العودة سوالف للجميع > سوالف شخصيه وثقافيه ادبيه > قـسم المسابقات والثقافة > بعض معاني الكلمات الفلسطينية
المشاركة في الموضوع
صفحة 1 من 4 1 2 3 4 >
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#1  
بعض معاني الكلمات الفلسطينية
يلا عشان ما حدا يحكي انه مش فاهم شو بحكي ترجمتلكوا كم كلمة وشوية مصطلحات

تَطْلي = مربى << انا بستخدم مربى بس اغلب الناس بتحكي عنه تطلي

بَنْكيت = رصيف الشارع.

البيارة= المزرعة.

شِمينت: نوع من انواع اللبن "مفردة من مخلفات العدو الصهيوني"

كِكْسة = كيكة << ما بعرف من وين جايبينها فلذلك بستخدم كلمة كيكة

الكوربة = راس الشارع = لفة آخر الشارع

ضاوي = فاقد =لادع=فيوزاته ضاربه= ما بفهم اشي

بشكير = منشفة صغيرة اللي بنشف فيها وجهنا

فرشة = معناتها فراش بس احنا بندلعها فرشة

ابطيني =ودِف=مفجوع.... يعني بياكل اكل ما شاء الله

زغير =زغنون= صغير او زغيرة للمؤنث

مخدة = وسادة

زرفيل = قفل الباب

عشرطعش : يقصد فيها الكثرة من الشئ ..

تخت = سرير

تِم = فم
رمزون = إشارة مرور ضوئية ( كلمة عبرية في الاساس)

كِلنس = مناديل ورقية

سطل = جردل = دلو

هوّاية = مروحة

نونة=يعني شوي

روق يا ضاوي=يعني وحد الله يا مجنون

على بلاطة=يعني من الآخر

كوشي=يعني اسود........ يعني خال يا ابداااع

شكشوكه = (اكله ) بندوره وبيض
مبعترة وتلفظ امبعترة = برضو اكله بس هالمرة بطاطا وبيض

مَقْلَمة = علبة الأقلام اللي بكون شايلها طالب المدرسة

فورسة = فسحة اللي في نص الحصص في المدرسة(سااعة الانتظار)

كنتين = كافتيريا المدرسة

صف = فصل المدرسة

طشه = يعني فسحة او طلعة علي البر او علي البحر المهم طلعة من البيت

اجنص = " جديد من النايلون " .. (New)


حنفية = " صنبور " ...

مي = ميه = ماء


قزاز = " زجاج " ...

سَقّاطة = " حصّالة " ...

قدّاحة = " ولاعة " ...

منقرز = " محتاج الى سيجارة "

نِتْخَرّف = ندردش مع بعض

ام العبد و ابو العبد = اسم فلسطيني قح

قُح = ع الاخر = أصيل

(فعصو) فعص في بطن الشاب = خبط في بطنه

جلدة راسه خميله = عبيط او ( بفهمش بسرعه )

خميلة = تخينه= سميكة بالعربي

بدكاش اوما بدَك = يعني لا تريد
بدكيش او ما بدِك = لا تريدي

شاكوش=مطرقة

قرفان = واحد مش طايق حالو بالمرة.


بوزك = وجهك


قِشاط = اللى بيكون على البنطلون لتثبيته على الخاصرة


طنجره = بالمصرى حله هاى اللى بيكون فيها الطبيخ اسمها طنجره

حبيبى يا حج = حبيبى يا قلق = حبيبى يا لوز = حبيبى يا حوت ... بتنقال بين الاصحاب فقطططططططط يعني ما بتروح تحكي لابوك مثلا حبيبي يا قلق


شقفه = حته قطعه وتقال عن البنت اللي زي القمر


يع = يعنى قرفان من اشى

جُربان أو جُربانه = شراب (عند المصريين)

