السلام عليكم

طبعا انا شفت سياره وعجبتني حيل

السياره
مرسيدس شبح موديل 97

تلفون وفاكس وزينون وجلد اسود وميموري للكراسي وستاره خلفيه

sel500

لارج شاصي كبير

ماشيه 133 الف

فيها كل شيء ماعدا فتحه

الموتر نظيف حييييل

وصاحبه طالب فيه 4000 دينار كويتي

والمطلوب منكم

هل السياره جيده هل تعاني من مشاكل او ممكن اواجه مشاكل هل قطعها رخيصه ومتوفره

الرجاء كتابه كل شيء ..هل تنصحوني فيها او لا..هل سعرها مناسب؟؟
تحياااتي

انا محصل 96 بمكتب استعمال الماني اب 5200 دينار

انصحك بالمرسيدس اشتر وانت مغمض

الشبح قطع غياره شوي غاليه لكن في استعمال الماني بشارع الاكسجين بالشويخ تروح هناك وتحصل الي تبي

وماعليك المرسيدس كله مايعاني من اي مشاكل ماعدى 1992 و 1991 الشبح

لكن اهم شيء لون السيارة

وترى الفتحه تنزل من قيمتها وايد

واذا الفتحه مو موجوده احتمال مميزات ااخرى تعوض

مثلاً سنسر وابواب شفط ودفايه وستاره متحركة وكشنات متحركه ومن هالاشياء

عموما اذا عندك صور للسيارة ياليت اتحطها اهني

ياهلا قلبي

اخوي الموتر ابواب شفط وكراسي كهرباء وفيه تدفئه واستاره كهرباء..

بس يقولون خاصه ال 500 فيه مشاكل كهرباء..هل هذا كلام صحيح

والصور موجوده بس ماعندي موقع احمل عليه الصور

ولما ابي ارفع مرفقات يقولي ارور بيج

تحياااتي

عندك هالموقع مركز تحميل خوش : www.9wrcom.com

يسلم اخوي السريع على الموقع

وهذي الصور..










تحيااااااتي

والله مادري شو بقولك عن ال97.....
بس شي واحد 94 بلااااااااااااااااوي الدنيا فيه.....
واكثر شي الكمبريسر وبعض الاشياء الكهربائيه....

نصيحتي.....
دور سياره ثانيه لان الشيح نزل عليه شكلين
.....
السياره ماعليها كلام بس طاف عليها 9 سنين الحين......

90 رد وكم مشاركه بس؟؟؟

الصراحه شيء يزعل..يعني تلاقي اي عضو غيري يستشيركم الف واحد يرد عليه

تحياااتي

آنا أنصحك في السيارة مواصفاتها ممتازة جداً

لكن عاد البترول الله يعينك في ناس على 320 و يقولون صرفية قاتلة

و سعرها أحسه ممتاز

و لكن سو فحص و مش السيارة و شوف عند جميع طرق الإستعمال إذا اتطلع فيها مشاكل

و توكل على الله و نصيحتي يستاهل << مادري عن مشاكلها

الغالي اذا السيارة داخله مخك اشترها واتوكل على الله وما عليك من كلام اي حد

سعرها حلو

جم ماشي الموتر ؟؟

اوكي توني اشوف كلامك فووق

والله الموتر استخدامه حلو ومواصفاته بعد حلوه بس نفس ماقالو الاخوان شوي لك عليه بالبنزين

والله يوفق الجميع

دام انت مقتنع فيها لاتتردد

بالنسبه لي احب السياره تكون جديده هذه السياره صج حلوه وفيها كل شي بس صار لها 9 سنين وانت تحط احتمال ان ماتواجه مشاكل ومافي ضمانات


عموما اهم شي تسوي الشي الي انت مقتنع فيه

السلام عليكم

ياشباب كل الي سألتهم يقولون وخر عن هالسياره ومشاكلها

حتى في واحد اعرفه راعي كراج يقولي وخر عنها..

