www.trutechnology.com/hammer_series.htm

سعره فوق 2500 دولار على ما اعتقد ..

والله عندي له صور روووووووووووعه بس كلها في كمبيوتر بالشقه والاسعار كلها عندي بعد ..


وعندي بعد من اقوى مضخمات السبوففرات الخاصه بالمنازل وهي 2 امبلي فاير بقوه 4000 واط RMS ..

لو تشوف شكلهم يعني تقريبا الطول متر ونصف والارتفاع حول 20 سم و العرض 40 سم ..


=======================




هذا الكلام صحيح ولكن عند سوني وكينود و بايونير و البقيه فا ما يفكرون في هذا الشيء لانهم راح يخسرون كثير لو طوررو جودتهم ورفعوا اسعارهم لان الناس ما راح تدفع فلوس على شيء غالي خصوصا انه كان رخيص من قبل ..



ما انصحك وبقوه لانه اول شيء انت راح تخسر كثير في سبيل انك تعرف قوه امبلي فاير عادي في السوق بس علشان تعرف كلامهم صحيح او لا ...

المفروض تخسر على اشياء اغلى من كذا بكثير وتستاهل ..



اعتقد اني وضحت جزء بسيط جدا جدا من النظريات التي تريدها في ردي الاول ..

واذا اردت المزيد فا اصبر علي الى ان يصل النيت للبيت عندي ..



الحمد لله .........



كلامك صحيح ولكن الدول الثانيه اللي تتكلمون عنها تصنع الزين والشين بعد ..

فا لا يغركم لما يكتبون على المضخم Made In USA او حتى المانيا فا اغلب قدع الالكترونيات كلها من شرق اسيا ولكن هناك مواصفات ومقايس وكل شيء بحقه ..



صدقوني ان المستهلك العربي احسن من المستهلك الاجنبي لان معروف الاجانب اغبياء ...
ولا تفكرون ان ما فيه ناس في امريكا يشترون البايونير ومبسوطين على اساس انهم عندهم الاقوى ..

ولكن المستهلك العربي متوهق لان اولا الشركات ما قاعده تجي للشرق الاوسط بسبب وضعيه الدين عندنا وانها ما يسمح بهذه الاشياء ..

يعني انا متاكد انه مثلا لو فتحوا مسابقات سيستم فا راح تشوف الماركات تجي من كل مكان ...




احسن شيء صدقني ...

اذا تبي شيء من شركه ::

TruTechonolgy

Morel

CDT

Digital Designs

MMATS

فا انا حاضر ويمكن اقدر اجيب لك سعر افضل لان علاقتي فيهم حلوه ويمكن تنفعك ..



واخيرا . آسف اخواني على الاطاله الكثيره عليكم ..


اممممممممممم صار لي بالضبط ساعتين بس علشان ارد على الموضوع هذا فقط ..

وهذه 10 ريال راحت على الفاضي هههههههههه لوووووووووول

امزح معكم بس انتوا تعرفون الواحد في الخارج يحتاج الفلس وخصوصا وهو طالب ..



تحياتي للجميع ....................... :cool: :cool:

تسلم والله يا DDesigns
وبصراحة ماشاء الله عليك كلامك كله علمي وصراحة انا مستانس وانا جالس اقرا الموضوع لاني احس اني ابتعلم كثير وبصراحة يامشعل انت البطل :banana: وهذي المواضيع ولا بلاش
اخوي مشعل .. ابغى وجهة نظرك عن افضل سيستم او السيستم الاحترافي .. وش مكوناته ؟؟
انا ملاحظ من ردودك ومن مواضيعك ان افضل سيستم احترافي مو لازم تكون السماعات في كل مكان ومو لازم يصير عندك 20 سماعة .. كل المطلوب : 1- 2 ميدرينج
2- 2 تويتر
3- 2 ميدباس
4- 1 سب ووفر
وتكون كل شي في الامام الا السب ووفر في الخلف في الصندوق (الشنطة) لكن الامبليفايرات ماادري عنها وكم واحد يلزم ... وهذا اللي عرفته او حسيته من ردودك اخوي مشعل فماادري اذا كنت على صواب او لا !!
تحياتي وتقديري لك اخوي مشعل .. ووش رايك تحب اسميك DDesigns ولا مشعل ؟؟ .. انا عارف ان سؤالي غريب ويضحك شوي لكن وش اسوي هذا من الخرابيط اللي في راسي
ولاتنسى يامشعل اول ماتشوف المحلات والماركات ترد لي
تحياتي لك مرة اخرى
وعيني عليك باردة
وتحياتي للاخ 902
وتحياتي للجميع

