العودة سوالف للجميع > سوالف رياضه وسيارات > ســـوالف الــسيارات > كم سعر مكينه 2J-GTE
المشاركة في الموضوع
صفحة 1 من 2 1 2 >
بوخالد بوخالد غير متصل    
عضو نشيط جدا  
المشاركات: 401
#1  
كم سعر مكينه 2J-GTE
السلام عليكم
بغيت اعرف كم سعر مكينه 2J-GTE توين تيربو وهي مكينه السوبرا

وانا حصلتها على 5000 درهم مع الكمبيوتر والظفيره ويا القير بس توماتيك

هل تستاهل هالسعر


مع اني محصل قبل على 8000 و 9000

ابغي رايكم يالربع

بوخالد غير متصل قديم 02-12-2003 , 07:41 AM    الرد مع إقتباس
A7medo A7medo غير متصل    
مبدع Bahrain.Manama  
المشاركات: 2,995
#2  

وعليكم السلام

بس خوك وش فايدتهت مع قير أوتو .. خذها قير عادي .وأنت بتركب على ويش ؟

A7medo غير متصل قديم 02-12-2003 , 07:48 AM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#3  

هلا اخوي مب مشكله القير
القير يسوى الف درهم

وانا بركبها على كرسيدا مارك 2

بس انته شورايك بالسعر

بوخالد غير متصل قديم 02-12-2003 , 08:23 AM    الرد مع إقتباس
MAD MAX MAD MAX غير متصل    
عضو نشيط جداً  
المشاركات: 450
#4  

بوخالد

السعر ولا احلى
توكل على الله واشترى وبالنسبة الى القير ترى الاوتو حق السوبرا مو هين ابد ممتاز جدا

MAD MAX غير متصل قديم 02-12-2003 , 09:53 AM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#5  

هلا اخوي MAD MAX
بس فيه مشكله
المكينه هاي يديده فيها تقنيه VVti
لانها مكينه 98
يعني متطوره هل صعب احصل قطع غيارها
لانه شي ناس خبروني بهاذا الكلام

بوخالد غير متصل قديم 02-12-2003 , 01:59 PM    الرد مع إقتباس
زورو الامارات زورو الامارات غير متصل    
عضو شرف الإمــارات-- دبي  
المشاركات: 3,690
#6  

السلام عليكم ورحمة الله وبركاته

هذي ماتجي على السوبرا

السوبرا مكينتها فيها رقم سبعه وحرف اي ماني متذكرها بالضبط قصدي العاديه بدون تيربو نفس الي تنزل على الكراون

زورو الامارات غير متصل قديم 02-12-2003 , 03:48 PM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#7  

هلا اخوي زورو

انته قصدك مكينه ال7M وهاذي الله يسلمك صدق انها مكينه سوبرا بس واااايد جديمه
هاذي المكينه موديلها 88-91

والمكينه الي انا اتكلم عنها مكينه السوبرا اليديده من 96 - 98

وهي 2J


والسمووووحه

بوخالد غير متصل قديم 02-12-2003 , 05:52 PM    الرد مع إقتباس
مكيكان مكيكان غير متصل    
عضو نشيط جداً  
المشاركات: 364
#8  

مكينه السوبرا مو اسمها
2J-z

مكيكان غير متصل قديم 02-12-2003 , 06:12 PM    الرد مع إقتباس
king_prelude king_prelude غير متصل    
منع من الكتابة  
المشاركات: 1,122
#10  

إقتباس:
رد مقتبس من بوخالد
عيل شو اسمها


هذا السؤال يجاوب عليه NFS

king_prelude غير متصل قديم 02-12-2003 , 06:43 PM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#11  

اووووووووووووووووووووووه
الظاهر انكم ما اتعرفون انه للسوبر لها كم من مكينه
شوفو يا جماعه الخير

اول مكينه نزلت للسوبر كانت 7M تيربو 3000cc
وبعدها يات مكينه 1Jتوين تيربو 2500cc
والاخيره والي احسنهم واقوهم الي انا يالس ارمس عنها من الصبح وهي ال2J توين تيربو 3000cc


واتمنى انكم فهمتوا علي

بوخالد غير متصل قديم 02-12-2003 , 07:06 PM    الرد مع إقتباس
MAD MAX MAD MAX غير متصل    
عضو نشيط جداً  
المشاركات: 450
#13  