بس شرايكم بالحوت s500 99 او 2000

الصراحه احب الحوت انا..لكن هل صرفيتها ممتازه

وكم تسوا هالموديل بالدينار الكويتي..وشنو مشاكلها..يعني راح ارتاحلها..؟؟

والى كل مستخدمين هالسياره الرجاء الرد

تحيااااااتي

س : سؤال

اللي قالك وخر عن هالسياره ... هل هو شخص مجرب و الا حيا الله ؟؟


السياره من أروع ما يكون و قليله جدا مشاكلها و قطع غيارها عندنا هنا في السعوديه أرخص من قطع النيسان و الهوندا و و و و ....الخ

التكييف فيها ممتاز
الراحه ما عمري جربت موتر أريح من الشبح
الرساوه رساوة مرسيدس المعهوده
مشاكل :

انا أبي أعرف اللي يقول بلاوي و مشاكل هل هو مجربها ؟؟
طيب عطنا مثال واحد على المشاكل اللي تجيها

الموتر عادة يكون فيه هيدروليك خلفي خاص بالحموله و لا تخاف منه أبدا لأنه أفضل و أكثر تطور من اللي كان موجود على ال W126

على العموم

انا ما أدري وش أقول و وش أخلي

انت اسأل و ان شاء الله بتلقا اجابات شافيه

حاجه أخيره

تلافيا للوقوع في المشاكل

افحص الامور التاليه في السياره

منظم البخاخات - الجير - الدفرنس - المكينه - الهيدروليك - و نظام التبريد

الامور هذي ان طلعت سليمه فاعرف ان الموتر ان شاء الله بيعيش معك عمر :-)

ياخي كفاية الشعار الي على الكبوت

المرسيدس ماعليه كلام

والخراب طبيعي لكن راحتها ورساوتها على الخط وهيبتها تستاهل ادفع عليها

ولا اشتري سيارة ثقيلة دم مثل المديلات الجديده بس عشانها مديل جديد

انت ارض نفسك وتوكل على الله واشتر السيارة

شكلها واقفه بالساالمية

راعي الكراج اكيد يقولك ابعد عنها

لأنك لو اشتريتها وطلع فيها مشكله مثلاً اكيد راح تقول ورطني فلان وفلان

هذي مرسيدس تعرف شنو مرسيدس؟

مثل ماقال اخوي شنو اقول شنو اخلي

احيانا تحس انها انسان مو سيارة من كثر ما انها فاهمه صاحبها

السلام عليكم

اخوي الشخر الي عنده كراج يقربلي من بعيد وعن تجربه

وايقول انه ال 320 مافيه مشاكل..

بس الوالد يحب السيارات القويه والصرفيه الحلوه..

يعني انا الحين اسأل عن الحوت s500
موديل 99,2000

شرايكم كيف صرفيتها ومشاكلها..يعني راح ارتاحلها..؟؟

طبعا انا بنفس الوقت ادور على بي ام 540i

تحياااااتي

شوف اخوي

1997 و 4000 دينار اشوف سعرها شوي غالي

هذا بالنسبة للسعر


الشبح ومشاكله

انا ماشفت شبح في الصناعية عندنا في العين مع انها كثيرة الحضور في الشوارع
والحارات
يمكن نادراً بعد اذا واجهتك مشكلة بعيد الشر عنك كومبريسور فقط
نادراً بعد

لاني وايد ناس بروني عن الشبح
صراحة لو ماشرولي اهلي الكيا كنت بشتري واحد صراحة وايد داخل مخي

والحلو فيه انه مش معقد مثل السيارات الجديدة
كل شي امامك يعني تقدر تلقى العطل وين يكون


هذا بالنسبة للخراب والمشاكل


قطع غيار المرسيدس معروف رخيص على غرار البي ام غالي وايد


والقطع دايم متوفرة في المحلات والصناعية


توكل على الله لو ينزل لك السعر شوي مرة خذها وما عليك من كلام الناس

مرسيدس راااااااااااااااااحه لآبعد الحدود وكمان 500 شي فظيييييييييييييع نوكل على الله

وبعد ماتاخذها عليك بالتلميع الساطع

ولاتنسى الذبيحه سلالالالالالالام

تعرف وش اللي يخرب الكمبرسر ؟؟

فيه وضعيتين أو ثلاث وضعيات للتبريد

وضعيه Economic يعني اقتصاديه يشتغل الكمبرسر بأقل مجهود ممكن و هي كويسه في الاجواء المعتدله و من حيث انها أخف صرفيه للبزين و تحافض على عزم السياره

وضعيه عاديه و يشتغل الكمبرسر عادي جدا مثل أي سياره ثاينه

و وضعيه عاليه للكمبرسر و في هذي الوضعيه الكمبرسر ما يفصل أبدا و يظل مشتغل على طول و لأن أكثر الناس يستعملون هذي الوضعيه فطبيعي ان الكمبرسر يخرب لأنها أساسا وضعت للظروف الصعبه يعني للأجواء الحاره جدا و هذا ما يعني انه تخليه مشتغل على الوضعيه هذي على طول تشغله على الوضعيه هذي مؤقتا و بعدين ترجعه للوضع الطبيعي

