العودة سوالف للجميع > سـوالـف الجمـيــــــــع > سوالف الطرائف والكاركاتير > صلاة الفجر وناسة من جد
المشاركة في الموضوع
دمعة لم تجف دمعة لم تجف غير متصل    
عضو فعال جدا في الصحراء  
المشاركات: 633
#1  
صلاة الفجر وناسة من جد
السلام عليكم

لما كنت صغير تقريباً في أول متوسط كان عمري وقتها 13 سنة كنت أصلي الفجر مع ابوي الله يحفظه واخواني بمسجد حارتنا القريب من بيتنا .

وتعرفون المصلين في الفجر يكونون أقل من غيرهم يعني المسجد صف ونصف إلى صفين .

في يوم من الأيام وأنا أصلي بالصف الثاني من جهة اليسار وقدامي واحد لابس قميص نوم تقريباً بالخمسينات من عمره .

جالس اسمع القراءة وانا بحلق براسه . وفجأة ....

أقسم بالله يا جماعة شفت شيء غريب .

كانت أذانه تتحرك ... مو وحده كل الثنتين ، وتتحرك بطريقة متناسقة . كانها فراشة تحرك جنحانها .

نسيت القراءة ونسيت كل شيء وجلست أطالع في هذا المنظر الغريب

وهي كل شوي تتحرك فجأة وتتوقف فجأة

ركعنا الركعة الأولى ولما بدأ الامام بالركعة الثانية واشوفها تتحرك مرة ثانية .... وانا متعجب حتى خلصت من الصلاة ورجعت للبيت انام .

وقبل النوم قاعد أفكر هل هذا حقيقة أو كان يتهيئ لي .

في اليوم الثاني قررت أني اتأخر شوي عن الصلاة علشان اصير بالصف الثاني لاني لو صرت بالصف الأول راح انحرم من متعة المشاهدة

وأدور الرجال بين المصلين وأعرفه من قميصه واروح اصف خلفه

خلص الامام من قراءة الفاتحة وبدء بما تيسر له من القرآن . وأنا مركز بجمجمة هالمخلوق اللي قدامي .... شوي إلا اذانه بدأت تتحرك .

الضحكة كاتمها بصدري وخفت تطلع يقومون يضربون المصلين بعد الصلاة .

لما رجعت للبيت قلت لأمي قعدت تهاوشني وتقول أنت رايح تصلي أو تناظر بخلق الله . قلت لها وش أسوي قالت لا تصلي وراه واذا صليت ناظر بالأرض . قلت لها طيب .


بس كل كلام أمي تبخر في اليوم التالي وفي صلاة الفجر قاعد أدور هذا الرجل كأني أم مضيعه ولدها حتى لقيته . وأقوم أصفط وراه ... لا ومن زود النجاسة اميل راسي يمين ويسار ابغى اشوف شكلها من جنب كيف تصير


استمريت على هذي الحالة شهر ، وكان فيه صديقي من الحارة قلت له عن السالفة ، وصرنا نتهاوش من اللي يصلي وراه


حتى قسم بالله إذا غاب عن الصلاة أحس أني فقدته وأحيانا أصلي خلفه واطلع فيه طوال الصلاة وما تتحرك أذانه

يعني مسألة تحرك الأذان مسألة حظ مو كل مرة تحصل لي .


المهم أني كبرت الآن وتخرجت من الجامعة ونسيته . لكني تذكرته اليوم لاني شفت مقال في مجلة عن أمراض الأذان ومشاكل السمع وكل ما ذكرته أقعد استغفر على ذيك الأيام .

فعلاً وقتها كانت صلاة الفجر وناسة

دمعة لم تجف غير متصل قديم 10-07-2003 , 11:26 AM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#2  

هههههههه

صاير ه الاذن مسرحية هع

يا خي انت عليك حركات عجيبه يوم صحن الفول والحين اذن الشايب

بس ترى يمكن كذا مع قوة الخشوع تتحرك

شكله يطير إذا بغى

أكيد أبوه وهو صغير ماغطهااا له مغط مهو بصاحي

كـيـمـو غير متصل قديم 10-07-2003 , 11:37 AM    الرد مع إقتباس
ملكة الليل ملكة الليل غير متصل    
كاتب فعال  
المشاركات: 1,297
#4  

ههههههههههههه

سالفة رهيبة والله

ملكة الليل غير متصل قديم 10-07-2003 , 12:04 PM    الرد مع إقتباس
© MATCHLESS © MATCHLESS غير متصل    
مبدع فائق التميز  
المشاركات: 5,194
#5  



منت صاحي يا دمعه !!

