يوم الجمعة الماضي شاهدت برنامج اوتوموبيل وكانت الحلقة مخصصة لجديدة نيسان القادمة أخر هذا الشهر ألتيما بصراحة السيارة أجمل من منافساتها وكذلك أقوى........توقعاتي تقول بأن السيارة راح تلقى نجاح كبير وهذا طبعا يعتمد على السعر المطروح لها.........مع السلامة كامري وأكورد جاء وقت ألتيما :banana:

ألتيما

صحيح ان الإلتيما افضل لأنها احدث ومتطورة اكثر اضافة الى محرك 3.5 المرعب

بس تضل الكامري والأكورد سيارات ناجحة وتحقق مبيعات عالية

أهلا وسهلا ألتيما، وداعا كامري أكورد.. ولكن حتى إشعار آخر :cool:

تحياتي..

صحيح شو راح يصير على ماكسيما في هذي الحالة هل راح تتوقف او راح تستمر؟؟..... لما سألوا أحد مسؤولين نيسان عن المنتجات القادمة ما جاوبهم وقال أظن حسب ما اذكر عن تقديم 8 سيارات جديدة ولكن ما ذكر انواعهم

انا أتوقع السيارات التالية:

1) مورانو

2) ارمادا

3) باثفايندر الجديد

4) انفينيتي اف اكس هذي انتظرها على نار

5) جي 35 صالون

6) جي 35 كوبيه

7) باترول 2005

8) انفينيتي كيو اكس 56 والهدف يمكن لكزس ال اكس 470

احتمال موديلات ثانية مثل ميكرا الله اعلم

إذا في إحتمال تتكنسل


تحياتي..

ياهلا في الالتيما وخرو عن طريقها

مشكور يا مشرفنا على الخير الحلو ...
بالنسبة للألتيما اكيد بتتفوق على المنافسات خصوصا الان ، بحيث ان الاوتو الجديد الخمس سرعات اصبح استهلاكه مثل الهوندا اكورد ال6 سلندر مع ان هذي 3.5 والاكورد 3.0 وطبعا فارق القوة لصالح الالتيما و على دورات اقل ، كما ان العزم اعلى وعلى دورات اقل بكثير ...
وتتميز السيارة بأنظمة نيسان الجديدة اللي اغلبها ماشفناها زي نظام cvct والدرايف باي واير و غير ان نيسان توعدت في موديلاتها الجديدة بوضع افضل المواد المستخدمة داخليا ... يعني وداعا للتفكك ...
لا هذا عدا التكييف الخلفي والمنفصل لكل شخص ...
شئ حلو من نيسان .... بالنسبة للكامري اتوقع بتقل مبيعاتها بسبب عيوب التصنيع الكثيرة واللي خلت اغلب الناس يشترون الموديل القديم الاستعمال الامريكي و بالنسبة للهوندا اكيد بيهربون من قطع الغيار النار وبيروحون للأرخص ....










اخوكم الشبابي

صحيح نسيت اضيف معلومة انه السيارة راح تجينا من أمريكا مش اليابان :p

السلام عليكم


اخوية عمر AMG

باترول 2005 ؟

هل قصدك ان السيارة بتنزل بشكل يديد ؟!

لاني سمعت من احد رجال المبيعات ان السيارة بيتغير شكلها في 2007 ..



تحياتي

اللي اعرفه ان المكسيما بيوقفونها .. مع قدوم الالتيما

وصراحة سيارة قوييية .. ولها تاريخ رائع

السلام عليكم ورحمة الله وبركاته

والله انا لي وجهة نظر مختلفه ...

اول شئ الالتيما مهي منافس للكامري ولا الاكورد .. والدليل السعر ...

كم سعر الالتيما الامريكيه
ممكن ان اي احد بدخل موقع
www.nissan.ca
or
www.nissanusa.com
ويشوف كم سعر السياره .. اقل نوع ما يقارب 90 الف ريال .. يعني اقرب مالها اللكزس es300
انا شفت السياره ورحت الوكاله بكندا ...قبل سنه ... السياره تحسنت مع معظم موديلات نيسان الجديده لان المصممين اوربين (( الاندماج مع رينو ...

