العودة سوالف للجميع > سوالف رياضه وسيارات > ســـوالف الــسيارات > عودة الملك باقوى كابرس في العالم
موضوع مغلق
صفحة 2 من 92 < 1 2 3 4 5 6 7 > الاخير »
King_SS King_SS غير متصل    
كاتب فعال جداً  
المشاركات: 1,814
#26  

الله ابارك فيك يا سلمندر
بالنسبة للبوست حق التيربو
في الوضع المنخفض اكون في حدود ال 15 psi
وفي الوضع المتوسط اكون 20 psi الى 25
وفي حالة الفول بوست اكون تقريبا 50 psi
=====
الانتركولر شكليا صغير بس لو نظرت لتوكينه الداخلي تلاقيه كبير ..
وفي مشروع اني اكبر الانتركولر بس حاليا مافي فلوس
=====
بالنسبة للبورش عادي اجرب بس انا اخدت على نفسي عهد
ما اجرب مع اي احد في سباق رسمي
لانو اليومين هادي الناس سارت تاخد المسائل شخصية
يعني لو انا انطرحت حتى بمسافة قصيرة من البورش
حتلاقي كتير من الناس يعيبو ويذمو في السيارة متجاهلين تماما
انها في الاخر كابرس ..!!
وناس تتشمت وناس امنية حياتها انك تنطرح ..فبالتالي
انا احس انو مافي متعة في سباق رسمي زي كدة
الا في حالة اذا اتواعدنا في السر واتصورت فيديو .. اما جمهور وحضور
انا اسف ما اقوم قدام جمهور
انت اول واحد عارف ايش الماساة حقة اخويا بالومينا
اتصكت عين السيارة بسبب واحد ما صلى على النبي
خسر السباق وخسر السيارة
========
فتحة في الكبوت هادي انشالله راح اسويها بس زي ما قلتلك
مافي فلوس حاليا
========
حكاية الالف حصان هادي ...
شركة توربو نيتكس اللي مصنعة للتيربو كانت متابعة موضوع
سيارتي وطبعا عندها كامل المواصفات اللي في سيارتي
من الالف للياء وعلى فكرة كان معروض عليا اودي السيارة
هناك عشان اتعمل عليها لمسات اخيرة وتتعرض في ديترويت اتو شو
طبعا التيربو دا في المعدل من 10 الى 15 psi انت حتكون
في حاجز ال 400 حصان مرتاح
وفي الرانج 15 الى 25psi انت حتكون في حاجز ال 650 حصان
في حالة ال 25 الى 30psi انت في حاجز ال 950 حصان
وعلى 50 psi كم تتوقع القوة الحصانية ..؟؟
هل حتكون ال 950 نفسها ما تتغير .. مو معقول
على كلام الشركة انو السيارة فوق الالف حصان بالراحة
التيربو هذا حدوده الى 1200 حصان او اعلى شوية
على مكينة معدلة وجير عادي .. اعتقد اني اتخطيت الاف حصان
بديهيا من غير ما تفكر فيها يعني ..
طبعا مرتين جربت فيها السيارة على فول بوست وكانت النتيجة ....
ما حقللك كيف لانو لا يمكن اتوصف
وصدقني لو قام معايا الجي تي 2 .. وانا فول بوست ..
حيبيع السيارة تاني يوم راعي البورش ..
====
مقارنة باقوى كبارس في امريكا لما دخلت معاهم المنافسة ..
اقوى كابرس في امريكا او اقوى كابرسين بالاحرى
واحد عامل نفس شغل المكينة زيي بس التيربو اصغر بكتير
يعني على فول بوست التيربو اعطيه اكثر شي 700 حصان
والسيارة جير اوتوماتيك ... طبعا خرج بررة المنافسة لما حضرت انا
والسيارة التنية عليها نايتروز 350 حصان ومكينته 430 حصان .. واوتوماتيك
طبعا مافي مستوى بينهم وبيني انا جير عادي وتيربو اكبر
احنا كلمنا واحد باذن الله راح نجرب السيارة في الداينو
الموجود في ساماكو .. وراح اعطيكم النتيجة
لاحظ اني ما اعتدت على شركات ولا على احد يعني
انا ومجدي اللي سوينا السيارة من مجهوداتنا والله
وعمرنا ما رجعنا واخدنا فتوى من احد
على خلاف الامريكان .. عندهم داينو وعندهم كل شي
ولاحظ انو عشان اسوو سيارة تلاقيهم قروب كامل اشتغل فيها
لاكن الحمد لله انا ومجدي احسن من مليون قروب
والان معروض عليا فعليا اودي السيارة هادي امريكا .. بس ما اتقد
في الاوضاع الحالية حيكون مناسب
====
وعلى فكرة انا قمت من دباب مقنع الف ومية وكنت حاطط البوست
على الوسط .. واتقدمت عليه يعني طلعت الكابرس كامل عليه
وفي الخط ابتديت اروح بس المسافة كانت قصيرة
===
يا 760il الكابرس اخترته عشان .. شي واحد
الوالد اعشق السيارة هذي وبسببه اشتريت السيارة هذي
ومحتفظ بيها
====
وفي نظري احسن سيارة تتلغم .. اعتقد كل السيارات تتلغم
بس السيارة اللي تحوز على اعجاب الامريكان هيا حتكون افضل سيارة
=====
يا رعد ايش اللومينا دي اللي تبغتني اقوم معاها
ترا على فكرة اللومينا الصفرا اللي فيها فتحة الكامري في الكبوت
هادا معايا في العمل وكل يوم اشوف سيارته
وتراها عادية يعني شايفه مهتم بالمنظر اكتر شي
======

