اقصد يا بن عيدان

اهم شي نسيت اسالك عليه هوا ..
ايش نوع السوبر شارجر اللي مركبه في السيارة

حبيت اسالك بالنسبه للسكايلاين اللي طرح الفايبر هم ملغم تلغيم جامد والا كيف لانه الفايبر سياره جباره صعبه يعني


بعدين ايش رايك مين يطلع السكايلاين والا الام فايف حق الامير اللي يقولوا عليه

تحياتي لك

السكاي لاين هده قوته 700 حصان صافي وما تبغاه يفشخ الفايبر
سمعت انه تمت تجربة بين السكاي لاين والام فايف وكانت النتيجة فضيحة مخزية للام فيف

مرحبا شباب على فكرة الفايبر الي جرب مع السكاي لاين ار تي 10 مهو جي تي اس . وهوا نفسو الي جرب معاه كنج اس اس


اظن تعرفو الفرق

شباب لا تستهينوا بلسكاي لاين

انا عندي فيدو للسكاي لاين وهو يهزء لامبرغيني و بفارق عمودين

والله السكاي لاين شي خرافي

اذا ممكن حد يدلني كيف احط الكليب على سوالف وانا مستعد انزله

SL 55 AMG

يا king of word اول شي ترا السكايلان سيارة معدلة من الالف للياء ومررة قوية والفايبر ماهو بمستواها ..
وبالنسبة للامير ما اعتقد انو حيقدر اسوي شي معاها
==========
حبيبي s6 الفايبر من عام 94 وانت طالع استبدلت مكينتها بمكينة الفايبر الجي تي اس .. واصبحت مجرد شكل ار تي 10
يعني ال فايبر الا ار تي 10 الاصلية اللي اجي الاكزوز حقها من الجنب ... وبعدها تم تعديلها من الشركة واصبحت مكينة الفايبر الجي تي اس اساسية على كل موديلات ال ار تي 10 .. انشالله اكون وضحتلك الفكرة .. وبالنسبة لقومتي معاه . فانا اعتقد انو كان عندي مشكلة وقلت للشباب بعد سرعة 200 انا رفعت رجلي لانو عندي مشكلة في البنزين ... لاكن مقارنة كابرس يمسك ورا فايبر 3 سيارات الى سرعة 200 انا اعتربه انجاز .. وباذن الله السيارة حتدخل الورشة وتشوفو المررة القادمة التجربة كيف حتسير ...

هلا كنج اس اس اول شيء الكام الي كان جبته اول شيء كامx وبعدين ركبت كام عادي حق 350 با الروكرات حقه والسوبر شارجر شلناه وكان baig sargar والسيارة اقولك عليها هولي باالثلاجةوحجمه 700 والظفيرة كانت عادية لاني لما ركبت المحرك على طول نزلتها كابريتر ماخليتها بخاخ اما البساتم فهي ستوك والحين غيرتها ركبت بساتم ظغط علشان الغاز مايخترقها اما القير بوكس فهو قير من نوع قديم وهو ثلاث سرعات والحين جبت لي واحد ثاني اربع سرعات اما الدفرنس فهو الحين ستوك بس غيرت الكارونة اي شيء عندك ظيفنى عندك على الأيميل دا لأأني ما احب اتكلم عن السارة قدام الناس soso_has@hotmail.com

فضييييييييييييييع يالكنج اس اس والله إنك رااااعيها... خليت من ال امبالا ملااااااااااااااااك

بغيت اسألك عن مستوى سيارتك الحين تقريبا مع شو تحطه؟؟
كمثال ايفولوشن 750 حصان
او مثلا سكاي لاين يعني من 500 - 700 حصان؟
يعني استفسار ؟
يعني مثال عندنا ايفو حق واحد من الشباب المورسيلياجو صفر على الشمال......
و لاندكروزر 2000 6 سلندر بعد مال واحد من الشباب و جرب التجربه المشهوره في دبي قبل فتره مع مورسيلياجو و راح عنه بفرق
بس انته مع شو تحط سيارتك مع اي سياره؟
و جربت مع سكاي لاين او سوبرا او ايفولوشن قبل
ارجو اعلامي و شكرا

ياخي اسمحلي انت كلامك فيه تناقضات بالهبل .. يعني لو اقعد اطلع الاغلاط الل في كلامك انا مستعد اجلس يوم كامل ... انت شخص جيت وتقللي انت ما تعرف نوفا بن عيدان ... وحبيت توصلي فكرة انو سيارتك قوية او ما شابه ذلك
انت بتقول انك فاهم في التلغيم قاعد تقللي انت تبالغ في كلامك ومش وازن كلامك .... وكنت تتحداني بسييارتي وتقللي جيبها ميدان وشو في الشرقية عشان تطارحني ...

