السلام عليكم ورحمة الله وبركاته

ربي يبارك لكم ان شاء الله

تقدر تعمل لها مفاجاة صغيرة

مثلا : بهذاك اليوم ... اعزمها عالعشا ببيتكم ولا حتى غرفتكم

اطبخ انت العشا وتفنن فيه << حاول تتعلم شي سريع وكتب الطبخ ما تقصر واذا تبي مساعدة حاضرين

زين المكان بالشموع الصغيرة ( يعني تكون الاضاءة خافته )





تلقا الشموع بغالبية السوبر ماركت الكبيرة ولا حتى برامز ولا محلات الهدايا

وانثر ورق الورد عالكراسي حول المكان ولا حتى عالسرير



واهديها هدية رمزية (( عطر حلو ولا شي هي تحبه )) خلي احد من البنات يساعدك بالاختيار .. اخواتك مثلا .

اقول لك فكرة

هات لها صندوق هدايا كبير وداخلة حط صناديق صغيرة كل واحد بقلب الثاني

وبالصندوق الاخير (( اصغر واحد )) اكتب لها بطاقة حلوة

فهي راح تحسب انه هذي الهدية بس ويمكن تتضايق ..

بعدين فاجاها بهديتك لها :rolleyes:






اتمنا اني اكون افدتك

تحياتي