العودة سوالف للجميع > سـوالـف الجمـيــــــــع > سوالف الطرائف والكاركاتير > واحد يخون خويه
المشاركة في الموضوع
قصيمي وافتخر قصيمي وافتخر غير متصل    
عضو جديد  
المشاركات: 13
#1  
واحد يخون خويه
بدت القصة لما كان سعود يدق على صديقه خالد ودار بينهم هذا الحوار:

سعود:هلا اخوي خالد0.شلونك
خالد:الحمد لله وشلونك انت
سعود:بخير الله يسلمك ويرضا عليك الا ما ودك تطلع معي للدمام بودي اختي نورة لخالتي ونروح بعدين للبحرين وش رايك0.
خالد:والله فكره بس احراج معنا اختك
سعود:لاااااااا ابد مافيها احراج ولا شي بعدين اختي نورة مثل اختك
خالد:طيب اتكلنا على الله

وطبعا نورة هذي كانت تموت بخالد فركبت وراه بالسيارة وكتبت بورقة
(خالد انا احبك كلمني على رقم ××××)
واول ما ركبت قامت وحطتها بيد خالد بدون ما يحس اخوها

المهم خالد يقول في نفسه: والله احراج اخوها جنبي وهو اعز اصدقائي وتبيني اكلمها صدق قليلة ادب

طبعا البنت ما اعجبها ان خالد ما رد قامت تنغزه وتسوي له حركاااات
وهو يروح يمين وهي وراه ومسكين يروح يسار ويبعد عنها وفي نفس الوقت طبعا ما يبي يحسس اخوها
ان في شي جالس يصير عشان ما تصير مشكلة وكارثة .....
وشوي والا خالد صرخ في وجه سعود وقاله وقف
رد عليه سعود وقاله سلامات خير ان شاء الله
خالد انحرج ما يدري وش يقول .....وقال لسعود وقف وانا اسوق مكانك لا تودينا في داهية
قام وبدل مع سعود سواقة علشان يبعد عنها
الا ان نورة (ان كيدهن عظيم ) قالت لاخوها وقف السيارة شوي بروح للدورة
وفعلا وقف ونزلت وبعدين رجعت ركبت لكن من جهة خالد ورجعت لحركاتها والولد صبر لين وصلوا للدمام
ولما وصلوا لقوا خالتها رايحة برى البيت
راحوا لفندق وما لقوا الا جناح واحد فاضي فحطوا نورة في غرفة مستقلة وافصلوها بستارة وخالد وسعود في الغرفة الثانية
دخل خالد يبي ياخذ دش الا يجي سعود ويقوله انا بروح الحين اكمل اجراءات الفندق واجيب العشاء
ارتبك خالد وقاله لا تتاخر
طول سعود تحت وخالد منتظر داخل الدورة ما يبي يطلع خايف من نورة لا تسوي شي معه
وراحت نص ساعة وساعة وسعود ما رجع فقرر انه يطلع من الدورة ويصك الغرفة على نفسه
اول ما فتح الباب والا الموبايل حقه يرن رنة رسالة والثانية وراها فاخذ الموبايل وقرا الرسالة لقى فيها
(حبيبي خالد معاك نورة ممكن تجي الغرفة عندي سعود يبي يتكلم وياك ضروري )
اول ما قرى الرسالة ويروح جري على غرفته ويفتح النور ويفتح النور ويلقى واحدة جالسه على السرير ومغطية وجهها
خالد ما يدري وش يسوي وقعد يسب ويلعن ويقولها يابنت خافي ربك انتي ما تستحين اخوكي معانا وانا وياه اصدقاء يعني تبين تسوين فضيحه
قامت وحضنته وبهذي اللحظة دخل سعود
في هذه اللحظة وش تتوقعون ردة فعل خالد
وكيف موقفه قدام سعود
وشلون يشرحله
وهل ممكن يصدقه
المسكين خالد انخبص عقله واغمي عليه
ويقعد سعود ونورة يضحكون ضحك سنة بساعة ويحاولون يصحون خالد ويحاولون يقومون فيه

ويقولون له قوووم قوم ما فيه لا نورة ولا شي طبعا اخت سعود مو بنت هذا واحد من الشباب بس لابس عباه ومسوي نفسه بنت عشان يسةي مقلب ومسكين خالد اكله اكل




لو كنتو مكان خالد اوسعود وش كنتم بتسوون


تقبلوا تحياتي وارجوا انه يعجبكم الموضوع

قصيمي وافتخر غير متصل قديم 28-10-2007 , 10:51 PM    الرد مع إقتباس
amazing girl amazing girl غير متصل    
عضو جديد  
المشاركات: 3
#2  

ههههههههههههههههههههههههههههههههههههه

روووووووووووووووعه القصه ومقلب ولا احلى .....

بس زين طلع فيها شريف الولد وماعنده ذا السوالف ....


وانا مااقدر اكون مكان خالد او سعود ....يمكن نوره الا اطلعت في الاخير واحد من الشباب ....


يسلمو اخو قصيمي .....


تقبلوامروري

amazing girl غير متصل قديم 29-10-2007 , 05:08 PM    الرد مع إقتباس
عمرTarga عمرTarga غير متصل    
عضو شرف بالبيت :)  
المشاركات: 3,726
#3  

ياحبيبي خليتني أعيش الدور من صج


بس والله خوش قصة وتسلم الايادي

عمرTarga غير متصل قديم 31-10-2007 , 01:16 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.