هلا حياك الله 902 ..

بخصوص السيستم في البيت فا الى الان ما دخلت فيه بقوه لان معروف انظمه البيت غاليه جدا جدا يعني ضعف اسعار السياره ( اتكلم لو بغيت اخذ اشياء كويسه ) ...

ولكني لو اخذت سيستم في البيت فا انه راح يكون قسمين واحد للافلام والثاني للموسيقى لان كل واحد له تركيبه معينه ..

و سماعات الموسيقى راح اصنعها بنفسي زي السياره يعني بشتري الكروس اوفر والميد رينج والتويترات وكل شيء واسوي الصنودق وكل شيء .. لانه راح يكون نفس الجوده باقل الاسعار .

بخصوص السيستم اللي عندي في البيت فا سيستم عادي جدا وهو

5 سماعات BOSE من النوع الكبير جايبهم من امريكا ..
1 سبوففر من نوع Jamo بقوه 200 واط RMS .
مضخم 5 قنوات من نوع Kenwood بقوه 100 واط في اربع قنوات .
مشغل DVD من نوع بايونير .
تلفزيون Toshiba بحجم 50 بوصه


هذا هو باختصار ....

ولكن اذا كنت تبي السيستم صح فا هو عند واحد من قرايبي ( ههههههههه والله راح تضحك علينا حنا كلنا عيله سيستم ناس سيارات وناس بيوت ) ...

وهو يمتلك 5 سماعات من نوع M&K وهي للافلام .
1 مضخم بقوه 150 واط في خمس قنوات من نوع YAMAHA .
1 سب وففر من نوع M&K ويحتوي على 2 بحجم 12 انش في نفس الصندوق .

1 مشغل DVD من نوع ROTEL .
1 مشغل سيديات عاديه من نوع ROTEL .
سماعتين من نوع B&W خاصه للموسيقى فقط سعر السماعه الواحده 7 الاف ريال .
1 مضخم للموسيقى من نوع ROTEL ( حجمه اكبر من مضخمات السياره )
1 جهاز Preamplifier خاص للتحكم في قوه الصوت لان المضخم ما فيه الا زر واحد ON و OFF حتى ما فيه Gain .


ممممممممم اعتقد الحين خلاص .. وفيه جهاز بروجيكتور من نوع سوني .

============

اما بخصوص الفيوز اهااااااااااا انا كنت احسب قصدك للمضخم ..

ايه والله صح انه ضروري للسياه انا عموما حاط واحد بين البطاريه والمضخمات ..

اللي جمب البطاريه واللي هو يجب ان يبعد حوالي 18 انش وليس اقل وهو بحجم 200 امبير .

وواحد جمب المضمات الاول 120 امبير والثاني 80 امبير وواحد 1 امبير للكروس اوفر .

بس باقي لي فيوز احطه بين الدينمو والبطاريه ما حطيته للحين .



بس انت ما قلت لي وين تبي تحط الفيوز ....

ماشاء سسيتم حلو وممتاز واكثر من عادي


المضخم Kenwood كيف تقييمك له

وهل هو 100 RMS

والسماعات كذللك ممتازة

طيب اللوفر على نفس المضخم؟؟


++++++++++++++++++++++++
اما اللي عند قريبك فصراحة جامد

وفيه بروجيكتر


يعني يكلف اقل شي 30 الف





++++++++++++++++++++++

الفيوز لي اكثر من رد وانا احاول اوصل فكرتي

ولكن اخير قدرت اصيغاها بالشكل المناسب

والفيوز اكيد بعد البطارية مباشرة

اخواني الخبراء
وش رايكم بالسيستم هذا وتقييمكم له ؟؟
http://www.soundlabsgroup.com.au/ma...inson_ls430.htm
تحياتي للجميع

ههههه اخي 902 بخصوص سيستم اللي يقرب لي فا سماعات M&K لحالها تساوي 40 الف و B&W تساوي 14 الف ..

هذا غير ROTEL DVD Player يسوى 6 الاف ريال و و و و و و و اسعار تعور الرأس ..


=========

بخصوص سيستم الليكزس فا مره سمعت موديل 97 وكان جدا جدا رائع كا نظام من الوكاله .