اول شي احب اقللك انو ما عندك اي ادنى خلفية عن السيارات بصفة عامة ولا حتى عندك اي فكرة بسيطة او لمحة عن شي اسمه تلغيم .. والظاهر عليك اما انو سيارتك شريتها جاهزة من واحد او انك بتقول اوهام في الخيال ....


اول شي .. كام x هذا ما اجي الا على الفورد وبس .. وانت تقول مكينة كورفت 98
وانا طلبت منك المقاس حق الكام يعني كم اللفت تبعه وكم الديوريشن وبفتح عند كم .. ومن اي شركة ..

وبعدين تقول انو فكيت الكام المعدل وحطيت كام عادي حق 350 مع الروكرات .... ؟؟؟؟؟؟ هل يعقل هذا ... .. ما علينا .. نكمل

وبعدين تقول انو السوبرشارجر شلتوه وكان من نوع اول مررة اسمع بالنوع اللي ذكرت اسمه قبل شوية


وبعدين تقول السيارة عليها هولي بالثلاجة .. يعني كربريتر .. على الرغم انك تقول انها مكينة كورفت 98 .. ومكينة الكورفت هذي ls-1 ولا يمكن تغير ثلاجتها الى ثلاجة مكينة 350 عادية .. والكام حق المكينة ال 350 العادية زي ما تقول ما يركب على مكينة الكورفت ال 98

وتقول اول ما نزلت المكينة تقول انك خليتها كربريتر .. طبعا كلام لا يمكن ادخل عقل .. انا اول مررة اسمع مكينة كورفت 98 ls-1 تنقلب كربريتر ..

والبساتم تقول انك غيرت الستوك وحطيت بساتم ضغط ....؟؟؟؟؟؟؟ اموت وافهم ايش معنى كلمة بساتم ضغط ..... عالي والا واطي ... وايش نوعها وايش المعدن المصنوعة منه ....

وبعدين تقول انو كنت حاطط جيربكس قديم ثلاث سرعات .. بالرغم انو من سابع مليون مستحيل انك تركب جيربكس قديم بثلاث سرعات على مكينة كورفت 98 .. مستحيل

وبعدين تقول انو الدفرنس عندك ستوك بس مغير الكرونة .. ابغ افهم دي النقطة انا .. كيف تقول سيارة حق 400 متر والدفرنس ستوك ... لا تعقل ..ز

حبيبي روح شوف الشباب اللي ابغو اقومو معايا بالكامري وانا بالريوس قوم معاهم احسن ...

انا شخص فاهم وعارف ايش مسوي في السيارة واذا حبيت اقوم احب اقوم مع شخص فاهم كل قطعة في سيارته ... استاذ في التلغيم والميكانيكا .. مش واحد قاعد اقولي كلام كله غلط في غلط ولاهو عارف اركب قطعتين منسجمة مع بعض ولا حتى في الكلام ...


عموما بس احب اقللك لا تهاجم اي شخص وعلى بالك تحسبه امزح او قاعد اكذب على الناس او افلت عليهم ركب ...

حبيبي انا لما اقول اني صاحب اقوى كابرس في العالم يعني اقوى كابرس في العالم .. سيارات سبور ما سوت شي معايا وسيارات عليها غاز خليتهم واقفين وسيارات عليها سوبر شارجر خليتهم ابيعوها ...بكل اختصار السيارة الخضرا اللي انا حاطط صورتها .. اوعك في يوم تحاول انك تحط راسك براسها ... لانو مدفوع عليها فوق ال 70.000 دولار .. سبعين الف دولار .. على المكينة فقط ... وما اتعب واسوي كدة عشان اجيني واحد مركب كام 350 عادي على مكينة كورفت ls-1 ودفرنس ستوك ومدري ايش كلام فاضي واقللي انت مصدق نفسك او مش وازن كلامك ....