شوف يا ابو خالد
ترى في شى نسيت اقولك عنه وهو ان في نوعيتين من مكائن السوبرا ال 2JZ-GTE
وحده وارد امريكا وقوتها 320 حصان والثانية وارد اليابان وقوتها 280 حصان
الفرق بين المكينتين تقريبا بس برمجه الكمبيوتر والبوست على حد علمي
وبالنسبه الى قطع الغيار انا اسمع ان عندكم في الامارات كل شئ متوفر ولو ماتوفرت القطعة الاصلية تلاقي قطع اقوى منها الى حق التلغيم
وتحط تقريبا حدود ال 7000 درهم في المكينة تقدر تطلع بحدود ال 400 حصان

وشوف هاذا الموقع راح يفيدك واجد بس انه بالانجليزي
MKIV

MAD MAX غير متصل قديم 03-12-2003 , 12:29 AM    الرد مع إقتباس
NFS NFS غير متصل    
مبدع متميز  
المشاركات: 3,670
#14  

السلام عليكم ورحمة الله وبركاته


كلام أبو خالد صحيح

رمز المكينة 2JZ-GTE

وأبن عمي أشترى قبل شهر نصف سيارة لكزس GS300 عليها نفس المكينة وبرضو قير أوتو ، السيارة موديلها 96 وأخذها بـ10,000 درهم تقريباً.


وفي رأيي أفضل موديلات الـ2JZ-GTE هي الموديل الأمريكي وبعدين الموديل الياباني بدون VVTi وبعدين الموديل الياباني بالـVVTi.

مشكلة الـVVTi هو عدم وجود Aftermarket CAMs لذلك وقت التعديل بيكون عنق الزجاجة في التعديل هو عدم توفر الكامات.

NFS غير متصل قديم 03-12-2003 , 01:05 AM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#15  

زورز
العفو اخويه

MAD MAX
اشكرك يالغالي على المعلومه بس شي مشكله المكينه الامريكيه صعب انك اتحصلها عندنا اما اليابانيه سهل انك اتحصلها
واشكرك مره ثانيه على مشاركتك المهمه يالغالي

NFS
تسلم ياخوي على مشاركتك المفيده
يعني الحين شورايك اخذا المكينه ولا لأ خصوصا انه سعرها 5000 درهم
مع القير والكمبيوتر والظفيره ؟
وتسلملي مره ثانيه يالغالي



والسمووووحه

بوخالد غير متصل قديم 03-12-2003 , 06:21 AM    الرد مع إقتباس
lumina lumina غير متصل    
كاتب فعال جدا UAE  
المشاركات: 2,399
#16  

بوخالد سعرها انا اشوفه جيد والصراحه ربيعنا عنده مارك 2 عليه مكينة 2J بس إنجيكتر يعني من دون تيربو والله عليها قوة غير متوقعه من مكينه من دون تيربو وانصحك تبتعد عن 7M لأنها مكينه تتعب بسرعه و نحن مجربينها على مارك 2 دقت المكينه بعد شهر لأنها متتحمل القوة الزايدة ولكن 1J و 2J انجح مكاين للتويوتا الصراحه ..

وانا ما بقصر وياك وبخبر واحد من ربعي يعرف للمواتر والمكاين.
بس المارك مالك لوحطيت عليه هذي المكينه بيتوحش ........... و الله يهنيك به يارب..

lumina غير متصل قديم 03-12-2003 , 06:27 AM    الرد مع إقتباس
Mark2 Mark2 غير متصل    
عضو نشيط  
المشاركات: 115
#17  

السلام عليكم ورحمة الله وبركاته

اسمع بو خالد اول شي بسألك سؤال المارك العندك شو من المكاين الي عليها؟

وين امحصل المكينة 2J-GTE ؟

Mark2 غير متصل قديم 03-12-2003 , 02:28 PM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#18  

الله يخليك اخوي لومينا
ادري بك ما تقصر يالغالي
ومشكور على الرد




اخوي مارك 2

المارك الي عندي عليه 1G-GTE 2.0 توين تيربو
وانا حصلت المكينه في سكراب في صناعية عيمان نسيت شو اسمه بس اسمه غريب شوي


والسموووووووووحه

بوخالد غير متصل قديم 03-12-2003 , 04:03 PM    الرد مع إقتباس
Mark2 Mark2 غير متصل    
عضو نشيط  
المشاركات: 115
#19  

السلام عليكم ورحمة الله وبركاته

أخوي بوخالد المكينة العندك1G-GTE 2.0 توين تيربو ماخذ راحتك فيها ولا متعذب منها يعني خرابة وايد؟

فحصت المكينة2J-GTE عدل و سألت راعي السكراب موديل المكينة كم؟ لأنهم يرشون آيل ولا w40 على المكينة عشان تستوي شكلها يديدة وهناك الله اعلم شوفيها من داخل؟

السكراب شكل اسمه نسمة الخليج ولا عزيز.




