والله يا v8 انا اتمنى .. بس هل المعرض يقبل سيارات من خارج الامارات
وكيف الواحد يشارك في المعرض .. يعني اخد السيارة واقابل مدير المعرض او كيف ؟؟
===
اخر الاخبار الان عن الكابرس .. شرينا تانك بنزين مخصص للسباقات
طبعا مع ازالة القديم ... ولو تعرفو كم وزن القديم ما تصدقو .. تانكي واحد شلناه شخصين .. من كبر حجمه .. اعتقد انو هذي حتكون حافز قوي لتخفيف وزن السيارة ...
بالطبع انا مشكلتي الاساسية هيا وزن السيارة .. لاكن باذن الله تكون النتايج مبهرة ..
طبعا المشكلة التانية اللي حتواجهني حكاية تماسك السيارة .. اعتقد انو حان الوقت لازم احط سليكات عشان اتفادى العملية هذي
اصبحت السيارة لما تنقل من اول لثاني تقعد في ارضها .. صحيح ماشية بس هذي بتضيعلي ثواني وبتاخرني
===
وثاني شي انا اشكر المشرف على تثبيت الموضوع لانو بالفعل انا ملاحظ عدد القرائات خيالية وعدد الردود عالية .. بس انشالله كلنا نفيد ونستفيد
====
بالنسبة يا crower انا مواجه نفس المشكلة اللي انت مواجهها في الفيول بس الحين غيرنا نظام الفيول كااااامل ....
مع تغيير الطرمبة وتمديد لاينات من الاول للاخر وتغيير كل شي ..
يا راجل اصبح الكابرس عبارة عن صهريج بنزين متنقل ..
سابقا كنت في السباق الواحد اخسر ربع التانكي .. الان مدري وش حيسير ...
وسامحوني اتاخرت عليكم في الفيديوهات .. لاكن بسبب اني كنت احاول اصغر حجمها عشان تسهل عليكم ..

طيب اخوي العزيز King_SS اانا عندي لومينا ls ابغى اركب فيها شي يخلي صوتها رياضي وقوي ومن غير ماياثر على المكينه والقير...وبكم سعره.............وشكرا.............. والله اني اتمنى اني اروح جدة الحين واشوف السيارات الرياضية العدلة مو زينا في الشرقية......

عادي الصوت ما يضر السيارة ..
عادة كل سيارة بشكل عام اجي تحتها نوعين من الكنداسات او الدبات
صغير وكبير .. الصغيرة عادة تكون كواتم للصوت والكبيرة تكون عشان ضغط المكينة ..
وفي الغابل تجي اثنين صغيرة ووحدة كبيرة .. انت لو تحب صوت شوية حلو .. شيل الصغيرة واترك الكبيرة .. واذا تحب صوت اعلى شوية شيل الكبيرة واترك الاثنين الصغار ..
بس ترا لو شلت الدبة الكبيرة احتمال تواجه ضعف في السايرة في القومة .. لاكن حتتحسن في الخط كتير في كلتى الحالتين ..
او اذا تحب شغل عدل .. روح اشتري دبة رياضية كروم وركبها بدل الكبيرة الاصلية اللي عندك .. وساعتها حيكون الصوت حلو ومدروس
==========
بالنسبة للفيديوهات .. طبعا اللي راح احطها قديمة .. يعني زي الفيديو التالي انا عملته قبل التيربو وقبل السوبر شارجر بس طبعا المكينة كان عليها كل شي
بالضغط بالزر اليمين وسيف تارغيت از
King SS Burnout

وهذي تجربة قديمة جدا قبل ما اركب التيربو او السوبرشارجر .. والمكينة كان عليها شوية شغل يعني نص ونص
King SS Top Speed
طبعا السرعة كانت 265 كيلو تقريبا وبعدين رفعت رجلي لانو المسالة كانت خطيرة شوية ...
خاطرت بروحي شوية عشان اصور المقطع دا .. زي منتو شايفين باليد اليمنى كنت ماسك الكميرا وباليسرى كنت سايق .. ( السايرة كانت اوتوماتيك)
في ديك الاوضاع .. يعني ف ياللقطة اللي انتو شفتوها دي انا جربت مع مكسيما معدلة من ستيف ميلين ومتعوب عليها على الاخر .. وهادا هوا مقطع السباق
مم تدرون .. اعتقد اني لسة ما نزلته .. لاكن بكرة انشالله انتظروني وانا انزله لكم ابشرو .. بس عموما السباق كان جدا حلو .. وانتظرو مني المقطع

