السلام عليكم

ما اقول غير ماشاء الله عليكم ياشباب

والله اني اتعلم منكم كل يوم شي جديد

جزاكم الله خير

مشكور ياكابتن احمد التجاوب الكبير
وممكن تشوفلنا هالمشكله
انا وياي اكورد 2001 V6
وناوي اركب عليها براقات او سفتي الانوار امامي وخلفي فهل الشي هذا ممكن يأثر على السياره او يخليها تقطع
الشي الثاني انا عندي السياره ريموت بس بدون انوار لافتحتها او سكرتها لو سويت الريموت بحيث اذا قفلت او فتحت الابواب يشتغل الفليشر او النور العالي
الشي هذا يأثر على السياره او لا ؟؟؟
مشكور مره اخرى اخوي احمد

====
الحمد لله بس اني قدرت اساعدك واحل مشكلتك ... كنت خايف ما اقدر اعملك شي .. بس يالله يا عمي .. احتفظبها معلومة وانا حاضر .... واذا تبغ شي تاني انا مسعد ..


تحياتي ..

===========
بالنسبة لسفتي الانوار او الفلاشات .. فهي طبيعية جدا ما تاثر ولا شي على السيارة ومالها علاقة في التقطيع ..

وحكاية اليموت والانوار اللي بتشتغل معاه .. فهي بتاخذ جزء من الامبير عشان بتعمل الحركة دي .. وهي تماما ما تضر البطارية او السيارة ..


وسلامتك

يعطيكم العافية شباب

بس بقيت أعرف شغله عن اللومينا الجديدة

وهي ssx راح تنزل الخليج والكويت ولا لا

وكم قوة محركها

ومشكوورين;)

سؤال حق King_SS
هل ممكن انه ينلعب في عداد السيارة
عداد الـ كلم

==========
ممكن .. بس انت وحظك يا اما يظبط معاك يا انا يفشل معاك وتخرب العداد ..

واذا ظبط معاك .. فحيكون مؤقتا يعني اول ما العداد يمشي شوية .. يرجع الى الرقم الاساي او انو يروح لرقم بعيد جدا اكثر مما السيارة ماشية

لانو العداد عبارة عن ارقام ماسكة بتروس بلاستيكية .. حنا وش نسوي .. نجيب مفك .. ونباعد التروس ونغير في الرقم .. بعض الاحيان تظبط معانا .. وبعض الاحيان نخرب العداد .. ويعلق على رقم معين ويبطل يمشي

ماشاء الله الله يعطيك العافية اخي King_SS
عندي سؤالين:
1/ سيارتي احياناً احس ان عزمها ممتاز واحياناً احس ان العزم طايح
السيارة ماشية 45000كم تقريباً البواجي و الفلاتر والزيوت بانتظام اغيرها
ايش المشكلة فيها؟
2/بالنسبة لغسيل المحرك بزيت لتنظيف المحرك ممكن تعطينا شوية تفصيل عنه؟
و مشكور ماقصرت

ماشاء الله الله يعطيك العافية اخي King_SS
عندي 3 اسئلة:
1/ سيارتي احياناً احس ان عزمها ممتاز واحياناً احس ان العزم طايح :( بالرغم اني اغير الزيوت والبواجي والفلاتر في مواعيدها المحددة وحالياً ماشية تقريباً 45000كم
2/ احس السيارة لمن اكون عالنمرة الثانية وارفع من البنزين كانها تنتع رحت لورشة قالوا حط منظف بخاخات فورد وامسك خط ولا تحط الجير الخامس خليك على الرابع لمسافة 50 كم تقريباً والار بي ام على 3500
هل الطريقة هذي صحيحة
3/بالنسبة لزيوت تنظيف المحرك من الداخل تنصح بها ؟؟
ومشكور

مشكووور اخوي أحمد يعطيك العافيه :cool:

شباب دائماً أقرأ في المواضيع كلمة ((تبترونيك )) فحبيت أستفسر عن معنها

تحياتي

السلام عليكم

نظام تيبترونيك اول من ابتكره شركة بورش

وهو نظام يجمع في عمله القير العادي والاتوماتيك في نفس الوقت

بدون كلتش

وهذا النظام يتميز بكونه رياضي في حالة استخدامة بشكل يدوي

ويكون للاستخدام اليومي اذا وضع على الاوتو

لذلك الكثيرون يفضلون استخدامه خصوصا ان اغلب المدن اصبحت مزدحمه والقير العادي متعب في الازدحام

