صراحة كلامك مؤثر في القلب ومزلزل للوجدان...انا تأملت في كلامك وحاسس ان الحروف تصارعك لتخرج من فؤادك......وهذا ان دل فهو يدل على اخلاصك للصداقة ومعرفة معناها جيدا,لكن...
انا ودي اقول لك حاجة اوكي...
انتي بقدر معزتك لهذا الصديق وحبك له يتضح قدر تمسكك فيه والوقوف معه...انصحك تحاربي علشان ترجعيه مثل ما كان....صدقيني تقدري لكن الخطأ انك تتركيه ينجرف مع التيار....
هو في بداية الطريق يعني الحقي نفسك وحاولي ترجعي المياه لمجاريها...علشان ما تندمي بعدين لو فقدتيه للأبد. هذي نصيحتي لكي.
وابغا اقول لك على حاجة...
بعض الاوقات الانسان يكون عنده ظروف نفسية ومشاكل...يمكن ما يقولها لأحد بس يحاول يعاملها او يعالجها بشي خطأ ممكن يلهيه عن مشاكله...بينما هو اعمى وما يعرف فين بياخده هذا الشيئ الخاطيئ وما يعرف انه بيجرفه معاه لتيار نهايته مأساوية احيانا والعياذبالله
يعني...مثل الانسان المدخن ما يعرف اثر السيجارة عليه الا لمن يطيح الفاس في الراس ويقول له الدكتور رئتك متفحمة او مخروقة او يا لطيف فيه مرض خبيث الله يبعدها عني وعنك وعن كل قارئ لهذه الكلمات وغير قارئ.
المدخن يشعر بسعاده وهو يحرق السيجارة وما يعرف ان النكوتين يتلف اجزاء من خلايا المخ والاعصاب...حال المدخن مع السيجارة كحال صديقك مع الشلة الجديدة اللي بتاخده لعالم غير عالمه.
يشعر بالسعاده معاهم وينسى الامه ومشاكله اذا كان عنده وما يفيق الا لو اخد كف على وجهه يروقه ويصحيه وابغاكي انتي تكوني الكف هذا.....صدقيني اتمسكي فيه ولا تتركيه.
انا كان لي صاحب زي كدة وفي يوم لقيته في موقف ما توقعت القاه فيه ابدا ومسكته ورقعت وجهه ودفست بطنه بعدها عرف ان الله حق وببطء رجع لعقله...بس الانسان لازم علشان يفوق من موقع تجيه حالة منبهة...
مثل اللي يمشي وهو نايم ما يفوق الا لو خبط في جدر او طاح في حفرة...لكن ممكن احد يصحيه....اللي يمشي وهو نايم ممكن يخبط في جدر وينكسر خشمة او يطيح وينكسر جزء في جسمه
يعني حيتعور على ما اظن:rolleyes:
لكن اذا احد صحاه حينتبه
علشان كدة ابغاكي تصحي صديقك هذا وحاولي بقد ما تقدري ولا تيئسي ابدا
والله يوفقك انشالله وتجيبيلي اخبار حلوة
معليش احس اني تحمست في الكلام شوي يعني لا تزعلي على الكفوف والاشياء المكسرة والدعس والرفس اوكي