ليدن = علكة

شاف = اللي بيحطو فيه المي


يجاكر = يعاند

ورق دوالي: ورق عنب

اسكومية:يعني ايس كريم

هلأ = هسا = الحين = هلقيت=الان

مطعوج= من الفعل انطعج والمصدر تاعو انطعاج وهو الشيء المعوج

فشكة= بيت الرصاصة الفارغه...والبعض يطلقه على الرصاصه نفسها بعد ما تطلق

ازعق عليه= نادي عليه

بَعْكِش = فتش = دوِّر= ابحث

بسكليت = يعني دراجة

هو لسة ضايل كلمات كتير بس بكمل في حلقة مقبلة ان شاء الله

spy-kid غير متصل قديم 05-09-2008 , 04:28 AM    الرد مع إقتباس
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#2  


الله يعطيك العافيه سباي على هالترجمه المفيده لبعض كلاماتكم الحلوه

بس هالعباره البيارة= المزرعة يبيلها قعده مقعده

الضبع غير متصل قديم 06-09-2008 , 12:02 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#3  

فكرهـ جوووهنميه منك ياسيبووو << فيش بدليه هوون

إقتباس:
تَطْلي = مربى << انا بستخدم مربى بس اغلب الناس بتحكي عنه تطلي


عندنا التطلي = المهلبيه << انا بستخدم مهلبيه ومابحب كلمة تطلي

إقتباس:
مخدة = وسادة

زرفيل = قفل الباب

شكشوكه = (اكله ) بندوره وبيض

سطل = جردل = دلو

قزاز = " زجاج "

شاكوش=مطرقة

مطعوج= من الفعل انطعج والمصدر تاعو انطعاج وهو الشيء المعوج





بس أحنا بنسميه زرفال

إقتباس:
البيارة= المزرعة.


أما هذي قووووويه ..

أحنا بنسمي الصرف الصحي ( بيــارهـ ) وانتووو بكرامه ..

إقتباس:
عشرطعش : يقصد فيها الكثرة من الشئ ..





هذي الكلمه متداوله بس في بيتنا ولنفس المعنى ... بس ماكنت بعرف إن فيه حدا بيحكي هيك


إقتباس:
طنجره = بالمصرى حله هاى اللى بيكون فيها الطبيخ اسمها طنجره


إحنا بنسميه قِدر

إقتباس:
بوزك = وجهك





البوز عندنا لما بنقول ضارب بوز = يعني معصب

والبوز بالمصري يعني الفم


بتعرف سيبوووو ..

على هيك عملنا قااااموس

روزي غير متصل قديم 06-09-2008 , 01:48 AM    الرد مع إقتباس
FOUZIA FOUZIA غير متصل    
مبدع فائق التميز الجزائر يا حكاية حبى  
المشاركات: 7,692
#4  

شكرا لك اخي كريم على الترجمة المفيدة للالفاظ الفلسطينية سوف استخدمها متى التقيت مع فلسطينيين موجودين عندنا

كلمة واحدة تشبه الفاظنا وهي البشكير يعني فوطة نحن كذلك نقولو بشكير

merci beaucoup karim

FOUZIA غير متصل قديم 06-09-2008 , 02:14 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#5  

إقتباس:
المشاركة الأصلية بواسطة الضبع

الله يعطيك العافيه سباي على هالترجمه المفيده لبعض كلاماتكم الحلوه

بس هالعباره البيارة= المزرعة يبيلها قعده مقعده


الله يعافيك حبيب قلبي .... عيونك الحلوين يا ليث انت وحبيبي يا حج

البَيّارَة هيك تلفظ اتأكد انها نفس كلمتكوا ولا لا

spy-kid غير متصل قديم 06-09-2008 , 02:21 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#6  

إقتباس:
عندنا التطلي = المهلبيه << انا بستخدم مهلبيه ومابحب كلمة تطلي


انتي متلي روووووز ما بحب الكلمة وكل العائلة عندنا بتحكي مربى
اما المهلبية فبنحكي عنها المهلبية

إقتباس:
أحنا بنسمي الصرف الصحي ( بيــارهـ ) وانتووو بكرامه ..

