DDesigns

الخطوات موضحة مع الصور

http://www.nissanperformancemag.com...kickpanel.shtml

او


http://www.sounddomain.com/memberpage/216257/4




طبعاً المواد تلاقهم عند حقين الفيابر
======================================

M.A.M

الفيوز يكون مركب زي الصورة طبعاً مو نفس الفيوز



والفيوز



طبعا مو لازم نفس الشكل

اتمنى الصورة تكون وضحت


وطلبك ابشر

والافياش
كالتالي






وبالنسبة لتحسن الصوت مثل ماقال اخوي DDesigns

مشكور اخوي 902
وتسلم والله وماقصرت كفيت ووفيت
والله يخليكم لنا ياخبرائنا ;)
بس ياليت لو تقولون لي ال 20 % من التحسن اللي بيصير بيكون من اي ناحية ؟؟
وعلى فكرة اخوي 902 انا اذكر انك كنت محتار بين الاكورد والكامري واغلب الشباب نصحوك بالاكورد فما ادري اذا اشتريت سيارة ولا لسا؟؟
وبالنسبة لاخوي DDesigns انا مستعد ادرو لك اكورد عندنا بالرياض لاني اذكر انك تقول انها غالية بالشرقية فياليت تحدد المبلغ الماكسيموم عندك والموديل
تحياتي وتقديري لكم

تحسن الصوت يكون مثلاً

اذا رفعت الصوت يكون صافي

او اذا قصرت عليه تسمع جميع التردادت واضحة

ماتحتاج انك ترفع صوت المسجل كثير عشان كذا المسجل بيصير ابرد

سماعاتك بيوصلها اشارة صافيه وبتعيش معك اطول


وطبعاً على حسب جودة المادة المستمعة اذا كانت wav او mp3




بالنسبة للسيارة قررت اشتري اكورد نصف فل
بس انتظر الظروف تسمح لي

اخي M.A.M

راح يكون تحسن في الصوت مثل ما قال 902 يعن راح يتحسن Tweeter و Midrange اكثر ..

طبعا رحا تكون الاشاره اللي ترسله انقى وليس clipped .

وهذا يريح المضخم والسماعات .

اما BASS فا لو خليت الحمل 2 اوم فاسوف يعطيك تقريبا 400 الى 500 واط RMS وهي محترمه بالنسبه له ..

اذكر اني كنت مشغل DD حقي عليه وكان الصوت روعه وعالي .

===============


اخي 902

بخصوص صوره البطريه والفيوز المحطوطين ..

تقدر تعرف وين ممكن احصل distributor اللي يدخل سلك واحد سميك وبعدين يسويلك تفريع الى 2 او 3 ؟؟؟

لان الطريقه اللي مسويها عندي غريبه لان مستعمل فيوزات ANL وهي معروفه انها اقوى شيء للتحمل ومخلي التفرع من عند الفيوز ههههههه .

=========


اما بخصوص Kick Panel فا مشكور على الموقع الصراحه واضح مع الصور .

ولكن سؤال؟

هل سويت من قبل baffle ؟؟

طيب اخوي محلات الفايبر قلاس وين بالضبط يعني وش يسمونهم لاني ما اعرف وين اروح بالضبط .



والله اني متحمس اني اسويها بنفسي بس خايف انصدم ان ما عندي العده اللازمه ..

============


هههههه اخوي 902 احنا بالهوى سوى ندور على اكورد ..

تدري ان الاكورد من افضل السيارات في العالم في انظمه الصوت حيث انها مؤهله جسديا نوعا ما .



تحياتي ......