تحياتي

بالنسبة للقومة تبعي مع المكسيما .. على فكرة اضريت اني اصغر الملف قدر الامكان عشان الحجم .. يعني اعذروني اذا الصورة ماهي واضحة
طبعا في القومة دي المكسيما عليها قطع من ستيلين والكابرس كان لسة اوتوماتيك وبدون سوبرشرجر .. وكانت قوته تقريبا 300 حصان
هادي اول تجرب وزي ما تشوفو صاحب المكسيما غلط في الجير كم مررة واضرينا نعيد السباق تاني
the 1st race with the stillen maxima

وهادا السباق التاني
the 2nd rave with the stillen max

والمررة الجية ابعتلكم الفيديو لتجربة مع zx twinturbo
معدل من الامارات ب 450 حصان

up up up up

والله كلم ثاني بس لوخليت صوت التفحيط مع صوت خفيف لمايكل
كان احسن والله ما نك هين يبيلك جلسه هههه ما شاء الله تبارك الله خلصت الاسئله كفيت ووفيت

بس بعد هذا التلغيم كله ما حاولت تلغم الجهاز (الكمبيوتر الشخصي)
محتاجين سرعات اضافيه

مشكور والله تعبت عشانا بس الله يحفضلك الموتر

بسراحه حمستنا ـــــــــــــــــــــــــــــــــــــــــــــــــــــــــــــــــــــــــــ

والله كلم ثاني بس لوخليت صوت التفحيط مع صوت خفيف لمايكل
كان احسن والله ما نك هين يبيلك جلسه هههه ما شاء الله تبارك الله خلصت الاسئله كفيت ووفيت
جريت المكسما أكيد صاحبها انقهر
بس بعد هذا التلغيم كله ما حاولت تلغم الجهاز (الكمبيوتر الشخصي)
محتاجين سرعات اضافيه

مشكور والله تعبت عشانا بس الله يحفضلك الموتر

بسراحه حمستنا ـــــــــــــــــــــــــــــــــــــــــــــــــــــــــــــــــــــــــ

الفيديو انا عامله من زمان بس عشان ادور عليه في الارشيف عندي واحطه في النت بياخد وقت

وعلى العموم
هذا فيديو كليب لقومة سارت بيني وبين 300zx من الامارات ب 450 حصان معدل بالكامل من ستيلن بس مش مغير التيربوهات تبعو
الصورة سيئة بس عاد مشي حالك
King SS VS 450hp stillen 300zx

وفي كمان القومة اللي سارت بيني وبين 740 صاحب الفيراري بحطها المررة الجاية

:p :p :p طيب يا احمد
شديد يا احمد:p :p :p


ونعم



بس حبيت اسال سؤال
في امكانيه لكزس LS400 موديل 93 يتلغم و يوصل لمستوى الكورفيت مثلا يعني يطرح الكورفيت بالعربي

ماشاء الله عليه هذا الكابريس والله اخوي الملك نزلت كل الأفلام اللي حطيتهم في الكمبيوتر و إنشاء الله يتزود الى 2000 حصان يارب ...

بالنشبة للكزس فشي اكيد انو لها تلغيم وقطع تعديل . بش عشان تخليها تطرح كورفت لازم تصرف عليها كتير ..
اولها تركب سوبرشارجر من نوع فورتيك او تيربو .. او غاز
وعشان تركب واحد من الاشياء دي الي انا قلتلك عليها لازم تاسس المكينة بحيث انها تستحمل القوة الهائلة اللي نازلة عليها ...
واحتمال تمسك مع كورفت .. يعني ما اقللك والله انو تطرح الكورفت بس احتمال تجمل معاه ...

مهما كان الكورفت سيارة تحظى باداء جبار لا يستهان به ...
مقارنة بوزن سيارتك المترفة ... لاحظ انو اللكزس سيارة يتوفر فيها كل انواع الترف واساليب الراحة .. فلا تعتقد انها مصممة للسباقات او التعديل ...
بينما الكورفت فنشأتها كانت على اساس السرعة

====
انا حظي سيء في تصوير السيارة بالتيربو .. لاكن احاول اصورها وهيا وافقة عاد ايش اسوي ..
مافي احد اصورلي سيارتي ..

