هلا هدولة خبيرة نمبر2
ايش هادا ليش ما قلتي من أول
ما لي شغل انا خلاص اشتريت زيت الثوم و زيت النخاع
ترى أمزح شكراً على الوصفة
بس من جد شي يحير
الكوفيرة تقول زيت ثوم و لوز و سمسم
و ماما و جوجو يقولوا زيت خروع
و انتِ نارجين(جوز هند بالمكاوي) و جرجير و لوز
و الله أحترت
على العموم انا اشتريت زيت الثوم و مكتوب عليه
1. علاج القشرة
2. يمنع تساقط الشعر
3. يزيد الشعر حيوية و يطيله
4. مقوي عام للشعر لاحتوائه على فيتامين (E)
أما زيت النخاع فمكتوب عليه
1.يغذي الشعر و يقويه و يطوله حيث انه يحتوي على فيتامين E
2. يسهل تسريح الشعر الخشن الصعب التسريح
3. يعطي الشعر لمعاناً و بريقاً
4. مفيد لشعر الأطفال و مغذي له و يعمل على تكثيفه (سامعين يا أمهات)
بس تعرفوا أنا زمان يعني مو زمان مررة قبل كم شهر
قرأت موضوع بس ما ني فاكرة الموقع
المهم
فيه دكتور يقول انو الزيوت و هادي الخرابيط كلها ما لها أي فايدة
و أهم شي الغذاء (زي ما قالت جوجو) لأنو الجزء الظاهر من الشعرة
هذا جزء ميت زيو زي الأظافر (على ما افتكر انو مكون من الكيراتين)
و انو الشعرة بتتغذى من الداخل عن طريق البصيلة و عشان كده اي شي
من بره ما لو لزمة.
بس و الله جربنا أدوية الدكاترة ما نفعت فما حنخسر شي
لو جربنا الزيوت بس ان شاء الله ما تؤدي الى نتيجة عكسية و تطيح الشعر بدل
ما تطلعو.
ايش رايكم في الكلام؟؟
هل نأخذ بالمقولة اسأل مجرب و لا تسأل طبيب ؟؟