ماذا نفعل بالاطفال العصبيين زيادة عن اللزوم
لان الولد اللى عندى مطلع روحي يا جماعة الخير
يوم بيحطى فكرة فراسه مستحيل احد يقدر يغيرها
يعنى عنيد درجة اولى وانا خلاص تيجان زهرتى بيطيروااااااا
جربت معاه كل الاساليب .....
من تودد وتهديد وحرم وتجاهل والله حتى الضرب ضربت
لكن مافي فايدة
يعن اذا صبح الصبح وطقت فراسه انه مايروح المدرسة ماراح يروح
فشو الحل يا اصحاب لحلووووول.....

هاذي آخرت الدلع !!

أهلين زهرة
صراحة .. الله معاك

بس جربي تطاوعي في كل شي .. كم مرة .. يمكن يحب يلفت الانتباه ..
لما يلاقي اللامبالاة بأفعاله الغريبة .. يتغير
ويشوف طريقة أخرى للفت الانتباه .. هذا في حال هذه وجهة نظره

ماقلت لي هو كم عمره ماشاء الله؟؟؟

شفتي باه اخرتها معاج لما اقولج استعملي الكتشب .


ياستي وياماما ويبن بابات الولد خليه يشاركه كل شي يمكن عناد الولد هذا نتيجة حرمانه من شي معين فيحاول فرض نفسه بالقوه؟

اذا عاند الولد في شي وهذا الشي فيه ضرر بالولد لاتسمحيله ياخذه مهما يكون اما اغذا عاند في شي عادي فعادي.

بعدين حسسيبه انج قوية الشخصيه ورايح تزعلين عليه اذا عاند بالشكل هذا وعلميه كيف انه يرجع ويعتذرلج ويراضيج.

وياليت تعلميه انه كل يوم لازم يعطيج بوسه انتي وابوه.


والله يعينج وفي موقع لدكتور نفساني تقدرين تحصلين عليه من قسم التدريب والتطوير واطرحي فيه المشكله ورايح يتابعونج اول باول.


بس انا اعتقد لو انج كل يوم تسبحين الولد بالكتشب رايح يكون مطيع الج.


كتشوب الحبوب

ههههههههههههه
يذكرني بنفسي لمن كنت لوبييز صغير
ههههه
انا اقلك زيدي له المصروف وهو يروح
غصبن عنه.....

Come on
كلنا كنا عصبيين وعنودين يوم كنا صغار.
حتى إنتي .
يعني طفل ويعتقد إنه هذي هي الطريقه للوصول للشي. طنشيه!! يعني الطفل إيحب يلفت الإنتباه بس لما إيحس إنه إللي يالس إيسويه مايلفت إنتباه إللى حوله بيتركه من تلقاء نفسه.

الله إيخليه لج إن شاء الله حبيبتي.

^1

الظاهر أن ولدك مدلل نوعا ما...

فهو يعرف أنه إن أراد شيئا فسيكون له ما أراد...

لذا فهو يعاند لأنه يعرف أنك ستنفذين ما يريد( الأطفال يتمتعون بنوع من الذكاء)

الحل أنك تراوينه العين الحمرا، وتكون لك مواقف ثابتة في كل شيء يعني إذا تقولين لا.. فتراها لا ..وما في نقاش...

وهناك مسائل مصيرية مثل المدرسة يجب ألا يكون هناك أي تهاون فيها لأن الأطفال بطبيعتهم لا يحبون المدرسة ويرفضونها...ويجب أن يكون الموقف إزاءها ثابتا.