و تبي تريح رأسك من كل هذا استعمل ال Auto Climet أريح لك و أضبط

اي و الله في ناس تعطي كلام من الجيب و تألف تأليف من الخيال

الكرايسلر قالوا عنه معقد و فيه مشاكل كهرباء و الصرفية قاتلة :sss:

و قالو إن ثباتها أخس من الكورولا :blink:

طلع كل شي بالعكس و النت أفضل دليل لأنه المجربين يحطون صور المشاكل و حلولها و كل شي بأدلة بدون كلام تأليف

و آنا أقولك توكل على الله و خذ السيارة

للأسف السياره راحت..

بس يا اخوان قريبي راعي كراج وهو ناصحني وايقولي ال 320 مافيه مشاكل بعكس ال 500

وهذا مافي سياره الا جربها..

لاكن الوالد حاليا حاط عينه على حوت..موديل

99 او 2000

شرايكم بالحوت بما انه الشبح صار قديم

وبنفس الوقت حاط عينه على بي ام 540i
وهذا عن تجربتنا للبي ام..والصراحه سياره مريحه جدا وماتشتكي من شيء

تحيااااتي

أبوي عنده 320 1997

من طلها الوكالة ما رجعت الوكالة إلى 160000 يعني فوق 100 ألف

طبعا فول سيرفس ب 3500 درهم

طبعا إستخدام هاااااااااادي

الحينة ماشاء الله ماشية 190000

بس صرفيتها غريبة مادري يمكن لأن سواقتي غلط :blink:

المهم السيارة حللللللوة ومريحة لأبعد الحدود

وأخرر نصيحة ...... إستخير وإن شاء الله يكتبلك الخير

سلااااااااااام

ال BMW انا أقولك من هالحين ابعد عنها و عن غثاها لأن لو في المرسيدس مشاكل فمشاكل ال BMW مشاكل بالهبل و زود على كذا قطع غيارها نااااااااااااااااااااااااااار و ما تلقا أحد فاهم في ال BMW الا الوكاله و عساهم بعد يعرفون يضبطونها


المرسيدس ال 99 و ال 2000 جيد و مواصفاته ممتازه و لكن

الموتر يحتاج عنايه فائقه و لا يصلح أبدا لاستعمال المتهورين لأن مساعدات الهيدروليك الاماميه فيه فقط ب 8000 ريال :knight: و هذا مجرد مثال

اخوي اعذرني على كلامي..لكن احنا عن تجربتنا للبي ام لاحظنا انه خراباتها قليله وقطعها رخيصه..وعندنا بالكويت بالشويخ مشاء الله وايد يعرفون للبي ام..

كان عندنا سياره كرفناها كرف لي 180 الف..ومانمشي فيها عدل..حوالي 20 كين داون باليوم..يعني نضغط على الدواسه بالكامل من سرعات منخفضه ومرتفعه ونمشي فيها حوالي 160 وفوق..وما اشتكت من شيء..

لكن قدر الله وما شاء فعل راحت بحادث على سرعه 180..والحمد لله السلامه والامان الي بالبي ام شاف شغله..ومافي اضرار بالمره..

تحيااااااتي

طيب وش رأيك اني مجرب BMW موديل 97 راعيها نسيبي كان فاكها وكاله .. المهم السياره ما كملت 100 الف كيلو مسكنا بها خط انفجرت خراطيش الرديتر كلها فجأه و بدون أي سابق انذار طبعا كانت 740 ... الكمبيوتر خرب مرتين ... المساعدات خربت 5 مرات في أقل من سنتين و مساعدات ال BMW في هذا الموديل كانت كهربائيه و سعرها غالي جدا ... الكمبرسر خرب مرتين و غيره في الوكاله ... جتها صدمه في الباب الأيمن الخلفي كلف تصليحها 18 الف ريال

و واحد من الربع الله يذكره بالخير كان بعد فاك BMW 750IL من الوكاله موديل 99 السياره ما كملت 5000 كيلو و مكينتها جيمت يعني خبطت و حنا على طريق القصيم و باعها على طول

طبعا انا ما أعتبرهم مقياس و المسأله قبل كل شئ حظوظ و توافيق من رب العالمين..... و لكن انت تقول ان قطع ال BMW رخيصه طيب أبي أمثله منك و لا تفهمني غلط انا ما أقصد انك كذاب أبدا و لكن عشان أقارن بين اسعار قطعها عندكم و عندنا و نقارن معهم قطع المرسيدس