بسم الله الرحمن الرحيم

موضوع جديد في سوالف
هذا المكان مخصص لطرح الاسئلة التي يحتار محب السيارات فيها
ويريد المزيد من التوضيح والشرح عنها

سيقوم كل من لدية جواب عن الاسئلة المطروحه بالجواب ان شاء الله

الموضوع سيكون ثابت ان شاء الله وساعدوني في انجاحه لان الكثيرون لايعلمون كيف يطرحون اسئلتهم او الى من يتوجهون بها لذلك ارى ان هذا المكان سيساعدنا جميعها في الوصول الى الحلول

تحياتي للجميع

.يعطيك العافيه اخوي زرو الامارت موضوع اكثر من رائع..


بصراحه عندي استفسار بسيط ...


مثلا اذا كنت امشي بسرعة 160 ..يعني بالعربي مسرع وفجأه جت اشاره حمرا وش افضل طريقه للوقوف بحيث احافظ على قماشات السياره ...لان سيارتي قير عادي وابي اعرف هل لما اجي اوقفها الافضل اني ارد نمره يعني اردها رابع بعدين 3 -2-1- ولا افضيها واضرب بريك؟؟



تحياتي ..

السلام عليكم

اذا اردت الامان

فعليك بالاتي:

1- استخدام الغيار العكسي 4-3-2 ورفع رجلك عن الكلتش تدريجيا
2- استخدام المكابح مع هذة العملية


اما اذا اردت عدم الاضرار بالمحرك
فاستخدم المكابح لانها تتعوض وبسهوله عكس المحرك

ممكن انك ادوس بريك و تسوي غيار عكسي من الـ 5 الى الـ 2 و ترفع الهند بريك و تلف السكان الى جهة اليمين باقصى سرعة

اذا طبقة هذه الحركة بتكون آخر حركة في حياتك

لا بقولك طريقة

اذا كانت مسافة قريبة فالافضل انك تقطع الاشارة لانك لو مسكت بريك ممكن انك توقف في نص التقاطع

اما اذا مسافة بعيدة ممكن انك تسوي طريقة الاخ زورو العرب وانشالله تنجح الطريقة

بس عندي تحذير , ان الاكثار من الغيار العكسي يسبب تلف في الكلتش ويخلي طلعة السيارة بطيئة

وشكرا

SL 55 AMG

بما انك من الامارات يا اخ زوروالامارات
فابغى اسألك
اللانسر ايفولوشن تجي عندكم
و بكم؟؟
و لو تكرمتم ممكن واحد يحسبها لي مع الجمرك
و تحياتي لكم





تحيه خاصه للــــــــــــــــــــــــــؤي

بالنسبة للانسر الايفو

ماتنزل عندنا بشكل رسمي

يتم استيرادها من اليابان بمقود على اليمين ويتم تعديله لليسار
بس ما انصح فيها ابدا لان مواصفات السلامه تختلف بالكامل وتؤثر على السرعات العاليه

اما بالنسبة لسعرها حاليا

فهي حوالي ال 95 الف درهم حسب ماشفتها العام في السوق
ولا املك معلومات حاليه عن الاسعار

قيمة الجمرك هي 4% بين كل دول التعاون


تحياتي لك

سؤال لو تكرمتم ياشباب

السرعه داخل البلد لمسافات قصيره قليلا يعني على 120 كذا هل تضر السياره وخصوصا اذا كانت بشكل متكرر قليلا


في انتظاركم

ماذا تقصد بالسرعه في البلد ؟

هل قصدك التسارع ؟

ام السرعة الاقل من 120 ياليت توضح وتشرح لنا شوي

يعني شارع مب خط طويل

يعني متوسط المسافه كيلوين ثلاثه
من اشاره الى اشاره

من 0--120 مثلا ثم الى 0

يليت اكون وضحت

...