ويبقى الدعاء لله بأن يجعله ذرية صالحة ويحفظه من كل سوء

(خلاصة الكلام أن الولد مدلل زيادة، وتشخيص المرض نصف العلاج)

والله من وراء القصد

الله يخليكم يا جماعة الخير
والله جد المسالة هذى وايد تاعبتنى .يعنى انا بالفعل لا تهاون عندى معاه وخاصة في الامور المصيرية والله مرويتنه العين الحمرا لكن الولد هو مدلع نفسه بنفسه يعنى انا مالى ذنب يمكن لانه الولد الوحيد في العايلة الكريمة
يمكن لانه ماعنده اخ .......
يعنى والله انى اقعد اصيح مرات بسببه وخلاص كل الحلول جدامى تختفى واشوف الدنيا سودة واقول من همى يا ربي انا بعدنى صغيرة على هالهم الله يقطع الزواج واسنينه انا شو خلانى اتنيل على عينى واعرس لكن مافي فايدة
لا تضحكون رجاء والله انها هذى اهى الحقيقة ولما اتشكى لامى تقولى اتحملى وماعليه مصيره يكبر وهذيلا لعيال كلهم جذى
اقولها حاشا ياامى شوفى ولد اخوى وشوفى ولد خالتى وشوفي عيال الاوادم احد منهم مثل المحروس اللى عندى
تقول لا .....!!!!!!!!!!!!
وبعدين انا ما احب احد يتحكم فينى ويفرض رايه على حتى لو كان ولدي ......والله اموت من الظيم .لكنى اتحمل على عمري وانزل لاقل من مستواه بس علشان ما يعذبنى ويتعبلى اعصابي اكثر مما هى تعبانة
يعنى اهو والينانوة على.....
والولد مزاجى اخر شى
وابوه خلاص ما يعرف شو يسوى
والله ولا لكم على يمين انى مرة من كثر الحرقة والتعب كنت باطلبله الشرطة لكن ابوه واخوى وعمه ما خلونى.....
يعنى وصلت لدرجة فقد الاعصاب .....وعدم التصرف بحكمة عيل منو يطلب الشرطة حق ولد عمره ثمان سنين......؟؟؟
والله الحين انا لازم اطاوعه واسير تحت امره والمشكلة انه يعاند فينى اكثر يوم يشوف ابوه راح الدوام

كتشب


تريدنى كل يوم اسبح الولد بالكتشب.....!!!!
............
لوبيز منو قالك انى ماسويت جذى ..زدت .والولد زاد الطين بلة
بنت الدين والله طنشت .وسويت اللى تقولين عليه.مافي فايدة
سراب كل الافكار اللى طرحتيها والكلام اللي قلتيه كانج تفكرين بعقلى انا اصلا جذي بس الولد ما منه فايدة معند معند
والله ماحد في الفريج اللى احنا فيه ما يعرفه ويعرف عناده بسبب البلاوى اللى تصير الصبح .لانه ما يطيع يركب الباص احيانا واطر اتعامل بالعنف معاه
واللى مايشتري يتفرج والله احد يمد ايده ويساعدنى من الهم اللى يشوفونى فيه اهو الوحيد اللى في الفريج بس ماحد غيره وكلهم عيال الاوادم والناس يا زينهم وياحلاتهم واهم يتمخطرون بالشنطة اللى كبر شو .ولا صريخ ولا من يحزنون...
مادري يمكن دلع ....مثل ما قال ملقوف....
بس لهذى الدرجة .معقول
مع انى ما مدلعتنه ...جد

عليك بالدعاء بالهدايه من الله ...للاولاد



هههههههههههههه...............بدية الحرب الداخليه في منزل زهرة الكركديه..............

شكرا تاكسى
ياما ادعيله وانا اصيح دموع لكن لا ياس من رحمة الله
الله يهديه والله انه شيطون

اهااااااااااااااااا........انتي وصلتي مرحله خطيره .. من مراحل تربيه الطفل ........


بس ولا يهمج الحل عندي ونا بوهندي







اهم شي تسويه في هذي المرحله من تربيه الطفل .. تورينه العين الحمرا .....وهناك طرق عديده لذالك اثبتت نجاحها بفاعليه مع الطفل .....