انا قلتها للملأ وراح اضل اقولها ... السيارة الحاضرة امامكم سرعتها فوق ال 300 وتسرعها اقوى من اي شي انت تتخيله ولو حصل وشفتها في الاشارة لا تحاول وتفكر تجرب معاها لانو كل اللي راح تسمعه صوت صفير التيربو . وانا اعنيها ..
شباب جدة كلهم بيقرو رسالتي .. اللي ابغ اجرب معايا وواثق من سيارته اطلع ..

انا قمت مع الفايبر والى سرعة 200 انا تسارعاتي كانت احسن من البورش التوين تيربو ..

حبيبي crower
سيارتي الان في حدود ال 500 حصان تقيربا وما اقدر احكم عليها لاني راح اغير نظام (fuel system) بالكامل ..
السيارة الان نوعا ما اقوى من اليوم اللي قامت فيه مع الفايبر .. لاكن انا حغيب اسبوع واحد وشوفو بعد كدة السيارة كيف حتسير ...

بالنسبة للسيارات اللي بتقول عليها .. احنا ما عندنا سيارات بالكفاءة اللي بتقول عليها بس انا ما اعتقد اني حكون اقل منهم في شي ..

وسلامتكم

كيف الحال ممبروك يا اسطوري
يعطيك خيرها و يكفيك شرها

المهم انا طبعا ادرس في مصر الان
و كنت في الجامعة في معمل الكمبيوتر
و دخلت على الموضوع و شافو جميع class سعوديين و كوتيين و مصريين و فلسطنين و بنات و شباب من جميع الجنسيات العربية



بس ما اخفي اللي التفتو اكتر شباب السعودية و الكويت
و بنات السعودية ;) بس عشان السيارة لوحتها سعودية و مناظر من جدة في ابحر و القاعدة

صراحة الشباب اعجبو جدا بالسيارة خصوصا الاكتر اعجب بكونها غير عادي و قوتها الخارقة

و اعجب الكويتين اكتر ( بدون زعل :p )
باللومينا مع البورش خصوصا لما الشاب اللي قال اثناء السباق خليه يروح و بعد ما راح شويه تقدمت عليه مره اخرى

و قلتلهم الكابرس اقوى قالو نبي مطارحه لها مع البورش


على العموم قلتلهم صلو على النبي و قولو ما شا الله و امسكو الخشبا
و اكتر الزملا من السعودية مو من جدة و انا من جدة
و يقولولي لازم تخلينا نشوف السيارة على الطبيعة
قلتلهم سيارة ابويه هيا عشان اوريكم هيا




كلمة اخيرة
اهنئك على السيارة و احب اكدد على اعجابي و اعجاب الزملا بالسيارة

و احب اقولك و ريتهم هيا اثناء الدرس و صفو الدكتور و جالسين يشوف المقاطع

يا S55AMG بالله عيد المقطع الفلاني

يا هووووو من كدك انت و اللومينا




لو كنت معانا كنت ما راح تنام ذاك اليوم يا عيني عليك البنات كلهم يطيحو عندك :eek:

يا احمد انا حاسس انه في تناقض في هده الجملتين ممكن توضحها
-----------------------------
على مدى منخفض من الضغط : القوة تفوق ال 400 حصان مرتاح
على مدى متوسط من الضغط : القوة تفوق ال 600 حصان
وعلى فول بوست (ضغط كامل .القوة تتجاوز الالف حصان
----------------------------------------------
سيارتي الان في حدود ال 500 حصان تقيربا وما اقدر احكم عليها لاني راح اغير نظام (fuel system) بالكامل

و بالنسبه لتساؤل نت ماستر اسمحلي اجاوب عليه
بدون بترول لا يمكن للسياره ان تكون بقوتها الكامله حتى و لو كانت مزوده بشو ماكان عندك الفيول سيستم و الانجكترات و الفيول ريجيوليتر و الكمبيوتر لانه باختصار لا يمكن للسياره رغم الاضافات التي عليها ان تعمل كما يجب بدون الوقود الكافي!!
كمثال السوبرا ان كانت مزوده فل بس نظام الوقود العادي( وكاله ) لن يصل المحرك كفايته من الوقود لانه يعمل بضعف او حتى ثلاثه اضعاف قوته و بالتالي يريد المزيد من الوقود الذي يتلائم المرحله اللي المحرك فيها ( اجكترات 550 سي سي الى 1000 سي سي) و هكذا
و البوست خل صاحبها يجاوبك لانه ادرى بسيارته و ما ابغي اتكلم في شي يخصه

