طبعا فيه فرق بين الولد المدلل والمهمل <برفع الميم الاولى> و للتذكير من شب على شيء شييييب عليه وكل محاولات التطبيع والدمج مستحيل تغير به شيء لا ذا ولا ذاك نروح للفروق وهي كثيرة حاولت اجيبلكم المختصر المفيد منها :




1-المدلل : يحب خواته ويحترمهن

والمهمل :يمردغهن اذا كان ابوه بهوب به .


2-المدلل :لازم يسال ابوه عن كل شيء

المهمل :يهجهج عن ابوه ولا يشوفه .


3-المدلل:هادي ويحب الركاده

المهمل:مطفوق يصير عنده انفصام شخصيه اذا جلس بالبيت ربع ساعة .


4-المدلل :يقول ماما

المهمل :يقول يمه.


5-المدلل:يقول نعم او سم

المهمل : يقول هاه.


6-المدلل: يقول عم للي اكبر منه

المهمل:كل المعايير يقولهن للي اكبر منه.


7-المدلل: يعرف ياكل باشوكة والسكين

المهمل : يبدا يعرف الشوكة والسكينمن سن ال12 بالعرس يشوفهن وما يلمسهن الا بال26 ويوصلال100 وهو يحاول ويموت وهو يحس ان السكين للذبح وسبير لفك المسامير والشوكة مهيب لشيء.


8-المدلل :يلعب بحديقة البيت

المهمل :يلعب بالبرحة .


9-المدلل:يلبس نعاله <الله يكرمكم> قبل يطلع الشارع

المهمل:نعاله <الله يكرمكم>وحده فوقسطح الحطب والثانية بحوش الجيران ما يلبسهن الا اذا جاء يشريهن للقوس فقط لا غير.


10-المدلل:ينام ببجاما

المهمل: ينام بثوبه بالشتا وبالصيف بسروال وفنيلة سنه.


11-المدلل: ينام بسريره

المهمل ينام بالصاله.


12-المدلل:يقول سلطة

المهمل:يقول زاطة.


13- المدلل:اذا لعب كوره يلعب ببدلة

المهمل:يمسك ثوبه بفمه او يدخله تحت سروال السنه.


14-المدلل: وهو صغير يجلس مع امه بالعرس

المهمل: على شانه يكتبون ممنوع اصطحاب الاطفال.


15-المدلل ياكل على الطاولة

المهمل ياكل وهو يمشي بالقوايلبظلال جدار البيت بالشارع.


16-المدلل: اسمه طفل

المهمل اسمه بزر او ورع.


17جيوبه تلقاها نظيفةد

المهمل:جيوبه مليانه طرطعان وااشياء منطولة من البقالة.


18-المدلل يمشي وهو مركز

المهمل:لازم مع المشي يلفع كل الحصى اللي بطريقه وتلحم رجليه بكل عتب البيت مانقول عنه الا انه عدد طيحاته فوق المعدل.


19-المدلل: يرجع من البيت كما كان

المهمل:يرجع متنكر بكل معنى الكلمة خط جبن من زاوية الفم الين نص الخد ونقط حمر وبرتقاليات على ثوبه.


20-المدلل :يحكي بكل صدق

المهمل:مصلي على الصدق وهو ببطن امه.


21- المدلل: يحب يلعب دور الدكتور

المهمل: اما يلعب حرامي <بلعبة شرطي وحرامية > او يخرب اللعبة.


22-المدلل :اخر حد له المسجد والبقالة اللي بجنبهم

المهمل: متعدي حدود الخليج.


23-المدلل:مسالم

المهمل: ان ما تهاوش مع احد جته عقدة نفسية.


24-المدلل:اذا جاه مخش طهره وعقمه

المهمل:تنكسر رجله مادرابه


25-المدلل: اذا تخاصم مع حدى الطلاب على طول يقول للمدير

المهمل:يقول بالطلعة.




اتمنى تعجبكم

-المدلل:اذا جاه مخش طهره وعقمه

المهمل:تنكسر رجله مادرابه...

---------------

هذه صارت لي وانا صغير
بس لاحد يقول اني مهمل

وانا صغير .. دخلت أبره خياطة في رجلي وما كنت ادري انها ابره !
جلست يومين وجلي توجعني .. في الأخير رحت المستشفي مع الوالد
وبعد ما سويت الاشعة .. قالولي فيه ابره في رجلك !

وسيت عملية بسيطة وشالوها لي !

كانت ذكريات تحفة !

مشكور اخوي السلمي .. وحياك الله عضو جديد معانا

ياخي تصدق اني طلعت مدلل وانا مدري .


مع اني كنت ارجع البيت دايم متنكر .

هذه الظاهره الاجتماعيه لم تكن موجوده قبل دخول افكر كثير عالم الطفوله :


14-المدلل: وهو صغير يجلس مع امه بالعرس

المهمل: على شانه يكتبون ممنوع اصطحاب الاطفال.


تسلم عالموضوع الرايق والمدلل جداً .


المبتسم والله اشك انها ابره شكلها مسمار وتقول ابره مسوي نفسك مدلل .

أحسن منك ..
انت شكلك وانت صغير دعست على لغم .. وما دريت ان اللغم أنفجر الا بعد يومين من نشرة الأخبار

تسلم اخي السلمي333




بصراحة





كسر خاطري الولد المهمل<<<<

شكلك اللي كنت جنبي من يومها وانا ادور عليك مدري وين طرت لكن الحمد لله تقابلنا بسوالف اخيراً .

بطل تلغم الحواري والطرقات .

ام شهد يان كسر خاطرك دلليه

وليش لأ....


ادلّه وادلعه بعد....

سامحني اخوي السلمي333.... بس ما فهمت كلمة وحدة من اللي كتبتها غير كلمة



مهمل

ياخي تصدق طلعت نص مدلل ونص مهمل

بس المهمل عايش حياته أما المدلل أحس أنه معقد

تسلم على الموضوع التحفة

عربي

ايه


اجل اي واحد...............

عن نفسي أفضل المهمل

14-المدلل: وهو صغير يجلس مع امه بالعرس

المهمل: على شانه يكتبون ممنوع اصطحاب الاطفال.






ههههههههههههههههههه

بجد


يسلمو

السلام عليكم ورحمة الله وبركاته

السلمي معليش بعيدا عن الموضوع

الكلام اللي في الاقتباس ماله إلا تفسير من اتنين

اما لوحة المفاتيح صغيرة على اصابعكـ ومافي تناسق

او ان حرف من الحرووووف عندكـ ضاااايع

على العموم بالعودة للموضوع يسلموووو عليه يا عسل

وننتظر الترجمة للعربي على ما قال لوووبيا

معنى لوبيا << طبعا للي سجل في سوالف بعد 2001 هو المبتسم