|
|
عضو فائق النشاط
|
|
المشاركات: 601
|
#1
|
الجزء الثاني 00000 لإرضاء دمعة بالعودة
بعد ما زار الأعضاء الملقوف دمعة
ورجعوا
باليوم التالي:::::
لوبيز : يطرق الباب على الفقيرة
الفقيرة : بسم الله إنت على الصبح خير إن شاء الله صار شي
لوبيز : لالا ماصار إلا الخير آسف إذا أزعجتج
الفقيرة : أنا قايمة منذ أذان الفجر وما أنام بعد الصلاة ، عسى ماشر
لوبيز : أفكر بسالفة دمعة البارحة ما نمت
الفقيرة : تفضل لاتوقف على الباب ، بعدين يشوفوك الجيران ويظلوا يتكلموا
المهم دخل لوبيز بيت الفقيرة
بو الفياصل: ( مر من الشارع وشاف لوبيز وهو واقف مع الفقيرة ودخل البيت)
ترى ملقوف لاه
المهم
فيصوووووول يركض: للشباب : سمعتوا باللي صار
شفت لوبيز مع الفقيرة أموت وأعرف ليش رايح هناك على الصبح مايقدر يؤجل لحد ما تيجي الفقيرة ويقولها عندنا هنا لازم البيت
آه أنا ميت قهر ليش الفقيرة ماتخلينا نشوف شكلها كله مغطية وجهها
أكيد قبيحة تستحي تعرف أنا مابنعطيها ويه
الوحيد لوبيز اللي تكلمه من غير ما تغطي وجهها
تعبان
: ياخي يمكن يريدها موضوع خاص فما حب يقوله عندنا
ماتشلس : أنا بعمري ماشفتكم إنت الأثنين إلا وتنموا على حد
ماييجي من وراكم غير البلاوي
بو الفياصل: اسكت إنت مايخصك يخلي نفسه أونهمؤدب وما فضولي
عشان يرتفع منزلة عند الفقيرة
تعبان: خلي العقل ينفعك وإنت مسكين ماتدري باللي يحصل
ماتشلس : ليش وهو شو إللي يحصل ؟؟؟
في شي عارفينه ولا راضين تقولون ؟
تعبان : لوندري ماكنا ظلينا مقابلين وجهك النحس
ماتشلس : أنا وجهي نحس الله يسامحك
فيصوووول: تعبان خل هذا مامنه فايدة لاتصدعنا وياه
شبح: صباح الخير
الملقوفين : دريت باللي حصل
شبح : لاإله إلا الله أول ردوا التحية وبعدين
وشو صار
تعبان : بو الفياصل شاف لوبيز راح على بيت الفقيرة ودخل
شبح: وهو قهران : ألحين على الصبح تقوللي لوبيز مع الفقيرة
(وبعصبية ): ياخي خرعتني على بالي شي ثاني صار يستحق كل هذا الدوشة آخر شي تقولي لوبيز مع الفقيرة ، خير إن شاء الله شوحصل يعني وليش إنت هكذا ملقوف على روحك
ألحين إللي بسمعك بقول كأنه رايح 00000 (شبح في صمت)
تعبان: ليش ماكملت شو قصدك ؟
بو الفياصل: أكيد شبح يعرف شي وماقال لنا عنه
ياخي ريحني وقوللي شو بين الفقيرة ولوبيز
شبح : ياخي إنت شو دخلك سواء بينهم شي أو لا
وبعدين أنا شو دراني وشو عرفني؟
فيصول وتعبان معا : يالله حتى إنت مانقدر نستفيد منك
لولي: صباح الخير هلا
شبح والبقية : صباح النور
فيصوووووووول: لولي عرفت شو صار
ماتشلس : عافانا الله إنت ما تيوز عن طبعك ياخي خلي عندك شوية دم واتحي على وجهك
لولي : شو صار خير إن شاء الله
شبح خلي عنك هذا مايجيب إلا الحكي الفاضي
شبح : لولي تعال معي شوي نروح نشرب شاي وأبيك بسالفة
ماتشلس : دخيل الله خذوني معكم تراني إذا جلست مع ذولا أكيد راسي بجن وبطفر منهم
راح ماتشلس ولولي وشبح يفطروا مع بعضهم
ظل تعبان وفيصوووول مع بعض وماعندهم حد
شوي والفقيرة في دربها لهم وخلفها لوبيز
تعبان : خوي بو الفياصل شوف شوف من جاي معنا
بوالفياصل من بكون يعني
تعبان : شوف الفقيرة وصاحبها
بو الفياصل : ها شو تقول وينهم
لوبيز والفقيرة : السلام عليكم ورحمة الله وبركاته
الملاقيف : وعليكم السلام
الفقيرة : وين البقية
تعبان : ليش وإحنا ماماليين عينش
الفقيرة : هههههههه لاوالله مب كذا بس غريبة إني ما أحصلهم هنا
فيصوووول : راحوا عنا وخلونا ولا عزمونا معهم
لوبيز : ليش خم مجانين عشان يعزموكم معاهم
تعبان : إنت اسكت لما بديت تتسامر إنت والفقيرة خلاص راسك كبر علينا وماصرت تعبرنا ولاتعطانا سالفة
لوبيز: أنا؟
تعبان : أيوا إنت عيل أنا
لوبيز : الله يسامحك أنا صرت كذا
الفقيرة تضحك: هههه إنت غيران مني ، لاتخاف مافي بينا إلا كل خير
الفقيرة : شو عندكم يا فيصول إنت وتعبان أحس بنظراتكم شيء
الملقوفين : لا أبدا سلامتج
الفقيرة : الله يسلمكم
لوبيز : أنا فاهمكم زين وفاهم قصدهم يا الفقيرة
الفقيرة: أنا عارفه بس00
فيصوول : مدام عارفه ليش السؤال؟
الفقيرة : أبدا بس حبيت تتكلموا قبل لا أبدأ
الفقيرة : أنا بريحكم : لوبيز كان معي عشان موضوع بيننا
تعبان : شو هالموضوع؟
لوبيز: عشان موضوع دمعة
الفقيرة بس حبينا نوجد خطة نقنع بيها دمعة بأن يرجع
بو الفياصل : ومايصير تتناقش معها إلا بالبيت
الفقيرة: لاحول ولا قوة إلا بالله أعوذ بالله منك ومن شكوكك
لوبيز : ولا يهمش يالفقيرة
الفقيرة: شوف يا أخي
إحنا ماحبينا ننشر الموضوع ونشيعه حبينا بس نكتفي بالسكوت والسرية التامة
لوبيز : المهم خلونا من هذا الكلام الفاضي
الجماعة : رجعوا من الفطور السلام عليكم
الفقيرة : هلا وين كنتوا
شبح: كنا نشرب شاي بالمطعم المجاور
لوبيز : احنا اتفقنا نشن زيارة ثانية لدمعة بس مانروح زيارة على البيت نعزمه بمكان ونكلمه مرة ثانية
ماتشلس : فكرة حلوة صح
لولي: ومتى بتتفقوا تروحوا؟
لوبيز : المساء إن شاء الله
خلاص اتفقنا
شبح: اتفقنا
الفقيرة : لوبيز وفيصوووول بس ياريت بلا استهبال مثل المرة السابقة
تعبان : اعتمدي
خلاص اتفق الأعضاء
وإليكم التكملة في موضوع آخر
|
|
20-01-2003 , 09:06 PM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
