العودة سوالف للجميع > سوالف شخصيه وثقافيه ادبيه > سوالف الأدب والثقافة > ابي اتمنى...................................مزيون
المشاركة في الموضوع
صفحة 1 من 2 1 2 >
الحفار الحفار غير متصل    
مبدع فائق التميز  
المشاركات: 6,758
#1  

تصوري ان هذي بس احلامي شيء بسيط سهل تحقيقه ؟؟؟؟؟اليس كذلك

ابي اتمنى صخـيـّف العنق مزيون
*************************اللي عليه دموع عيني عوادي
لامن زهمته جت(.....)على هون
*************************وتقول كنك عني اليوم غادي
وقطف ورود لاتمايل على غصون
************************لحيث هـي من لعــب في فؤادي
وابي اتمنى عندي الفين مليون
************************وبيت مسوبع راكزه فوق وادي
وابي شقاق البيت حرير ويكون
************************ مخيوط بخيوط الذهب سلك عادي
وخمسة بنوز مجهزات بتليــفون
************************والاجهزة دايم علـيه تنادي
وخمسيــن جمـس فوق خمسين صالون
************************من الحفيز وكل ابوهن جدادي
والفين دلـه والاباريق مليون
************************بالليل ما يطري عليك الرقادي
والفين خلفه والحرس ما ينامون
************************واربع رعايا وضح شيء وكادي
وابي اسد الدين عن كل مديون
************************واصبر على الشداة صبر المهادي
الم اقل لكم ان تحقيقه سهل

------------------
انا الشعر هو راس مالي وذاتي
آتيه بحروفه مع الحب واتيه



الحفار غير متصل قديم 28-11-1999 , 08:04 AM    الرد مع إقتباس
تهاني تهاني غير متصل    
عضو نشيط  
المشاركات: 109
#2  

فعلاً تحقيقه سهل جــــــــــــداً يا حفار
بس شد حيلك
وأسمحلي أتمنى أنا بعد :


عندي أماني لو اقبلت صنتها صون
********************** واحييت عمري في نعيم وزهادي
طبعاً بسيطة بس ما أظن بتهون
********************** ولا أظنها صعبه ولا شي عادي
ودي بنور ينور الدرب ويكون
********************** لا من ضوى يقبل عليه ينادي
ويزيل ما في البال من حزن وطعون
********************** ويزيل عني حيرتي والعنادي
ويبدل الاحزان بافراح ولحون
********************** واعطيه كل العمر لوه تمادي
واحكيله اللي في الصدر صار مخزون
********************** شي عظيم ما تحمله وادي
واصون ضيه لو عداتي يحسدون
********************** بين العيون وفي كفوف الايادي
واصوره عمري ومن شانه يهون
********************** دامه معي بيعيش يحفظ ودادي
هذي أماني قلتها لاجل تدرون
********************** اللي يجول بخاطري وبفؤادي
واظن كل اللي قلت يمكن يكون
********************** في حلم احس بلذته في رقادي



------------------
تهــ تهاني ــاني

تهاني غير متصل قديم 28-11-1999 , 12:35 PM    الرد مع إقتباس
وردالشمال وردالشمال غير متصل    
كاتب فعال  
المشاركات: 1,262
#3  

اخوي...الحفار العزيز.....خوش منوه بسيطه ولاهي شي ...