King_SS غير متصل قديم 25-09-2002 , 08:14 AM    الرد مع إقتباس
IROC-Z IROC-Z غير متصل    
عضو جديد  
المشاركات: 14
#27  

هل هدة السيارة تصلح للستخدام اليومى ام فقط لمطارحات

المحرك هل هو 350 5.7 معدل ام اكبر

اخيرا اليكم بموقع يهتم بالكابريس المعدل http://www.bigfastcar.com

http://www.bigfastcar.com/turnkey.asp

IROC-Z غير متصل قديم 25-09-2002 , 11:43 AM    الرد مع إقتباس
L.O CUSTOMS L.O CUSTOMS غير متصل    
عضو فائق النشاط  
المشاركات: 746
#28  

ما شاء الله عليك صراحه مجهود
ما يوصف الله يعطيك العافيه وبصراحه المفروض كل الإخوان بسوالف وأولهم انا نفتخر بك لإنك سويت المستحيل بصراحه ما شاء الله عليك

وما بوسعي اقول لك الا
إلـــــــــــــــــى الإمام


بس عندي سؤالين حبيبي:

س1:هل من الممكن تعديل سيارات الدفع الرباعي وبالخصوص الجيوب!
س2:إذا كان جوابك نعم في موقع او شركه نقدر نستفسر صراحه انا ودي الغم الرانجلر في إمكانيه؟؟ ;)
خصوصاً إنه سياره خفيفه;)

L.O CUSTOMS غير متصل قديم 25-09-2002 , 04:51 PM    الرد مع إقتباس
VeilSide VeilSide غير متصل    
عضو جديد  
المشاركات: 23
#29  

اهلييين شباب
اخوي king_ss
ما شاء الله
و الله يعطيك خيرها و يكفيك شرها
بس عندي كم سؤال اذا تسمح:
كم اكبر سرعة تقدر تجيبها ؟؟
و بكم تجيب الربع ميل ؟؟
و ان شاء الله اذا قررت توديها امريكا ..
نبي نعرف التفاصيل اول بأول عن طريق المنتدى ..
و الله يعطيك خيرها و يكفيك شرها



بايات

VeilSide غير متصل قديم 25-09-2002 , 05:54 PM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#30  