DDesigns

بالنسبة للdistributor المشكلة عندنا ماحد مهتم بالصوتيات دورت عليه وعجزت احصلة

فا اخترعت لي واحد

والمقادير كالتالي:

1-صندوق صغير من اي مادة او اي شي مكعب

2- وصلات كهرباء المنزلية اللي توصل بين سلكين

وعددها يكون واحد كبير

وثلاثة مثلاً احجام اقل

والطريقة:

تلف الاسلاك مع بعض في طرف وتحط عليهم لحام الكترونيات وتشبكهم قي طرف الوصلة الكبيرة

وتوزع الاسلاك على الوصلات الصغيرة وتحط عليهم لحام



فائدة اللحام : تثبيت الاسلاك مع بعض وكذلك عشان تربط المسار بدون ما ينقطع اي سلك

طبعاً تقدر تثبت الوصلات بمسار في الصندوق

وتحرص انك الاسلاك تكون قوية يعني اقوى من السلك الرئيسي(تحسباً لاي طارئ)


==========================================

الفايبر قلاس

تسأل عن الورش اللي يفصلون صدمات و زوايد وتروح لواحد فيهم وتسأل عن اسماء المواد المستخدمة

(بالعامية طبعاً) ويين تلقاهم

يعني مو معقولة تدخل محل وتقول عندك adhesive spray او تقول عطني علبتين resin



=================================
baffle

سويت ثنتين للسماعات اللي ورا

طبعاً يفرق الصوت

طيب Baffle اللي سويته هل مشيت على حسب الشرح الموجود في الموقع الللي عطيتني اياه ؟؟

طيب كم اخذ منك وقت عمليه التشكيل ؟؟

وهل صادفت اي مشاكل في نقص العتاد ؟؟

وهل توقع مني كا مبتداء في هذه الشغلات اني افهم على طول ؟؟

هل تقوم بوضع عازل من داخل baffle ؟؟

وي ليت تعطيني صوره من اللي عندك لو تقدر ..

انا خذت الطريقة من الشرح

وقت التشكيل على حسب الشكل اللي تبيه كلما تعقد كلما طال الوقت

وعموماً التشكيل بالقماش مو صعب



تشكيل الاشكال البسيطة سهل

لكن اهم شي انك تتاكد من الشكل قبل ما تحط المادة

طبعاً تحط اكثر من وجه عشان تصير قوية وتتحمل


نقص العتاد والله دور وانت وحظك






طبعاً اذا جفت راح يكون فيها شوائب بسيطة تحتاج صنفرة

بالنسبة للي عندي شكلها بسيط جداً وان زيك مبتدئ وحطيت عليها تنجيدة فمراح تكون واضحة




ملاحظة: المادة استنشاقها مضر جداً عشان كذا انتبة وانت تستعملها

مشكورين والله وماقصرتوا ياخبرائنا
تحياتي وتقديري لكم
تحياتي للجميع

M.A.M


انا عارف ان الموضوع انحصر بيني وبين الاخ DDesigns

بس وش نسوي مافيه احد عنده نفس الاهتمام

وانا استفدت بشكل كبير من خبرته وخصوصاً في الاجهزة الامريكية


واتمنى انه يستفيد مني



وشكراً

وش دعوا اخوي 902
بالعكس ياليت تتكلمون اكثر واكثر علشان نستفيد
والمفروض انتم تسوون حلقات دروس عن الصوتيات وتثبت في سوالف
والله ياليييييييييييييت ... بس ولا في الاحلام :(
على فكرة اخوي 902 شكلك نسيت تلبي طلبي
تحياتي لك
تحياتي للجميع

M.A.M


هلا فيك


معليش طولت



المهم رحت للغرابي وشفت المحل اللي قلت عليه (يعني ماعليهم)


كذللك في محل جنبهم اسمه التمران في واحد مصري(شغله ماعليه وشفت تركيبهم)



وبالنسبة للطلبك


ابحاول افتح الموقع عشان اسجل ولكنه مايفتح عندي

السلام عليكم
ابشركم اخيراً ركبت الامبليفاير حقي بس صابني خيبة امل لان المحل ماحصل اسلاك RCA الا وحدة من نوع MONSTER والثانية من نوع كينوود ويقول لي انها غالية .. وانا صراحة ماادري اذا لعب علي ولا لكن الكينوود سميك لكن رؤوسه تحس انها اي كلام
وعلى العموم الصوت ماعليه تمام ومقبول
وبالنسبة لسلك البطارية سمكه 4 ملم واحس انه مو سميك وبعد ماحصل الفيوز اللي تقول لكن الله يعين
بس اللي استغربته ان السوني 444 اذا كان الصوت على 1 يكون قوي شوي اما ال 944 يكون مو قوي لكنه انقى
تحياتي لكم
واتمنى اخوي 902 ان تضيفني عندك بالماسنجر واذا كان ماعندك MSN
علمني اذا تبغاني اسجل لك
ومشكورين ياشباب
واي نصائح تقدمونها على العين والراس
تحياتي للجميع