لكن خذ هالبيتين ...من كلماتي الخاصة اللي اظنها تحقق يوم من الأيام
وأنا متأكد انها راح تحقق في شي واحد فقط راح أقوله لك في اخرالقصيده
.
.
.خذكلماتي..يالحفار وذكر الله:
.
,
البارحة منيت نفسي إبليار+++لوكان عندي كان أغير حياتي
قعدت انا افكر وفكر ومحتار+++وشلون اببدا ياعرب وشسواتي
قلت أول أعرس وللمره لازم اختار++لازم اشوفه دون لبس وعباتي
وقول لفي بموقفك دار مادار++يمكن بها عذروب بعض الصفاتي
ثمن اجرب منطقه كيف تختار++افهم كلامه زين ولا تهاتي
ولابي انا حسه غليظٍ به اجهار++ابيه بغاية لطف وهذي غناتي
ولازم اجرب مظحكه بنبا السار++لازم يميزها بغير السكاتي
وسنونها مابي صغارٍ ولا كبار++ابي على كيفي وهذي مناتي
ايضاً تكون البنت عمره بالأزهار++ماله ابو ولا أم ولاله خواتي
وبي تطرق لتجاره ولإتجار++وفصخ انا بدل الفقر والسباتي
اشري انا قريه سياحه بمشار++وزود اللي يقالهن شاليهاتي
الفين مكتب افتحه كله عقار++ولازم يصرن كلهن مكسباتي
وقياصرٍ من الذهب بسطهن صار++عشرين محل الماس ومجوهراتي
وقصرن كبير محوطاته الأشجار++ورى الشجر حدايقٍ مزهراتي
وشبح ولكزز مخصصاتٍ على القار++اقضي عليهن حاجتي بسفراتي
وجيبين حوض وبكس من نوع فكس آر++لطلعات برٍ كلهن مجهزاتي
وطيارتٍ لي خص به فن طيار++اربع مراوح للفضا جاهزاتي
اعاين املاكي وشوفه بالأنظار++ونا بعالي الجو اشوف الوطاتي
وبي التفت يم السياحه ولأسفار++ابي اغتنم العمر قبل المماتي
يصار عندي ريال وينٍ ودولاار++وش يمسكن عند الخو والخواتي
اخلي كل الناس من كل الأقطار ++متهولينٍ من يسوي سواتي
ابي السفر لديار روما ودكار++ويم اسيا والصين فيها مباتي
هذي تروها منوةٍ يهلا الدار++ولا الحقيقه بينه يا غناتي
اعود للواقع وفكر بالأقدار++الله يعينن كان هذي حياتي
.
.
أخوي الحفار هذه الكلمات من (((((كلماتي الخاصة))))..
ارجو ان تكون قد حازت على رضاك...
.
اما بخصوص تحقق في شي واحد سأجيبك لا تتحقق الا بلأحلام ياصديقي .. فاأرض بالواقع>>>
>
<
والله ما تحقق الا.. اذا حج ((((البقر على قرونه)))))

اخوك \\....
*******...وردالشمال...*********
.
.
.
.
.
.
.



------------------
عزي لمنهوواقعن بين نارين...
..مابين نار الحب وقل المعرفه

<B><small><small>[ تم تعديل الموضوع بواسطة * وردالشمال * يوم * 28-11-1999]

<B><small><small>[ تم تعديل الموضوع بواسطة * وردالشمال * يوم * 28-11-1999]

[b][ تم تعديل الموضوع بواسطة   وردالشمال   يوم   13-02-2000]

وردالشمال غير متصل قديم 28-11-1999 , 02:08 PM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#4  

العزيزه.. تهاني / دائما شعرك في القمه ومبدعه بمعنى الكلمه وحلمك ما هو صعب وكثير اللي عايشين فيه بس ....

الاخ/ ورد الشمال
اما انت حلمك يا عزيزي والله ما يتحقق للدفنه حتى لو حج كل البقر
بس ما شاءالله عليك صغت حرفك وابدعت

------------------
انا الشعر هو راس مالي وذاتي
آتيه بحروفه مع الحب واتيه



الحفار غير متصل قديم 28-11-1999 , 06:08 PM    الرد مع إقتباس
تهاني تهاني غير متصل    
عضو نشيط  
المشاركات: 109
#8  

هذي أمنيتي الثانية ..... وعطوني رايكم :

أتمنى .. ما في بالدنيا فقير
******************* وان ما حد ينظلم في هالوجود
واتمنى الروس تنهد وتطير
******************* وترجع الشيشان والطيبه تعود
واتمنى فكة قيود الأسير
******************* ويرجع لأهله ويجتاز الحدود
واتمنى ينهمر غيث غزير
******************* يسقى الدنيا وتنبت به ورود
واتمى بالبشر ما به ضرير
******************* ولا ضعيف ولا قوي ولا حسود
واتمنى خالق الكون الكبير
******************* بالفرج يطلق معاقيد القيود
واتمنى ترجع بصحة وخير
******************* زينة التعبير والحكمة نجود
واتمنى كل ماقلته يصير
******************* صح أماني .. بس به رب يجود




------------------
اللهم مالك الملك احفظ لنا نجود واعدها بالسلامة ...