والله بصراحة السيارة تصلح للاستخدام اليومي بس ابيلك كل مشوار تعبي التانكي فول
ومحركها 5.7 معدل
بالنسبة للدفع الرباعي انا اخويا عنده شيروكي ملغم ومجهز من الالف للياء وانشالله احطك صورته
وولد عمي عنده رانجلر زي تبعك بس عليه مكينة 350 شفر معدلة على خفيف
بالنسبة لشركات تعديل الدفع الرباعي يبيلك تشارك في الجروب تبعنا وتسال اوخيا بنفسك لانو خبرتي ضئيلة ف يالدفع الرباعي
===========
بالنسبة لاكبر سرعة جبتها .... والله الكابرس طبلونه 260 من بلده ..
طبعا انا العداد نزل تحت ال 260 بكتير يعني بالتحديد ما اعرف كم السرعة
لاكن تجاوزت ال 280 بالراحة
والربع ميل لسع ما حسبته
=======
حكاية امريكا هذي كانت فكرة طارئة على الشركة من زمان والحين ليا فترة ما كلمتهم ,,,
واعتقد انو الاوضاع الحالية ما تسمح اني اروح هناك
========

King_SS غير متصل قديم 25-09-2002 , 07:20 PM    الرد مع إقتباس
abu_nasser abu_nasser غير متصل    
عضو فائق النشاط  
المشاركات: 700
#31  

طيب اخوي ملك الـ اس اس

عندي كم سؤال ودي تجاوب عليها


الانفنتي Q45 برايك تنفع للتغليم على انها سيارة فخمة و ما اتوقع انها تنفع

عموماً عندي سيارة ثانية و هي بيوك 93

برايك في اشياء اقدر اضيفه لها

تحياتي,,

abu_nasser غير متصل قديم 25-09-2002 , 07:38 PM    الرد مع إقتباس
HONDA 4 EVER HONDA 4 EVER غير متصل    
عضو نشيط  
المشاركات: 72
#33  

الف مبروووووووووك على الانجاز الرائع هذا ماشاء الله يعطيك خيرها ويبعد عنك شرها بس قولنا شي هل السيارة تصلح لمشاوير عادية زي السوق او اي مكان الخ.......... ;)

HONDA 4 EVER غير متصل قديم 25-09-2002 , 08:57 PM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#34  
king_ss بعض الاسئلة
س: مانوع المساعدات الحاليه والفرامل المستخدمه والدفرنس والكفرات الي تتحمل كل هذا الدفع العجيب؟



نرجو الاجابه بصراحه لان السياره ما راح تتحمل القوه الخياليه هذى

كـيـمـو غير متصل قديم 26-09-2002 , 01:18 AM    الرد مع إقتباس
Dentist Dentist غير متصل    
عضو فائق النشاط Riyadh  
المشاركات: 828
#35  

أخيو king
ألف مبروك لوصولك لهالمستوى وشي يشرف أنه يكون من بيننا مبدع مثلك وأتمنى لك التوفيق والمزيد من التقدم في هالمجال ..

بس بصراحه أنا اللي مستغربه .. كيف تجرأت في بدايتك أنك تبدأ تلغم كابرس !! مع أنه في سيارات كثيره قابلة للتلغيم بشكل أفضل وبتريحك كثير !

وتحياتي لك

Dentist غير متصل قديم 26-09-2002 , 03:56 AM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#36  

الفرامل المستخدمة وللاسف الاصلية .. وانا معاني هذي المشكلة
والدفرنس برضو الاصلي وعمود الكردان كان اللي موجود المنيوم وانكسر بسبب
عيب في التصنيع والان الاصلي هوا اللي راكب
وانشالله كل دا راح اتغير بس مش الان لانو العين بصيرة والايد قصيرة
==========
في البداسة انا قلت للشباب سبب تلغيمي للكابرس وهوا الوالد
بسبب حبه للسيارة وعشقه ليها امتلكتها ووصلتا للمستوى دا
==========
واي نعم السيارة تنفع للتمشية بس مو للمشاوير العادية لانو مستواها منخفض في الارض
وسواقتها نوعا ما متعبة
==========
بالنسبة يابو ناصر للانفينيتي 45 ليها تعديل بس مش مثل ما تتوقع
لاكن البويك فهو سيارة امريكية واكيد ليها تعديل

King_SS غير متصل قديم 26-09-2002 , 12:01 PM    الرد مع إقتباس
comondor--GTSR comondor--GTSR غير متصل    
كاتب فعال المملكة العربية السعودية = جدة غير  
المشاركات: 1,540
#37  
سوال
عندي سوال بكم تعبي بنزين في اليوم لان السياره اكيد تصرف في البنزين بشكل غير عادي ؟؟؟؟؟


