ههههههه صح كلامك انه غالي ولكن تذكر انه شهرين فقط الاستخدام ..

عموما انا قاعد اتكلم على كيفي وما ادري الرجال كم يبي فيه ..

هو مسافر وراح يرجع بعد 10 ايام فا اذا رجع راح اسئله بكم لانه يمكن ما يوافق .

اما بخصوص الامبلي فاير فا الى الان ما انسام بس هو بالتاكيد اقل من 500 ريال .

حيث ان الرجال اللي مسافر يبي يجربه بعدين يشتريه فا اذا لم يعجبه راح اقولك .

معليش صارت لخبطه هههههه .

يب ايش رايك انت في الامبليفاير
يتحمل
2سماعه 400واط
سب ووفر 1000واط
مسجل jvc mp3 الي سعره في السوق 1100ريال سعودي فقط
وسلامتك

مبروك على القطع الجديدة

شوف كل الامبلي فايرات او اغلبها ممكن تتحمل انك تركب عليها سماعات وسب ووفر ولكن الكلام كم واط تعطيك .

فا ما راح تفيدك لما يكون مكتوب على السب ووفر 1000 واط اذا انت ما عطيته على الاقل 500 واط .

عرفت شلون ؟؟

اما السماعات فا 400 واط هذا كله نصب ودعايه فهي اقصى حد تاخذه 80 الى 100 واط وبعده تحترق .

فا اذا كان الاختيار لي سوف اخذ نفس المضخم الذي كان عندي من قبل وهو Pioneer GM-X944 حيث انه يعطيك 75 واط لاربع قنوات ( واط حقيقي )

ولكن اذا شبكت عليه السب ووفر DVC على حمل 2 اوم راح وتكون موصلها على طريقه الجسر راح يعطيك 500 واط ( واط حقيقي )

وهذا ان كنت مشبكه على 15 انش حقي وكان الصوت تفجير صراحه .

ولكن اذا كنت تبي BASS زياده فا لازم مضخم ثاني ويكون خاص يعني من نوعيه Class-D لان هذه لانوعيه مخصصه للسب ووفرات .

والله انا ماودي الموضوع ينزل وودي لو يحطون قسم للصوتيات بعد
وعلى فكرة اخوي DDesigns
انا لو ماحصلت الامبليفاير ال JBL BP600.1
ابحاول احسن نقاوة الصوت وابغاك تساعدني اخوي
اولا انا عندي 4 سماعات بايونير ويمكن تتذكرها يوم اكلمك على الماسنجر ... وياليتك تخش ماسنجر ياخوي اه اه لو كنت تخش
المهم حبيبي هذي السماعات ال RMS حقها الامامية الصغيرة 60 واط والخلفية الكبيرة 80 واط واحس ان الصوت ورا اقوى من قدام ومافيه توازن مضبوط ومركب امبليفاير سوني 444 ... اكيد تعرفه طبعا والظاهر هذا اكثر مضخم يركبونه في السعودية لان سعره حلو
المهم اخوي انا شابك مسجل السيارة ومسجل ال JVC كلها بنفس الوقت وباسلاك عادية وليست RCA وابغا نصيحتك علشان ازيد نقاوة الصوت عندي وايضا ازيد قوة الصوت
ومشكور مقدما اخوي لاني عارف انك ماشاء الله عليك المفروض تأخذ جائزة اسرع عضو يرد وياليت كل الاعضاء مثلك
تحياتي وتقديري لك
وتحياتي للجميع

السلام عليكم ورحمة الله وبركاته


هلا شباب ..


اخوي DDesigns .. ما شاء الله عليك استاذ في SOUND SYSTEMS كنت ابغي اطلب منك طلب بما انك من اهل دبي .. ان شاء الله انا رايح معرض جايتكس دبي يوم 16/10 القادم وكنت ابغي اشتري مسجل وسماعات ووفر مستعملين من هناك .. فاذا عندك او عند اي شخص تعرفه يبغي يبيع انا حاضر .. الله لا يهينك


ومشكور اخوي علي مشاركتك معنا




تحياتي اخوكم عبدالله




سلاااااااااااام

هلا والله اخوي عبدالله
حبيت اقول لك بس ان الاخ DDesigns مو من الامارات
هو من السعودية ومن المنطقة الشرقية
تحياتي لك وللجميع

بصراحة الكامرات رائعة ولو كانت الكاميره الاماميه على الصدام لكان افضل.