تحياتي

السلام عليكم ورحمة الله وبركاته

اشكرك اخوي زورو الامارات على هالموضوع المفيد

وانا عندي سؤال وبصراحه ما عندي حد غيركم اسأله

الموضوع هو اني ابغي اركب سوبر شارجر او توربو على سيارتي

ماكسيما

وحصلت اكثر من نوع لكن ابغي اعرف يركبون على سيارتي ولا لا ؟

اول نوع شفته كان RevHard HYPO وفرحت لرخص سعره وقوته الجباره 500+ HP لكنه طلع لسيارات الهوندا Civic واكورد

بعدين قالي اخوي MAD MAX ان توربو T04 يركب على الماكسيما

وبحثت عنه ولقيت HKS Sport Turbo T04E, 57T, 0.70 A/R

لكني ما اضمن انه يركب على سيارتي خصوصا اني راح اطلبه من امريكا , مع العلم اني سألت الشباب اذا الاقي تيربوات في الأمارات محد رد على ؟

المهم من ممكن يساعدني في هالسوالف

تحياتي لكم

اخوكم

السلام عليكم
ياشيطون يمكن اقول لك شي بس مادري يمكن ماتتقبله

ليش تعدل المكسيما ؟ التيربو تعقيداته وايد وبتصرف عليه كثير
صدقني لاتقول اني ركبته وخلاص لأ كل يوم بتحاول تحط شي جديد
من انتركولر وغيره

انزين انا بنصحك نصيحتين قبل ماتطلب التيربو من امريكا

سير كراج بن سليم بريفورمنس في دبي جنب وكالة قرقاش واسأل عن التيربو عنده لان الي وياه استراليين واييبون اشياء زينه بس اسعارهم غاليه شوي

وفي كراج في القوز الصناعية مب متذكر اسمه قريب على تويوتا
يزود مواتر يمكن كراجين والله اعلم سير اسألهم وشوف شو بيطلع وياك
اتعب في السؤال وبعدين بترتاح في الاجابة
بتشوف شو بيقولون لك وتأكد ان كل واحد بيجاوبك من حيث مصلحته
اذا تبغي تشوف المكسيما تتحمل تيربو ولا لأ عندك كينج اس اس
شاف كم مكسيما عليها تيربو وكان اداءها قوي لكن المفروض انها تكون اقوى من هالشكل

تحياتي

========

المشكلة ومافيها يا عزيزي هوا درجة حرارة الجو .. حيث ان هناك حساسات في المكينة ومجرى الهواء في السيارة تعطي قراءات بحرارة الجو للكمبيوتر لتضعيف او تقوية السيارة كي يتسنى للسيارة ان تتلائم مع الظروف البيئية في كل الاحوال

بالنسبة لتنظيف زيت المكينة ما اعتقد انو مهم لهذي الدرجة .. لا تهم فيه .. وانما انا ذكرته في الرد السابق لهؤلك الذين يرغبون في امزيد جدا من الحماية ..

صدقني لو انت نظفت المكينة بالزي توغيرت زيت جديد .. اول 100 متر تمشيها السيارة لو شيكت على زيت المكينة تلاقيه اسود .. لانو انت في الاول والاخر تتكلم عن حرق مكينة .. والمكينة بتعتمد على الزيت في تبريدها

==============
اي تيربو ممكن يركب على اي سيارة ...

مش بالضرورة نوع التيربو .. ولاكن
عشان تركب تيربو

1/مكونات المكينة الداخلية لازم تستحمل التيربو والضغط الزايد
2/تصميم المكينة مخصص للتيربو
3/نظام كمبيوتر مختلف تماما عن العادي
4/نظام بنزين مختلف تماما عن الستوك
5/ برمجة الكمبيوتر من قبل محترفين
6/قاعدة الاكزوز اللي اركب عليها التيربو

وفي النهاية ..... بعد هذا كله يمكن تخير في حدود ال خمسين الف ريال
كل اللي تاخده حدود ال 100 حصان زيادة فقط في قوة المكينة
===

انا في نظري ممكن تجيب ال 100 حصان هذي بقطع تلغيم عادية


على فكرة في مقطع فيديو لمكسيما في موضوعي جربت مع الومينا حقة اخي وعليها سوبر شارجر ... الومينا هذيك خبطت مكينتها .. ليش .. بسبب الضغط العالي اصلا في المكينة ولما وضع السوبر شارجر فوقه .. خبطت المكينة ..

سؤالي هو بخصوص القير التيبترونيك

انا سيارتي بي ام 540 في شخص قالي عن طريقه في استعمال القير و هي انك لما تحطه على التيبترونيك اتخلي القير ابروحه يبدل يقول هل الطريقه تكون اسرع من انك تبدل يدويا انا جربتها و حسيت بالفرق
بس ما ادري هل تؤثر على القير ؟؟؟؟
و شكرا

والله يا أخ كورفت الي أعتقده إن كثرة إستعماله أعتقد راح

تأذي القير وهذا اللي عندي

===============
لا عادي مافيها شي .. ولو فيها شي او تضر على الجيربكس ماكان عملتها الشركة

شكرا اخوي تارجا

--------------------

شكرا اخوي احمد على الرد و يعطيك العافيه

اهلا بالاعضاء الكرام بمنتدى سوالف

والله عندي شوية استفسارات عن القطع الموجودة في الصورة التالية

و ماهي فوائدهم وما عملهم في السيارة













شاكرا و مقدرا لكم حسن تعاونكم

بسم الله الرحمن الرحيم

لدي سيارة مازدا 323

موديل 2002

اعاني من عدم رساوتها في الخط

واعتقد ان ذلك بسبب مقاس كفراتها وهو مقاس 13

و فكرت اني اشتري كفرات و جنوط جديدة مقاس 15

فبماذا تنصحوني لا جعلها اكثر رساوة

وما رأيكم في فكرة تغير مقاس الكفرات

وهل تؤثر سلبيا على اي شيء في السيارة

شاكرا و مقدرا لكم حسن تعوانكم


اخوكم


The Black

عندي استفسار الدخان الأبيض الي يخرج من خلف السيارة يدل على خراب ام شي عادي

شكرا اخوي زورو الامارات وكنج اس اس على ردودكم

, عندي استفسار ثاني وآسف اذا كنت طولت عليكم

السالفه ومافيها اني اذا بغيت اطلب قطع لسيارتي ماكسيما 2002 اطلبها من امريكا على انها Infiniti I30 او ماكسيما , وأي موديل للعلم ان مكينه 2002 المفروض تكون 3.5 260 حصان لكن عندنا في الخليج 3.0 227 حصان

محتار وايد في هالسالفه

وبعدين في مشكله ثانيه هي اني اخاف ان القطع ما توصلني والفلوس تروح على

للعلم ان المواقع اللي ابغي التزويدات منها هي cattman.com و overbooststore.com و optauto.com . واذا عندكم مواقع ثانيه مضمونه اكون شاكر لكم

, اخوي بوعبود أظن ان مشكلة سيارتك هي خلط الآيل , اذا كان كثيف الدخان , أما اذا كان خفيف فأحتمال تكون السلندرات أو البساتن ؟

لأن نفس المشكله صارتلي في الماكسيما وطلعت البساتن هي السبب .

وان شاء الله اخواني زورو الامارات وكنج اس اس بينفعونك اكثر مني

تحياتي لكم يا شباب واشكركم وااااايد

اخوكم

الاخ The Black

اول شي افحص الرود وسو له ميزانيه
ثاني شي تأكد من الكفرات او التواير هل هي صالحه ولا لأ

اما بخصوص تركيب كفرات اكبر واعرض هو شي زين لكن بيتعب لك المكينه شوي لان المحرك عندك صغير وعلى المدى الطويل يمكن يتعب


الاخ بوعبود

الدخان الازرق على ابيض شوي غالبا مايدل على ان المكينه تخلط زيت مع البنزين يعني مثل ماتقول قريب تخبط حتى بتعرف هالشي لما تشوفها تستهلك زيت اكثر من المعدل الطبيعي