:p :p :p


ماشاء الله عليكم وصلتو للقمة

بس انا ابستشيركم في هذا الشغل (المتواضع )

رحت لمركز بايونير

وشفت عندة كم سماعة "خلفية" مثل


بقوة 240 واط و 160 ريال (بوجد 260 واط الي تحت )





=======================

سماعات امامية



[IMG] [/IMG]

========================

وهذي سماعة خلفية (نسيت الاسم )





320 وااااااط و بـ 95 ريال (نصحني بها راعي المحل ولا ادري)

========================

وهذا امبلي فاير 100 واط






ينفع ولا لا

وفية ثاني 400 واط بايونير


بس ياشباب انا بركب تويتر بايونير قدام
ملاحظة

هدف نقاء الصوت فقط (مع قوة معقولة :think: )

وش راااايكم

وتسلم على التوصيف اخوي

السلام عليكم


مرحبا M.A.M وحياك الله مجددا ..

لا شكر على واجب اخوي ..


افضل سيستم مثل ما قلت ليس بعدد السماعات بل يعتمد على اشياء كثيره وهي :

1- 60% على التركيب ..

2- 20% على النوعيه ..

3- 20% على القوه ..

يعني ما لو تشتري اقوى سبوففر من برى وما تعرف تسوي له صندوق محترم وبمقايس مدروسه ما راح يطلع الصوت زين ..

طبعا 2 ميدرينج ولا 4 طبعا اكيد 4 لان الصوت راح يكون اعلى ..

ولكن افضل مقاس اكبر يعني ميدرينج 8 انش احسن من 6.5 انش ..

التويترات 2 او 4 تكفي ..

السب وفررات 2 هو ما افضله دائما ..

يعني اهم شيء لا يزيد عن 4 قطع ..

الصصراحه هذا موضوع المفروض ما نتناقش فيه بطريق كم حبه او كم قطعه لان اهم شيء النوع ..

يعين تجيب قطعتين من MB Quart احسن من 8 سماعات بايوينر .


طبعا اكيد لازم تكون قدام اما السب ووفر اهم شيء انك تحط في الخلف او على يمينك او على يسارك يعني اهم شيء انه ما يلخبط على الميدرنجات والبقيه ..


اما عدد الامبلي فايرات فا احسن شيء في العالم هو انك تاخذ امبلي فاير ابو قناتين لكل قطعتين ..

يعني مضخم للميدرينج و ثاني للميد بيس وثاني للتويتر وثاني للوففر .


اما عن مناداتي فا خذ راحتك اللي تبيه سواء كان مشعل ولا ديزاين .


اما بخصوص المحلات فا اليوم الصبح رجعت من جبل علي ورحت حق محل كبير ومحترم وعنده شغلات كثير عجبتني خصوصا الاكسسوارات والفيوزات والكيبلات الكبيره والمكثفات و موزعات الكيبلات وكل شيء تقريبا ..

اما عن الماركات اللي عنده فا عنده :

MB Quart اصلي الماني ..

JL اصلي امريكي + ضمان ..

Infinte اصلي + ضمان ..

روك فورج ( نسيت شلون تنكتب ) اصلي + ضمان ..

JBL مش اصلي + ضمان ..

Alpine اصلي + ضمان ..

Pioneer اصلي + ضمان ..

Sony اصلي + ضمان ..

Kenwood اصلي + ضمان ..

Focal اصلي فرنسي بس للاسف كله خلص ويقول انه ما راح يجيب مره ثانيه لان الوكاله سكرت في دبي ..

اممممممممم وش فيه بعد اعتقد خلاص ..

عموما الورقه في السياره الحين مو معاي ..

وسالته في محلات ثانيه في جبل علي قال لي لا !!!!! ما اصدق !!!!!