الف مبروك


وبالنسبة للأسلاك لاتشيل هم اهم شي ان الصوت واضح ولو فيها اي خلل بيطلع لك تشويش فوراً

وبالنسبة للسلك 4ملم ماعليه وممتاز لأمبليفاير واحد

+++++++++++++++++++++++++++++++++
واحرص على تركيب الفيوز اللي عند البطاربة

ويسمى بالعادة (قاعدة فيوز)

لانه ماتدري لاسمح الله يمكن يصير التماس
+++++++++++++++++++++++++++++++++
الامبليفاير مايشتغل وتحس فيه الابعد مايوصل مستوى صوت معين


+++++++++++++++++++++++++++++++++

بالنسبة للاضافة يشرفني انك تكون واحد من المضافين

ولكن عندي الاتصال جداً سيء يعني مايتعدى 21 كليو بت

واتمنى اني افتح موقع hotmail

ولكني ابروح مقهى واحاول اضيفك في اقرب فرصة


+++++++++++++++++++++++++++++++++++

وبالنسبة للنصايح

اذا كانت عندك 500 او 600 ريال مضيقة عليك وماتحتجهم

اشتر لك ووفر بايونير 700 واط الاسود وهو مخصص للصناديق

وفصل صندوق له يكون مصمت يعني بدون فتحات ولا تقرب الصناديق الجاهزة

وطبعاً تروح للفصلون الصناديق وتطلب صندوق يشيل الووفر من الخشب المضغوط mdf

وطبعاً تحط عليه تنجيدة حسب الرغبة

وتشبك على امبلفاير السوني اللي عندك


وبيكون السستم عندك:banana:


++++++++++++++++
ملاحظة شخصية:
اسم المستخدم 902 يستعمله اكثر من واحد


والامعاك محمد

مشكور حبيبي وتسلم لي والله وماتقصر
ووالله انا اللي يشرفني انك تضيفني عندك
وعلى العموم اخوي محمد تسلم على نصايحك وانا والله افكر بالسب ووفر علشان يكتمل السيستم عندي لكن محتار بافضل الانواع الموجودة وفيه نوع اذكر انه احسن من ابو 700 واط وهو 1000 واط واذكر ان DDesigns سبق واستشاره واحد ومدح له النوع ابو 1000 واط وطبعا هو مخصص للصناديق وال RMS حقه 500 واط على مااعتقد والظاهر موديله
TS-W1201C ماادري اذا سمعت عنه او جربته او شفته
وعلى فكرة بالنسبة للفيوز الكبير او قاعدة الفيوز هل ضروري اركبه ومايكفي الفيوزات اللي بالامبليفاير ؟؟
وعلى فكرة اخوي محمد اذا نويت اركب سب ووفر ان شاء الله ابغاك تدلني على محل فاهم بتفصيل الصناديق
ومشكور اخوي على كل ماقدمته
وياليت تستمرون انت واخوي DDesigns بطرح ابداعاتكم واستفساراتكم ولو يحصل دروس بعد
تحياتي للجميع

ممتاز ان كنت متوقع بان تطري ابو 1000 واط واللي خلاني اقول ابو 700 واط لان الاملبيفاير السوني بشغله ومضبوط

ولكنه يشغل 1000 واط بالراحة

واذا فيه امكانية تشترية الف مبروك مقدماً


وطبعاً انك كنت شاري 2 منه وصوتهم رائع




""""""""""""""""""""""""""""""""""""""""""
بالنسبة للفيوز

باقولك قصة صغيرة:

تخيل لاسمح الله صار حادث لواحد ماتعرفة (موب انت عشان ما أتفاول عليك) من الباب الخلفي اليمين وانقطع سلك وش بيصير

السللك بيتلامس مع الهيكل ورايح يبدأ يحترق ويحرق الفرشة ويمكن تحترق الضفيرة ولاسمح الله وبعيد الشر يخسر السيارة بالكامل