اها مشان هيك ابو محمد انصدم من الكلمة هههههههههه
لا هي تلفظ هيك بيّارة بتشديد الياء

إقتباس:
البوز عندنا لما بنقول ضارب بوز = يعني معصب

واحنا بنستخدم نفس المصطلح ومرات بنسخدم جملة لاوي بوزك او مبوِّز وتلفظ امبوِّز برضو بمعنى معصب

شو رأيكم كل واحد يكتبلو كم كلمة هيك على كم جملة بنعمل قاموس رسمي

وهاي شوية كلمات كتبتهم على ورقة عشان ما انساهم

دشِّرني =حل عني= اتركني.... ودشّرو = حل عنو = اتركو وهكذا
دخيل الله : تعبير والمقصود به هو الاستغاثة بالله .. ودخيلك يعني انا داخل عليك وطالب الحماية او المعونه منك
كحتوت = بخيل << بنستخدم كلمة بخيل اكتر بس برضو كحتوت متداولة
صحيح انسيت اقلكم انه القشاط او الزنّار = الحزام بس شكلي كنت مسطّل هههههههههه
الطورية : أداة للزراعة والحفر
الكريك: أداة للحفر
مصاري = نقود
معمول = كعك العيد
السْكّمْبلة = الطاولة الصغير لكن ذات ارجل طويلة نوعا ما ...بتنفع تحط عليها صينية الشاي لمن تكون قاعد مع اصحابك
الشحَّاطة = علبة الكبريت واعتقد في ناس بتستخدمها بمعنى شبشب
أواعي = ملابس
جِلِف = دمو ثقيل = غلييييظ = ما بيضحك للرغيف السخن .... = كلها مصطلحات تعني انه ثقيل الظل

يقطع أهلك = دعاء على المُخاطب بهلاك أهله وتقال لمن يكون الواحد معصب على حدا تاني وقاعد بفِش غِلوو
انقلع = غور = اقلب وجهك

spy-kid غير متصل قديم 06-09-2008 , 02:34 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#7  

إقتباس:
المشاركة الأصلية بواسطة FOUZIA
شكرا لك اخي كريم على الترجمة المفيدة للالفاظ الفلسطينية سوف استخدمها متى التقيت مع فلسطينيين موجودين عندنا

كلمة واحدة تشبه الفاظنا وهي البشكير يعني فوطة نحن كذلك نقولو بشكير

merci beaucoup karim


العفو فوزية
نصيحة جيبي دفتر لانه هالكلمات كتيرة هههههههههههه

دوغيا فوزية

spy-kid غير متصل قديم 06-09-2008 , 02:38 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#8  

احنا كمان بننطقها بتشديد الياء ... بس المعنى مختلف ..

إقتباس:
واحنا بنستخدم نفس المصطلح ومرات بنسخدم جملة لاوي بوزك او مبوِّز وتلفظ امبوِّز برضو بمعنى معصب


واحنا بنقول نفس هاي الكلمات ..

إقتباس:
دشِّرني =حل عني= اتركني.... ودشّرو = حل عنو = اتركو وهكذا


هاي بعرف معناهاا


إقتباس:
دخيل الله : تعبير والمقصود به هو الاستغاثة بالله .. ودخيلك يعني انا داخل عليك وطالب الحماية او المعونه منك



برضووو بنحكيهاا ولنفس المعنى كمان


إقتباس:
صحيح انسيت اقلكم انه القشاط او الزنّار = الحزام بس شكلي كنت مسطّل هههههههههه



فهمتهااا من أولهاااا


إقتباس:
الكريك: أداة للحفر



نفس المعنى بنحكيه


إقتباس:
معمول = كعك العيد


المعمول بنحكيه للكعك اللي محشي بالتمر ... مابعرف كعك العيد عندكم اللي محشي بالتمر ؟؟

جِلِف = دمو ثقيل = غلييييظ = ما بيضحك للرغيف السخن .... = كلها مصطلحات تعني
إقتباس:
انه ثقيل الظل

يقطع أهلك = دعاء على المُخاطب بهلاك أهله وتقال لمن يكون الواحد معصب على حدا تاني وقاعد بفِش غِلوو
انقلع = غور = اقلب وجهك



نفس المعنى كمااااان


الله يعطيك العافيه على هالقاموس ..