عموما اللي عجبني اكثر انهم يقدرون يسون لي تركيب فيبر قلاس خصوصي لاي سياره يعني راح اسوي لي buffle للسماعات اللي عندي ولكن التكلفه خرافيه الصراحه ..

يقول اغلى شيء حوالي 3000 درهم ..

قلت له انا المنطقه اللي ابيها صغيره + ما ابي اي سنفره ولا تلميع يعني من زين السياره ..

قال لي خلاص هو المهندس مسافر ويجي بعد شهر ..


========

بعدين سولفت معاه بخصوص المسابقات وللاسف يقول انها خلاص ما راح تصير مره ثانيه بعد ..

واخر مره كانت قبل 6 شهور ..

قلت له شلون كان السباق ؟؟

قال لي يقيسون اعلى BASS ويقيسون انقى BASS !!!! ايش اللي انقى BASS ؟؟؟


عموما قلت له مين كان اقوى شيء في السباق قال سيارت المحل حقنا ..

قلت له شنو فيها قال حوالي 6 سب وففرات يمكن ..

قلت له كم جبتو ا ؟؟؟


قال جبنا 135 ديسيبل !!!!!!! ؟؟؟؟؟؟؟؟

قلت له طيب تعال معاي السياره وشوف السيستم حقي ..

يوم جا كان مو عاجبه اللي قاعد يشوفه يحسبهم ماركات صينيه ..

وشغلت له اغنيه وحده من فرقه Three 6 Mafia ..

وخليت عيونه تهتزطبعا ما عليته على الاخير + انا مشغل اغنيه يعني مو نغمات BASS اللي هي اقوى في الصوت ..

قلت له انا الصراحه ما عمري قست كم قوه سيارتي ولا عمري ركبت سياره مقيوسه ..

فا كم تتوقع قوه صوت سيارتي ؟؟

قال لي سيارتك اقل شيء تجيب 130 ديسيبل !!!!!!!!

الصراحه استانست اني عديت حاجز 130 ديسيبل .. وعقبال ما نكون وصلنا لل 140 ديسيبل وحنا ما ندري بعد ..


بعد ما خلص اخذ ورقه وقلم وصار يكتب اسماء الماركات اللي بسيارتي وخصوصا ماركت MMATS لانه انعجب في قوه المضخم ابو 1400 واط ..

عموما ما ابي اطول كثير ولنا لقاء ثاني بعد كم يوم ...

تحياتي .........

السلام عليكم ورحمة الله وبركاته

ماشاء الله عليك DDesigns (مشعل)

ردودك مره في الاسبوع ولكن رد دسم جداً


نبتدى

===============================



مسويها وبأسلاك 0AWG

وتحسن بدرجة جيدة


اللي عند حق الزيت حجمه كبير مررررره وانا ابغى زي عدادت


وعجزت القاها في الرياض دورت في كل مكان

فمادري ممكن القاه في الشرقية

طيب وعداد الامبير مالقيت الا حق AC بس



وش رايك في دينمو كابرس وهل القاعدة متشابه في السيارات



هو صندوق يكون فيه ووفرين بوجه بعض مع بورت


ومن مميزاته
produce the same frequency response in half the box volume as a single speaker of the same type would require





انا عارف العوازل زي اللي تجي في الديسكو بس اسعارها غاليه

ولازم اطلبها من برا





انا دارس كهرباء والكترونيات :banana:

طبعاً مو بتعمق


اتوقع هذي هي النقاط اللي حبيت اعلق عليها

وشكراً اخوي DDesigns على اهتمامك

============================================================================

القرن الجديد (مادري وش اسمك) بس ونعم

ماشاء الله عليك مصور المحل "اتخيل شكل البائع وانت تصور"


منتجات بيك مادري ليش الوكيل بادغيش جايبهم لانها لاتمت للجودة بصلة وهذا دليل واضح ان الوكيل همه الوحيد الربح

وانا مجرب سماعات بيك وحرقتها بعد 10 دقائق من الاستعمال

نجي للبايونير




هذا انا استعملها حالياً وصوته ممتاز بس البيس تعبان مررررررررره والتويتر اللي فيها مو جايب همه

