هذا الرجل يا مدردش كان محتاج حد يرشه باستكانة الجاي علشان يستكين ويوز عن سوالفه الماصخة..!
وهذا يقولك لا تحكم على الناس قبل لا تعاشرهم.... ولا تحكم عليهم من شكلهم ويا كثر صارت وياي ويا غيري بعد لكن العظة في النهاية.
ذكرتني بواحد تخبرني به حرمة أخوي .. عاد يخبرها أخوها...
لما تخلص الصلاة .. ويقومون يبون يطلعون من المسجد وهم عزك الله وعز الله السامعين يبدون يدورون " نعلانهم " فيه ريال شيبة مكحكح على قولتهم ريل في الدنيا وريل في القبر وكل سنة يطلق وحدة وياخذ الثانية...........!!
عاد الأخ ييلس يسرد لهم ويعلمهم كيف
يكونون رياييل ويخبرهم بامور أعوذ بالله منها ما تنطرى ولا تنقال يستحي منها لي ما يعرف المستحا......
وفي هذا المضمار يا بو عامر .. حد يشلح عن كندورته ويالله بشردة وحد ييلس يسمع وهو مستانس وحد تلوع جبده ويروح وهو يدعي له بالهداية وغيره يدعي عليه.
أسعدتنا بعودتك يا بو عامر .. الله يديم الوصل يا رب