بسم الله الرحمن الرحيم
السلام عليكم ورحمة الله وبركاته

ح ب ي 300
هلابك اخوي بس في الصدام ينخاف عليها وصعب تلقا مكان مناسب لها


اخوك
متيم

للرفع علشان يشوف الاخ DDesigns استفساراتي
تحياتي للجميع

السلام عليكم


مرحبا اخ M.A.M

شوف حبيبي اول خطوه لزياده النقاوه هي انك تستعمل RCA وليس اسلاك عاديه .

ثاني خطوه هي تغير مضخم السماعات .. واذا ما نفع تغير السماعات ..


والله انا ما عارف مستوىالصوت عندك بالضبط وا ادري ايش اللي عندك حلو او مو عاجبك لان سماعات احسن شيء في السوق .

ولكن يبيلك مضخم فقط .

انصحك الباين ALPINE .




==========


اخي الغامدي عبدالله

شوف حبيبي انا راح اطلب سماعات خلال الاسبوع هذا تقريبا ..

فا لو حاب اطلبلك معاي فا انا حاضر .

طبعا اختار اللي تبيه من هنا :

فيه سماعات عاديه وفيه قطع component .

انا راح اخذ component .

هذه اغلى والتي انا سوف اشتريها :

Euro Sport

http://www.carstereoworld.com/cdtech/eurosport.html
HD

http://www.carstereoworld.com/cdtech/hd_series.html

Classic

http://www.carstereoworld.com/cdtech/classic.html

تلاحظ ان euro sport و Classic عندهم سماعات عاديه لما تنزل تحت اخر شيء .


فا انت براحتك اختار الللي تبي طبعا ثق تماما ان ارخص سماعه عندهم افضل 100 مره من اللي عندنا في السوق .

هذه الشركه فا زات بجوائز كثيره في مجلات السيارات الخاصه للصوتيات.


فا طبعا الاسعار هي كما موجوده في الموقع + واضف عليها سعر الشحن + اضف عليها 4% من سعرك الاجمالي مخصص لاستعمال الفيزا .

ولو كان في جمرك ولا شيء راح نعرف بعدين ....


فا لو حبيت اطلبلك معاي لانها فرصه ما راح تخسر شيء ولو ما وصلت الاغراض راح ارجع لك فلوسك وانا اللي اكلها . لووووووووول

عموما هذا اي ميلي :

cobra_svo@hotmail.com

واذا فيه شباب يبون شيء فا انا حاضر واطلب لهم معاي ...

مشكور اخوي DDesigns
وياليت اخوي الله لايهينك تقول لي وش احسن مضخم يناسب سماعاتي
مع العلم ان قوتها ال RMS للامامية الصغيرة 60 واط وللخلفية الكبيرة 80 واط . فياليت تقول لي المضخم المناسب وموديله وهل تنصحني بالبايونير GM-X944 مع العلم انه 75 * 4 واط وانا سماعاتي الامامية 60 واط . هل ينفع اركب هذا المضخم مثلا او مضخم ثاني بنفس هذي القوة بدون خطر على السماعات . اتمنى منك ان تدلني على الرأي الصواب وللأسف اخوي تصدق ان الرياض كلها ماحصلت فيها اسلاك RCA جيدة وكل اللي موجود ب 15 ريال وب 10 وانا ادور نوعية جيدة وسعرها معقول. على العموم اخوي اتمنى منك توجيهي نحو الطريق السليم
وشكرا لك اخوي
وتحياتي وتقديري لك وللجميع

لا تركز على القوه كثيرا ولكن ركز على الجوده لان عندي 40 واط نقيه افضل من 7 واط غير نقيه .


عموما GM-X944 جدا جدا ممتاز وقوي وانصح به لاني مجربه سنه ونصف .


وما عليك من السماعات ما راح تخرب او تحترف بس لا تعلي الصوت كثير .

انا اللي عندي 150 واط في اربع قنوات ومركبه على سماعه بايونير 40 واط ولا احترقت ولا شيء .


اما بخصوص RCA انا مو كان قصدي تشتري RCA غالي بل اقصد انك قلت لي انا ما استعمل RCA بل استعمل اسلاك عاديه !!!