Mark2 غير متصل قديم 03-12-2003 , 04:29 PM    الرد مع إقتباس
lumina lumina غير متصل    
كاتب فعال جدا UAE  
المشاركات: 2,399
#20  

الصؤاحه السعر مغري وانا كلمت ربيعي وقالي ماعليها كلام و قاللي 2J ماتحصلها اقل من 10000 درهم و إنته محصلنها ب 5000 يعني شي جيد لكن شوف المكينه لأنه كلام اخوي Mark 2 صحيح يرشون W40 على المكينه تبين يديدة وهذا شي معروف ... و إسمحلنا على القصور

lumina غير متصل قديم 03-12-2003 , 04:56 PM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#21  

هلا اخويه مارك

بيني وبينك الصراحه المكينه كملت وياي سنه والحمدلله ما صار فيها شي حتى اني انا اضرب فيها خطوط ولا صار فيها شي
صح انها تروح عن المكاسيم
بس انا اباها اتكون اقوى من جيه
اباها تروح عن اس اس واتقاوم ويا سوبرات واشرشح الماركات الي عليهن 1j


وانا الصراحه ما فحصتها بس من شكلها جنها يديده وهو يقولي موديل 99
ادري به جذاب هي اصلا موديل 98 او 97 او 96

وانا ان شالله يوم باخذها بشيل وياي مكانيكي يعرف في هالسوالف

وعن السكاريب الي ذكرتهم مش هم
وعلى فكره سكراب عزيز حرااااااااااااامي

هو مش سكراب بالضبط هو محل يبيع مكاين الي ارمس عنه صوب كراج الشارجه اذا اتعرفه

والسمووووووووحه

بوخالد غير متصل قديم 03-12-2003 , 05:02 PM    الرد مع إقتباس
Mark2 Mark2 غير متصل    
عضو نشيط  
المشاركات: 115
#22  

السلام عليكم ورحمة الله وبركاته

أخوي بوخالد اشوف ان سعر المكينة وايد وايد ممتاز لأني محصل في الشارجة على 18000 درهم مع الكمبيوتر والظفيره والكير كان عادي بس نظييييييييييييف وكان امجيسينة و حاطينة داخل الأستور.

بس ابصراحة اذا بتغير يبالك تقريبا 4000 درهم من غير سعر المكينة يعني يبالك intercoolar كبير
كراسي مكينة
كراسي كير
سعر الشغل
خراطة وعوار راس وادسير يمين ويسار ومن كراج لكراج وماتتري يمنكن عكب ماتركب المكينة تتلعوز منها

تبي الصراحة خلي المكينة 1G-GTE 2.0 ظبطها يمنكن بتطلع اكوا

العفوا

Mark2 غير متصل قديم 04-12-2003 , 06:36 AM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#23  

هلا اخوي مارك
انا والله خاطري في المكينه
بس شي كراج قالي الكهربه ما بتضبط عندك لانه فيها vvti
مادري كلامه صح ولا لأ

وانا محصل قير 1j= 2500
انتركولر gtr=1500
بيبات=900
تركيب المكينه مع المخرطه=1300
يعني تقريبا 5000 وفوق
يعني كله 10000

شو الراي

بوخالد غير متصل قديم 04-12-2003 , 10:48 AM    الرد مع إقتباس
Mark2 Mark2 غير متصل    
عضو نشيط  
المشاركات: 115
#24  

السلام عليكم ورحمة الله وبركاته

و الله رايي يا بوخالد انك اتسير المعارض في العوير وادور على مارك امزودة يمكن اتحصل لأني تقريبا من شهر ساير العوير ومحصل على مارك سكان يمين سودة فل تزويد كان سعرها 9000 درهم عليها مكينة 2J-GTE بس كان البدي مصبوغ و فيها ظربات فماخذيتة.
والله هذا هو رايي

Mark2 غير متصل قديم 05-12-2003 , 07:04 AM    الرد مع إقتباس
بوخالد بوخالد غير متصل    
عضو نشيط جدا  
المشاركات: 401
#25  

معقوله انا من اسبوع ساير هناك وما شفت الموتر اكيد انباع
حرام عليك ليش ما خذتها اللهم صبغ وسمكره ويطلع الموتر عجييب
بس الصراحه الموتر الي عندي نضيف ومخسر عليه وحراام ابيعه


وعلى فكره المحل الي حصلت المكينه اسمه المنداوي لقطع الغيار


والسموووحه

بوخالد غير متصل قديم 05-12-2003 , 07:15 AM    الرد مع إقتباس
المشاركة في الموضوع
صفحة 1 من 2 1 2 >


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.