تهاني غير متصل قديم 30-11-1999 , 12:21 AM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#9  

من يقدر قول على حروفك وابداعك شيء ولو جمعنا ما تمنيتيه اول على التالي
كان ............................
الفراغ هذا للي يبي يملاه
دائما انتي في القمه بكل شيء

------------------
انا في انتظارك


الحفار غير متصل قديم 30-11-1999 , 12:57 AM    الرد مع إقتباس
تهاني تهاني غير متصل    
عضو نشيط  
المشاركات: 109
#10  

شكراً عزيزي الحفار
وهذا بعض مما عندكم
ومنكم نستفيد يا معلم الحرف
والعين ما تعلى على الحاجب



تهاني غير متصل قديم 30-11-1999 , 01:36 AM    الرد مع إقتباس
وردالشمال وردالشمال غير متصل    
كاتب فعال  
المشاركات: 1,262
#11  

اما أنا يا ...تهاني
.
.
لاأستطيع ان اصف الذي قلتيه......فوق فوق فوق نطاق التعبير والوصف

.
.
مشاء الله عليكِ

.
.
اخوك\
*******..وردالشمال..*********

وردالشمال غير متصل قديم 30-11-1999 , 03:46 PM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#12  

والحين
من يبي يتمنى بعد
قصدي من له رغبه في شيء بهالدنيا او بالاخره

الحفار غير متصل قديم 13-02-2000 , 07:01 PM    الرد مع إقتباس
غرام غرام غير متصل    
كاتب فعال  
المشاركات: 1,333
#13  

صراحة أخ حفار الأبيات وايد حلوه وتحقيقها أسهل مما تتصور غمض وأحلم وراح تلقى إنا كل أمانيك تحقيقت...ولا دور على مصباح علاءالدين
أما عن أمنياتي فأنا قنوعة جداً وما عرفت أحلم بأشياء ما أقدر أحققها وترى الكلام إلي أقولك إيها حقيقة لا مجال فيها للشك لم أحلم بمثل هذه الأشياء يوما وهذا ما أستغربه...وتراني أحسدك على هاذي الأمنيات الحلوه

------------------
مع تحياتي: غرام الليالي

غرام غير متصل قديم 14-02-2000 , 05:43 AM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#14  

هلا بغرام
يا اختي العزيزه هذي مجرد اماني انا على ثقه انها لن تحصل
..
ونعم بك والله يالساري ولا يهون ورد الشمال
عزالله وفيت وكفيت
والله يذكر ايامك بخير

الحفار غير متصل قديم 14-02-2000 , 09:16 AM    الرد مع إقتباس
وردالشمال وردالشمال غير متصل    
كاتب فعال  
المشاركات: 1,262
#15  

شكراً الحفار على الذكرى.......
.
.
تصدق اني ناسي اني حطيت القصيده هذي .....والله زمان زمان...

------------------
اخـــــــــــــــوكم
وردالـــشــمـــال
waard@ayna.com



وردالشمال غير متصل قديم 14-02-2000 , 05:06 PM    الرد مع إقتباس
الساري الساري غير متصل    
عضو نشيط  
المشاركات: 79
#16  

الأخ الحفار ، الأخت تهاني ، الأخ ورد الشمال شيء جميل أن نعيد قصائد الماضي القريب )
السلام عليكم ورحمة الله وبركاته
التمني شيء جميل والقناعة أجمل ولكن التمني في حدود المعقول هو الأفضل
أخواني الأعزاء : أحببت المشاركة معكم رغم مشاغلي الكثيرة ومشاركاتي القليله وأرجوا أن تلقي هذه المشاركة على إستحسانكم.

قريت للحفار موضوع مزيون
----------------------- من التمني وبالفكر شىء عادي
يبي يتمنى زهرة البيت وتكون
-------------------------- زهرة لها وصف يلين العنادي
وقريت شعار لسوالف يمنون
--------------------------- لنفوسهم طول السعه والأيادي
وقريت للشعار شعر لمزيون
--------------------------- مزيون نفس وهذي أختي تهاني
لا ماتمني غير أثنين يهنون
--------------------------- لادامت الصحة ودام الودادي
وهذي تراها منية اللي يعرفون
--------------------------- إن الحياة ما غير حط وشدادي
والناس ماتدري عن النفس وشلون
--------------------------- لو المرض جاها بيوم سوادي
كانت تمني تفتدي لو بمليون
--------------------------- من أجل لو ساعة رخاء وأزدهادي
يالله ياللي خالق الروح والكون
--------------------------- لا تجعل الدنيا هي أكبر مرادي
ولا تخليني في الناس مغبون
--------------------------- وأرزقني الجنة وحسن الوفادي



[b][ تم تعديل الموضوع بواسطة   الساري   يوم   14-02-2000]

الساري غير متصل قديم 14-02-2000 , 06:46 PM    الرد مع إقتباس
LoveEyes LoveEyes غير متصل    
عضو فائق النشاط  
المشاركات: 533
#17  


اماني مميزة .. الحفار .. تهاني .. ورد الشمال .. الساري .. فعلا مميزة
والفال لك اختي غرام ..

