السلام عليكم


وش راايكم بالـ لينكون LS

وكم قوتها ؟


وياليت اذا كان فيها عيوب او مواصفات تذكرونها


وهذي صورتها



وهذا موقعهم
http://www.lincoln.com/

صراحه اللنكن من افخم السيارات الامريكه واللنكن ls يجمع بين الفخامه والسبورت

والسياره مافيها عيوب تذكر


وقوتها حوالي 287 حصان


والسلام

اخوكم المخلص : حمود:banana: :banana:

فقط سلبية واحدة ... أمريكية
لا أعني أن صناعتها سيئة، بالعكس، هذه السيارة ممتازة، لكن تذكر المقاطعة

السياره حلوه بمعني الكلمه, ولا قد سمعت احد يشتكي منها من اول ما نزلت في السعوديه, السياره مريحه وسواقتها رايقه, انا كنت ناوي اطلعها بدال الفيكتوريا, بس اخذت الفيكتوريا عشان العايلة.

المكينه 3.9 لتر, 32 صمام شبيهه ب الي موجوده في الكوبرا وقوتها تقريبآ 285 حصان. والمكينه جباره بكل المقاييس تقدر توصلها 360 حصان بس بكمبيوتر وبعض التعديلات على مدخل ومخرج الهواء.

تجيب 260 كلم, وبالنسبه للعزم عزمها مشابه للومينا اس اس او اقوى شوي.

واتوقع 2003 يجي زينون مثل التاون كار,

اذا ناوي تشتريها من الوكاله (موديل 2001 او 2002 او 2003), وانت من سكان الرياض او تقدر تروح الرياض, قولي وانا بقولك كيف تجيبها بسعر افضل من الوكاله

واذا عندك اي استفسار اخر, تفضل اسأل.


تعديل: المكينه 3.9 لتر, شبيهه ب الكوبرا ب اختلاف الستروك.

اخوي فهد انت متأكد قوتها اكبر من قوة الومينا اس اس
لان السياره خاطري فيها ويمكن ارجع الومينا واخذها الشي الوحيد الي يخليني اتمسك في الومينا انها قويه قومه وخط وشكلها روعه بس هذي شكلها احلا ومن داخل افخم واسمع نها كلام يسر الخاطر:banana:

للمعلوميه تطلع على اللومينا اس اس وهذا الشي مجربينه:banana:

ايه احنا جربنا لنكون ال اس موديل 2002 مع لومينات وكوابرس, في البدايه اللنكون يقدم على ال اس اس متر وبعد ال 140 اللنكون يقدم سيارتين. كل التجارب الى 200, اللنكون تجيب 260 بالراحه, بس اللومينا اتوقع 240 او 250 ماني متأكد.

السياره عزمها اقوى من ال اس اس شوي, يعني ما يعتبر فرق واجد. واحلى شي فيها اذا دعست كل البنزين السياره تنطلق وبنفس الوقت مريحه, يعني مو مثل اللومينا اذا دعست السياره تنقز بقوه وبالموت تتحكم في الدركسون.

وبالنسبه لجودة السياره انا اشوف انها افضل من الفيكتوريا والتاون كار, من ناحيه المحرك والقير, والتجهيز الداخلي وكل شي ثاني.

امحق الومينا طاحت من عيني خلاص بارجعها وباخذ لي هذي الموتر والله عجيب شكله بس ممكن مواصفاته الداخليه سي دي تلفون اي شي يعني حلو فيها

اخوي ممكن صور لها من داخل ترى ركبت راسي والله

السيارة بصراحه حلوة ورياضية بس بصراحه الامريكي عموما اول ما تطلعها من الوكاله يطيح سعرها


3booooooooood

هلا والله بشباب

بالنسبه للنكون ال اس فيه واحد من ربعي عنده وحده

لونها بيج بس موديل 2000


السياره والله حلوه وفخمه بس انا طالع عليه بلكزس مالتي Gs300


مادري يتخلف قوة النكون 2002 عن 2000 او لأ

بس على العموم سياره


مافيها مشاكل وايد على البركه مقدما :banana: :banana:

تحياتي

والله ماتوقعت السياره هذي بهالقوه ...وايضا توني ادري ان عندنا دكاترة فورد...مثل الاخ فهد 2

والله ردودكم خلتني اتمسك بالسياره من جددددد

ومشكور اخوي فهد 2 ولا يهونون الباقين

ترا انا ساكن بالرياض وياليت تقولي من وين اجيبها بسعر افضل من الوكاله ;)

وياليت يعني الله لا يهينك او الأعضاء تذكر لنا بعد بعض المواصفات

مثل ما قال اخوي TOYOTA - OBAS


وشكرررراً

تسارع السياره على كلام الموقع : من 0 الى 100 في 6.42 ثانيه.

السياره في امريكا تنزل ب نظام تبريد المقاعد الاماميه, و نظام ملاحه ودي في دي. اسأل الوكاله اذا عندهم هذي الميزات او اذا تقدر تطلبها.

من افضل مافي السياره النظام السمعي ويعتبر من افضل الانظمه السمعيه على مستوى السيارات, يوجد ب السياره 10 سماعات. (موديل 2002 يوجد به 11 سماعه من ضمنها 2 تحت المقاعد الاماميه)

فرامل الوقوف (الجلنط) يتم عن طريق الظغط على زر في الكونسول الوسطي.