رعد

comondor--GTSR غير متصل قديم 26-09-2002 , 02:29 PM    الرد مع إقتباس
خلي الشفر على بالك خلي الشفر على بالك غير متصل    
منع من الكتابة  
المشاركات: 184
#38  
رائع رائع جدا جدا
بصراحه اهنيك ياملك الاس اس على هالانجاز الرائع والمشرف لنا جميعا كسعوديين وكعرب
والصراحه المووتر ماعليه كلام ماشاء الله عليه ويعطيك خيره ويكفيك شره انشاء الله
(خلي الشفر على بالك)
أصلا يكفي انه شفروليت.كابرس يعني اسمه منه وفيه

واللغم مو صاحي ماشاء الله وانشاء الله نشوف مطارحات لك مع سيارات قويه وبالنسبه للمطارحه مع الهيابوزا نبي نشوفها في أسرع وقت
وانشاء الله نشوفك عندنا في الشرقيه بالسياره المجنونه ماشاء الله عليها
ونطلعك كم مطارحه مع السيارات اللي عندنا نشوف
اما الفيديو بصراحه حلو مرررره والسياره سحبتها حلوه ونبي نشوف بعد فيديو جديد للإس اس وهو بصوت التيربو وبالقوه حقت السوبر تشارجر

مع خالص تحياتي
خلي الشفر على بالـــــــــــــــــH+Hــــــــــــــــك

خلي الشفر على بالك غير متصل قديم 26-09-2002 , 03:56 PM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#39  
king_ss
بس قطع الكابرس الاصليه ما تتحمل كل هذي القوه ممكن تتحمل 500 حصان ودفرنس ما اعتقد انه يتحمل
انت يعني ما نك مركب قطع غير حقة الكابرس الاصليه في غير الكينه بس نفس المساعدات ما تتحمل ونت تقول انك ما شي 280 والكابرس ما يمشي 225 يعني يبغالك قطع كورفت ولا كومارو

كـيـمـو غير متصل قديم 26-09-2002 , 04:22 PM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#40  

يا رعد انا ما الفلف بالسيارة الا يوم الخميس وبعض الاحيان الاربعاء ...
اذا خرجت بالسيارة اعبيها بخمسين ريال ... طبعا لفتين ووحدة قومة وراح التانكي ...

حبيبي توين كام ....
كلامك دا صحيح على عيني وراسي بس هادي ماهي كابرس كلاسيك ..
هادي اس اس يعني سوبر سبورت ..
السايرة هادي لو ترفعها على رافعة تلاقي انو تعليقها رياضي من بلدها
ومختلف مليون في المية عن الكابرس ال كلاسيك ..
صحيح كلامك انو السيارة ما تتحمل القوة دي كلها .. انا اعترف
بس انا ما قلت انو السيارة راسية في الارض زي البورش
انا اذا دعست .. كل اللي افكر فيه
الله .. اولا ...وامي وابي ثانيا .... ويالله اركز في الطريق اللي امامي ثالثا ...مافي وقت تشوف عدادات او اي شي ..
والسبب التعليق حق السيارة لازم يتعدل ..
طبعا اخوك ف يالله سار شحات من بعد الخسيار دي خاصة انو مجمل اللي دفعته
يتجاوز ال 66 الف دولار
...
بس شوية شوية انشالله راح اكمل السيارة ..
وتصدق .. انو تعليق السيارة الى هذا الحد عنده القدرة انو امسك السيارة في الارض
انا اقصد على سرعات عالية مش لفات ويمين ويسار
..
نفس الشي بالنسبة للكمارو
الزي 28 مختلف عن ال اس اس ...
غالبا ال اس اس اجي تعليقه احسن من العادي
طبعا انت ملاحظ الفرق بين الومينا العادية وال اس اس من ناحية الرساوة
.....
وعلى فكرة انا ماني من النوع اللي اروح واجي بالسيارة لانو عندي
السيارة التانية ..ز عشان كدة خليت جل اهتمامي في البداية ينصب في المكينة
..
بالنسةب للتعليق حق السيارة كامل مكمل .. ب 2500 دولار
والفرامل نوع بريمبو تقيربا ب 2800 دولار ..

