العودة سوالف للجميع > سوالف رياضه وسيارات > ســـوالف الــسيارات > يا شباب السيارات .. اسئلة !!
المشاركة في الموضوع
النعمان النعمان غير متصل    
مبدع متميز جداً  
المشاركات: 4,062
#1  
يا شباب السيارات .. اسئلة !!

السلام عليكم ..

كيفك حالكم ياشباب السيارات ..

عندي بعض الاسئلة ارجوا تفيدوني بها :

1- سيارتي كراسيها مخمل والولد الله يصلحه وسخها بجميع انواع المشروبات عصائر وقهوة تركية حتى حليب ابو علم ..

حاولت ازيلها في المغاسل لكن كلهم قالوا لابد من فك الكراسي وغسيلها كامل ..

فهل هناك طريقة بدون فك الكراسي !!

سمعت ان عندي بعض محلات قطع الغيارة بخاخ او مادة تزيلها صحيح ولالا !

2- ودي اظلل السيارة وش الشركة اللي تنصحوني فيها :

في كول - جونسون - زيبارت - رد كار - ابو هنود !!

3- ابغى احط برستيك في الارضية والدعاسات وش النوع الممتاز ..

4- اذا بغيت اركب كراسي جلد وش نوع الجلد اللي تنصحون فيه ..

شاكر لكم

النعمان غير متصل قديم 12-06-2007 , 10:32 PM    الرد مع إقتباس
افكر كثير افكر كثير غير متصل    
كاتب فعال جداً الكون - كوكب الأرض - قارة اسيا - الجزيرة العربية --------->  
المشاركات: 1,738
#2  

وعليكم السلام ورحمة الله وبركاته


اخوي النعمان طولنا عليك وماحد رد تعرف عندنا تفحيط ومسكنا المرور وتونا خرجنا من الحجز . امزح معاك

بالنسبة لأسئلتك انصحك تبيع السيارة لانهم بعد ماراح تنظف السيارة بيحوسونها مرة ثانيه اسئل مجرب ولا تسئل طبيب .

المهم دامك طلبت المشورة خذ هذي النصائح لاني مريت بنفس المشكلة لكن بعد ما تكررت العمليات التخريبية من اولادي خليت السيارة على حالها قلت يكبرون ويعقلون ونشتري سيارة جديدة ان شاء الله . البلشة وانا اخوك كل ما كبروا جا واحد جديد يعني مسلسل مستمر .


1. بالنسبة للمقاعد افضل حل انك توديها لمحلات التلميع ولازم تنفك الكراسي ولا تخاف من عملية الفك لانهم بيرجعونها افضل مما كانت . لانهم بيربطون لك المقاعد مرة ثانية ويشدونها وتكون افضل من قبل الفك . خاصة اذا كنت من اصحاب الوزن الثقيل المقاعد تفقد قوة الشد مع الأهتزازات يعني توكل على الله وغسل المقاعد وخلهم يفكونها وانا اخوك ولا تخاف . اما اذا كنت مصر على عدم الفك فيوجد بخاخ للمقاعد اسمة اورنج عند محات الزينه ممتاز جداً ينضف كل شي بالسيارة ويعطيها ريحة زينة وسعره رخيص يمكن 20 ريال بس .

2. عليك بابو هنود واستخدم التضليل الحراري الكوري رخيص وعملي حتى لو مسكك المرور وقال فك التضليل ما كلفك الموضوع غير 80 ريال بس .

3. بالنسبة للارضيات ما انصحك بالبلاستيك يطلع ريحة وشكله غبي . غير الفرش حق ارضية السيارة ابرك لك اذا بتنظف المقاعد خلهم ينظفونه ولا يغيرونه لك مرة وحده .

4. كراسي الجلد تعتمد على نوع السيارة اذا ياباني بتلاقي اشكال والوان وجاهز وغير مكلف . اما اذا امريكي عليك بمحلات التنجيد وفية انواع كثير واسعار متفاوته اذكر اني بغيت انجد المقاعد واحطها جلد قالو لي ب 500 ريال بس غيرت رايي لان الجلد ماينفع عندنا الجو حار ومثلك عارف الجلد شيسوي بالصيف .


اعتذر عن التأخير في الرد تعرف عندنا اعمال انشائات بالمنتدى خذ لك سطل بوية وتعال ساعدنا في عمليات الترميم.


حسابك 50 ريال عن كل استشارة .


اخوك افكر كثير .

افكر كثير غير متصل قديم 15-06-2007 , 10:43 PM    الرد مع إقتباس
النعمان النعمان غير متصل    
مبدع متميز جداً  
المشاركات: 4,062
#3  

افكر كثير

جزاك الله خير وشاكر لك نصائحك وتفاعلك

النعمان غير متصل قديم 19-06-2007 , 01:22 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.