DDesigns

يؤ





وانا قايل 30 الف قلت يمكن يزعل بيقول هذا يبالغ

وعندي سؤال احس اني ازعجتك هههههههههه

________________________________

في بعض المضخمات المخصصة للوفر يوجد بها اختيار BASS BOOST

فما ادري اش يفرق


ويوجد في بعض المضخمات مخرج RCA وذللك لربطها بمضخم اخر

فهل ياترى يتم معالجة الاشارة من المضخم الاول

"ابحاول اصيغ بشكل افضل"

هل الاشارة اللي تجي من المسجل هي نفسها اللي تجي من مخرج المضخم


يارب تكون الصورة وضحت




################################

M.A.M


ماشاء الله بديت تدور وتقرا وتبحث وهذي الطريقة اللي انا تعلمت بها

وتاكد اني اي سستم فيه ميد رينج وميد باس

راح يكون صافي وونقي

;) ;)

السلام عليكم ورحمة الله وبركاته

انا مركب سيستم جديد بصراحة شي رهيييييييييييييييييب
:eek:
مع ان السماعات السيارة وكالة بس الصوت شي رهيب
نوع السستمsony wx-4500x
وهذ صورة السستم

خيار BASS BOOST في المضخمات هو لعمليه تضخيم BASS زياده بدون رفع Gain ..

ولكن دائما ينصح باغلاق هذه الميزه نظرا لانها تؤدي الى عمل Clipping للمضخم وطبعا هذا يخرب المضخم واذا عطيت اشاره تعبانه Clipped Signal للسب ووفر فا هذا يؤدي الى احتراق الملف الصوتي عند الواطات المرتفعه ..

===========

اما بخصوص RCA فا انا فاهم قصدك وهي تجي في مضخم PIONEER GM-X944 زي اللي عندك ..

طبعا هذه الاشاره تجي وتطلع زي ما هي ما فيها اي تغير او معالجه للصوت .. بس يمكن يكون فيها نسبه تشويش بسيطه نظرا لمررورها في قطع الكترونيه ولا ندري مدى جودتها ..


===============


اخوي Mark2

مسجلك كويس نوعا ما مع اني لست مع السوني دائما ..

ولكن عيب السوني ان ما عندهم Anti-shock Memory وهي مهمه علشان لو تطيح في مطبات قويه او صدمات ما ينقطع الصوت .


==============


اخوي 902 و M.A.M

على طاري horn حصلت لك واحد مركبهم وشوف شلون شغله عدل ..

واذكر انه اخذ المركز الاول في SQ Compititon ..

عموما شوف الصور :





هههههههههه شوف المضخمات اللي على اليمين وعلى اليسار نفس اللي عندي والله اني افتخر في TruTechnology ..

وكان ودي اني اخذ النحاسي اللي في النص لانه Tube amp ولكن سعره غالي ازيد 1000 دولار ما اقدر عليها والله ..

ولكن بعد ما شفت الاختبارات قي المقارنه بين اللي عندي والنحاسي كان الفرق بسيط فا الحمد لله ماني متحسف ..



شوف الهورن وين حاطهم ..



شفت لا حظت انه ما في تويتر لانه يشغل Mid و High .



اذا تبي تكمل الصور من هنا :

http://www.sounddomain.com/member_p...ange%20Speakers


تحياتي لكم ........

اخوي DDesigns
انا الحين ناقصني السب ووفر وابغا نصيحتك بافضل الموجود بالسوق السعودية ؟؟ واستفساري هو ليش ماتنصح بالسماعات الخلفية وانا اخاف اشيلها ويكون الصوت عندي مو متوازن وتخف قوة الصوت وعلى العموم عطنا نصيحتك اخوي بتحسين السيستم حقي واهم شي يكون الصوت مسرحي يعني متوازن واسمعه وانا ورا وانا قدام بنفس المفعول والوضوح والقوة
نصيحتك اخوي
ومشكور مقدما
تحياتي للجميع

افضل الموجود في السوق السعوديه هو بايونير بالتاكيد ...

اذا كنت نظام متوازن ومسرحي فا يجب ان تتخلى عن السماعات الخلفيه لانه سوف تحطم Image داخل السياره ..