مرحبا يعني انت ياKing_SS تبغى تطلعني كذاب المهم ماعلينا با اخلي الفهم لك انت والتلغيم لك انت بس ابغى منك تكتب لي رقم جوالك او رقم بيتكم اذا تسمح علشان اعرف ارد عليك يادكتور التلغيم

استاذ يا crower والله كفيت ووفيت ..
صحيح .. الكلام .. عندك مستويات متعددة من الضغط في التيربو كل ما رفعت ضغط كل ما زودت البنزين وكل ما زادت القوة الحصانية .. فبالتالي قوة خيالية ..
زمان .. ركبت انا طرمبة بنزين اضافية inline fuel pump تركب بعد طرمبة بلدها .. واللي كان عندي سوبرشارجر مش التيربو ..
اللي حصل اول ما شلت الطرمبة الزايدة السيارة سار فيها بنزين كتير وبطلت تمشي .. قمت ايش سويت ؟؟ فصلتها ...
ويوم ما قمت مع الفايبر انا كل اللي مسويه اني حاطط بخاخات مقاس اكبر شوية والسيارة شغالة على طرمبة بلدها .. والثانية الي شريتها مفصولة ... الي حصل انو السيارة جملت الى سرعة 200 يعني نهاية النمرة الثالثة
....
الاسبوع اللي بعده ايش سويت .. طلبت بخاخات 72lb قيمة الطقم 5 الاف ريال ..
ركبت البخاخات ولعبت شوية في كمبيوتر السيارة ,,,,وشغلت الطرمبة الثانية ...
السيارة اشتغلت نص ونص .. قمت ايش سويت .. شغلت البخاخات الاضافية اليل انت شايفها في الصورة ... 3 بخاخات اضافية .. السيارة اشتغلت تمام ..
بس تمام على ايش .. رفعت البوست شوية ازود من اليوم اللي قمت فيه مع الفايبر ...
يعني باختصار .. انت ترفع البوست على قد البزين اللي عندك .. واكثر من كدة ممكن تجيب المكينة الارض ...
فاااا اللي حاصل عندي الان السيارة شغالة على 20psi والقوة الحصانية اتوقع انها في مجال ال 500 حصان ..
ما اقدر ارفع بوست زيادة لانو البنزين راح يقصر معايا وممكن افجر المكية ..
عشان كدة انا بقللكم راح ادخل السيارة الورشة مررة تانية لاني شريت طرمبة بنزين تكفي الى 900 حصان بالنسبة لمكاين التيربو و 1200حصان للمكاين العادية.. وراح اغير نظام البنزين بالكامل ... في داك الحين .. حتشوف باذن الله كيف 700 او 800 حصان تتكلم في السيارة ..
بس حاليا ما اقدر ارفع الضغط لانو البنزين يحكمني

وترى حتى لو كان عندي بنزين كافي .. ما اقدر امشي بالسيارة طول الوقت على فول بوست .. او على قوة حصانية كاملة ... انت بتعرض السيارة للخطر والمكينة للخطر وحياتك كمان للخطر .. لانو السيارة حتسير سواقتها غير عادية ..

وهادي صورة الطرمبة اللي طلبتها


اما انت يا s55AMG ليك رد خاص
يا ابني فضحتنا في مصر كمان لووول ما عليك امزح ..
تقللي اعجبو بالسيارة عشان مناظر من جدة ولوحات سعودية ها لوول طيب المررة الجية اصور المناظر من غير سيارة عشان اعجبو بيا اكتر لوول ايش رايك .