اما بالنسبه للكامري ...والاكورد فاكل منها ما يميزها عم غيرها ..

على العموم ان شاء الله اكون قدرت افيكم بالموضوع

الماكسيما راح تجي حسب كلام الشركة في طوكيو

هي منافس قوي للكامري والاكورد واقل نوع راح يكون بـ 57 الف تقريبا

:think:

:think:

:think:



مابنقول وداعاً للباقي دخول وحش جديد للمنافسة لايعني خروج باقي الأسود

الكامري مبيعاتها تنخفض وهي رايحة تنزل، الأكورد العكس، الماكس ثابتة من نزلت لاهي فوق النخل ولاتحت الأرض:cool:

اللومينا داخلة بقوة ومن الموديل الحالي صارت أكثر من الكامري عنهدنا، يعني الألتيما--أكورد--مكسيما--لومينا هم الاعبين الكابر الكامري في الإحتياط:rolleyes:

ونشوف من يتقدم أكثر ويوصل للهدف

وبظني محد بيقدر يوقف قوة الألتيما غير اللومينا وبعدين أكيد الموديلات الجاية من الباقي بتنافس:banana: والاسعر بعد بيلعب دور وعن توقيف الماكس ماسمعت عنه وأغلب اللي سمعته إنها بتستمر وعلى فكرة ترى نزلت بكويت

أخوي

من وين جبت المعلومات هذي ان واقل نوع راح يكون بـ 57 الف تقريبا

اذا كان المصدر موثوق ولا يقولون ....

السلام عليكم ورحمة الله وبركاته

انا أذكر اني قريت في أح مجلات السيارات ان الكامري استولت على نسبة 26% من سوق السيارات اللي في فئتها في السعوديه فكيف تقارن الهوندا و اللومينا و الماكس بمبيعاتها ؟؟


تحياتي

يا جماعة الخير انا الي اشوفه السعوديه مثلا ان الكامري ماسك زمام هالفئة من السيارات اكثر من غيره ولو ان في منافسه جامدة من قبل
الماكس والاكورد يعني صعب يتزعزع وضعها بالسهوله الي تتصورونها
ولو ان الكامري اصلاًمالها داعي يعني ما شوفها بذيك المواصفات العجيبه الي تخلي الناس يلتفتون لها بس ما اقول الا لما الاذواق لبارت السلع

أتكلم عن سوقنا بالبحرين اللي أشوف بالشارع لأن مافي أرقام، لكن في السعودية مدري أي مجلة، الكامري الأول الأكورد الثاني...
اللومنا والماكس فئة ثانية وكانت اللومينا مبيعاتها أكثر:banana:

وصدقني الكامري مبيعاتها في إنخفاض عندنا مر البحرين شوف كيف تلاقي أكورد بالهبل والكامري العكس رايحة تنقرض:cool:

بالنسبة لنا في قطر الكامري مايجيك الا بالحجز
الماكس منتشرة
الومينا العادية منقرضة الي يشتري شفر عدنا يا لومينا سس اوكابرس
الأكورد انقراض

اتوقع اذا نزلت الالتيما راح تنافس بقوة كبيرة وممكن تحقق نجاح على حساب باقي المنافسين ..خصوصا انها اقوى وشكلها حلو .وراح تكمل الطبخة اذا كانت بسعر منافس

السلام عليكم ورحمة الله وبركاته

بعد دراسه أجريتها اكتشفت ان سبب انتشار الكامري مو مواصفاتها أو قوتها .. السبب هو انها سياره ما تعرف شئ اسمه خراب و قطع غيارها في كل مكان يعني لو رحت لبقاله اطلب اثنين ببسي و طقم فحمات للكامري .. السبب الاهم هو ان سعرها ما يطيح عند اعادة البيع بعكس منافساتها أمثال الاكورد و الماكس و اللومينا و غيرهم .. يعني الناس ينظرون لها على انها راحة بال و في نفس الوقت استثمار


تحياتي

انتظر الى 1 يونيو وراح تتأكد من كلامي