المشكله ان اللي يشوف شكلك على الطبيعه ... ما يقول هذا دمعه !! :rolleyes:

لانه بيشوف البراءه والطيبه تشع من عيونك <---- امحق عيون

ما يقول ان هالقشاره والعفرته فيك :rolleyes:




خل عنك ...

بس انت شكلك اخذت حقك من الطق !!... الين اذنت للفجر في عزّ الظهر

© MATCHLESS غير متصل قديم 10-07-2003 , 12:23 PM    الرد مع إقتباس
CAMARO4EVER CAMARO4EVER غير متصل    
مبدع فائق التميز البحرين  
المشاركات: 7,488
#6  

ههههههههههههه



هذا الانسان غريب ... يقدر يطير بأذنه .خخ



والله شكلك عفريت يوم كنت صغير .



تحياتي لك .

CAMARO4EVER غير متصل قديم 10-07-2003 , 12:40 PM    الرد مع إقتباس
TOP-SECRET TOP-SECRET غير متصل    
مبدع فائق التميز قطــــــــــــــــــ الخيرــــــــــــر  
المشاركات: 8,154
#10  

إقتباس:
رد مقتبس من a.w.t
لوووووووووووووووول

عجيب



TOP-SECRET غير متصل قديم 10-07-2003 , 03:53 PM    الرد مع إقتباس
حمامه حمامه غير متصل    
مبدع فائق التميز  
المشاركات: 8,528
#12  

عليكم السلام و رحمة الله و بركاته

دمعة لم تجف يمكن هذا اللي طلعلك الطنطل أو السعلووو إحمد ربك إنك صرت ما تشوفه بعد ولا جان ماخذك معاه و طاار فيك

حمامه غير متصل قديم 10-07-2003 , 04:52 PM    الرد مع إقتباس
مرايا مبعثرة مرايا مبعثرة غير متصل    
مبدع فائق التميز في بيتنا  
المشاركات: 6,305
#13  

شكله الرجال الحين ميت واذنه تزززن بقبره

ياخي خل الرجال بحاله

والله انك مشاكل <<== شوفو الادب والنصايح


هق الهاااق


خشم


مرايا مبعثرة غير متصل قديم 10-07-2003 , 05:14 PM    الرد مع إقتباس
سويره الطقاقه سويره الطقاقه غير متصل    
كاتب فعال جداً بلدى الحبيبة المملكه العربيه السعوديه  
المشاركات: 1,999
#14  

بصراحه مشكله الاذن ترى هي طبيعيه لان كثير يسونها مثل الارقوز لما يستهبل بالسرك مو لان هو طبيعه وما ادري عن الباقي
وهي حركه سبحان الله معطيها ناس وما خذها من ناس

سويره الطقاقه غير متصل قديم 10-07-2003 , 05:25 PM    الرد مع إقتباس
شهرناز شهرناز غير متصل    
كاتب فعال فيه أحلى من طيبة الطيبة ؟!  
المشاركات: 1,168
#16  

هههههههههههههههههههه

بصراحه قعدت اضحك وانا اقرأ الموضوع
فعلا قصه رهييييييييييييييبه

شهرناز غير متصل قديم 10-07-2003 , 05:29 PM    الرد مع إقتباس
OoOoOps OoOoOps غير متصل    
عضو نشيط J e d d a h  
المشاركات: 96
#17  

إقتباس:
رد مقتبس من وفوووية
قصة عجييييييبة...


OoOoOps غير متصل قديم 10-07-2003 , 07:30 PM    الرد مع إقتباس
روتي روتي غير متصل    
مبدع متميز جدا  
المشاركات: 4,735
#18  



خلاااص انتظر قصة الاذن العجيبة اللي شفتها انا

قريبا في الاسواق

روتي غير متصل قديم 11-07-2003 , 05:47 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.