وعلى فكرة الومينا حقة اخويا .. واللي كان سايقها اخويا وانا اللي كنت بصور جنبه ...
وبالنسبة للفيديو اللي حصل انو احنا كنا ماشيين بشويش والبورش جا من ورانا وهوا دايس على الاخر ... انا خليته الين قرب جنبنا وبعدين قلت لاخويا يالله دوس بقوة .. طبعا زي ما شفت ايش قال اخويا اخر الخط ..
وعلى فكرة في سباق مصور بيني وبين اخويا
بس كانت تجربة قديمة يعني انا كنت مركب السوبر شارجر مو التيربو
وكنا تقريبا في نفس المستوى ...
بس حاليا .. انا اقوى بكتير ...

وسلامتكم

ادري انو السيارة لاخوك و سيارتك اقوى من الاول

بس انا ما افهم في قطع الغيار
تبغاني افهملك في التلغيم


بس انا فكرت اشتري ماكسيما ( طبعا اذا كانت الدراسة في السعودية ) و الغمها بـ 15000 ريال من واحد زميل لي في الفصل قريبو عندهم محل تلغيم و يكمن كمان تعرف الولد عندو هوندا اكورد جايبها من امريكا بس اذا ملغما ما ادري


اكيد تعرف المحل قائد العربة في سوق السامرية قريب منسوق جدة الدولي

المهم قلي انت ايش تبغا تطرح

قلتلو يكفيني افشخ اللومينات تفشيخ
قلي راح اخليك تفشخ البورش كاريرا
و ارفعلك قوة السيارة الى 320 حصان

بس شرط عليه تلغيم ما يعدم السيارة و ما يلمس شي في المكينة

و رحت بعت الكمارو بـ15000و حطيت دفعة 15000 ريال حجزت ماكسيما فل اوبشن كمان

بس تمشي الرياح بما لا تشتهي السفن

بس الحمدالله على اللي سار
صراحة راح انقهر لما ادفع 93الف ريال في سيارة و 15 الف ريال تلغيم و تجيني انت و لا اخوك تطرحوني
مو قصدي اقلل من السيارة يكفي مقطع البورش
خلني صفر على الشمال و امشي جنب الجدار احسن لي



و حط المقاطع اللي عندك عشان اوريهم الشباب في الجامعة



ويا خي ما فضحتك
شهرتك يا خي
و الشباب السعودي اكتر شي عجبهم انها غير عادي




بس الله يبعدك عن الحسوديين و الحاقدين
و يعطيك خيرها و يكفيك شرها

يعطيك خيرها ويكفيك شرها يا ملك_ss




الله يخليك خبرنا اذا بتجي الكويت.






اذكر الله,,,,,,,,,,,,

حرام عليك ياخي بعت الكمارو عشان مكسيما .. انت عارف لو حطيت ال15 الف هادي في الكمارو ايش كان ممكن تسوي .. والله حرام عليك ...
انا واحد من اصحابي دفع خمسين الف ريال على مكسيما حط عليها سوبرشارجر وبلاوي زرقة .. يعني مافي قطعة في ستيف ملين ولا في اي شركة تلغيم ما حطها ... كل شي كل شي ..
وشوف اخرتها ايش سوى مع اخويا بالومينا يا راجل الومينا راحت لوحدها .. مو عشنها لومينا ولا شي .. بس عشان مكينتها الي قوية ..
فانا مستغرب منك عندك كمارو تبيعه عشان مكسيما ... انا كان عندي مكسيما وبعتها عشان اشتري امريكي
وصدقني اللي قللك انو حترطرح بورش كريرا غلطان .. لانو الكريرا منافس عنيد للكمارو الجديد .. والكمارو الجديد والله لو اقولولي انو المكسيما عليها مهما كان من احصنة والله ما اصدق انها تطرح كمارو الجديد ... لانها مجربة

=====
لا اله الى الله
حبيبي driver انا جايكم انشالله بس احتمال بدون سيارة .. السيارة بخليها هنا .. واحتمال اخدها معايا هناك
ولو رحت بخبركم انشالله

اسف اقصد لا اله الا الله
معليش غلطة مطبعية

على فكرة انا عندي فيديوهات قديمة بس يعني شي كانت السيارة عليها السوبرشارجر
وشي كانت السيارة من غير سوبرشارجر وحاجات قديمة شوية اذا ترغبو تشوفوها انا ممكن احطها

اي والله حط لنا المقاطع
الله لا يهينك.