عشان كذا تحتاج ووفر لل البيس وتويترات عشان يتوازن البيس والتربل

الزبده انصحك باي موديل من بايونيير بشرط ان يكون نفس المقاس الوكالة وياليت لو تحط وجه خشب للسماعة قبل ماتركبها
"تقدر تسويه عند اي منجره <<<<محلات الموبيليا والديكور "اغلبهم يكشون ذبان"

=====================================
M.A.M (ماجد)


عادة تكون الشنطة ابرد مكان في السيارة

والعدد زي ما قال مشعل

=====================================

2 تويتر امممممممممم:think:

شكلي ابجرب 4 لتحسين ال IMAGE اكثر بس مادري وش رايك DDesigns
وش رايك

السلام عليكم ورحمة الله وبركاته

ماشاء الله عليك DDesigns (مشعل)

ردودك مره في الاسبوع ولكن رد دسم جداً


نبتدى

===============================



مسويها وبأسلاك 0AWG

وتحسن بدرجة جيدة


اللي عند حق الزيت حجمه كبير مررررره وانا ابغى زي عدادت


وعجزت القاها في الرياض دورت في كل مكان

فمادري ممكن القاه في الشرقية

طيب وعداد الامبير مالقيت الا حق AC بس



وش رايك في دينمو كابرس وهل القاعدة متشابه في السيارات



هو صندوق يكون فيه ووفرين بوجه بعض مع بورت


ومن مميزاته
produce the same frequency response in half the box volume as a single speaker of the same type would require





انا عارف العوازل زي اللي تجي في الديسكو بس اسعارها غاليه

ولازم اطلبها من برا





انا دارس كهرباء والكترونيات :banana:

طبعاً مو بتعمق


اتوقع هذي هي النقاط اللي حبيت اعلق عليها

وشكراً اخوي DDesigns على اهتمامك

============================================================================

القرن الجديد (مادري وش اسمك) بس ونعم

ماشاء الله عليك مصور المحل "اتخيل شكل البائع وانت تصور"


منتجات بيك مادري ليش الوكيل بادغيش جايبهم لانها لاتمت للجودة بصلة وهذا دليل واضح ان الوكيل همه الوحيد الربح

وانا مجرب سماعات بيك وحرقتها بعد 10 دقائق من الاستعمال

نجي للبايونير




هذا انا استعملها حالياً وصوته ممتاز بس البيس تعبان مررررررررره والتويتر اللي فيها مو جايب همه

عشان كذا تحتاج ووفر لل البيس وتويترات عشان يتوازن البيس والتربل

الزبده انصحك باي موديل من بايونيير بشرط ان يكون نفس المقاس الوكالة وياليت لو تحط وجه خشب للسماعة قبل ماتركبها
"تقدر تسويه عند اي منجره <<<<محلات الموبيليا والديكور "اغلبهم يكشون ذبان"

=====================================
M.A.M (ماجد)


عادة تكون الشنطة ابرد مكان في السيارة

والعدد زي ما قال مشعل

=====================================

2 تويتر امممممممممم:think:

شكلي ابجرب 4 لتحسين ال IMAGE اكثر بس مادري وش رايك DDesigns
وش رايك

أخوي D disiens

انا تقدر تعتبرني جديد على عالم الصوتيات لكني حبيت هذا المجال بسبب أصدقائي في الكلية.



حبيت اتقولي رايك في في هذا السستم,
1-Compenent system Infinty Refrence siries 6.5
ما لقيت الkappa
2-Tow way infinity refrence 6.5 loud speakers
3-rockford fosgates 400rms 12 subwoofer (sealed
4- litening audio 4chnels amp
5- JL audio 2/200
6-pioneer mp3/wma player
على فكرة أنا الي مختار كل شي في هذا السستم وصاحب المحل يحاول يقنعني بأشياء ثانية لكنه ما قدر علي

اخوي في بعض النقاط للحين أعتبرها غامضة بالنسبة لي وأتمنى أنك توضحلي إياها بشكل تفصيلي

شو الفرق بين ال 2 أوم, 4أوم و ال1أوم
السؤال بالنسبة للأمبليفاير أو للسبووفر

و اسمحلنا إذا خذنا من وقتك

القرن الجديد



كل السماعاتين ممتازه سواء بقوة 240 او 260

لان مستوى الدخل فيهم مايتعدى 100 واط RMS

واقوى امبلفاير في السوق يطلع 75 واط RMS بس

=========================
وخذها من الحين قبل لاتشتريهم

اذا كنت بتشبكهم على امبلفاير وبترفع الصوت لاعلى شي مرررره اعلى شي

بطلع السماعة ريحة
الملف الصوتي فيها يحتر ويصير Clipping للامبلفاير ويخرب السماعة

المعنى اذا شريت امبلفاير وركبت السماعة عليه احذر انك تتعدى ثلاث اربع الصوت والا الله يرحم السماعة لو انها 10000 واط


وبالتوفيق....