King_SS غير متصل قديم 26-09-2002 , 07:23 PM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#41  

وعلى فكرة ....
انا فكرة بتروادني بس قاعد ادرسها واخطط واشوف كم تكلفتها
الا وهي ... توين تيربو
بس طبعا لازم تتعدل المكينة وفي اشياء كتيرة لازم تنضاف
واشياء كتيرة حتتلغي
... والقوة المتوقعة .. فوق ال 1500 حصان ..
بس حاليا .. ماني مستعد للمشروع هادا بس حاطه في بالي وقاعد ادرسه

King_SS غير متصل قديم 26-09-2002 , 07:25 PM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#42  

الله يعطيك خير السياره ويكفيك شرها
بس مو كفايه كذا لو تخليه طياره احسن ركبله اجنحه ممكن يطير

الا على فكره ما طرحت اخوك الومينا وين الاقوى من غير مطارحه
الومينا كم حصان هي اس اس

كـيـمـو غير متصل قديم 27-09-2002 , 05:54 AM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#43  

سؤال محرج .. صراحة سارت مطارحة بيني وبين اللومينا حقة اخي بس كنت ايام السوبرشارجر ..
في القومة يالله قدمت عليه الكبوت وفي الخط هو قدم عليا الكبوت حق اللومينا.. بس كانت تجربة قدام البيت يعني مسافة قصيرة جدا .. اما تجربة فعلية فعلية ... ما سار بيننا تجارب الى الان ...
وفي فيدي للي سار بيني وبينه ولو تشوفه تلاقينا جنب بعض ماحد طلع عن التاني ...
حاليا المستوى اتغير لاني غيرت الى 6 سرعات واخويا كمان حيبيع الومينا .. وحيعمل مشروع جديد عل سيارة جير عادي 6 سرعات .. بس ما حنعلم عنها الا اذا وصلت انشالله

King_SS غير متصل قديم 27-09-2002 , 12:57 PM    الرد مع إقتباس
شرخشين2000 شرخشين2000 غير متصل    
عضو فعال جدا Australia, HSV factory  
المشاركات: 1,989
#44  
king ss
رديت عليك في الصفحة الاولى لكن شكلك ما قريت الرد ،،

على العموم بس حبيت أسألك عن السوبر شارجر !!

وش تأثيره على السيارة ؟؟ على المحرك والجير بوكس ؟؟
وكم ممكن يعطي قوة حصانية ؟؟؟

و ياريت الله لا يهينك تذكرلي الانواع المتوفرة هنا في السعودية
وكم تكلّف ؟؟ واذا ماعندك شغل هاليومين ،، أنا مستعد أشحن سيارتي جدة و نركّب القطع هذي عندكم ،،
مع العلم ان سيارتي لومينا 2001 6 سلندر و السيولة ولله الحمد اوكي..
بس الله لا يهينك تعطيني الرد الشافي

و ألف شكر

شرخشين2000 غير متصل قديم 27-09-2002 , 02:46 PM    الرد مع إقتباس
شرخشين2000 شرخشين2000 غير متصل    
عضو فعال جدا Australia, HSV factory  
المشاركات: 1,989
#45  

ووووووو على فكرة أخ king SS

سيارتي عليها اكزوزت سستم 2,5" ،، و مفرّغ الدبّات ...

و فلتر هواء K & N

شرخشين2000 غير متصل قديم 27-09-2002 , 02:50 PM    الرد مع إقتباس
ح ب ي 666 ح ب ي 666 غير متصل    
عضو نشيط جدا  
المشاركات: 469
#46  
ماشاء الله تبارك الله
ألف مبروك أخوي مـــــ SS ـــــــــلك على هذا اللقب


وتمنى لك مزيداً من الانتصارات ..

بس يالليت لو تفيدنا عن أرقام الأداء ولو على الأقل من 0 إلى 160 ... وكم السرعة القصوى بالضبط .....
و احنا في انتظار كم فيديو منك ... وهم نبي نضحك على السيارات السوبر سبور ..
أخيراً الله يعطيك خيرها ويكفيك شرها .. وانتبه على روحك .. تراك راكب صاروخ أرض أرض ..