بينما اذا كان فيه فيوز

رايح يفصل الفيوز بعد مايحصل التماس على طول


لاتنسي ان السلك 4 ملم

"انا عارف اني اقلقتك ولكن هذي هي الحقيقة المأساوية"


"""""""""""""""""""""""""""""""""""""""""""""""""""""""""
الصندوق : اغلب اللي استخدموه نصحو ان الصندوق يكون مصمت

يعني بدون فتحات

والمحل مايفرق كثير لان شغلة سهلة واي محل ممكن يسويه باتقان

ولكن المهم الفتحة اللي يركب فيها اللوفر مو اي محل ممكن يضبطها

"""""""""""""""""""""""""""""""""""""""""""""""""""""""


مشكلة DDesigns انه ينقطع ويطول وان متحمس اب اي اشوف هل سو Baffle والا لا

طيب اخوي محمد ماادري الفيوز هذا وش اسمه المعروف عند المحلات ووين احصله بالضبط وتنصحني بكم امبير ؟؟ وسعره كم تقريباً ؟؟
وعلى فكرة المحل اللي قلت لك ركبت عنده الامبليفاير حصلته جايب سماعات JBL
وصراحة اول مرة اشوف سماعات JBL في الرياض وعندي لك سؤال اخوي : انا عندي سماعات بايونير الموديل اللي قبل السماعات الصفراء مع العلم انها كلها نفس ال RMS الامامية 60 واط والخلفية 80 واط والصفراء نفس ال RMS حق السماعات اللي عندي بس سماعاتي تفرق انها الامامية 3 WAY والخلفية 4 WAY فماادري الفرق بينهم كبير ولا؟؟ وحاليا عندي مشكلة قاهرتني وهي ان السماعات الخلفية الكبيرة صوتها اقوى من الامامية وصوتها يطغى على الامامية وماتحس بالامامية الا اذا رفعت الصوت فياليت باي نصيحة علشان يكون الصوت متوازن بس بدون مااقلل من قوة السماعات .. يعني تكون شغالة بكامل قوتها بس موزونة والصوت يكون محيط ومسرحي
واعذرني اخوي على كثرة اسئلتي
وانا والله كان ودي تسمع الصوت وتحكم عليه بنفسك
وبالنسبة لاخونا DDesigns اذا عنده مشورة ولا نصيحة ياليت يتحفنا فيها لانه ماشاء الله عليه موسوعة ماشاء الله ماشاء الله
تحياتي لكم

تسمى (قاعدة فيوز) وتلقاه في شارع الغرابي وفي اكثر من محل وخصوصاً اللي يركبون الزنون وخذ 30 امبير
وسعره 5-10 ريال



سماعات JBL فيها اصلي وهو مصنوع في امريكا وفيها انواع تجارية فا مااتوقع انه جايب اصلي


وبالنسبة للسماعات فالفرق يكون في استجابة لنطاق تردد معين


وزن السماعات يكون في المسجل


<<<<<<<<<<<<<<<<<<<<<<<<<

بالعكس اسئلتك تسعدني واتمنى اني افيدك

,,,,,,,
ان شاء الله يكون قريباً

تسلم اخوي وماتقصر
بس وين DDesigns ماشفناه وماعطانا اقتراحاته ومابارك لنا على التركيب
وماندري وش سوا بال Baffle ؟؟
تحياتي للجميع

تم تحقيق طلبك

مشكور اخوي محمد
بس انت تقصد اي طلب؟؟
طلب الاضافة بالماسنجر ولا دروس الصوتيات
اذا كان طلب الاضافة في الماسنجر فلم يتحقق الى الان:( واذا كان دروس الصوتيات فانتم ماقصرتم لكن ياليت لو تسوون دروس من البداية يعني نبدأ من الصفر لكن هذي صعبة عليكم اخوي لانكم مو متفرغين لكن ياليت لو تعطونا بعض المواقع اللي نقدر نبدأ من الصفر الى ان نصير خبيرين مثلكم
على فكرة اخونا DDesigns وينه ؟؟
من طول الغيبات جاب الغنايم
تحياتي للجميع

حياكم الله شباب .

