باللوح يكتب من تحبه وتغليه
واحلى قدر يوم انكتب من نصيبي

النادر اللي ماخلق من يحاليه
مني قريب اقرب من اقرب قريبي

سكن هواه بخافقي واستمر فيه
ماغاب في قلبي ولا ارضى يغيبي

خل ٍ يماشيني ولا اخلف مماشيه
انا حبيبه واشهد انه حبيبي

من بد كل الخلق فكري يناجيه
خل وحبيب وفوق هذا طبيبي

عنده عطاش القلب تروى ظواميه
ويطفى لظاها النار لو هي شبيبي

لبيه حاضر كلمته يوم اناديه
امر وسم الكلمتي... يستجيبي

مالحق جزاه الخل ياكيف اجازيه
لاشك صعب اجزاه صعب ٍ صعيبي


نايف الاول
=========

الله الله ...الله
.
ايش الحبيب العسل هذا يا نايف الأول ,,,,
.
الحين اقدر اقول ..يستاهل حبيبك ابياتك ..المصورة بأدوات الروعة
.
...مشاء الله عليك ..هندسة ابيات ...شاعر كبير مثلك
الف شكر ..
اتحفتنا برائعتك

------------------
اخـــــــــوك
وردالـشـمال
waard@ayna.com

اخوي الغالي ورد الشمال...الله يسلم راسك من الشر دايم ويبقيك...

وشفت المحبوب ..مامثله...وعزالله انه يستاهل الروح....وشكرآ على
جميل اللفظ اللي اعتبره وسام من اخوي...وان كنت اشوف قصيدي اقل
من ان يحظي بمثل هالوسام والكلام الطيب...تسلم والله..ودامت الاخوه
بين الجميع.....

اخوك نايف الاول
==============

مرحبا نايف الاول
وصح لسانك يا الشاعر
بالفعل قصيدة رائعة من شاعر رائع نتمنى له كل
خير ومستقبل
ولك تحياتي
اخوك

------------------
فيصل العرب

حلوووووووو جدا ..


"
باللوح يكتب من تحبه وتغليه
واحلى قدر يوم انكتب من نصيبي "



تحياتي ..

الأخ نايف :
ماهي غريبه منك مثل هذي الأبيات ، وأعذرني أني زودت هذا البيت بنفس القافيه


ياناس أنا ودي عن الخلق أخبيه **** وودي يعرف الناس من هو حبيبي

هلا بنايف
عزالله انه يستاهل
اللي هذي اوصافه
صح السانك
وهذا اللي تعودناه منك ولا هوغريب عليك

------------------
مغلق حتى اشعااااااااااااار آآآآآخر
للتحسيناااااااااااات

جميل والله
هذا القلم الجميل

مع تحياتي لك

هلا بفيصل العرب..وصح بدنك...ومشكور على جميل اللفظ....

هند...شكرآ لزيارة اختي لصفحة اخوها المتواضعه..تحياتي وتقديري لك.

اخوي الساري...مشتاق لك يالطيب...وتسلم على الزياره..وعلى بيت الشعر.

الشاعر الكبير الحفار..ياهلا بوجود اسنك الكريم...وصح بدنك.

كوايت...شكرآ على الكلام الطيب...وعلى رفع المعنويات لكتابة الطيب
من القصيد..مع كثير الاحترام...


اخوكم نايف الاول
===============