تقريبا الGS300 ينفع لتلغيم وزنه اخف وشكله رياضي ولا لا يا KING

صحيح كلامك .. ومعظم الناس بتلغم في اللكزس الصغيرة متجاهلين تماما الكزس الكبيرة .. لانو الصراحة ياخي انت بتتكلم عن وزن مو طبيعي وسيارة تعيسة بالمرررة ... وتقيلة بشكل مو طبيعي باختصااار سيارة حقة رفاهية وترف ماهي حقة سرعة
====


وهذا الفيديو اللي سار بيني وبين الفيراري .. طبعا سيارتي كانت اضعف من الان بمرااااحل
كان عليها سوبرشارجر وكنت برضو باعاني من مشكلة البنزين فيها وما كنت عارف احلها بسبب الحالة المادية كانت مقصرة معايا

http://ksa-super-cars.com/videos/ki...es-full-mov.wmv

زي ما حتشوفو طبعا في القومة انا طلعت الى حد مسافة معينة وبعد كدة الى اخر الخط تقريبا انا وراه تماما صدام بصدام ....

تسلم أخ احمد على المقاطع

بس بغيت منك طلب بسيط بغيت منك مواقع اقدر اشتري منها شغلات هيدرز و عمود كام وحاجه زي كذا لمكاين شفر لان اعرف واحد يبغى يشتري هيدرز عنده وانيت (بيك اب) سيلفرادو موديل 85
واكون شاكر لك .

مرحبا ياKing_SS اول شيء انا ماتوقعت السيارة بهادي القوة وانا افتكرتك تبالغ بس لما شفت الفيديو اقتنعت والله واتمنى لك التوفيق من كل قلبي واحب اقولك انك تستاهل شهادة دكتور في التلغيم وباين عليك من زمان تشتغل في التلغيم واتمنى تقول لي صار لك كم تشتغل في التلغيم واكرر اسفي لأني كسرت في حلالك بس انشالله تقبل اسفي وشكرا

يا مجنون السيارات ... ترا السيارات القديمة مافي اسهل من تلغيمها ...
خاصة الحوض اللي عندك .. شوف انا مواجه صعبوة شوية في تلغيم اللي عندي بس الموديل اللي عند صاحبك سهل التلغيم ..
بس اعطيني فرصة وانا ابعتلك صور بعض القطع اللي من جد تنفعك
مع اللنكات حقة الصفحات عشان تتفرج بنفسك ...

====
اخيرا يا بن عيدان عرفن اني ما امزح لما اقول اقوى كابرس في العالم ..
ظهر الحق ..

على العموم يا بن عيدان سيارتي الان في الورشة عشن اتغير نظام البنزين حقها .. بالكامل ..

وصدقني فيراري مارنيلو الان ما تسوي معايا شي اخليها واقفة تمام موب عاد f355

بورش توين تيربو ما اسوي شي معايا
والمرحلة القادمة حتكون صعبة شوية على مالكي السيارات القوية هنا عندنا ... لانو يخسرو سمعة سياراتهم عشان كابرس حتكون فشيلة من جد ..

التلغيم دا اصبح شي بديهي عندي يعني كلها معادلات زي الفيزياء من الصعب انك تنساها
لاكن مع مرورو الزمن الشخص بيكتشف انو ما زال لا يفقه شيء في التلغيم ولا زال يتعلم وتعلم ..

ويا عمي ما سار شي بس رجائي لكل واحد في المنتدى مش بس انت ... انو لا يستعجل في الحكم على اي شخص الا اذا اتاكد تماما

بالرغم من اني وضعت صور واثباتات وبراهين وفيديوهات .. الا انو ما زال البعض خارج المنتدى اقولولي سيارتك زبالة ؟؟
انا مستغرب .. واذا جيت تقلله جرب معايا اطلعلك بمكسيما وعلى باله راح اسوي شي معايا .. ويتفاجا اعطيه مسافة بالكيلومترات يا راجل ..