روزي غير متصل قديم 06-09-2008 , 02:47 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#9  

إقتباس:
المعمول بنحكيه للكعك اللي محشي بالتمر ... مابعرف كعك العيد عندكم اللي محشي بالتمر ؟؟

اه محشي تمر مطحون وبنسميها عجوه

الله يعافيكِ ويبارك فيكِ
ننتظر قواميسكم يا شطّار

spy-kid غير متصل قديم 06-09-2008 , 02:53 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#10  

ايه واحنا كمان بنحكي عنه عجوهـ

المشكله صعبه اجيب مصطلحات ..

لأن كل منطقه لها لهجه مختلفه فصعب أعممها عالكل ..

لكن راح أحاول ..

روزي غير متصل قديم 06-09-2008 , 02:55 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#11  

انتي هاتي اللي عندك شو بدك في الباقي ....
كل واحد يجيب قواميس منطقته

spy-kid غير متصل قديم 06-09-2008 , 02:58 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#12  

اوكي ياحضرة الإمبراااتووور << فيش بدليات هون

بتحكوها فيش صوووح ولاغلطانه ..


نرجع للموضوع ..

كل ماجت كلمه على بالي بقولها حتى لو مو منطقتنا أوكي


هب لي = اعطيني ( وهذي تبع أهل الجنوب عندنا )

اديني = أعطيني ( وهذي تبع أهل الغربيه عندنا )

زنبيل = باغه =كيس

غثيث = دمه ثقيل

تبطي عظم = لو تموت مابتحصل اللي تبغاهـ

دريشه = شباك = طاقه = نافذهـ

قوطي = علبه ( زي علبة التونه )

حرامي = الفيش اللي فيه ثلاث افياش << ترجمها ماعرفت اشرحها

أتروش = اتسبح = يعني أخذت دوش

قطوهـ = بسه = هرهـ

ديرهـ = قريتك اللي ترجع منها

قراطيس = الغلاف اللي بتكون على الحلويات أو أي شي مغلف ..

بيزهـ = اللي بنمسك بها القدر لما يكون عالنار ..

مصفوق = واحد انضرب وتكفخ


وإذا تذكرت غيرها راح إرجع ..

وين ابداع والضبع يكملووو عني

روزي غير متصل قديم 07-09-2008 , 02:51 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#13  

إقتباس:
بتحكوها فيش صوووح ولاغلطانه

صح بنحكيها فِش عامله زي لفظ كلمة fish بالانقلِش
إقتباس:
اديني = أعطيني ( وهذي تبع أهل الغربيه عندنا )

واحنا مرات بنحكيها اديني او اعطيني

إقتباس:
زنبيل = باغه =كيس

هادي جديدة عليه

إقتباس:
تبطي عظم = لو تموت مابتحصل اللي تبغاهـ

اها منيح انك ترجمتيها هاد احنا بنقول مثلا "والله لو تقف شجرة ما رح اعطيك... او ما رح تاخد او ما رح تعمل ... وهكذا )

إقتباس:
دريشه = شباك = طاقه = نافذهـ

احنا بنستخدم بس كلمة شباك لكن بتذكر سِتي = جدتي كانت تحكي مرات عن الشباك طاقة

إقتباس:
حرامي = الفيش اللي فيه ثلاث افياش << ترجمها ماعرفت اشرحها

هههههههههههههه
قصدك مقبس الكهربا او الفيشة ؟؟
ولا الإبريز اللي بتدخل فيها الفيشة ضيعتينا معك هههههههههههههههه

إقتباس:
أتروش = اتسبح = يعني أخذت دوش

هادي عارفها احنا بنحكي عنها اتحمم او أخدت دوش بس في فرق بسيط بين الاثنين انه اتحمم عندما يعني دوش طويل يعني بتاخد فترة اما الدوش ما بياخد الا دقايق
إقتباس:
قطوهـ = بسه = هرهـ

هادي عارفها كمان عندنا بس بنستخدم كلمة بسه

إقتباس:
قراطيس = الغلاف اللي بتكون على الحلويات أو أي شي مغلف ..