اسمح لك اقوم بالرد بالنيابة عن DDesigns
وان شاء الله افيدك

سستم ممتاز جداً

بس ناقص بعض التفاصيل مثل
rockford fosgates 400rms 12 subwoofer (sealed

نوع اللوفر وهل هو DVC

و litening audio 4chnels amp
كم واط لكل قناة RMS

و
pioneer mp3/wma player
اي موديل

عطنا تفاصيل اكثر ومايصير خاطرك الا طيب
=====================================
شو الفرق بين ال 2 أوم, 4أوم و ال1أوم
السؤال بالنسبة للأمبليفاير أو للسبووفر

هذه هي الاحمال اللى تتوصل بين اللامبلفاير والووفر او السماعة

فمثلاً 4 اوم هي التوصيل على كل الاقنوات لكل السماعات 4 قنوات 4سماعات

او 2 سماعتين على 4 قنوات بطريقة الجسر

وفيه طريقة انك تغيير الاوم (الحمل) مثلاً انك تشبك سماعتين او اربع على التوالي او التوازي

=====================================
باقى ملاحظة صغير اسم D disiens
يكتب DDesigns ال D D كبار
هذي رغبة DDesigns



وشكراً على مرروك

بالنسبة لل مشغل فهو P7500MP

و سؤال السبووفر بصراحة ما فهمته
لكن تقدر اتشوفه في هذا الموقع
http://www.sounddomain.com/sku/ROCRFP4212

على طاري المواقع فأنا أنصح الشباب أنهم يدخلون هذا الموقع و متأكد أنه أخونا DDesigns يعرف هذا الموقع زين.
www.sounddomain.com

أنا أخترت كل شي من عندهم و بعدين رحت عند الوكيل وشتريت الأغراض

بالنسبة للأمبليفاير فهو 75x4 rms مش كثير لأن السماعات الي عندي 90rms للوحدة

نسيت اقول السستم كلفني بالكامل حوالي 5000 درهم مع التركيب و أسلاك السماعات إلي هي ماركة Monister

و مشكوووور على ردك الطيب

أنتظر تعليق أخونا DDesigns

وش اسوي النيت ما وصل عندي للشقه وشكله راح يطول اكثر من اسبوع لانهم راح يغيرون اسلاك التليفونات كلها حق الحاره اللي انا فيها مع انه حي جديد وننتظر الاسلاك تجي من ابو ظبي ..

وكل المشاركات تكون في مقاهي النيت .......

اففففففف انرفع ضغطي من المقاهي كل ما اطلع اكون عباره عن سيجاره تمشي في الشارع من قوه التلوث الموجود داخل ..


=================



ايش الصوره اللي حاطها ؟؟ !! طيب انا ما اشوف اي فرق ..

عموما روح حق اي محل كهرباء او الكترونيات وقوله عطني ديجيتال آفو ميتير .. وخلاص انتهينا ..

اذا كانت بطاريتك اوكي راح تعطيك 12.5 فولت تقريبا والسياره طافيه ..

وتعطيك 13.5 الى 14 فولت والسياره شغاله ..

===================



عداد الامبير ايضا موجود ولكنه ما يقيس البطاريه ودير بالك تحاول تلعب بالبطاريه لانك ممكن تسوي شورت سيركت ..

نفس الجهاز اللي قلت لك عليه اللي هو آفو ميتير ..

يكون فيه قياس للامبير ..

انت لو فرضنا تبي تعرف كم قاعد تستهلك من امبير ..

تسوي هذه الحركه : ( بس انا خايف يصير شيء لان اسلاك جهاز القياس صغيره ويمكن يحترق الآفو ميتير لما تعلي الصوت لان الاسلاك راح تحترق .. )

عموما اقولك الطريقه ..