زي احكيلكم حكاية حصلتلي يوم الجمعة قبل اسبوعين

قاعد الف في الصباح الساعة سبعة ونص
قابلت واحد عنده بي ام الفئة الثاثلة M POWER//M3
موديل 2002 او 2003 ماني فاكر
وقفت جنبه في الاشارة وقلتله ممكن تجرب معايا
الادمي طالع فيا باحتقار بطريقة ما تصدقها كيف
المهم قللي انت عارف ايش السيارة دي .. قلتله ايوة بي ام 330 بخاخات لووول
انا عملت نفسي عبيط على الاخر وكاني اول مررة اركب سيارة
المهم .. الادمي طالع فيا وسار اقللي هادي ام 3 واذا ما تعرف ايش هيا الام 3 فاحسنلك تروح بيتك وتنام بدل ما اخليك تروح بيتك ما تنام
اللي حصل قلتله هادي اس اس ماهي ال تي زد ...
سقت عليه العباطة تماما وكاني سايق حنطور ماهوب كابرس
قللي انت ايش مسوي في سيارتك ومخليك واثق من نفسك ..
قلتله ولا شي بس منظف بخاخات امس في الوكالة عشان السايرة كان عزمها ضعيف والان السايرة تجيب 200 في الخط
سار اضحك الرجال .. قللي روح انت وانا الحقك من وراك ..
قلتله لا انا احب الحق نمشي مع بعض ونقوم
اللي حصل .. طاط.. طاط .. طاااط
والله ما رفعت رجلي الين شفته بناظور في مراية السيارة ..

وقفت في الاشارة
جاني الرجال ووقف جنبي ورخى الشباك .. وفمه مفتوح زي السيد قشطة ..
تماما ماهوب عارف اقول ولا كلمة وقللي ممكن اشوف بس انت ايش مسوي ي السيارة
قلتله اسف مستعجل بس خدها حلقة في ودنك (
اصحك تستحقر اي سيارة تشوفها واقفة جنبك )

ومشيت ..
وسلامتكم

على فكرة في قومة بيني وبين ام 5 معدل من هامان
وانشالله احط الفيديو حقها اذا رجعت في اليل انشالله

اخوي والله انتا حرقت اعصابنا.:( :(

ماشالله تبارك الله

بصراحه مقطعك مع الفراري الصفرا جنان

فعلا قومة جباره الله يعطيك خير هالسيارة ويصرف عنك شرها

وحبيبي ياليت ماتبخل علينا بشوية مقاطع زيادة ..

تحياتي

ايوه كذا يا حقين جده بصراحه رفعت من مقامنا
والله كنا ننقهر من عيال الامارات كنا نقول هذولا مجنين كيف يسون كذا
وطلعت انت ما شا الله عليك طلعه قويه بصراحه

إلا على فكره كم يمشي الكابرس SS ال96 من دون تلغيم كان مع واحد ما يجيب الا 220 وبالقوه كمان بطيء
ونا متحدي مع واحد بالكزس GS وماكان فيه مستوى والله قلت هذا قوي بيطرحني خليني اعطي السياره على الاخر والبور وكله بس مره اروح عنه بعيد حتى اخليه يدعس ويعدي وبعدين ادعس اجيبه على طول
بس يمكن قومه يطرح لاني احس الكزس في الخط قويه غير عن القومه

على فكره الشرطه لو درنت عن سيارتك ما يمكن يصادروها انتبه

وبعدين وينك ما نشوفك شكلك تندس عن الناس لا يشوفوك بالكابرس
كل اسبوع نفر جده وما شفناك اعطينا وجه يا هوه معليك مانا من الى يتمحرشون يعني لا تخاف

حبيبي Dentist
يوم قمت مع الفيراري كان عندي مشكلة في البنزين وما كنت عارف حلها .. السيارة توصل الى حد 160 وتسير ثقيلة بالمررة مدري ليش ؟؟

مهما حاولت ومهما فعلت ما قدرت احل المشكلة ولما قريت واتصفحت وكلمت خبراء في امريكا .. عرفت المشكلة بس امتى ؟؟ بعد ما فات الاوان يعني الحين المشكلة اللي كانت وعرفت حلها .. اصبحت ما تتلائم مع التيربو لان التيربو مختلف كليا .. وظهرت عندي مكشلة اخرى لاكن باذن الله حليناها .. بس تطلع السايرة من الورشة وابشرو اعزم شباب سوالف كلهم واكهعم في يوم واحد نصور السيارة لانو من جد بصراحة انا ماني قادر اصور السيارة الى الان ..
كل اصحابي مشغولين في اعمالهم ومحد فاضيلي ..