عندنا بنسميه جلاتين ويلفظ إجْلاتين للمفرد اما الجمع جَلاتين عادي

يعطيك العافية على هالقاموس الحلوووووو
شو رأيكم نغير اسم الموضوع للهجات وقواميس او شغله من هالنوع ؟؟؟؟؟؟؟

spy-kid غير متصل قديم 07-09-2008 , 05:06 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#14  

والله الموضوع صار حلوو ..

إبداااع بو محمد فوزيااا وينكم يلا شاركونااا

الحرامي

اممم

بتعرف لما بيكون عندك في الجدار إبريز مابيدخل فيه غير فيش واحد ..

وإنت تبغى تشبك أكثر من فيش .. فشوو بتعمل ؟؟

بتجيب فيش مقسوم لثلاث أفياش أو لفيشين وبتشبكه فيه وبعدين بتشبك الأفياش اللي بدك ..

<< مو عارفه تشرح ..


تدري شكلي بصورهـ وأنزل الصورهـ


والله الموضوع شيق

روزي غير متصل قديم 07-09-2008 , 06:29 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#15  

إقتباس:
والله الموضوع صار حلوو ..

على فكرة صار حلو بمشاركتك اللي اكتر من رائعة
إقتباس:
الحرامي اممم بتعرف لما بيكون عندك في الجدار إبريز مابيدخل فيه غير فيش واحد .. وإنت تبغى تشبك أكثر من فيش .. فشوو بتعمل ؟؟ بتجيب فيش مقسوم لثلاث أفياش أو لفيشين وبتشبكه فيه وبعدين بتشبك الأفياش اللي بدك .. << مو عارفه تشرح

خلص عرفته ... كنت شاكك فيه من الاول
احنا بنسميه إشْتِكَر أو مثلث الكهربا

جاري تحضير بعض الكلمات ....... صرت وانا بحكي مع أهلي أدقق في الكلمات عشان اجمعلي كم كلمة

spy-kid غير متصل قديم 07-09-2008 , 06:37 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#16  

إقتباس:
المشاركة الأصلية بواسطة spy-kid
على فكرة صار حلو بمشاركتك اللي اكتر من رائعة

خلص عرفته ... كنت شاكك فيه من الاول
احنا بنسميه إشْتِكَر أو مثلث الكهربا

جاري تحضير بعض الكلمات ....... صرت وانا بحكي مع أهلي أدقق في الكلمات عشان اجمعلي كم كلمة


تسلم لي والله ..

بس فكرتك خرندعيه

كويس إنك عرفته ... مع إني شاكه بشرحي لأني مابوصل المعلومه بسرعه ..

<< بتعرف حالها

وأنا كمان راح أحضر لي كم كلمه ..

روزي غير متصل قديم 07-09-2008 , 06:48 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#17  