ولا قول 6 كيلو ولا 7 كيلو
هل تكراره يسبب ضرر

قصدك القومات بشده من اشاره الى اشاره

شوف تجنب تضغط على المكينه بشكل كبير في القومه

اضغط عليها بشكل عادي بدون ما تخليها تتعب

ماراح يأثر هالشي لكن اذا كان الضغط كبير ستتأثر المكينه بعد فتره

حاول تريحها شوي ومافي داعي للضغط الشديد لانه يتعب المحرك ويقصر عمره ويزيد استهلاك البترول والمكابح

تحياتي

شكرا على السرعه في الرد يا مشرفنا

بس اقصد الوصول الى سرعه مرتفعه وعدم الاستمرار ثم التهدئه

تعبتك معي

ومشكور مره ثانيه

هلا

العفو ولو حاضرين يا اكورد

نعم هذة الطريقه تضر بالسيارة حاول ان تتجنبها
واجعل تسارعك بشكل تصاعدي يكون افضل للمحرك

تحياتي

الف شكر مشرفنا وماتقصر

لا الحمد لله انا مااسويها بس استفسر ومشكور مره ثانيه


...

تسلم والله

بس يقولون في البحرين تنزلها الوكاله ؟؟
هذا الكلام صحيح ولا لأ؟؟

بالنسبة لموضوع اللانس ايفو هي تنزل الامارات بس لازم تطلب السيارة قبل 3 شهور و سعرها 120000 درهم

أما بالنسبة للتسارع من اشارة للأخرى فها يضر البريكات فالاساس أما الامحرك فأنه حسب السيارة و نوعه

اذا كان سعته كبيرة فانها تصرف بترول و تقلل عمر المحرك و العكس صحيح

وشكرا

SL 55 AMG

مراحب ::

فعلاً سعر الايفوليوشن بدبي 120 الف درهم ..

السياره قوية وتسارعها اقوى , لكن الامان الله يخلف عليه ..

لأنها اصلا صالون مب سبورت .. يعني معدلة فقط ..

وشكرا لك زورو .. :cool:

SL 55 AMG
كيفك اخوي
.........
اذا كان سعته كبيرة فانها تصرف بترول و تقلل عمر المحرك و العكس صحيح

.........

يعني اخوي المحركات ذات السعه القليله يطيل عمرها الدعس او قصدك في صرف البنزين(البترول)


اسف جدا للازعاج...

طيب ممكن سؤال لكن خارج عن الأسئلة الفنية هو سؤال مكانيكي

اي هذي القطع وايش فايدتها؟




وكُتب جمب الصورة Throttle Body وكلمة Barney Throttle Body ممكن توضيحها.

وايضاً هذي القطعة

السلام عليكم ..........


عندي سؤال عن كيفيه المحافظه على لون السياره ولمعانها ؟


اخوك

عبدالعزيز

ERT

تقدر تحافظ على لون سيارتك ولمعانه بالتشميع يضعون طبقه فوق بوية السيارة تحافظ على لمعانها وتحافظ عليها من الخدوش واذا انت من السعوديه تقدر تسويها عند التلميع الساطع لانه افضل محل ويعطيك ضمان مدته على ماأظن انه 6 شهور

مشكور وما قصرت . اخوي انا من الامارات

بالنسبه للصوره الاولى الثروتل بودي هو الصمام الي يسمح بعبور البانزين يعني كل ما كان اكبر كل ما تحمل ضغط بانزين اكبر و سمح بكميه اكبر وهو عادة يكون مفيد اكثر بالسيارات الي فيها توربو بسبب الحاجه للمزيد من الوقود لموازنتها مع كمية الهواء و اعنقد ان الاخ كنجss جاوب على السؤال في موضوعه (عودة الملك باسرع كابرس في العالم) اما بالنسبه للصوره الثانيه فهو يلعب دور في تعليق السياره و المحافطة على تماسكه باللفات لكن ما عندي معلومات كافيه عنه وانشالله الشباب ما يقصرون معاك

طيب انا عندي مشكلة في سيارتي اللومينا اذا اترفعت السرعة عن 90
المقود يرجف ويفقد توازنة ولازم امسكه بكلتا اليدين وهذا مااكانت موجودة من قبل ..ايش الحل

السلام عليكم

اول شي تسويه تتأكد من ميزانية التواير

وحاول تلف التواير الي في الامام للخلف والعكس

واذا مانفع هالشي تتأكد من الرود الي هو يمسك لك الدركسون

وانتظر ردود من اصحاب اللومينات

تحياتي