والمشكلة الاخرى اللي تواجهني هيا حرارة الجو .. مع التيربو اخر حلاوة .. السيارة عزمها مررة اضعف ..
خاصة انو كبوت السيارة عندي مافيه فتحات تهوية وبعد ما تسخن المكينة بعد اول قومة .. بعد كدة اي دعسة زيادة الفلتر ابتدي اسحب هوا حار من داخل المكينة ...

كلها راح تنحل باذن الله بس شوية شوية ..
===
حبيبي twin cam لو ما ارفع سمعة مقام بلدي امال ارفع من مقام مين ..
على فكرة عملت مقارنة بيني وبين اقوى كابرس في ابو ظبي .. وكنت انا احسن منه في اشياء مثل السوبر شارجر اللي عندي اكبر من اللي عنده
وهوا كان احسن مني في اشياء مثل كان عندع جير عادي 6 سرعات وانا اوتوماتيك

ورغم كدة كانت سيارتي اقوى منه نظريا

لاكن الان خلاااااص انسى الموضوع ... كبارس امريكا نفسها مذهولين من اللي سويته

والله بيني وبينك الكابرس حقي كان من بلده اجيب 230 وخلاااص تحس المكينة راح تطلع من الشكمان ...
بالنسبة للكزس يا راجل حرام عليك خاصة ال gs مررة ضعيفة ...

ممكن ال 400 تكون قوية مررة والكابرس شد بلد ما يقدرلها ...

بالنسبة للشوفة وما الشوفة .. انا من الناس اللي اروح للشلة حقتي واجلس معاهم .. بس حكاية اني اتواعد مع احد او اعطي مواعيد لاحد فانا ما اسويها لاني اعرف نقسي كسول جدا وامكن ما اوفي بوعدي ..

لاكن ما يهمك انا اذا خلصت السيارة راح اعلن في سوالف واللي ابغ اجي الله احييه ..

وهذا فيديو للبي ام 5 المعدل من هامان .. واللي تمت التجربة معاه ..



وهذا هوا الفيديو حق التجربة .. زي ما تلاحظو قمت وهوا ما دعس من اول مررة مما سببلي حرارة في المكينة وعزمها ضعف .. وزي منتو شايفين الدخنة السودة اللي طلعت اول ما دعست واستمرت الى نصف الطريق ..
طبعا الى سرعة 16 او 18 تقريبا جنب بعض وبعدين السيارة سار عزمها تقيل بسبب مشكلة البنزين اللي قلتلكم عليها .. وطلع عليا ... وفي اخر الخط لحقته وعديته بمسافة
هذا مقطع البي ام
hamman m5

وهذا السباق
King Ss VS Hamman M5

وسلامتكم

اقصد الى سرعة 160 او 180 تقريبا

ممبروك على هذا المستوى
اللي اقل شي قول عنه جـــــــبـــــــاررررررر


بس وقت مطارحة الفيراري كانت سيارة حضرتك(زي المصريين) قير عادي و لا اتو

و ما شالله السيارة اللي كان فيها اللي يصور اكيد اللومينا بتعات اخوك يا بيه صح و لا مو:rolleyes:



بس ما قلتلنا عن سيارة وقت مطارحتك مع BMW M5 المعدلة من هامان
يعني بالتيربو و لا بالسوبر شارجر


و البورش التيربو ما صورت مطارحتك معا


و متأسفين سعتك على الاطاله

السلام عليكم

هل من الممكن أن واحد منكم يقول لي من هامان هذا

يا s55amg
الفيديو حق الفيراري والبي ام هادي كلها قديمة كانت السيارة بالسوبر شارجر وكانت اوتوماتيك وبدون غاز وكان مستواها كرولا بالنسبة للمستوى اللي هيا عليه الان

وبالفعل السيارة اللي كانت بتصور كانت الومينا وطبعا كان بيقرب بالزوم عشان اشوفني

واي بورش تيربو ؟؟؟
ما قمت مع بورش تيربو انا ؟؟ امكن تقصد سيارة تانية ...
على العموم بالفعل كانت حتسير بيني وبين بورش قومة بس صاحب البورش خاف ورفض اقوم معايا على سرعة 80 واصضر اني اقوم معاه قومة ارض .. وزي منت عارف انا قومة ارض ما اقدر لاكن التحدي كان على سحبة 80 ورغم كدة ما وافق

يا اياد ...

هامان هادي شركة تعديل خاصة بالبي ام ..
وهي تعبر من كبرى شركات التعديل واسمها هامان