اول نوع من العقاب ... قفلي عليه في الحمام ... مده لاتقل عن 24 ساعه .........






ثاني نوع ...... خليه يبات بدون عشا .......




والنوع الثالث والخطير الي مايطيقونه اليهال ... حرميه من برنامج البوكيمون .....




النتائج مضونه الطفل يتم وديع مثل الارنب ..... بس ...اهم شي هذي كلمه بس تراها مهمه ...... بس الطفل يطلع متعقد .. ويطلع جبان .. ولا له شخصه .......



نصيحتى لاتجربين الاساليب هذي معاه ;)

سعيد الحظ
انا جربت ابيته بدون عشا والله سويتها وقلبى يتقطع بس مافيه فايدة
اما انى احبسه في الحمام اكرم عليك وعلينا لا ما اسويها الحين اهو عنيد اخليه بعد يلبسه ينى والحمام اكرمكم الله مكان نجس وبيت المليعين الشيطان......
بس جربت احرمه من امور وايد يحبها لكن لا حياة لمن تنادي واللى هوالشمبانزى .....الولد مالى
لكن يالله الحمد لله على كل حال اكيد بعدى احسن من غيري
ومشكورين على المساعدة والفكاهة والله انكم روحتوا عنى شوى لانى كنت مهمومة بجد مشكورين اخوانى والله مشكورين
الله لا ايبليكم بذرية حالات ابو عقيل.....ولدى

مساء الخير .. زهرة الكركديه

الترغيب والترهيب ..

عندما يعمل عمل جميل .. أعطية جائزة لكن ليس دائما .. حتى لا يتعود ..

وعندما لا يفعل ما يطلب منه .. امنعة من شئ هو يحبه ..

بالإضافة إلى التشجيع وضرب الأمثلة بنماذج تعتبر قدوة ..

الحمام وما ادراكي ما الحمام .........هوه الحل الوحيد

صدقيني ......وبتشوفين النتايج بعدين.... وبتدعين على .... اقصد


بتدعيلي ;)

الاخ البحاري
والله سويت جذى يعنى اقولكم انى استخدمت كل الطرق مافيه فايدة
حالة مستعصية....
يعنى شغل واحد مزاجى على كيفه حتى يقولى :
على كيفى اناماحد يتحكم فينى .......ماراح اروح يعنى ماراح اروح .مابسوي هذا الشى يعنى مابسوى هذا الشى
وانا والله خلاص احيانا اقعد ساكتة اطالعه وبس ومو عارفة شو الحل معاه لحظة توهان ورغبة هروب من واقع يدفعك للياس......
يعنى احيانا اكره حياتى من اعماله...

واسمحولى يا اخوانى والله غصب عنى قاعدة واشكى بس حسيت براحة الصراحة...
يعنى منو مايبا الراحة......
سعيد الحظ ......
الله يكفينا شر افكارك

أختي العزيزة زهرة الكركدية

اول شيء الله يعطيك العافية ويصبرك ....

مب شرط يكون الطفل العنيد مدلل
فهناك أطفال العناد فيهم مستأصل وحتى لو ماكانوا مدللين
واللي أبغيج تعرفينه أن مب بس ولدك عنيد في صغارية وايد كذيه

تدرين أنا أعتقد أن الطفل العنيد محتاج حنان وطيبة أكثر
لأنه يبغي يثبت نفسه بهالتصرفات ... ويلفت الأنظار أكثر
وخاصة لوكان له أخ منافس في محبتك

فكرة البحاري في الترغيب والترهيب طيبة جدا
بس أنتي طولي بالج عليه ....

