السلام عليكم
مرحبا شباب ....
ابشرك اخوي M.A.M سيارتي طلعت بس عاد عطني وقت شوي احاول انسق بين الدراسه وبين حفظ الاماكن لاني زيرو في دبي بس الشارقه 100% .
=============
اخوي 902
1- بالنسبه لهذا النوع فا هو يصبح جيد لو صنع احترافيا حيث سوف يكون يجمع بين نقاء صناديق sealed و قليلا من قوه ported .
ولكن يوجد نوع افضل من هذا وهو يسمى ABC BOX ..
هذا النوع يكون فيه فتحتين كل واحده تكون محكومه بتردد موجي معين تتيح للسبوففر ان يكون عالي الصوت في اغلب الموجات ..
ولكنه اصعب صندوق في جميع الانواع .
2- نعم تويترات المنازل هي الافضل بالتاكيد ولهذا اريد شراء Morel الاسرائيليه لانها اصلا تويتر بيت وليست سياره ..
السبب ببساطه انها اقوى وانقى من السيارات يوجد شيء اخر له علاقه بالموجات حيث انه لو اخذنا الموجات العاليه مثلا من 2000 الى 20000 هرتز فا لو اخذت تويتر عاديه فا يمكن تلاحظها قويه عند 4000 هرتز ولكن لما تصعد شوي فوق تبداء تضعف ..
ولكن تويترات المنزل افضل شوي وفيها تحكم اكثر ..
3- اذا كنت تريد ان تنوع السب وففرات فا ما انصحك نهائيا اما اذا كانو من نفس النوع فا انصحك تسوي بورتيد ported لان الصوت راح يكون اقوى خصوصا انك ما تملك الا 220 واط فقط وهذا من صالحك .
بالمناسبه شباب الصراحه اليوم كنت في احد محلات السيستم اللي شريت منه مسجل وكنت اسولف معاه عن الصوتيات وبعدين بالغلط قلت له عن المسابقات بتاع dB ..
والمفاجائه انه يقول في دبي يوجد مسابقه سنويه لاقوى سيستم !!!!!!!! اخر مره كانت قبل 6 اشهر !!!!!!!!
الصراحه فرحت كثير وبنفس الوقت زعلت شوي ..
فرحت اني راح اشارك بالتاكيد وبكل ثمن علشان ودي اعرف مستواي ..
ولكني زعلت لان سيارتي قبيحه وتفشل لو دخلتها المسابقه ..
بس انا قلت بدخلها واقولهم هذه السياره حقت سيستم بس يعني في عندي غيرها ههههههههههه
انا متحمس اكسر راس البايونير وان شاء الله راح اسوي صندوق محرتم حق SPL لاني حاليا مسوي صندوق Sealed في سيارتي لاني اسم موسيقى كثير وتركت الاغاني لي فتره .
و ابشركم شباب شريت لي بطاريه Optima Yellow Top بعد بحث طويل في الانترنيت حتى حصلت على رقم الفرع في دبي ..
شريت البطاريه بسعر 620 درهم ..
الصراحه سعر جدا جدا ممتاز ..
انا اللي مستغربه ان البطاريه الحمراء والصفراء والزرقه كلهم نفس السعر شلون ما ادري ..
بس الصراحه فرقت معاي اللمبات صارت ما تضعف نهائيا .
اذا احد يبي وحده يقول لي ..
اليوم كنت اسولف مع محل وقلت له بكم JBL GTI 15" فاقال لي سعره طبعا اصلي حوالي 1800 درهم !!!! يعني الصراحه انا اشوف ان السعر مرتفع شوي .. ( ولكنه اصلي امريكي )
وسألت عن سعر سب وففر Pioneer SPL اقوى واحد ولكني نسيت سعره كان حوالي 1500 يمكن .
وحبيت اقولكم ان مسجلات البايونير الجديده نزلت في امريكا موديل 2004 ..
والصراحه المسجلات روعه + روعه + روعه وتحسفت اني استعجلت في اخذ Alpine .
شوفوا الصور :
http://www.carmedia1.com
راح يكونون اول ناس ينزلون شاشات ملونه ..
اكثر شيء محمسني ان موديل 9600 فيه شرايح Burr Brown الموجود ه في مضخمي و الكروس اوفر اللي عندي ..
شباب احد يشتري Alpine اللي عندي ؟؟؟ ههههههههه ( امزح )
عيل شباب لازم نشوفكم في المنافسه بعد 6 شهور يمكن ؟؟
تحياتي ....