لو هي الاماني بالصدف جمعتنا ..
............................ كان الاماني بعدها ما بغينا ..
وش حاجتي في دنيةٍ ولعتنا !!
............................ واحزانها تقبل علينا تبينا ..
يا صاحبي مابي انا ماتمنا !!
............................ لان الاماني ما تقويّ يدينا ..
لو قلت ما ظنيتهن يحترنا ..
............................ الوقت يمشى والبلا مادرينا ..
خذ بعض مابي واسمع الي تعنا ..
............................ ياصاحبي لا تنشغل غير فينا ..
ودي الاقي قلبٍ ابيض تونا ..
............................ وارخي ستاير لهفته في يدينا ..
واشتاق شوقٍ من غلاه امتحنا ..
............................ يشره علينا لين غبنا وجينا ..
يغلي غلا من قلبه الي تثنا ..
............................ فرحة بشوفي لين طوّل علينا ..
ماودي اكثر من صدوق تبنا..
............................ صادق هوى واهداه ما يشترينا ..
زود الكلام ولو طويته تجنا ..
............................ بيقول ماظني توصيت فينا !!

........................!؟
بعض الجروح ان جت من اغراب عادي !!
الجرح موت الجرح لا جا من احباب !!

LoveEyes غير متصل قديم 14-02-2000 , 11:23 PM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#18  

احسنت يا عيون الحب
ابي اقول شيء بس لا تزعل
1/هذي اول مره اعتقد انك وصلت فيها لوزن الشعر النبطي الحقيقي
وحتى كتابتك للكلمات اتت مضبوطه
يمكن فيه اشياء بسيطه مثل
خذ بعض مابي واسمع الي تعنا .. هذي مثلا بدل الي كان ممكن تكون من..
وغيرها تلاقي حتى قرائتها اسهل ,
لكن بصفه عامه ممتازه
2/اما امانيك فهي سهله
يا كثرهن اللي تستاهل الحب والعشق الابدي
ونا متاكد ان بياتي اليوم اللي ترتاح من هالعنا.

الحفار غير متصل قديم 15-02-2000 , 08:46 PM    الرد مع إقتباس
غرام غرام غير متصل    
كاتب فعال  
المشاركات: 1,333
#19  

سوري أخ حفار أنا أعرف إن أمنياتك صعب تتحقق وإنت عارف هذا الشيء...وأعرف إنها مجردأمنيات...لكني بعد أحسدك عليها....لأني لحد ألحين ما تمنيت
واسمحلي أقولك إن ردك أخالفك في كلامك لعيون الحب...لأن ايجاد الإنسان الذي يستحق الحب والعشق الأبدي من الأصعب الأمنيات في الوقت الحالي ...حتى يمكن تكون معادله في صعوبة التحقيق لأمنياتك...صدقني

------------------
مع تحياتي: غرام الليالي

غرام غير متصل قديم 15-02-2000 , 08:57 PM    الرد مع إقتباس
نبضة قلب نبضة قلب غير متصل    
عضو جديد  
المشاركات: 31
#20  

جيتك بلهفة ودي بالحال تدرون
ودي أوضح بالقصايد مرادي
جيتك بقلب ٍ مشتقي حيل مطعون
وبمد (للحفار )كل الأيادي
يمكن يداوي جرح بالقلب مسكون
جرحٍ تجدد كنّه اليوم بادي
ودي اتمنى بس كيف التمني يكون
لاتمنينا الفرح الحزن جا ينادي
ودي اتمنى وأتمنى بس كيف وشلون
علمني يالحفار .. وريّح فؤادي

عزيزي الحفار /
ذكرت سابقا أنك من الأوائل هنا في سوالف
قرأت لك كثيرا وما زلت أقرأ لك ..
وكل كتاباتك أجمل من الأخرى ..
قد تكون الأول الذي أجبرني للتسجيل في سوالف
حتى أتمكن من الرد عليك .. وها أنا أرد بأبياتي
البسيطه لشخصك الكريم ..
كان بودي الكتابة أكثر ولكن
نبضات قلبي
لم تسمح لي .. فقد كانت تدق بقوة حتى جعلتني أُنهي القصيدة
بسرعة .. أتمنى أن تقبلها مني ..
ولك فائق الحب والإحترام