ولا تضربينه :( أبدا إلا في حدود ضيقة لأنك بتزيدين عناده

العام في الفصل الثاني زرنا مدرسة رياض أطفال وحظرنا عندها
حصة .... كل الصغارية كانوا عسووووولين إلا واحد وأسمه " بطي "
ما شاء الله عليه سوالها حفلة وفشلها وكان يرفض كل الأوامر وبطريقة سبحان الله كأنه يتعمد يفشلها ....
المهم
في الإستراحة " جردنيناه" وعقب تخبرناه شوبلاك ؟؟؟؟
ليش ما كنت تسوي مثل ربعك ؟؟؟؟
تدرين شو قال : ما أحب هاذي الأبلة ؟؟؟
ليش يابطي ؟؟؟
لأنها "..... " كلمة نابية وسوقية ومطلعنها من الخاطر
انصدمنا .... طيب ليش حبيبي ؟؟؟؟
لأنها تضربني وايد وأنا أستانس يوم تنغاظ وتعصب ....

عشان كذيه طولي بالك عليه ولاتلومينه جدام الكل
وربي يكون في عونج ويهديه يارب ...

على فكرة في كتاب للدكتور محمد فهد الثويني " مب متأكده
زين من أسمه بس ظني " الكذب والعناد عند الأطفال "
بيكون شيء طيب لو تقرئينه .....

تحياتي لك
اعتذر على الإطالة

لا تتاسفين بالعكس انا محتاجة لدعمكم الحين وانشالله ضرورى اشتري هذا لكتاب
وانتى صادقة بكلامج ولدى مثل بطى ذاك
الله يعينا

قص عليه قصة حياتي ..كلها عبر وحكم ..



** انا اتفق مع البحاري ..كل الاتفاق ..

و انصحج بكتاب كيف تسعد ابنائك ..

و كتاب ناسي اسمه بالضبط ..لكن ادوره لج

يتكلم عن تربية اهل البيت عليهم السلام

شوفي بعطيج نصايح عشان الجايين باذن الله اشوف امي تسويها :

# اذا كنتي ( عذرا اختي ) عليج بالقرأن كل يوم اقرأي جزءواحد وانتي على وضوء . تنور قلب الجنين و تجعله هادي .

# خلال الاشهر الثلاثه الاولى من الحمل بداية كل شهر تقرأين سورة يوسف مرة وتأكلين تفاحه <<= مأثور ومجرب

# تكثرييييييييين سفرجل <<= يجمل الجنين ويخليه قمر <<=عن النبي صلى الله عليه واه وصحبه ..

# اذا وضعتي بالسلامه عند كل رضعة تتوضين وتقابلين القبله قدر الامكان دائما تتوضين الا بعد لا حول ولا قوة نايمه خليج مندفسه في فراشج ..

# ان امكن و انتي ترضعين المحاريس تقرأين القران وهذا له اكبر الفضل في جعل الطفل من احب الاطفال و مجرب والله ..

# الحلم ثم الحلم زهور ...لاتخلينه يحس ان افعاله تعطي نتيجه بالعكس ...

شوفي عندي كتاب حلو بعد عن التربيه بس صبري اخذه اسمه من اختي

وارد عليج الخبر ..

اوكيي




ثائر <<= خبره

السلام علييييييييييكم


انتي بصراحه شغلتي بالي

شوفي ياماماتي هذا موقع النفساني ونشالله رايح يساعدونج بس راسليهم او اشتركي في الموقع مالهم يعني تابعيهم وخلج من الوصفات وغيرها



والله وياج وطمنيني علي المحروس ولدج وسلمي علي باباته وقوليله كتشوب بيسلم عليك

http://www.nafsany.com/vb/ .

مشكور كتشب اخوي الصغير
ما تقصر وانا الحين راح اشوف هاالطبيب
بس والله الولد صاير اعند من الاول واليوم سوى فينى مقلب ولا راح المدرسة
طلع من البيت على اساس يركب الباص بس خدعنى
ولو ما شافه اخوى صدفة لكنت مادرى وين الولد الحين والصراحة اليوم عندى مشكلة فى البيت بسببه
لكنى ارجع واقول الحمد لله على كل حال
واشكرك يا كتشب ما تقصر والله