السلام عليكم ورحمة الله وبركاته

اول شي بقولكم طلبي

انا ابي كاميرا بأوبشن حلو بسعر معقول
الشكل والحجم مو مهم ابدا ابدا

لقيت ثلاث انواع جيده
coolpix s4

DSC-T9

SP-700



في إنتظاركم

اهلا اخوي


في هالفئة من الكاميرات انا انصح بالسوني :-)

الاوليمبوس لمستويات اكبر شوي ,,

النيكون لفئة الـ SLR



بس لين ما تزيد ميزانيتك ,, وتاخذ لك كاميرا تكون احترافية اكثر :think:


والخيار راجع لك

يا هلا فيك اخوي

المشكله انا في هالنوه من الكمرات ما عندي خبره

لكن فيه موقع حلو تقدر تقارن بين الثلاث كمرات

http://dpreview.com/

انشالله تحصل اللي تبيه

يعطيك العافية

يعطيكم العافيه ردين بنفس الوقت مليت وانا انتظر

لكن ماقصرتوا وهذا العشم فيكم

اخوي الأمير الأحمر
لو فرضنا اني بتعلم عليها ولي خبره بالتصوير بكاميرات بسيطه مثل الكوداك 4.0ميقا بكسل وغيرها
ودي اتعلم المانيوال شوي

اهلين بالمشرف
انا شفت بعض المواضيع وكنت تقول ان مالك خبره الى بكاميرات الSLR
لكن لو سألتك بغض النظر عن وجود الخبره او عدمها وش بتاخذ او في شي ثاني تشوفه افضل والمواقع او الأشخاص يمدحونها


تحياتي

ونسيت اسألكم

وين الفرق بين الأوبتيكل زوم والديجيتال زوم
ووشهوا الأفضل

تقريبا كل الكاميرات الي فوق بــ4زوم رقمي
لكن النيكون تزيد عليهم بـ10 اوبتيكال زوم

ولو اخوي هذا واجبنا ..

والله شوف . هذي تعتبر كاميرات للعائلة والرحلات

يعني ما راح تلقى فيها خيارات كثيرة :m:
و الظاهر انته تبي تتعلم على الكاميرا بشكل جدي ,,

فـ خذلك كاميرا تكون امكانياتها اكبر

انا انصحك بـ الـ Canon PowerShot S2 IS


مادري كم سعرها بس ما اتوقع انها تكون غالية جدا

لأنه نزلت اختها الكبيرة S3 IS

وهني تلاقي صور من تصور الـ Canon PowerShot S2 IS



http://www.dpreview.com/gallery/canons2is_samples/

اتمنى انها تعجبك :p

الاوبتيكل زوم يعني زوم بصري ,, يعني العدسة تتحرك علشان تقرب لك الشئ الي تبي تصوره ,,


اما الديجتال زوم فهو زوم وهمي !! يقوم بتكبير الصورة فقط

وكل ما كثرت عمل ديجيتل زوم عالصورة .. قل ريزلوشن الصورة

مثل ما تكبر اي صورة عندك .. كل ما تكبرها اكثر .. تحس انه جودت الصورة تقل

فـ المقياس الاساسي لـ زوم الكاميرات هو الاوبتيكل زوم .. يعني النيكون تتفوق على الاوليمبوس والسوني

وأي اسألة ثانية انا حاظر :p

صور جدا رائعه اتوقع اني سألت عنها قبل شهر تقريبا كانت بحدود ال2100ريال سعودي

تفرق بحدود ال500 ريال عن الي طرحتهم مو مشكله لو كنت بحصل على شي حلو

مشكور اخوي الأمير الأحمر



بإنتظار مشاركات اكثر

هلا أخوي Dodge ..

اسمحلنا تأخرنا شوي عن المشاركة ..
المهم ..

بين الكاميرات الثلاث اللي كنت ذاكرنهم أول شي .. كنت بقول لك الـ Nikon

لكن الأمير الأحمر ضاف خيار رابع ممتاز الصراحة ..
الكيمرا اللي اختارها ممتازة .. وخاصه انه فيها حاصية منع الإهتزاز ..
لأنك بتحتاج الخاصية كثير في تقريب الصور..

وهذا لنك فيه كل مواصفات الكاميرا :
http://www.dpreview.com/reviews/spe.../canon_s2is.asp

واتمنالك التوفيق ان شاءالله في الاختيار

تسلمون جميعآ ماقصرتوا كفيتو ووفيتوا

بسأل عن هذي الكاميرا رغم ان الوكيل بالسعوديه لCanon كثر الكلام فيه بعكس الNikon وكيلها يمتدح بكل مناسبه
لكن سعر الS2 ممتاز ايضآ يجعلها خيار جيد مع قوه مواصفاتها

تحياتي للجميع

كيف حالك خالد

لو كنت مكانك كان أضفت موضوع في http://www.adigicam.com ... أنا ما اقلل من قيمة الأعضاء هنا في سوالف ... لا بالعكس الأخوان فيهم الخير وبركة ... لكن في عرب دجي كام أو اصدقاء الضوء مواقع متخصصة وراح تلقى فيهم الكثير من الأعضاء إلي يملكون أحد هذي الكاميرات ... وبالتلي ممكن يعطونك عيوبها ومميزاتها والأعطال إلي ممكن تواجهها

على فكرة .. ما فكرة انك تاخذ كاميرا DSLR مستعملة ... Canon 350D أو Nikon D50 . D70

:-)

حتى تحس بالفرق بين الزومين .. أوضح لك بمثال ..

الزوم في الهواتف النقالة مثل النوكيا وما شابه .. يوجد في هذه الهواتف ديجيتال زوم ..

و كل ما قربت الزوم فيها تلاحظ الدقة تختفي ..

أما الأوبتيكل زوم وهو في الكاميرات الرقمية .. فهو أفضل طبعا ..

لانه مافي أي فقد للوضوح والدقة في أي مستوى للزوم .. 1x or 5x or 12x

ملاحظة : الكاميرات الرقمية ذات الأوبتيكل زوم يوجد بها ديجيتال زوم ..

بالتوفيق ان شاء الله ..

لو تبي رأي أخوي
ما عليك الا بالالمبيوس هي ملكة الكمرات

السلام عليكم

انا من المهنتمين بالتصوير ولكنني ليس بخبير

لذلك وبعد أن قرأت موضوعك عن افضل كامرة ذهبت وسألت بعض اصدقائي محترفين التصوير بالديجتال.

وبصراحة استغربت جدا لأنهم كلهم قالوا لي

الكامرات الأولى في العالم هي

NIKON

وياتي بعدها

الكانون

وبس.............

اما السوني وكل الكاميرات الباقية فهيم مجرد اسماء ، صحيح ممكن تتفاوت بالمميزات بن بعضها البعض .. ولكن مستواها متاقارب تقريبا

أما النيكون والكانون ،، فهما ينفردان بالصدارة ..

واسأل اي محترف؟؟ :cool:

كلام لا غبار عليه ..

8
8
أظن الماميا والهازبلاد أقوى من الكانون والنيكون لكن الـ $$$$ مشكلة ;)