طبعا انا اتكلم لو كانت سماعات عاديه ولكن لو كان مثلا Midbass في الخلف فا عادي ما فيه مشاكل ..

تعدد السماعات من انواع مختلفه يسبب تخريب الصوت على السماعات الممتازه في السياره ..

والله نصيحتي تبدي من المسجل .

وما دام المسجل عندك تمام على ما اذكر JVC ..

فا روح للمضخم وهو الحين عندك تمام ..
فا يبقى لك السماعات ..

انصحك تاخذ لك من دبي لان عندهم ماركات JBL و Infinite و JL و Focal وهذه كلها قويه وتحدطم اللي عندنا بكثير ..

والاسعار مناسبه ان شاء الله ..

انتظرني لما اروح اهناك اوا فيك في الانواع ..

تحياتي .......

انا بانتظارك اخوي DDesigns
انا حاليا مسجلي كويس والامبليفاير كويس .. تمام
ولكن الحين انا افكر بالسب ووفر فما ادري هل البايونير يقوم بالواجب او تنصحني اخليه بعد من الامارات مع اني مستعجل عليه لان حاليا انا مانقصني الا تويترات وسب ووفر والسماعات ابخليها من دبي بالمستقبل ... فما ادري وش نصيحتك لي بالوقت الحاضر ؟؟ وعلى فكرة لو اشتري سماعات بالمستقبل من الامارات يعني راح تكون midbass و midring ولا تكون 3 واي ولا 2 واي .. فهمني بالضبط الله لايهينك اخوي
وانا ودي بصراحة ب سب ووفر يهزني هز ويكون واضح وسينيمائي فهل البايونير اللي موجود هنا يلبي طلبي مع العلم ان المرتبة الخلفية عندي مافيها فتحة للتكاية الخلفية ولكن المرتبة بشكل كامل تنزل على تحت وانا صعبة انزلها على تحت لان دايما اكون مركب الشباب
نصيحتك اخوي وبيني وبينك مجال الصوتيات واسع ويدوخ الراس لكن مشكلتي اني احب هالاشياء
تحياتي وتقديري لك
وتحياتي لجميع من شارك بالموضوع
واللي ماشارك وعنده سيستم ترا نزعل عليه
تحياتي للجميع

هذا اللوفر اللي كان عندي وكان صوته ممتاز





وهو 1000W (Peak), 500W RMS



وهذي صور لهوندا اكورد "صور الوفرات " في الشنطة

طبعاً لك ووفر مقاس صندوق معين










لاحظ سمك الخشب




وهذا صندوق اصلي طبعاً احترافيه




وهذي تصاميم لصندوق مصمت

بخصوص السبو ففر فا النوع اللي كان عند الاخ 902 هو افضل شيء في السوق ..


شخصيا سمعته بس احس انه ما يبرد قلبي عدل ..

ولو انحكرت في سب وففر بايونير فا اقل شيء اخذ 2 ووفر علشان احس ان جسمي يتحرك مضبوط ..

ولكن عموما هو صوته ممتاز وعالي ولكن فقط قصه تحريك الجسم فقط .

=============

اما بخصوص السماعات فا انت براحتك تبي سماعات ولا تبي قطع ؟؟

على حسب الميزانيه ..

======

اما الصنودق في الصوره السادسه فا شكله صندوق من نوع ABC وهذا اصعب انواع الصناديق صنعا ولكنه افضل من Sealed و Ported لانه يحتوي على فتحتين كل وحده تكون محكومه بموجه معينه بحيث الوففر يكون صوته عالي في جميع الموجات ..