تفصل سلك الموجب اللي داخل على المضخم ..

بعدين تاخذ الطرف الموجب داخل جهاز القياس وتركبها في السلك اللي جاي للمضخم ..

بعدين تاخذ الطرف السالب في جهاز القياس وتركبه في الموجب الموجود في المضخم ..

وراح يشتغل كل شيء عادي ..

وابداء زيد في قوه الصوت وراح تشوف المبير يتغير .

==============

في قطع تنباع في امريكا اسمها ديجيتال كيبل ...

يكون فيها عداد قرائه للفولت ويمكن فيه للامبير ..


=========================

اما بخصوص الدينمو فا انت خذ اي دينمو اهم شيء تحصله مكان في السياره طبعا خذ الموديل وحاول تبحص عنه شوي يعني كم يطلع امبير عند الوضع Idel يعني السياره واقفه وال RPM على 1 تقريبا ..

لان فيه دينمو 150 امبير ولكن ما يعطي 150 امبير الا عند 5000 دوره مثلا ..

=========================



آها عرفت هذا النوع اشوف له صور كثير ..

بس والله ما عندي اي خبره في هذا النوع ..


=========================



اعتقد انه في بديل موجود اما للبيوت او للديسكوات نفسها تستخدمها ..

طبعا لم اجربها ولكني سوف اشتري كم روله واحطها عندي وراح اخبرك بالنتيجه ..


=========================



والله انا ما انصح تكثر ..

انا شخصيا حاط 2 تويتر و 2 حق Image ..

طبعا تيوتر Image نظامها مختلف شوي للاسف ما درسته زين الى الان ..

يعني اذاكنت تبي تطور Image مو بس تشتري تويتر وتحطها قدام وتقصر عليها شوي . ( لا ) في اعتقادي ..

لاني لاحظت في الكروس اوفر اللي عندي هناك مخرج خاص للتويتر Image ..

واصلا التويتر غريبه شوي لانها تطلع لك صوت الميدر رينج شوي ..

طبعا صوتها بسيط جدا جدا يمكن 15 واط بس ..

فا خليني ادرس الموضوع اولا ..

=======================


اخوي Nas ما شاء الله على اسم المغني لوووووووول ..


الصراحه من ناحيه الماركات فا حتما سوف تكون بدايه جدا جدا ممتازه ..


1- بخصوص component فا انت ما وضحت لي اي شيء يعني ما في موديلات ..

وهل هي 2 واي ولا 3 واي ؟؟

عموما refrence سلسله جيده جدا وهي افضل من البايونير بكثيـــــــر ..

2- مممم تبي سبيكر زياده !!!

ليش سيارتك كبيره وتحتاج سماعات وايد ولا ايش بالضبط لان اذا سيارتك صغيره ما انصحك لانك راح تخرب Image ..

اما اذا هي كبيره فا حط اللي اشرت اليهم بس في الخلف ..


اهم شيء انهم يكونون اصلايات ولا حول على بايونير احسن ..

3- اما بخصوص السب وففر فا هو ايضا ممتاز وافضل من البايونير وبقيه الشله ولكن اذا ما حطيته في صندوق زي الناس ما راح يشتغل اوكي ..

يعني خليه Ported وخليه ما يقل عن 3 قدم مكعب لان في المواصفات مكتوب انه ياخذ حجم 4 قدم مكعب .

اذا كنت تواجه صعوبه في عمليه الصندوق قول لي وانا اعطيك مقاسات علشان تروح للنجار يسويلك واحد ..

ملاحظه مقاس تقريبا 3.5 قدم مكعب راح ياخذ لك تقريبا نفص الدبه ( الشنطه ) لو كان معاك سياره بمقاس الهوندا اكوورد شكل 99 .

4- اما بخصوص المضخم فا الشركه زينه بس هل هي اصليه ؟؟ لانها اذا مو اصليه فا ما ينفع ..

5- المضخم ايضا اوكي لو كان اصلي بس اذا كان يطلع بس 400 واط في قناه واحده فا شويه يعني لو تزود شوي يكون احسن ..

يا ليت لو تعطيني رقم الموديل .

6- اما المسجل 7500 فا هو اوكي وممتاز ..