ام 15 ريال ايضا هي RCA . اللي لونها ابيض و احمر .

الصراحه شي حلو وجميل

و واحد من الشباب عنده سيفيك عليه سيستم روعه JBL كامل مركبنه ب 4000 الاف درهم لكن الصوت شي عجيب وانا ناوي اركبلي سيستم لكن بعد مارتب السيارة من برع لأنها تفشل

مشكور اخوي DDesigns على سرعة ردك
وتستاهل جائزة اسرع عضو يرد
طيب اخوي هل لو اركب النوع ابو 15 ريال يفرق معي الصوت ولا لازم يكون من النوعية الجيدة؟؟
وهل فيه ماركة تنصحني فيها؟ لأن اغلب اللي حصلته اسمها nOVA
وعلى فكرة اخوي فيه سؤال : انا المسجل حقي ال JVC فيه ميزة انك اذا كنت مركب امبليفاير او مضخم خارجي تقدر تلغي مضخم الصوت اللي في المسجل نفسه ولكن يوم سويت هذي الخطوة تفاجأت ان الصوت اختفى !!! فمامعنى ذلك؟؟

والله شوف انا جربت اسلاك ابو 15 ريال ..

وجربت اسلاك ابو 80 ريال من عند JVC شركه احمد عجو .



اما بخصوص المسجل فا هذا معناها ان المضخم الخارجي مو شغال ..

كيف كذا الصراحه غريبه !!!!!

والله ياخوي انا مستغرب بصراحة لاني انا قريت في الكاتالوج اذا كنت مركب مضخم خارجي يفضل ايقاف المضخم الداخلي لكي لاتزيد حرارة المسجل ولكن يوم جيت اجربها فوجئت بان الصوت اختفى . فهل تشبيك المضخم خاطيء ام أنه لانه اسلاك عادية وليست RCA
وماقلت لي اخوي هل تفرق الاسلاك ولا؟

والله ياخوي انا مستغرب بصراحة لاني انا قريت في الكاتالوج اذا كنت مركب مضخم خارجي يفضل ايقاف المضخم الداخلي لكي لاتزيد حرارة المسجل ولكن يوم جيت اجربها فوجئت بان الصوت اختفى . فهل تشبيك المضخم خاطيء ام أنه لانه اسلاك عادية وليست RCA
وماقلت لي اخوي هل تفرق الاسلاك ولا؟
تحياتي وتقديري لك

ههههه نسيت ما قلت لك الفرق ...

عموما ليس هناك فرق كبير وهو ملحوظ لما تكون مسوس في الصوت ولما يكون عندك مضخمات وسماعات من النوعيات الغاليه التي تتطلب هذه الانواع من الاسلاك المطليه بالذهب .

اما بخصوص انطفاء الصوت عند اطفاء المضخم فا هذا يدل على انك ما استخدمت RCA بل استخدمت اسلاك عاديه ثم وضع لك محول يحول السلك العادي الى RCA ..

فا بالتاكيد سوف يتسكر الصوت ..

انا اقول روح خليه يركب لك RCA احسن لك ..

بس انا اتوقع المشكله عندك لانك مركب مسجلين وهذا صعب على الفني انه يستعل RCA وسلك عادي بنفس الوقت فا خلاهم كلهم اسلاك .

لان مسجلات الوكاله كلها ما فيها RCA .


ونعم يفضل اغلاق مضخم المسجل حتى لا ترتفع الحراره .

ماشالله عليك اخوي DDesigns عيني عليك بارده والله معلومات تشكر عليها

بغيت اسالك كم سؤال

انا مركب مسجلين بسيارتي كلهم بايونير واحد سيدي ويشغل MP3 والثاني كاسيت

السيدي هو الاصل وفيه aux in ومنه يشتغل الكاسيت

ومركب امبلي فاير سانسوي من وكالة بايونير ( اتوقع مستواه موب مره بس مريحني ) وسماعتين بايونير وسب ووفر بايونير

بس المشكله اول ما اشغل السيدي بلاير او الكاسيت يطلع صوت بوف زي الانفجار الخفيف من المسجل مدري وش سببه

والسؤال الثاني بالنسبه للسيدي المنسوخ الاحظ بعض السيديات تخرب بسرعه وبعضها تطول مدري وش السبب من نفس السيدي اللي ينسخ عليه او الجهاز الناسخ او برنامج النسخ ؟

وليش الاصلي يطول مايخرب ؟

وايش الحل مع السيديات الخربانه نقطها ؟

ومشكور مقدما

الاخ عاشق التضبيط

هذه المشكله شائعه جدا جدا ومرت علي بعد ان خليت احد الهنود يشبك لي احد التشبيكات حيث اني متعود اسوي شغلي بنفسي ..