خرندعية ؟؟؟ ههههههههههه شو يعني ؟؟
لا كان شرحك في المرة التانية واضح
خديلك هالكلمات الجديدة هههههههههههههههه
معصلق = مزرقن = مو راضي يفتح وهي في الاساس تقال للقفل لمن يكون مو راضي يفتح .... وبتنحكي كمان عن الشخص لمن يكون مخو متل القفل او مو مقتنع بكلامك او ما بدو يسمع الكلام او يتفاهم
نِتْفِة = نفس معنى نونه = يعني شوي
مواسرجي = السباك تبع المجاري وحنفيات المي
افتح مخك وطقطق دنيك = ركز معي الله لايسيئك
تلقيحه = واحد رامي حالو علينا
صُك ع الموضوع = يعني سكر على الموضوع
برتقان = برتقال هههههههههههههه
إنجاص = كمثرى والمفرد إنجاصه
زِبدية = صحن مصنوع من الفخار
قصّافة = يعني قلاّمة الأظافر
مستهلسك او مستوطي حيطتك = يعني مش معبرك او مقلل من قيمتك
بِتمِز = يعني بتغيظ يقال انت بتمز الواحد يا زلمة = يعني انت بتغيظ الواحد يا رجل
ريحة = يعني عطر
بنكش راس= بمزح او المعنى الاقرب بتمسخر يعني مثلا بنكش راس عليك = يعني بتمسخر عليك بقصد المزاح (طبعا بين الاصحاب لانه الكلمة ثقيلة شوي ما بنفع تقول لأبوك بنكش راس عليك بلكي طردك من الدار ههههههههههههه )
بلكي = بركي = بلكِن = بركِن =بلكَضن = بركَضن .... كلهن بنفس المعنى اعتقد اقرب كلمة الهن لعل

spy-kid غير متصل قديم 07-09-2008 , 07:16 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#18  

إقتباس:
المشاركة الأصلية بواسطة spy-kid
خرندعية ؟؟؟ ههههههههههه شو يعني ؟؟

هاي كلمه سمعتها في مسلسل جميل وهناء الجزء الأول .. وكانوا رفيقاتي سوريات بيحكوهاا

بمعنى إنك جبت شي مو عالبال ولا عالخاطر ..


لا كان شرحك في المرة التانية واضح

الحمدلله .. في أحد فهم مني


خديلك هالكلمات الجديدة هههههههههههههههه
معصلق = مزرقن = مو راضي يفتح وهي في الاساس تقال للقفل.... وبتنحكي كمان عن الشخص لمن يكون مخو متل القفل او مو مقتنع بكلامك او ما بدو يسمع الكلام او يتفاهم

معصلق برضه بنحكيهاا .. بس شكله أحنا السعوديين الوحيدين اللي بنحكيهاا .. لأن أغلب معارفنا من جنسيات مختلفه .. فبنلقط منهم حكي بيضل معنا العمر كلوو
:
صُك ع الموضوع = يعني سكر على الموضوع


أحنا بنقول قفل عالموضوع ..


برتقان = برتقال هههههههههههههه

ايه عندنا أهل الجنوب بيحكوا برتكان .. وأهل الشمال برتقان ... وأهل الغربيه برتكانه ..

بس انا بحب اقول برتقاله .. لأني لما اسمع كلمة برتكانه أضحك


زِبدية = صحن مصنوع من الفخار

أحنا بنحكيها للصحن اللي بيكون عميق والمصريين بيسموها سلطانيه .. وفي الرياض يسمونها غضارهـ ..


ريحة = يعني عطر

المصريين بيحكوا ريحه كمان ..

بنكش راس= بمزح او المعنى الاقرب بتمسخر يعني مثلا بنكش راس عليك = يعني بتمسخر عليك بقصد المزاح (طبعا بين الاصحاب لانه الكلمة ثقيلة شوي ما بنفع تقول لأبوك بنكش راس عليك بلكي طردك من الدار ههههههههههههه )

كلمة بنكش عندنا يعني بيدور أو بيفتش على شي .. وأنا لما أكون معصبه وأبغى أرفع ضغط اللي قدامي .. بنكشه يعني بحاول استفزهـ

بلكي = بركي = بلكِن = بركِن =بلكَضن = بركَضن .... كلهن بنفس المعنى اعتقد اقرب كلمة الهن لعل

أحنا نقول بلكي وبلكنوو ..

اعتقد السوريين بيحكوا كمان بركدا





والله قامووس رهيب ..


طيب خد هالكم كلمه ..

زفر =يعني أكل مليان دهن ..

مبرطم أو مخنفر أو متكرن = زعلان ..

قول قسم = احلف بالله ..

