نعم الحملة المرورية والمخالفات الي سجلوها على شباب القبعات جابت نتيجة...الحين تمشي بالشارع 120 حالك حال كل الناس (طبعاً فيه استثناءات) اول كنت تمشي على المطار او الدايري وهم طرق تعتبر سريعة...ويجيك راعي كامري يمشي 200 وياليتها على سنع..متمسك بالدرقسون ماعنده ماند جدتي
لو يهوز عليه واحد من المسار الي جنبه بمساره ماعرف يتصرف واعدم نفسه والي حوله
إقتباس:
المشاركة الأصلية بواسطة الشبابي
التفاتيش مكانها معروف والمطلوبين امنيا مايمرون منها وسببت الربكه والزحمة خصوصا عندنا بجدة .. اضافة الى ان تعاملهم سئ نوعا ما ، وكذلك اراهم احيانا جالسين و الناس تمر من عندهم بدون تفتيش .. طيب ليه يسوون تفتيش ويعطلون العالم دام مالهم حاجه ؟؟؟
اخوكم الشبابي
|
وبالنسبة لرد اخونا الشبابي ترا التفاتيش ماهو الغرض منها المطلوبين امنياً...الغرض منها الاحياء الي جنب الشارع الي فيه تفتيش تلقا المباحث يشخلونها شخل لان المطلوب بيمر فيها عشان ينحاش من التفتيش...وبالنسبة للتفاتيش الي يمرون من قدامهم العالم ومايفتشونهم اعرف انهم يبون نوع معين من السيارات...مثلاً يدورون راعي كرسيدا..يتركون كل العالم ومايفتشون الا نوع معين من الكرسيدات الي مطابق للبلاغ الي عندهم
ونقاط التفتيش المزروعه بشكل مستمر ترا لها فائدة عظيمة...لنفترض انه صارت مشكلة في الحي جنب نقطة التفتيش...مهما كان نوع المشكلة تدري انه لو تبلغ نقطة التفتيش وتطلب فزعتهم مايخلونك؟؟؟ حتى لو مو اختصاصهم ترا يفزعون لك .... (الا في حالة انه الافراد الي بالنقطة من طقة جيل الحبوب الي ياكلون حبوب ويستلمون الدورية هذا شي ثاني
)
انا الي اشوفه جاب نتيجة فعلاً الرادار على الشوارع الرئيسية والبوليس السري الي على سيارات عادية مثل الهونداي وغيرها
والله ياجماعة الخير اذا طلعت برا المملكة سواء على سيارتي او سيارة مستاجرها (لاني ما اثق بالليموزينات هناك نصهم سكارى
) ياناس اشوف نظام غير وتقيد فعلي بالانظمة نابع عن ثقة مو خوف من العقاب :eek: مدري متى نصير مثل الكفار بنظامهم وحنا المسلمين ودينا يملي علينا احترام الغير وعدم مضايقتهم (وسواقة الشعب السعودي اكبر دليل على الاحترام والعقل
)