ح ب ي 666 غير متصل قديم 27-09-2002 , 04:03 PM    الرد مع إقتباس
King_SS King_SS غير متصل    
كاتب فعال جداً  
المشاركات: 1,814
#47  

والله سامحني يا شرخشين ما انتبهت على طلبك في الرد الاول
معليش سامحني ..
بالنسبة للسوبر شارجر فما اعتقد انو هنا في السعودية متوفر بس لازم تطلبه من بررة
وبالنسبة لتاثيره .. اقولك هيا في كلمة واحدة
جباااااااااااااار ... انت ما تتوقع على سرعة 40 اذا دست على الاخر ايش ممكن اسير ...
حتوشف قوة مهولة يعني بصراحة حتكون ملك السيارات اللي في هالمستوى
يعني لو صف جنبك مكسيما او سيارة تانية في نفس المستوى
ما اعتقد انو احد حيقدر عليك .. بس في مشكلة بسيطة
السوبر شارجر ما يدعمك في الخط
يعني على سرعة عالية في النمرة الاخيرة حتلاقي انو قوة سحب المكينة اقوى من السوبر شارجر اصبحت ..
فبالتالي هنا حيكون حدك ..
وشي تاني الومينا ال6 سلندر الجير العادي فيها عيب تصنيعي للكلتش
هوا مش عيب وانا تصميم الكلتش من بلدها كدة يعني مصمم بانو يعطيك اداء سلس وراحة
طبعا الحركة دي حتخلي الكلتش سيء جدا مع السوبرشارجر
انا اخويا قبل الومينا هذي كان عنده وحدة 6 سلندر وملغمة ..
والله السيارة جيدة بس كلتشها زبالة
غيرنا الكلتش مرتين
يعني بالعربي الفصيح .. السوبر شارجر يلزمله اشياء تانية معاه
زي الكلتش الرياضي والاكزوز والفلتر زي ما ذكرت
وتحط في بالك انو مو معناه سوبر شارجر معناه انو انت سيارتك تكون قوية في الخط ..
من المعروف انو السوبر شارجر اضعف السيارة في الخط
لانه في البداية مصمم لحلبات الربع ميل
في الكابرس ايام السوبر شرجر كنت اوصل لسرعة معينة في الخط وبعدين الاقي الكابرس تخف سرعته ... احس انه اتخنق السوبر شارجر سار اعيق الهوا اللي داخل للمكينة بسبب انو قوة سحب المكينة
اصبحت اقوى من قوة سحب السوبر شارجر

وسلامتك
============
بالنسبة يا ح ب ي666 للقومة
ما اقدر اسوي قومة من الصفر .. انت عارف ليش ..
السيارة في اقل مستوى للضغط .. اتجاوزت ال 450 حصان طبعا انسى الموضوع السيارة تقوم من الصفر ..
على الرغم من كبر الكفرات اللي انا حاططها ..
لاكن ممكن احسبلك من 70 كيلو الى 260 مثلا
لانو انت عارف طبلون الكابرس مكتوب اكثر شي 260 ..
وبالنسبة للسيارات السوبر .. والله اول تجربة لي كانت مع كمارو
كان الكابرس توه خارج من الورشة وصراحة كمارو شديد مررة
موديل 94 .. طبعا مافي اي ادنى مستوى
يعني اللي سار بالظبط زي اللي في الفيديو تبع اللومينا والبورش الي ممكن تلاقيه في الردود السابقة
وسارت قومة بين يوبين cl55 AMG
طبعا كلمة مسخرته قليلة في حقة .. بس عاد سيارة قوية وتيربو وسيارة من الوكالة طبيعي انو اسير كدة
واخر وحدة كانت مع دباب وكنت متقدم عليه الكابرس كامل بنص البوست
...====
حاليا حتكون في تجارب مع اكثر من سيارة ومع دباب هيبوسا واخر 750
بس انا منتظر نظام الفيول الجديد اللي طالبه لاني مواجه مشكلة البنزين القليل على الضغط العالي