غرشه = قارورهـ

صفقني الهواء = يعني أخذت برد


هذول اللي على بالي الحين ..

شكلي بركز في حكي أهلي عشان أجيبها هناا

روزي غير متصل قديم 07-09-2008 , 07:33 AM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#19  

إقتباس:
زفر =يعني أكل مليان دهن ..

ما بنستخدم هالكلمة بس بعرف معناها ... اعتقد المصريين بيحكوها برضو
بس في كلمة عندنا قريبة بس مو بنفس المعنى بنستخدم كلمة زِنِخ للريحة اللي بتسببها اللحمة او البيض او السمك .... وهكذا وبتنحكي عن الشخص البارد ايضا كلمة زنخ... مثلا نقول فلان زنخ اي انه بارد لا يطاق
إقتباس:
مبرطم أو مخنفر أو متكرن = زعلان

كلمات جديدة لنج
صحيح لنج = يعني جديد برضو ههههههههه

إقتباس:
قول قسم = احلف بالله

هادي واضحه
إقتباس:
غرشه = قارورهـ

احنا بنحكي عنها قزازه او قنيّة وفي ناس بتحكي عنها قنينة
إقتباس:
صفقني الهواء = يعني أخذت برد

اهااا قريبة علينا هاد احنا بنقول لفحني الهوا او اخدت برد
على فكرة لهجتكم قريبة كتير علينا

ولا زال القاموس يكبر

spy-kid غير متصل قديم 07-09-2008 , 07:52 AM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#20  

ايه بعرف كلمة زنخ ..

وإن شاء الله يكبر هالقاموس ويتربى في عز سوالف

روزي غير متصل قديم 07-09-2008 , 08:00 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#21  

والله موضوع حلو واستفدت منه الشي الكثير ..

انا ماتحضرني الان كلمات لكن لي محاوله اني احط كذا كلمه ..

روزي اغلب الكلمات متشابهه في المملكه يمكن يكون اختلاف طفيف ..

لنا عوده ..

ابداع2004 غير متصل قديم 08-09-2008 , 02:57 PM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#22  

انا جايب لكم كم كلمه

اصفط على جنب = يعني اركن السياره وتقال بكثره من العساكر لتحرير المخالفات بسهوله ويسر

مايعتاز = وتعني مايحتاج مينح وتقال عندما يسألك احد الماره كيف حالك ..

بَحّر عنونك = ناظر او بقق عيونك

افااا = وتعني الاندهاش وماهقيتها تطلع منك وفيه لها معنى ثاني بمعنى انا معك كقول احدهم ابي المساعده ولاني بلاقي من يساعدني فيرد عليه الاخر بقوله افاااا انا عصاك اللي ماتعصاك
^
^
^
اقول ترا لها اكثر من معنى على كذا بيصير مجلد

مير = فعل مساعد لكثيرٍ من الكلمات السعوديه كقول مير الله يسلمك وتساعد الكلمه هنا ياجعل الله يسلمك .. بالعربي الكلمه لها اكثر من موضع واختصار لمعناها فعل مساعد ..

اسك مي = اسألني لاتصدقون بس

سوف اعود بكلمات ثانيه اذا الله اراد ..

ابداع2004 غير متصل قديم 08-09-2008 , 03:51 PM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#23  

إقتباس:
المشاركة الأصلية بواسطة ابداع2004
والله موضوع حلو واستفدت منه الشي الكثير ..

انا ماتحضرني الان كلمات لكن لي محاوله اني احط كذا كلمه ..

روزي اغلب الكلمات متشابهه في المملكه يمكن يكون اختلاف طفيف ..

لنا عوده ..


تكفيني منك هالكلمات الحلوة

إقتباس:
اصفط على جنب = يعني اركن السياره وتقال بكثره من العساكر لتحرير المخالفات بسهوله ويسر

ههههههههههههه الكلمة اصفط ولا اصطَف ؟؟ عندنا بيحكوها صُف على جنب او اركن على جنب او اي جملة بنفس المعنى

إقتباس:
مايعتاز = وتعني مايحتاج مينح وتقال عندما يسألك احد الماره كيف حالك ..