نبضة قلب

------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم

نبضة قلب غير متصل قديم 16-02-2000 , 08:12 AM    الرد مع إقتباس
نبضة قلب نبضة قلب غير متصل    
عضو جديد  
المشاركات: 31
#21  

جيتك بلهفة ودي بالحال تدرون
ودي أوضح بالقصايد مرادي
جيتك بقلب ٍ مشتقي حيل مطعون
وبمد (للحفار )كل الأيادي
يمكن يداوي جرح بالقلب مسكون
جرحٍ تجدد كنّه اليوم بادي
ودي اتمنى بس كيف التمني يكون
لاتمنينا الفرح الحزن جا ينادي
ودي اتمنى وأتمنى بس كيف وشلون
علمني يالحفار .. وريّح فؤادي

عزيزي الحفار /
ذكرت سابقا أنك من الأوائل هنا في سوالف
قرأت لك كثيرا وما زلت أقرأ لك ..
وكل كتاباتك أجمل من الأخرى ..
قد تكون الأول الذي أجبرني للتسجيل في سوالف
حتى أتمكن من الرد عليك .. وها أنا أرد بأبياتي
البسيطه لشخصك الكريم ..
كان بودي الكتابة أكثر ولكن
نبضات قلبي
لم تسمح لي .. فقد كانت تدق بقوة حتى جعلتني أُنهي القصيدة
بسرعة .. أتمنى أن تقبلها مني ..
ولك فائق الحب والإحترام

نبضة قلب

------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم

نبضة قلب غير متصل قديم 16-02-2000 , 08:13 AM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#22  

الاخت غرام
ابي اقول شيء
كل شيء بالدنيا ممكن وكل شيء برضه محال
لمن الاهم
انهالشيء
في اي مرحله بيصير ممكن ومتى وباي مرحله بالعمر بيصير محال
وكل ما تاخر القوت ضاقت الدنيا

الحفار غير متصل قديم 16-02-2000 , 09:45 AM    الرد مع إقتباس
الحفار الحفار غير متصل    
مبدع فائق التميز  
المشاركات: 6,758
#23  

العزيزه الاخت
نبضة قلب /
تشكرك على التجاوب مع الامنيات
ولا اعلم ماذ يسعني ان اقول على هذا الثناء والمديح والذي بلاشك انه اكبر
مساحه من مقوماتي الحقيقيه.
وكنت اتمنى ان اعرف ماذا ترغبين تحقيقه في حياتك
..
وللحديث بقيه


------------------
http://members.tripod.lycos.nl/grmbgifs/jackh.gif

الحفار غير متصل قديم 16-02-2000 , 07:08 PM    الرد مع إقتباس
نبضة قلب نبضة قلب غير متصل    
عضو جديد  
المشاركات: 31
#24  

عزيزي الحفّار ..
لو أردت أمنياتي بالضبط وماأود تحقيقه في الحياة
فهي ..
...................
و .................
و..................
و..................
و..................

إن إستطعت أن تعرف سر هذه الفراغات والأمنيات المختبئة
فأنا بلا شك سأستطيع تحقيق أحلامي ..

هاه
هل إستطعت ..
إذا تحقيق أحلامي شيء مستحيل (آه )

نبضة قلب

------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم

نبضة قلب غير متصل قديم 18-02-2000 , 03:18 AM    الرد مع إقتباس
نبضة قلب نبضة قلب غير متصل    
عضو جديد  
المشاركات: 31
#25  

عزيزي الحفّار ..
لو أردت أمنياتي بالضبط وماأود تحقيقه في الحياة
فهي ..
...................
و .................
و..................
و..................
و..................

إن إستطعت أن تعرف سر هذه الفراغات والأمنيات المختبئة
فأنا بلا شك سأستطيع تحقيق أحلامي ..

هاه
هل إستطعت ..
إذا تحقيق أحلامي شيء مستحيل (آه )

نبضة قلب

------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم

نبضة قلب غير متصل قديم 18-02-2000 , 03:19 AM    الرد مع إقتباس
المشاركة في الموضوع
صفحة 1 من 2 1 2 >


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.