===
وسلامتكم

King_SS غير متصل قديم 27-09-2002 , 10:31 PM    الرد مع إقتباس
شرخشين2000 شرخشين2000 غير متصل    
عضو فعال جدا Australia, HSV factory  
المشاركات: 1,989
#48  
KING SS
مشكور عزيزي على هالمعلومات

و مثل ما فهمت من كلامك ان السوبر شارجر له دخل في ضغط الهواء الي المكينة فقط ؟؟؟

طيب ،، أن سيارتي جير اوتوماتيك ،، هل ممكن يعطيني السوبر شارجر عزم جبّار ؟؟؟؟

و طلب أخير الله لا يهينك بس ،، تكتب لي أسعار السوبر شارجرز و أنواعها

مع خالص شكري لك

شرخشين2000 غير متصل قديم 28-09-2002 , 11:23 PM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#49  
king-ss
انت من اهل حده عشان لوشفت الكابرس معليش متحدى معاه

كـيـمـو غير متصل قديم 29-09-2002 , 12:43 AM    الرد مع إقتباس
Senbad Senbad غير متصل    
عضو جديد  
المشاركات: 44
#50  
ايش يا M5 مكبر الموضوع كده ليش كلهم كل شئ في سيارتي
QUOTE]رد مقتبس من M5
بالنسبة لموضوع اللوتس يا شباب .. ( أنا راح أتكلم بصراحه )

أولاً : اللومينا حقت أخو King_SS سياره سيدان وقـير أوتــوماتـيـك ووزنها أثقل من اللوتس بكثيييييير .
ثانياً : اللوتس V8 وتوين توربو .. وعليها شوية تعديلات .. لا أستطيع التصريح بها دون اذن صاحب السياره ... لكن عشان لا نظلم اللومينا حبيت أوضح ان عليها شوية شغل خفيف .
_________________________________________________
هلا والله بالشباب معليش على التأخير
اولا احب اقللكم اني انا صاحب اللوتس المزعومه
ثانيا
قلهم يا M5 ايش الشغل الخفيف الي حاطه انا
و قلهم كام كلفني كله على بعضه
و بعدين اشبهم الناس خايفين من اللوتس لأنه متعب كل الناس في الخط ولا ايش
كل لما ادخل شئ عن السيارات احصل نفس السيره هادي
و يا M5 مسوي فلم هندي "لا استطيع التصرح به دون اذن صاحب السياره"
ليش ايش فيها ماتقول مغير مكينه !!!!! كل الي حاطه في السياره بلف ضغط !!!!!! بـ 180 ريال سعودي فقط لا غير "regulator" بس ايش سوى البلف هادا هوا المهم بس للأسف لما ركبت البلف ما جربت الا معا واحد كان يمسك معايا عارفين ايش صار "اختفى عن الوجود" و ايضا جربت مع اللومينا مره اخرى و طلعت مسافه بس للأسف كان عنده مشكله في السياره فما نقدر نحكم!!!
السؤال الذي يطرح نفسه ليش ايش يسوي البلف هادا ؟
انا عندي البوست حق التوربو على الأول و الثاني والثالث نصف بار "7psi" الرابع ثلاثة ارباع بار "11psi" و الخامس الفل بوست 1 بار "14psi" فا البلف هادا صرت اشغله بزر عندي في السياره لما اشغله يعطيني الفل بوست من الأول يعني انسىىىىىىىىىىى كل شئ كان يمسك معايا في البدايه على النص بوست !!!!!!! الشغله ماتحتاج الا عقل يعني كان في ناس يقدرو يمسكو معايا الي الثالث انسى موضوهم دحين
و كان في ناس يقدرو يمسكوا معايا الين الرابع برضه انسى موضوهم دحين يعني التلغيم ماهو محتاج دايما المال احيانا محتاج تفكير يعني انا ملغم السياره ب 180 ريال فقط لاغير بس يمكن اعطتني 50 حصان زياده في القومه
و مجددا اعتذر على الرد المتأخر بسبب انقطاعي عن سوالف لمده طويييله جدا

Senbad غير متصل قديم 29-09-2002 , 07:33 AM    الرد مع إقتباس
موضوع مغلق
صفحة 2 من 92 < 1 2 3 4 5 6 7 > الاخير »


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.