ما فهمت عييييييييييييد

إقتباس:
افااا = وتعني الاندهاش وماهقيتها تطلع منك وفيه لها معنى ثاني بمعنى انا معك كقول احدهم ابي المساعده ولاني بلاقي من يساعدني فيرد عليه الاخر بقوله افاااا انا عصاك اللي ماتعصاك

هدولا بعرفهم منيح

إقتباس:
مير = فعل مساعد لكثيرٍ من الكلمات السعوديه كقول مير الله يسلمك وتساعد الكلمه هنا ياجعل الله يسلمك .. بالعربي الكلمه لها اكثر من موضع واختصار لمعناها فعل مساعد ..

اها منيح انك ترجمتها هادي مرة حكتها الي روزي ففكرتها بتحكي معي هندي

إقتباس:
اسك مي = اسألني لاتصدقون بس

إمحق يا الانقلش << بديت اخد لغة مووو

spy-kid غير متصل قديم 08-09-2008 , 05:36 PM    الرد مع إقتباس
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#24  

طيب هاي شوية كلمات جديدة

مخردَع وتلفظ إمخردع و إمخردعة للمؤنث = والكلمة تعني خربان او مش نافع او متهالك

أزعر ..... للكلمة العديد من المعاني .. لكل منطقة مفهوم مختلف للكلمة عن منطقة تانية .. فمنهم من يعتبرها صفة حميدة والبعض الأخر صفة سيئة ...
فعندنا معناها تقريبا شجاع ..لا يهاب من الإقدام على عمل جنوني حتى لوكانت النتجيه موته ... ولكن اذا قيلت بهذه الصيغة "يتزعرن او بيتزعرن) فمعناها يختلف وتكون بمعنى ان الذي امامك لا يحترمك ويرفع صوته عليك .... ولكلمة أزعر معنى مختلف كليا برضو عندنا وتأتي بمعنى قصير و زعرة للمؤنث وتعني قصيرة ...
للكلمة معاني تانية بس مابعرفها ....

قشّاطة = أخت المكنسة فالمكنسة تكنس الرمل والاوساخ أما القشّاطة فهمي ممسحة للبلاط وهاي صورتها


شُدّيدة = أداة مصنوعه من الخشب او الحديد مربوط فيها مغيّطه تستخدم لقذف الحصو << كنت استخدمها ايام الطفولة لرشق اليهود بالحجارة وبتنفع لصيد العصافير (ما قدرت اجيب الها صورة )

مغيّطة = مادة مطاطية

كُرباج = السّوط

هَيّو = ها هو

ع العافية = ممكن تعتبرها بديلة لكلمة مرحبا

شرد = هرب

طبلية = طاولة بس صغيرة شوي وقصيرة

قبضة = مستحقات الموظف كل شهر يعني الراتب

spy-kid غير متصل قديم 08-09-2008 , 05:43 PM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#25  

إقتباس:
روزي اغلب الكلمات متشابهه في المملكه يمكن يكون اختلاف طفيف ..


عارفه هالشي بس الإختلاف في طريقة اللفظ ..

شُدّيدة = أداة مصنوعه من الخشب او الحديد مربوط فيها مغيّطه تستخدم لقذف الحصو
إقتباس:
<< كنت استخدمها ايام الطفولة لرشق اليهود بالحجارة وبتنفع لصيد العصافير (ما قدرت اجيب الها صورة )


وهي على شكل حرف الواي Y

أحنا نسميها نُبِيــلّــه ..

وأهل نجد يسمونها نُبيطـــه ..

إقتباس:
شرد = هرب

طبلية = طاولة بس صغيرة شوي وقصيرة


وأحنا كمان هيك بنحكيهم ..

روزي غير متصل قديم 09-09-2008 , 05:21 AM    الرد مع إقتباس
المشاركة في الموضوع
صفحة 1 من 4 1 2 3 4 >


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.