العودة سوالف للجميع > سوالف رياضه وسيارات > ســـوالف الــسيارات > تواير البوالين، إيش أهميتها الكبيرة؟
المشاركة في الموضوع
loolicpolic loolicpolic غير متصل    
كاتب فعال جدا الدوحة - قطر  
المشاركات: 2,002
#1  
تواير البوالين، إيش أهميتها الكبيرة؟
أهلين شباب..

ملاحظ عندنا في الدوحة معظم الشباب إذا مو كلهم يركبون تواير البوالي على الكروزرات والنياسين.. ممكن نعرف فايدتهم؟ وهل هم أرخص ولا أغلى من التواير العادية؟


تحياتي..


تواير = كفر = عجل

loolicpolic غير متصل قديم 26-05-2006 , 01:58 PM    الرد مع إقتباس
سنـاري سنـاري غير متصل    
مبدع  
المشاركات: 2,735
#2  

هذه الاطارات للرمل بس مع انها ما تعجبني

سعرها ارخص بكثير من الاطارات العادية بالتحديد 250 ريال للكروزر و النيسان من احدى الشركات و توصل لـ 190 ريال لشركات اخرى

و باقي المواصفات كلها سلبية ازعاج في الخط - مافي توازن - ما تقدر توصل اعلى سرعة زي الكفرات العادية و الخ

سنـاري غير متصل قديم 26-05-2006 , 02:09 PM    الرد مع إقتباس
loolicpolic loolicpolic غير متصل    
كاتب فعال جدا الدوحة - قطر  
المشاركات: 2,002
#3  

هلا أخوي سنـاري..

أشكرك على ردك السريع..

إذا كل هاي المشاكل فيها، ليش معظم الشباب يركبها؟ يمكن يروحون الرمل وايد :think: ..

أنا سامع إنها في الحصى مريحة " البر "، هل هذا صحيح؟


تحياتي..

loolicpolic غير متصل قديم 26-05-2006 , 02:12 PM    الرد مع إقتباس
سنـاري سنـاري غير متصل    
مبدع  
المشاركات: 2,735
#4  

والله ياخوي ما ادري ليش يركبوها

عموما انا ركبتها و طلعت فيها البر تحس السيارة كأنها تسبح في الرمل

عجبتني الصراحة في الرمال

لكن ما جربتها على الحصى و الحجار و هناك فرق :cool:

سنـاري غير متصل قديم 26-05-2006 , 02:21 PM    الرد مع إقتباس
TOP-SECRET TOP-SECRET غير متصل    
مبدع فائق التميز قطــــــــــــــــــ الخيرــــــــــــر  
المشاركات: 8,154
#5  

توضيح لسناري

البوالين اقل سعر لها تجي الماليزيه الماكسس وسعر الواحد 370 ريال

مستحيل يوصل 250 ريال

ثاني شي اخوي ليش الشباب يركبونها

اول شي انت يمكن ماتعرف شباب قطر وايد

شباب قطر يركبونها حق استعراض

تروح ساحة الصناعيه ولا الوكره ولا خط طيب الرقده تحصل كل خميس استعراضات

ولو تحط تواير وكاله مع البوالين بتكون تواير الوكاله ثقيله يعني بتطق عليك الكارونه

مب نفس البوالين خفيفه في الاستعراض وبسرعه تدور,,,

وثاني شي حق العديد وضرب الطعوس تنزل هواها ومن غير دبل تضرب طعس لو كان وسط

ثالث شي كشكل يجي حلو شكل الموتر ببوالين :banana:

رابع شي في السباق تفيد في الخط وايد

يعني تجيب واحد عليه بريللي ولا ميشلان ولا دنلوب حجري

مع واحد عنده بوالين راعي الدنلوب بيوصل 200 وراعي البالون تحصله يمشي 185

والشي الاخير صارت عاده عند شباب قطر اي واحد يطلع كروزر ولا نيسان من قريب يروح

الصناعيه يبدل تواير الوكاله على طول

تقدر تقول عشان يحس بطعم موتره من اول يوم

TOP-SECRET غير متصل قديم 26-05-2006 , 03:01 PM    الرد مع إقتباس
Nas1 Nas1 غير متصل    
عضو نشيط جداً عجمان دار الأمان  
المشاركات: 485
#6  

لا لا لا لا يا حمد,, ما يصير هالكلام


نسيت تقول السبب الأهم لشباب قطر و الي هو الشل على تايرين

ما كان المفروض انك تغفل عن هذه النقطه

Nas1 غير متصل قديم 27-05-2006 , 02:50 PM    الرد مع إقتباس
ss 2001 ss 2001 غير متصل    
عضو نشيط  
المشاركات: 78
#7  

البوالين او الـ900 يركبونها الشباب للشكل و للبر و للاستعراض ...


لأن تواير الـ 900 خفيفه وبنفس الوقت تعطيك شكل فنان وخاصة على الفتك والستيشن ..



وبعض الشباب يركبونها على جموس وعلى البيكبات ..

ss 2001 غير متصل قديم 27-05-2006 , 03:26 PM    الرد مع إقتباس
GT-40 GT-40 غير متصل    
عضو نشيط الدوحة  
المشاركات: 114
#9  

TOP -SECRET ما خلالي شي اقوله....

well said :cool:

GT-40 غير متصل قديم 27-05-2006 , 04:29 PM    الرد مع إقتباس
loolicpolic loolicpolic غير متصل    
كاتب فعال جدا الدوحة - قطر  
المشاركات: 2,002
#10  

هلا بالشباب كلهم..

أخوي سنـاري..
أنا أذكر مرة إني سقت كروزر عليه بوالين على الحصى وكانت فعلا مثل ما قلت تسبح.. وعلى الشارع جميلة بس ما كنت مسرع، حدي كنت 80..

أخوي حمد..
والله إنك كفيت و وفيت.. بس إنت وش مركب على كروزرك؟
وهل تنصح فيه ولا لأ، مع العلم إني مو شغل رمل وطعوس ولا حتى بر؟

أخوي Nas1..
فعلا، كل سيارات الشيل في قطر مركبين بوالين :banana: ..

أخوي ss 2001..
من حيث الشكل، فالشكل فنان وعجيب وبعد لما يكون عيهم إس تي بي ويكونون يلمعون :eek: .. يا حليلهم :knight: ..

أخوي توربو..
شكلك مركبهم على شبح ولا حتى سيارة سبورت :think: ..

أخوي GT-40..
هلا بيك وأخونا حمد ما قصر :-) ..



تحياتي..

loolicpolic غير متصل قديم 27-05-2006 , 08:27 PM    الرد مع إقتباس
ميكانيكي ميكانيكي غير متصل    
عضو نشيط جدا  
المشاركات: 337
#11  

طيب يا جماعه انا مركب بوالين
لكن المشكلة انها بعد سرعة 110 كيلو ..وانت طالع
تهتز بشكل مزعج ..وتحس ان ميزانية السيارة راحت
..
حاولت اعمل لها ميزانية ...لكن مافي فايده ...نفس الحال :mad1:

اللي عندي ابو ست خطوط

انا حاليا افكر ابدلهم بالنوع الثاني ابو ثمان خطوط

هل هناك فرق في الميزانية بين الحجمين ؟؟

ميكانيكي غير متصل قديم 27-05-2006 , 08:41 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.