عموما هذا بسبب خلل في احد الاسلاك الخاصه بالارضي ground حيث يمكن يكون متلامس او غير مشبك مضبوط .

طبعا هذا الكلام يخص المسجل ويخص الامبلي فاير ..

يعني باختصار المشكله بالارضي تاكد من التوصيلا وبالمره شيك على اسلاك السماعات هل هي مركبه مضبوط ومتيت عليها زين وما في اي تلامس .


اما بخصوص السيديات فا انا كتبت من قبل مقال كبير في عرب هاردوير عن السيديات وماهي افضل الانواع ..

واعتقد انها سوف تكون صعبه عليك شوي اذا ما كنت متمكن في الكمبيوتر ..

فا خليني اسهلها عليك .

روح اشتري سيديات Verbatim DataLifePlus AZO .

او سيديات SONY الاصليه التي مصنوع في اليابان .

وهذولي ما يخربون ومقاومتهم للاحتكاكات افضل .


اما بخصوص السيديات اللي انعدمت فا يبيلك تشتري قاريء DVD محترم من النوع الزين علشان يقراء السيديات حقتك مضبوط وترجع تنسخها من جديد .

او سيديات Kodak الذهبيه .

او سيديات Memorex السوداء ركز على السوداء .

اخوي DDesigns
انا قررت ان شاء الله اركب اسلاك RCA
واحتمال اشيل مسجل السيارة الاصلي
وناوي اركب امبليفاير ثاني ان شاء الله
بس اخوي ولا عليك امر ابغى تعطيني افضل نوع يناسب سماعاتي وموجود في الرياض
يعني اخوي الله لايهينك ابغى منك رقم الموديل والماركة
واخوي عندي استفسار : هل لو اركب امبليفاير اقوى من سماعاتي وجا واحد ملقوف وكان راكب معي وزاد الصوت فجأة او زاده لاخر شي .. هل تحترق علي السماعات؟؟
يعني اخوي انا ابغى شي مافيه اي خطورة
ومشكور مقدما
تحياتي وتقديري لك
تحياتي للجميع

اذا على الصوت ما راح تحترق لان اذنه راح تروح فيها وغصب عليه ينزل الصوت .. الا اذا كان مخليها تشغل BASS واجد ..

عموما السماعات غير عن القطع وهم ما يحترقون بهذه السهوله .

اسرع شيء يحترق هو Tweeter .

اما بخصوص مضخم جديد فا والله انا انصحك ب ALPINE ولكن لا ادري اذا كان الوكيل للحين موجود في الرياض والله طلع راح انه مو وجود عندنا . موجود في البحرين .

اما اذا ما حصلت فا خذ لك GM-X944 لان الموديلات الجديده عند بايونير تعبانه مره .

وعلى فكره عندي الامبلي فاير البايونير المستعمل حق خويي يبي يبيعه ما ادري بكم الى الان .

فا اذا حبيت تجربه او تشتره عطني خبر .

المشكلة اني من الرياض ... يعني مااقدر اجربه:(
لكن اخوي انت قل لي وش نوع الامبليفاير حق خويك؟ وموديله اذا امكن؟
هل هو GM-X944 ؟؟
واذا كان هو ليش بيبيعه؟ وكيف حالته بحكم خبرتك اخوي DDesigns
وعلى العموم اخوي انا ابقول لك طلبي في السيستم حقي وشو بالضبط
انا بالعربي ابغا ازيد ترددات الصوت في EQ اللي في مسجل ال JVC الى اعلى شي في السبع مستويات كلها ... يعني ابغا اضبط الايكولايزر حق مسجل ال JVC الى اعى شي في مستويات الصوت السبعة
ومشكور على اهتمامك اخوي
وياليت لو كان فيه قسم خاص للصوتيات وتكون انت المشرف فيه
تحياتي وتقديري لك
تحياتي للجميع