طيب اخوي DDesigns
سؤالي هو : هل البيس بيكون محسوس عندي رغم ان الصندوق حق السب ووفر بيكون في الشنطة ومافيه فتحة بالمراتب علشان افتح على الشنطة وانا اقصد ان البيس يكون محسوس مو جسديا ويحرك جسمي لا انا ابي احس ان البيس موجود بالاغنية واسمعه كويس وانا اخاف اذا كان بالشنطة ماينسمع البيس حقه خصوصا ان مافيه فتحة على الشنطة ولكن المراتب تنزل ومااقدر انزلها لان اخوياي دايم معي
وهل السب ووفر اللي حط صورته اخوي 902 DVC ??
وباختصار اخوي انا ابي الصوت يكون مثل اللكزس ومااطمع حاليا يكون احسن وانا الصراحة معجب بالسيستم حق اللكزس خصوصا اني الاحظ انه مسرحي ومتوازن وفيه بيس معقول
مشكورين مقدما اخواني DDesigns و 902
وتحياتي للجميع

M.A.M


نعم الووفر DVC



الصوت يكون مسموع على بعد 20 متر او اكثر اذا الصوت مرفوع على الاخر والسيارة ابوابها مقفلة


طبعاً انا جربته صوت البيس بس


فمن باب اولى يكون الصوت مسموع على بعد 3 امتار اذا ربع الصوت


الخلاصة :

لاتشيل هم الصوت بيكون مسموع وبالراحة



;) ;) ;)


وبخصوص تحريك الجسم

ركبت 2 ووفر وعليهم مضخم 944 على حمل 2 اوم

واللي حصل:

تشعرت الزجاج الخلفي اكثر من مره بقوة الصوت

كويس اخوي 902
لكن لاتنسى ان مافيه فتحة على الشنطة والمراتب الخلفية ماراح تكون نازلة فهل راح يكون مسموع في حالتي هذي ؟؟
اخوي 902 الظاهر ان جوابك انه يكون محسوس حتى في حالتي هذي لكن اعذرني تراني مااجمع .. هل جوابك ان البيس محسوس في حالتي اللي قلتها لكم ؟؟
اخوي 902 وش صار على طلب الاضافة على الماسنجر ؟؟
ومشكور مقدما وارجوك تحمل اسئلتي
وياليت لو عندك انت ولا اخونا DDesigns مواقع تعلمنا الانظمة الصوتية من ال صفر الى ان نصبح محترفين
والف الف شكر لكم اللي اعطيتوا الموضوع حقه وزيادة
تحياتي لك اخوي 902 واعذرنا على اسئلتنا اللي ماتخلص
وبانتظار رأي اخونا وخبيرنا DDesigns
ولاتنسون ابغاه مثل اللكزس لان انا عندي قوي واقوى من اللكزس لكن اللكزس مسرحي ومتورازن وفيه بيس لكن انا مو مسرحي ومافيه بيس
فياليت تدلوني على الطريقة المثلى لكي يكون مثل اللكزس لاني حاليا ماافكر يكون احسن من اللكزس ابغاه مثله تماما او افضل شي بسيط وان شاء الله بعدين نتطور ويكون احسن من الرولزرويس
ومشكورين مقدما
وتحياتي للجميع

M.A.M


صدقني بيكون مسموع بالعكس بيكون مسموع وصوته عالى اذا كان مو مزعج بعد


وللوفر مكانه الطبيعي في الشنطة حتى قي السيارات اللي يكون فيها الصوت وكالة



الماسنجر اتمنى اشغلة عندي وانا الحين متصل عن طريق ونيندوز 95

لانه اقوى سرعة جبتها 21 كيلو بت

والصفحة انتظرها 5-6 دقايق "صفخة وحدة"

ابركب ان شا الله قريباً اشتراك اوربت

وتقدر تراسلني على Email



والمواقع "ابشر"


وبالنسبة لان يوصل الصوت عندك الصوت مثل الكزس ممكن ولكنمابيوصل نفس المستوى

لانه الكزس سماعاته قطع وانت عادية

هو مركب Horn وانت

_____________

على فكرة ركبت تويترات


وغير ان سماعاتك KENWOOD واذا غيرتهم ركب قطع


وشكراً

كلام الاخ 902 صحيح ..

صدقني راح يكون مسموع ولا تخاف اذا كانت الكراسي تنزل ولالا ..

لان BASS مو مثل الميد وال هاي لانه ينتقل من خلال الاجسام وحتى من خلال عضام جسم الانسان علشان كذا BASS خطر على صحه الانسان .

اما بخصوص مواقع التعليم فا فيه موقع ما اقدر افترق عنه وهو ساعدني اكثر من 50 % من خبرتي ...

http://www.eatel.net/~amptech/elecdisc/caraudio.htm

وودي اطلب السيدي من عندهم ...

اما بخصوص DVC و SVC فا انت على كيفك لانهيجي النوعين من عند الوكاله وانت اختار اللي تبيه ..



=========

اخوي 902

تقول عندك القزاز اللي ورا انشعر !!!!!

ايش نوع سيارتك ؟؟ اكيد رايحا فيها لان تكسير او شلخ القزاز مو هين ..


لانه قبل مرحله تكسير القزاز في مرحله اسقاط المرايه حقت الرؤيه الخلفيه .

انا تقريبا المرايه الخلفيه على وشك السقوط .. ههههههههه

ولكن تكسير القزاز صعب ما ادري لان حاط الوففر حقي في الشنطه ومنزل الكراسي يعني وجه السماعه موجه الى الامام .


تحياتي ......... :p :p :p

على العموم اخواني 902 و DDesigns
مشكورين وماقصرتوا وحاليا ابكتفي ب سب ووفر واحد وبعدين ناوي اركب قطع لان الصراحة اذا سمعت الصوت باللكزس تحس انه مسرحي ومتوازن والصوت وهو واطي يكون مسموع بطريقة حلوة
اما بالنسبة لل Horn اعتقد انها مو موجودة باللكزس اللي عندنا بالسعودية ولكنها موجودة باللكزس الاسترالية ونظامها معروف باسم
Mark Levinson
اما اللي عندنا فنظامها بايونير هذا بالنسبة لل GS وال ES
اما ال LS فصراحة ماادري
طيب انا عيال عمي عندهم لكزس وحدة ES ووحدة GS كيف اعرف ان السماعات حقتها قطع وكيف اعرف اذا فيها Horn ولا لا؟؟

اخوي 902 انا سماعاتي PIONEER
وماركبت تويترات
وبعد فترة ابركب وطبعا باستشارتكم ;)
على فكرة ياشباب هل بالسعودية احصل سماعات قطع ولا ؟؟
لاني انا بصراحة ماافكر بالشراء من الانترنت لان وضعي كطالب مايسمح واذا توظفنا يصير خير ان شاء الله ولو افكر اشتري برا السعودية فراح يكون من الامارات خصوصاً ان عندنا مراسل هناك
تحياتي للجميع

ما اتوقع ان اي سيارة وكالة يكون فيها Horn


لان مثل ما قال DDesigns قيمتها فوق 2000 دولار

+++++++++++++

بخصوص سماعاتك الKENWOOD

حصل لبس

المعذرة
++++++++++++

والتويترات


ممو مشكلة ركب افضل ما في السوق PIONEER


++++++++++

سماعات القطع ياليت تكون في الرياض او في السعودية

كان شريتهم

DDesigns

مو بس القزاز انشعر اللمبات متفككة واللوحة متفككة والانتل علق


والجناح متفكك


والمراية ممو موجودة اصلاً


وانا مركب للووفرات وعلييهم مضخمين

سماعات بيضاوية ومركب عليهم مضخم

مشكور اخوي 902
اما بالنسبة لللبس اللي حصل عادي كل واحد يغلط
اخوي DDesigns



ماشاء الله شريت موتر ولا انت تقصد الهونداي ؟؟ وهل مازالت عندك؟؟
وطيب اخوي لو ابغى اجرب سماعات عندي في البيت قبل مااركبها للسيارة كيف؟؟ وكيف اعرف ان السماعة هذي لو اشبكها على مضخم ماتحترق ؟؟ هل السالفة لها دخل بالواط ولا بالاوم ولا كيف؟؟
ومشكورين على ردودكم وخبراتكم
تحياتي للجميع

ياليت احصل رد على استفساري السابق من DDesigns و 902
اقول اخوي 902
بما انك عندك مشاكل بالاتصال وش رايك اضيفك للماسنجر حقي ومتى ماراحت مشاكلك وخشيت الماسنجر تحصلني موجود
وش رايك؟؟
واذا وافقت اني انا اضيفك للماسنجر حقي ارسل لي الماسنجر حقك برسالة خاصة
تحياتي لكم

لا والله ما شريت سياره للحين ..

بخصوص تجربه السماعات في البيت قبل ما تركبها بالسياره فا هذا خطير جدا جدا لانك راح تخرب مضخم البيت ..

لان سماعات السيارات دائما تكون بين 2 الى 8 اوم ..

وسماعات البيت دائما بين 8 الى 16 اوم .

هلا حبايبي حبيت اشارك موضوع الصوتيات اللي يعجبني جدا و متابع له و يسعدني اكون معاكم في هالمنتدى بس للأسف ماسجلت للحين )

انا مو صاحب النيك نيم .. قلت مالي الا استعير الاشتراك من صاحبي عشان اشارك معاكم وخاصة اني ابغى استشارتكم

انا حاليا موجود في دبي و ناوي على سماعات :eek: صوت وليس سب ووفر .

من خلال معلوماتي و متابعتي لمشاركاتكم الحلوه المهم و انا ماشي في شارع الشيخ زايد فيه محل اسمه IDDESIGN مادري <<< شكله لك اخوي Ddesign خخخ ويش يبيع مدري ما دخلته للحين ان شالله بكره اروح اشوفه .

اوكي حصلت سماعات نوع JBL شوف هالمعلومات عنها
130MM (5") 75W rms/225W Peak
هذول يجو قطعتين تويتر لوحده وسماعه لوحدها اعتقد انها ميدرنغ . الصناعه صينيه سعرهم ماعرفه بس عطني رايك فيهم.


......
اللي بعدو سماعات نوع JBL وهذي معلومات عنها
160MM(6") 90W RMS/27W Peak
تجي قطعتين تويتر و ميدرنغ.
. صناعه صينيه و سعره 270 ريال تقريبا .


...........

سماعات نوع INFINITY موديلهم اسمه Kappa Series ورقم الموديل Kappa 50.3cs
تجي ثلاث قطع تويتر و ميد رنغ (كروس اورز) ثلاث قطع او ثنتين مش متأكد.

مقاس130mm
قوتهم 85W/225W
السعر 500 ريال الصناعه ماعرفها بس اعتقد انها زينه مش صينيه لأن على كلام البياع انهم غاليين لأن صناعتهم كويسه.


............
سماعات نوع JBL
موديل مكتوب عليه
Loudspeaker Component System
رقم الموديل بالضبط GT0605Ce

هذول يجو ثلاث قطع تويتر وكروز اووز و سب ووفر . صناعه صينيه و سعرهم ب 300 ريال . هذول عجبوني بس ماشاتريتهم لأن الصناعه صينيه مو امريكيه فما تسرعت و استشيركم احسن .

بالنسبه الى باقي انواع السماعات فيه ألباين ب 350 ريال تقريبا بس تجي تويتر مع السماعه مع بعض يعني .. و انا يعجبني لمن يكون تويتر قطعه مفصوله عن السماعه

عطوني رايكم و لو فيه نوعيه تمام بعد و موجود في دبي لا تبخلو علينا .. بالنسبه لسماعات JL AUDIO مش موجودين بس فيه سب ووفر موجود 125 واط ب 600 ريال


انتظر ردودكم لأن انا راجع بعد يوم مافيه فرصه ... و ان شالله اشوف المحل اللي في شارع الشيخ زايد و اقول لكم وش فيه

اخوي DDesigns
انا اقصد هل فيه طريقة اجربها بالبيت وماقصدت اني اجربها على مضخم البيت وانا اصلاً ماعندي مضخم للبيت
واكرر استفساري : كيف اعرف ان السماعات اللي عندي يناسبها مضخم قوته كذا وكذا ... الخ
وكيف اعرف ان السماعة هذي لو اشبكها على مضخم يمكن تحترق !!
وطبعا كلامي كله عن السيستم حق السيارة والبيت تونا بدري
ومشكور اخوي DDesigns
واشكر كل من شارك بالموضوع واتمنى يقدرون خبرائنا يفيدون الاخ اللي مشارك باسم king_prelude
ومن العايدين ومن الفايزين ان شاء الله
واعاده الله علينا وعليكم وعلى الامة الاسلامية بكل خير ان شاء الله
وتحياتي للجميع