كيف حالكم ؟؟

آسف على التاخير شباب لاني كنت مشغول في البحث عن جامعه لاني خلاص على وشك اخلص الكليه وراح انتقل الى الامارات ان شاء الله ..........


اما بخصوص buffle فا والله ما بديت فيه الى الان ولكن تقريبا عرفت من وين اجيب العده حقت الصنع وراح اعطيكم صور بعد الصن قريب ان شاء الله ..




والله ما ادري وش ارد عليه لان الاخ 902 كفا ووفى ..

بس عندي تعليق بسيط بخصوص الفيوزات فا اعتقد اذا كانت الامبلي فايرات بسيطه وتحتوي على فيوز داخلي من نفسها فا لا يحتاج الى فيوزات خارجيه لانه سوف تصبح خساره كثيره ..

حيث اني امتلكت X944 لمده طويله جدا جدا ولم اضع له فيوزات ابدا غير الموجوده فيه .

بالاضافه ان نوع الكيبل يحدد قيمه التيار المار في السلك فا لو كان الكيبل سميك فا هذا سوف يكون خطر على المضخم كثيرا اذا كان غير مصمم للتعامل مع التيارات الكبيره فا يؤدي الى احتراق الفيوز ..

بس باختصار لن تحتاجه الان .

ولكن اغلب المضخمات الامريكيه فا هي تاتي بدون اي فيوزات وهم يعطونك الحريه في اختيار حجم الفيوز الذي تريده على حسب حجم تدفق التيار الذي تريده ..

تحياتي ...

هلا والله اخوي DDesigns
حنا بخير الحمدلله واشتقنا لك ومبروك مقدما اخوي لانك على وشك تخلص الكلية
بس حرام تروح للامارات وحنا ماسمعنا السيستم حقك
والله يوفقك بس ماشاء الله اخوي انت بتخلص كلية وبتروح لجامعة .. وشلون يعني انت بتكمل دراسة هناك وتاخذ بكالريوس ولا انت بتاخذ البكاريوس من السعودية وتكمل ماجستير هناك !!
ووشو تخصصك اخوي ؟؟ واعذرني على لقافتي
واتمنى لك كل الخير والتوفيق ان شاء الله
بس لاتنسانا اذا رحت هناك وخلك متواصل معنا
تحياتي وتقديري لك

هلا حياك الله ..

انا راح اخلص الكليه ويكون معاي دبلوم عالي في الالكترونيات ..

وراح اروح للامارات علشان اكمل واخذ بكلريوس .

بس راح اغير تخصصي فوق تحت لان راح ادرس كمبيوتر هناك يعني تقريبا ابدي من جديد يعني يبيلي اقعد هناك اقل شيء سنتين او 3 سنين ... الله يعينا على المصاريف ..


بس ان شاء الله ما راح اترك المنتدى ...

راح اكون مراسلكم من دبي في اي استشاره في اسعار السيستم هناك هههههههههههه وعلشان اشوف بعيوني الماراكات اللي هناك .

بالتوفيق ان شاء الله ودعواتنا لك
واهلا بمراسلنا في الامارات
DDesigns
موسكوووووووو
ههههههههههههههههه
اكرم خزام حق الجزيرة
DDesigns
دبي او الشارقة
الامارات
مراسل سوالف الخاص بالانظمة الصوتية
تحياتي لك

DDesigns

الله يوفقك وين ما رحت


اكيد عنك سستم في البيت تقدر تعطبنا وصف له



==================
بخصوص الفيوز:

الفيوز مو للمضخم ولا له دخل في المضخم

الفيوز لحماية "السلك والسيارة والضفيرة" بس اذا حصل في السلك التماس

وانا مجرب بدون فيوز واحترقت عندي الضفيرة بسبب حادث في الباب الخلفي وانقطع عندي السلك وتلامس مع الهيكل واحتر السلك وذاب
وسو التماس جامد
وطفت السيارة 3 اسابيع وتبهذلت وانا ادور في الورش والتشليح


وبعدين مو مكلف الا 10 ريال وتركيب جدا سهل

:(