ما اخفي عليك اعجابي الكبير جدا بالكمارو
و افتخر و اعتز بيها
و اتمحن لما اشوفها
اقولك كنت لما ارجع البيت من المدرسة (كنت بزر كبير)( طبعا السيارة ما تطلع الكراج عشان واطيه )
اوقفها بره في الشارع بس جنب شباك الغرفة
و كان اخويه الصغير ياخذ المفتاح و يشغلها و يعرعر في الحارة
كنت اسمع صوت السيارة لما يشغلها
و عمره 13 سنه
و بكي لما بيعتها

احلى شي في الكمارو الصوت




بس يا اخوي انا انخدعت لما اشتريتها
اول شي من الهبل اللي انا فيه
اشتريت السيارة من دون ما افحصها
و لا اعرف مواصفاتها لاني اعرف انو الكمارو 8 سلندر
الا اتاري في 6 سلندر و اللي اشتريتها 6 سلندر


يا خي ما صدقت لما شفت السيارة 22 الف ريال قلت كمارو 22 الف ريال بس
فينك يا شيبا ( ابويا سيارة رهيبه و كيت و كيت ) الوالد قال اوفر فلوس كتير
لانو كنت ناوي على باسات و كان سعرها 80000 ريال
الوالد وافق و اخذ بومبا بنت كلب
يعني بالعربي كان عندي كمارو شكل


بس من جد السيارة كانت نظيفة من بره و من جوه
بس الحقيقة و الاهم محرك معدوم و زباله
يا راجل انا انصدمت لما كنت ماشي 180 بالسيارة و يجي جنبي ماكسيما و يقولي ادعس دعست من 180 و الله انو طار الماكس و انا مكان سر
عشان كده صفيت الباسات و الكمارو قلت ما لك الا الماكس



بس زي ما قلتك اول
تمشي الرياح بما لا تشتهي السفن
و الان ادرس في مصر

الان ما افكر في سيارة معينة لانو الدراسة 5 سنوات
يعني بتنزل سيارات بالهبل
لما ارجع يصير خير







بس طلب اخير الله لا يهينك
نزل الافلام الله يرحم ابوك
انا طفشان هنا انا و الشباب
اي شي اي شي
نزل و ما لك الا يشوفها الجامعة كلها
انت بس نزل و تشوف
يجو من مصر لجدة عشان ياخذو توقيعك و يتصور مع السيارة
:p :p :p




اسف على الاطاله
و يعطيك خيرها و يكفيك شرها
ان شا الله

اقللك انت تدرس في جامعة اكتوبر هادي مدري 6 اكتوبر الجديدة .. لانو اذا انت هناك انا اوصيك على واحد تتعرف عليه ... ولد عمي الصغير .. تلاقي كل السيديهات حقة مطارحاتي عنده اخدها معاه ...

بس والله حرام 6 سلندر كمارو من جد حرام .. يالله يا عمي تعيش وتتعلم ..

وبالنسبة يا شباب لمقاطع الفيديو القديمة انا انشالله اليلة بحطها باذن الله

بس كيف اقدر اوصلو


انا في جامعة مصر للعلوم و التكنولوجيا في مدينة 6 اكتوبر
و ولد عمك يا اما معايا في نفس الجامعة يا الجامعة اللي جنب الجامعة حقتي و هي جامعة 6 اكتوبر
تبعد الجامعتين عن بعض كيلو واحد بس على نفس الشارع كمان
تمشي على طول شويه توصل الجامعة التانيه

بس انا الجامعة اللي موجود فيها معترف بيها
اما جامعة 6 اكتوبر مو متعرف بيها


(مسوي داعية للجامعتين ):p


ارسلك ايميل برقم الجوالي لو تبغا ( ايميلك لو وسمحت )
عشان يصير عندك مندوبين انا و ولد عمك نعملك شهرة في مصر
بس لا تجيبها مصر شوارعها معفنة
و ما في شباب عندهم سيارات صح



انا معايا ميتسوبيشي لانسر موديل 99 فل اوبشن
و مسوي زحمة بين شباب مصر مو مصدقين انها حقي
ما اقول انو احسن سيارة في الجامعة لا بس تعتبر عندهم زي كأني معايا لكزس GS