==========================


اما بخصوص الاوم فا الاخ 902 شرح ما شاء الله ..

خليني شوي اوضحها اكثر ..

انت لما تاخذ مضخم وتلاحظ المواصفات يقولك ان المضخم يطلع

power = 400watt @ 4ohm
power = 800watt @ 2ohm
power = 1200 @ 1ohm

اوكي ؟؟

هذه تسمى الحمول او المقاومات التي يتحملها المضخم ..

يعني لو تشغل عليه 8 اوم او اقل من 1 اوم يخرب المضخم ..

طيب انت شلون تتحكم في الاوم ؟؟

لما تشتري السب وففر يكون مكتوب عليه 2 اوم ولا 4 اوم وبهذا انت راح تعرف كم الحمل اللي انت شغال عليه ..

طبعا هذا لما يكون نوع السب وففر SVC يعني يحتوي على ملف صوتي احادي ...

ولكن لما يكون عندك DVC يعني ثنائي مثل ما سألك الاخ 902 ..

فا هو النوع اللي حتوي على 4 فتحات لتوصيل الاسلاك وليس 2 فقط ..

وفي هذا النوع سوف تستطيع التحكم في الحمل كما شأت على حسب النوع اللي معاك ..

يعني لما يقولم ان الوففر 4 اوم DVC فا انت متاح لك انك تشغله على :

2 اوم عن الطريق التوصيل بالتوازي وهي ناتجه عن عمليه 4 ضرب 4 تقسيم 4 + 4 يساوي 2 ..

اما الثاني والتي هي عن طريق التوالي وهي ناتجه عن 4 + 4 يساوي 8 يعني عندك 8 اوم ..


انا ادري شكلك ما فهمت شيء بس اللي علي سويته والباقي عليك ..

يعني يا ليت لو تكتب لنا جميع الموديلات علشان اخبرك شنهو الزين ..



والله سويت زحمه .....

مثل اليوم في المحاضره يوم جاء الدكتور يقراء اسمي مشعل بالانجليزي حيث اسمي يكتب هكذا حتى في الجواز : Mishal فا سويت زحمه وضاعت 10 دقايق من المحاضره وهو يتناقش معاي ان السبيلينج حق اسمي غلط والشباب قاموا ينادوني ميشيل ........ الخ ..

============================



اكيد هو موقع زين انا مسجل فيه من 2001 تقريبا والموقع ينصح به بشده ولكن ليس للمبتدائين او الضعيفين في الانجليزيه ..

انا اول ما دخلت ف يعام 2001 سويت زحمه وما كنت افهم شيء ..

تخيل اول ما دخلت كتبت لهم ايش اقوى سب وففر وايش اقوى امبلي فاير و و و و و واحسن شيء ..

بعدين عرفت ان السالفه مو على اقوى لان فلوسك راح تطير كلها ..

5000 درهم مبلغ جيد لو كان كل شيء اصلي ..

عموما لو ركبت السيستم قول لي يمكن يوم من الايام اتقابل معاك ودي اسمع سيستم عدل شوي لاني مليت من البايونير ..


تحياتي .........

هذا السستم انا اخترته حق اخوي الكبير وهو الحين مسافر, وعن سؤالك عن السيارة إذا فيها مكان ولا لا, فاقولك انه السيارة skyline GT-R :banana: , وما فيها مكان لانه نحتاج الى المكان ورا

أنا من الناس الي معارضين فكرة السماعات الي ورا لكن اخوي الله يهديه:rolleyes:

انا ناوي اركب سستم حق سيارتي الهوندا اكورد2002 و في خاطري الDEI viper components
Rockford Fosgate Punch 601S- /2 chanels amp
كمرحلة أولى لأني ما أبغي أركب شي أي كلام
والمرحلة الثانية انشاء الله سب ووفر KIKER L7

إذا تبغي اتشوف السستم فعندنا نيسان باترول full Earth Quake مع وايرات و كابستر stinger :cool:

المحل الي ركب السيستم هو نفسه الي في دبي شارع الشيخ زايد

وكيل ال JLAudio, focal, jbl , monister ,litningaudio

على فكره شغله نظيف ومرتب

شفت الفورد الي عندهم 10000rms loooool :banana: