السلام عليكم و بركاته
ممكن أعرف فائدة الأوفر درايف و الوقت المناسب لاستخدامه

اخوي deaddly 99 yukon
الThrottle Body هو الصمام اللي يتحكم في دخول الهوا الى الماكينه اما البنزين فهو يدخل عن طريق injectors او بالعربي البخاخات !
اظن قصدك كان انو الThrottle Body موصل بالدعسه اللي احنا انسميها ( البنزين ) مع انها اساساً دعسه هوا !

اما بالنسبه لسؤال الاخ silver

فالـ Throttle Body موجوده في اي سياره بس عاده لما توصل السياره الى حد من العبث او التلغيم يتم تغييره الي Throttle Body اكبر لزياده كميه الهواء اللي يدخل الماكينه

اما الـstrut bars فهي اعمده يتم بها وصل اليــــيات حقت السياره من فوق لزياده قوه هيكل السياره مما يعطيها ثبات افضل وفي نفس الوقت تكون استجابه المقود افضل ولكن راح اتكون السياره اخشن اشوي!

او زي ما يسمونه Drive Off وهو الاسم الاصح
هو عباره عن نظام يعمل على (فصل ) النمره الاخيره في القير الاوتوماتيك ( اذا كان القير 4 نمر فأن السياره ما راح تعشق رابع )!

مما يبقي الماكينه على RPM عالي اللي يخليها تطلع عزم اكبر !

لدي سؤالين :
الاول
مافائده زر (POWR) الموجود في اللومينا والكابرس
الثاني
مافائده (الهزاز) مو متذكر اسمه بالضبط
الموجود بالسفاري ؟

اتمنى اجابه موضحه

وماتقصرون ...

السلام عليكم

زر باور في الكابرس واللومينا واللاندكروزر والكراون

يعمل على اخراج الطاقة القصوى من المحرك ويأخر قليلا تباديل الجير
فتحس بقوة كبيرة وبالطبع يكون استهلاك البترول كبير جدا فهو لا يستخدم الا قليلا او نادرا حسب حاجتك

اما الهزاز كما تسمونه في السعوديه او الدفريشن لوك -قفل الدفريشن

يعمل على ايقاف احد العجلات التي ان غرزت السياره تدور على الفاضي يعني تحفر مكانها يقوم هذا النظام بقفلها ونقل القوه الى العجلات الثلاث الاخرى فتبدأ السياره بالتحرك بشكل اكبر

تحياتي

انا اسمع في سيارتي صوت قرقشه(صوت زي صوت المفاتيح اذا هزيتها) في المكينه اذا جيت احميها!
ما ادري وش السبب؟!
ابغى اكثر الاسباب احتمالاً علشان ما يلعبون علي حقين الورش

السلام عليكم

استفسارات قبل الجواب

هل هذا الصوت في اول تشغيل للسياره وهي بارده ؟

ولا دائما هالصوت يطلع في حالة انك شغلتها سواء كانت بارده او حاره ؟

واذا امكن اعرف شو سيارتك وموديلها

تحياتي

تحيه طيبه وبعد

اشكرك اخوي على هذا الموضوع الشيق والمفيد وماقصرت


وعندي استفسار وهو

عندنا كابريس موديل 96

وعند تشغيلها تستغرق تقريبا 3 ثواني على بال ماتفك السلف وتكون اشتغلت واعتقد ان هذا الوقت طويل

ياريت اخواني تفيدوني ماهي المشكله وماهو حلها

واكون شاكر ومقدر لكم

هلا بالشباب

الاخ Faisal20o0

المشكله عندك في السلف تعبان يعني عمره الافتراضي بدا ينتهي . فيا انك تغير القطع الداخليه للسلف ( الفحمات ) او تغير السلف بالكامل ترى ما غالي كثير

ماشاء الله عليك يا كابريس وش دراك ان الصوت يطلع والسياره بارده!

عندي استفسار هل صحيح ان السيارة اللى تتعود على الخطوط وايد تكون اقوى من اللى متعوده بس في المدينه والمشاوير القصيرة......؟.

عندي سؤال عن قطع التلغيم

هل قطع التلغيم حق امبيريز تركب على ليجاسي؟

مع تحياتي

اي استفسار انا حاضر .. بس بالدور ...


واذا كان عندي الحل او الدراية .. ابشرو

==========

بالطبع سيارة الخطوط اقوى من سيارة وسط المدينة .. كما هوا الحال في مكسيماتي القديمة .. كانت اقوى مكسيما في جدة .. بسبب انو عملي كان في مكة وكنت يوميا اضرب 160 كيلو مشوار ..



والسبب .. انو سيارة الخطوط ما بتعطي فرصة للترسبات في داخل الثلاجة ومجرى الهواء في المكينة ... وايضا في البخاخات ومجرى البنزين ..

بينما سيارة وسط البلد .. بسبب التسارع والتبظيء كل شوية .. توقف في اشارة وبعدين تمشي وتتسارع وترجع توقف مرارا ... فاللي بيحصل انو مجاري الهوا بيحصل فيها ترسبات كربون تقللي من كمية الهواء اللي داخل
وايضا مجاري البنزين .. فهي من باب اولى .,.

بالتالي نسبة هواء اقل وبنزين اقل مع عدم نقاوة .. سيارة المدينة تلاقيها اضعف بمراحل ..


انا انصح .. الشباب للمحافظة على عزم سيارتهم .... مررة وحدة في الاسبوع امسكها خط ويدعس بيها بتسارع ثابت الى ان يوصل سرعة معينة فل تكن 180 وخلاص ...


بالنسبة لممارسي هواة السباقات فما ينطبق عليهم الكلام دا .. لانو سيارته باستمرار عزمها جيد بسبب الدعس الكثير ..
ولاكن مش معنى كلامي هذا انو تروح وتحرق السيارة كل يوم .. خل بالك انو الدعس الكثير على السيارة يخليها تستهلك المكينة والقطع الموجوده ويرغمك على صيانتها كل فترة قصيرة

===============

في معظم السيارات ... عند تشغيل السيارة تسمع صوت .. فهذا طبيعي .. والسبب هو ان الزيت بسبب الوقفة الطويلة يكون كله في الكارتير .. وعند تشغيل السيارة فالجزء العلوي للمكينة ( الروس) تكون خالية من الزيت ) لمدة ثواني الى ان يتم تعبئتها من قبل طرمبة الزيت ... طبعا احتكاك الحديد ببعضه يسبب هذا الصوت الى ان يمتلي بالزيت


لاكن لا تقلق فالصوت هذا طبيعي

شكرا لك اخوي احمد على المعلومة القيمة والصراحة هذا السؤال كان شاغل بالي من فترة طويلة لكن الحمدلله الحين عرفت الجواب
شكرا لكKING SS

ممتاز الله يبشرك بالخير!

عندي سؤالين!
ماهو رايك في تبديل اسلاك البواجي؟
ماهو رايك في تنظيف زيت المكينه؟

تبديل اسلاك البواجي .. في حالة انت متاكد انها محترقة او تهرب كهربا .. وماعدا ذلك فلا تضيع فلوسك .. لانو السيارة طالما ماشي بدون تفتفة او تشعر بداخلها بتنتيع .. معناه انها سليمة ..

في حال اذا كانت اسلاك البواجي معدومة .. راح تشعر بداخل السيارة بتنتيع مستمر او تقطيع مستمر ...

زيت المكينة وتنظيفه مممممم ما اعتقد له لازمه .. وانما في نظري تنظفه كل سنة مررة يكفي ..

طيب هذا سؤالي

اذا كانت السياره وهي واقفه فيها شبه حركه لليمين واليساره (المكينه عرض) مع اني مغير اسلاك البواجي والبواجي هل ياترى هذا من كراسي المكينه؟

سؤال اخر/ صوت زي المروحه داخل المكينه (حنحنه)خفيف غير طبيعي؟


وسلامتكم

بالنسبة للهزة الل يفيها ... احتمال تكون بواجي واحتمال تكون الاسلاك واخر احتمال هو كراسي المكينة ..
اي خلل في كهربة السيارة سيبب الاهتزاز اللي بتشعر بيه

لاكن بالنسبة لصوت الحنحنة اللي بتقول عليه .. مدري لازم اسمعه بنفسي ..

:rolleyes:

ماشاء الله عليك يا احمد!
عيني عليك بارده!
الله يوفقك!

===========

تسلم يابومحمود من ذوقك يا غالي يا ولد الناس

السلام عليكم

انا عندي سؤال

انا عندي جمس سوبربان موديل 97 السياره كانت تقطع وديتها الشركه وغيروا البخاخات وطرمبة البنزين وغطاء الديلكو وقعدت معي اسبوع زي العسل وبعدين رجعت زي اول ورحت لهم وغيرت الطرمبه مره ثانيه ونفس الشي وركبت طرمبه ثالثه ورابعه وخامسه ووديتها ورشات برا غير الشركه زي الورشه السعوديه الامريكيه والعالميه والسياره زي ماهي اول اسبوع زي العسل وبعدين تقطع ياليت القى عندكم حل

======

انا حاسس بمعاناتك ..

طيب انت التقطيعة عندك خفيفة او قوية مررة .. وانت ماشي بشويش او اذا دعست على الاخر ..
هل هي قطعة قوية والا قطعات خفيفة متتالية
عند سرعة معينة او ار بي ام معين .. او انها بتجيك في البداية ..

انت بتقللي انك غيرت بخاخات وطرمبة البنزين وغطاء الديلكو ..

هل شيكت على اسلاك البواجي ... يمكن تكون ماهي مشبوكة زي الناس .. بعد فترة واهتزاز المكينة يفصل واحد منهم او يسير محلول ..

طيب هل غيرت بواجي .. ؟؟


انا اقللك شي في سيارات جي ام من موديل 1993 الى وقتنا الحالي .. فيها مشكلة بسيطة وهي كالتالي ..


وهذي انا عانيتها في الجمس عندي وفي الكابرس والكورفت وكل سياراتي .. الا وهي ..



اذا انت ماشي ونقص البنزين في التانكي عن النص ... تقوم السيارت تقطع عليك اذا دعست على الاخر ..

ليش ؟؟؟

موقع طرمبة البنزين في التانكي.. سيئ بحيث انو اذا دعست على الاخر .. كمية البنزين الموجودة بترجع مع قوة الاندفاع الى الوراء فبالتالي طرمبة البنزين ما يوصلها البنزين مما يؤدي الى التقطيع اللي بتقول عليه ..


ابغاك تجرب شي .. قبل ما توديه ورشة او اي مكان ..

عبي التانكي فل .. واوقف لوحدك في شارع فاضي وادعس للاخر .. خللي السيارة تفصل على الاقل النمرة الاوى والثانية .. وشوف هل تقطع معاك ..

اذا ما قطعت معاك .. فهي مشكلة التانكي وهي موجودة في جميع سيارات جي ام الى موديل 1997 او 98

اذا قطعت معاك ... وقف السيارة وخليها تبرد .. وحاول تشيك على اسلالك البواجي كلها .. واحد واحد .. افصله ورجعه تاني .. بس خلي بالك اعملها واحد واحدج .. لا تروح تفصلها كلها وبعدين ترجعها .. ما حتعرف تقسيمة الاسلاك ..

ثاني شي شيك على البواجي ... هل غيرتها مؤخرا .. او انها حقة بلدها من عام 97 .. اذا كان حقة بلدها فاكيد منها ..

انا معتمد على كلامك انك غيرت طرمبة وغطا ديلكو ..

جرب واعطيني خبر ..

انا متاكد انك لو عبيت التانكي وجربت ما حتواجه المشكلة باذن الله ..

مشكووووووووووووووور يا King_SS فعلا عبيت التانكي فل و مسكت فيها خط تقريبا 30 كيله عل سرعة 150 وصارت السياره زي العسل وبالنسبه للبواجي واسلاك البواجي جديده ولسا مامر عليها شهرين