بسم الله الرحمن الرحيم
السلام عليكم ورحمة الله وبركاته

بصراحه وبدون مقدمات أنا عندي كم سؤال وما أعرف جوابه

أنا أعرف إن الشيعه ما يحبو السنه وإن عندهم إلي يقتل سني يدخل الجنه زي ما سمعت , سؤالي هو كيف نعاملهم ؟ نعاملهم بكونهم مسلمين معامله حسنه ؟ مع العلم إنو كان معايا في المدرسه شيعه وما كنت أحس منهم شئ كان بعضهم يعاملونا عادي وبعضهم تحس إنهم ما يحبونك بس يجاملون
يا ترى كيف نعاملهم ؟؟؟!!

سؤالي الثاني و إلي هو الأهم عندي

أنا دحين ساكنه في المدينه المنوره وزي ما تعرفو إنها مليانه بالإيرانيين والسعودين الشيعه سواء من الزوار أو الساكنين وهم عندهم المكان إلي بين الحرم والبقيع يجلسو فيه ويجتمعو الساعه عشره بعد العشاء و كل مجموعه مع شيخها يجلسو يبكو ويدعون ويطلبو الشفاعه من فاطمه وعلي رضي الله عنهما(الحمدلله على نعمة المذهب السني ) المهم أنا لاني أحب أستطلع و أعرف اكثر في مذهبهم و إيش يقولو في إجتماعهم أحب أروح عندهم أسمع إيش يقولو و أنا مو مقتنعه بالي يقولونه ومستحيل أتأثر فيهم وما أجلس معاهم أضل واقفه طول الوقت وإذا إنقلبو ناحية الروضه ما أقلب معاهم أو إنقلبو ناحية البقيع ما اقلب يعني اي مكان يقلبو عليه أحاول اكون في الإتجاه المعاكس أو أي إتجاه غير إتجاهم
سؤالي هل علي ذنب إذا رحت عندهم و إستمعت لكلامهم؟ أو هل أكون مشتركه معاهم في هذا الإجتماع ؟ طيب هل ينطبق علي القول بأني أرى المنكر وأسكت عليه ؟ مع العلم إني أروح كل يوم إثنين وخميس و أبويه يتأخر علينا لظروف شغله يعني يجينا حوالي الساعه 11.30

أتمنى إنكم تساعدوني

وجزاكم الله خير

عامليهم بالأخلاق الإسلامية الرفيعة وبالأدب واعلمي أن أذيتهم لا يؤجر عليها المسلم فضلا عن أنه يؤثم ولكن لا ينبغي لك أن تسكتي عن الباطل إذا رأيتيه منهم لذلك خففي من مخالطتكي إياهم واعلمي أنهم كما قلتي يرون أن أذية السني يؤجرون عليها - عياذا بالله من هذا فحتى نحن لا نقول بهذا - واحذري من غدرتهم.

وأما مكوثك معهم والنظر فيهم فإن أقل ما يقال فيه سكوتك على الأقوال الشركية ، وحتى لو كنتي لا تتأثرين ، قد تتأثري بذلك لاحقا ، ثم تذكري أن مجرد وقوفك معهم يعتبر تكثيرا لسوادهم.