ليه ليه الحزن هذا ؟؟
مو معقول توتة إللي مالية سوالف بضحكتها وبسوالفها اللي تسر الخاطر تقول هالكلام ... لا لا لا مايصير
يعني تسرين خاطرنا وتفرحينا وانتي تكونين في حزن ..
تعرفين توتة .. كثير اللي يشتكون من الحزن الشديد اللي ماله سبب معين .. وكثير من الأصدقاء يشكوا لي حاله تلك ( أنا صاير حلال مشاكل للعالم
)
والله ثم والله ثم والله ان أكبر سبب لحالة الحزن التي تنتابنا هي سماعنا للأغاني ..
أنا كنت من الناس اللي مايفوتهم أي شريط أغاني ينزل للسوق .. أشتري أشرطة بالهبل .. ظنيتها تحل أزمات قلبي الحزين .. ولكني اكتشفت بنفسي بأنهاماتزيدني إلا هم وحزن ..
قبل سنتين ومع دخول شهر رمضان .. قررت اني ماأسمع أغاني خلال شهر واحد بس وأجرب .. في الأول ماتعودت على سماع شئ غير الأغاني مثل القرآن أو المحاضرات .. لقيت صعوبة في ذلك التحول ولكن مع مرور الأيام لقيت في قلبي راحة نفسية غريبة لأول مرة أحس فيها .. واستمريت على ذيك الحالة إلى آخر رمضان ..
وبعد نهاية رمضان بدأت أجهز نفسي للرجوع إلى الأغاني .. رجعت للأغاني .. وياليتني مارجعت .. رجعت نفس الحالة اللي قبل رمضان .. ضيقة صدر .. ملل .. حزن .. الدنيا سوداء في عيني ..
قررت بعدها اني أقااطع الأغاني بلارجعة .. وكان أول قرار صريح اتخذته في حياتي ... ورجعت لحالة الطمأنينة في قلبي ..
هذه كانت نهاية تجربتي مع الحزن الشديد .. وإن شاء الله انها تنفعك ياتوتة
وتنفع جميع من يحس بذلك الإحساس ..
توتة .. ماأبي أشوف توتة الحزينة مرة ثانية
أبي أشوف توتة السعيدة .. توتة المبسوطة
واذا حسيتي بحزن .. اذكري الله .. فبذكر الله تطمئن القلوب ..
تحياتي المعطرة لتوتة