محرك السياره بعمل بنظام توقيت الكامة المتغيّر (VCT), المشابه ل VETC في الهوندا و VVT-I في التويوتا واللكزس.

ناقل الحركه ب خمس نسب اماميه بنظام التحويل بين الآلي او العادي.

نسبه توزيع الوزن 50/50 في الامام والخلف.

نظام ABS مطور وانظمه تحكم في الجر مطوره ايضآ.

العيب الوحيد في السياره هو صغر المساحه الداخليه.

:eek: :eek: اااااااااه ياقلبي رووووووووووعه من داخل ومواصفاتها عجيـبه


والله فرق من داخل بينها وبين سيارتي

اخوي تسارعها والله جبـــار:banana: :banana:

ومن داخل اخوي انا اشوفها وسيعه والله بس المقاعد الاماميه منزله زياده عن الزوم والله السياره من داخل شي خيالي ومن برا بعد

تسلم اخوي فهد2 مشاء الله عليك كفيت ووفيت

بس ممكن طلب صغييير ابغي اعرف تسارع الومينا اس اس لاني اذكر 6 بس ماذكر فاصله كم اتمنى تفيدني.... واكون شاكر لك واسمحلي تعبتك معاي

بس شباااااب السيارة روعه لكن كم سعرها اكيد فوق 110 آلاف درهم

اخوي فهد 2 بكم تقدر توصل سعرها عشان اكلم الوالد

والسيارة احبها من اول والله بس ماكنت اتوقع ان فخامتها كذا

ولا تسارعها ويعطيك الف مليون عافيه

عندنا في قطر 135 الف مادري اذا صح ولا لا هذي كلام واحد من الربع

بالنسبه للحجم الداخلي, اكيد في الصور حاطينها كأنها كبيره بس هي الصراحه صغيره شوي, انت روح الوكاله وجربها.

تسارع اللومينا اس اس 6.8 ثانيه, واضح ان الفرق واجد بينها وبين ال لنكون,

ملاحظه: اللنكون الي جربنها مع اللومينات كان موديلها 2002, وتسارعها مسجل 6.7 ثانيه, و 2003 صار اقوى وصار فيه نظام VCT الي يعطي عزم على دورات محرك قليله وايضآ ال 2003 فيه تعديلات على القير وانظمه التعليق.

يعني لو تجرب 2003 مع اس اس بصير الفرق واجد.

تسلم والله على التوضيح اخوي فهد2 مشاء الله عليك فاهم في سيارات فورد وانشاء الله باخذ لي 2003 لان اليوم بروح اشوفها في الوكاله بس ايش تنصحوني في الون؟؟؟:banana: :banana: رايكم يهمني:banana: :banana:

اخوي احلى لون شفته هو الابيض (((الصدفي)))


حلووو مره

تحياتي:حمود:banana: :banana: :banana:

موديل 2004 بينزل في اخر الصيف (شهر سبتمبر), وبالنسبه للمواصفات السعوديه بيتوفر نظام الملاحه ونظام تبريد المقاعد الاماميه و الزينون كمواصفات اساسيه في اللنكون LS
والسياره بتتوفر بتشكيلة الوان جديده (داخليه وخارجيه) والمقاعد سيتم اعاده تصميمها.

السعر الاولي 150,000 الف ريال سعودي. واحتمال كبير ان السعر ينخفض الى 140,000 الف.

كلمة اخيره: السياره جباره وحلوه بمعنى الكلمه وخاصة المواصفات الي بتنزل في السعوديه والسياره الوحيده المنافسه لها لكزس GS 300 واذا تويوتا نزلت GS430 في السعوديه بتصير منافس قويه لل لنكون.

ان شاء الله اول ماتنزل السياره اجربها ونشوف كيف عزمها والمواصفات الجديده.



ملاحظه: موديل 2003 غير متوفر في السعوديه.

تسلم اخوي فهد2 على المجهود الطيب والمعلومات الروعه
بس اخوي قيمة ال2004 بيكون 150 الف؟ ولا تقصد ال2003؟
وبعد كم شهر بتنزل يعني على شهر 9 بتكون موجود او شهر 8؟:rolleyes: بس شباب الكزس GS 300 الومينا اعتقد اسرع منها

=====
والمقاعد سيتم اعاده تصميمها
=====
هذي الشي الي تمنيته وانشاء الله راح انطر 2004 بس اخوي بيتغير الشكل الخارجي والمكينه ولا بيكونون نفس ال2003

ملاحظه:انا اليوم رحت وكالة الفورد لكن للأسف ماحصلت عنده 2003:(

بس مب مهم انا باخذ لي انشاء الله 2004

هذا السعر الاولي لل 2004 واحتمال كبير انه ينزل الى 140,000 ريال سعودي.

ايه شهر 9/2003

الشكل الخارجي والمكينه نفس 2003 الامريكي الي تكلمنا عنها في الموضوع.

2003 مانزل في السعوديه واتوقع نفس الشي في الخليج.

تسلم اخوي فهد2 على تجاوبك معاي في الموضوع

وانشاء الله مازعجتك بكثرة الاسئله:banana: :banana: وانشاء الله راح اخذ لي وحده اذا في نصيب ادعو لي اخذ

العفو, نحن في الخدمه