العودة سوالف للجميع > سوالف شخصيه وثقافيه ادبيه > سوالف الأدب والثقافة > ضـــيّـــعـــت ثـــنـــتـــيـــن .. مستـــقبل ومــحــبـــوبـــــه !؟
المشاركة في الموضوع
F15 F15 غير متصل    
عضو نشيط جداً  
المشاركات: 294
#1  

ضيّعت مستقبلي من شان محبوبه … واليوم راحت لأبو المستقبل الزاهر
ضيّعت ثنتين .. مستقبل .. ومحبوبة … وياكُبْرها يا ملأ جرحين في خاطر
لو كلّ عاشق لقى شفةَّ ومطلوبة … كان البلد ما خلق فيها ولا شاعر!
يا قلب وش فيك ما تعزم على التوبة !؟ … مادام من حبّ وأوفى في الهوى .. فاجر!
خل الهوى العفّ .. وأول وآخر ذنوبه … وارحل وهاجر ترى يرتاح من هاجر
خلّ الهوى يا خفوقي .. ما أنت من ثوبه … خلّ الهوى .. ما أنت لأوجاع الهوى قادر
خلّ الهوى .. دام ما زانت لك دروبه … وأصبر ترى الصبر حَلوى في فم الصابر
يا قلب .. (عمري وعمرك) .. للأسف نوبة … لا تصرف اللي بقى في الموقف الخاسر
محبوبك .. أهله تواصوا به وضحّوا به … باعوه بيعة ردى والمشتري .. تـاجر
لفّوه .. في ثوب حتّى ضاقت جنوبه … وزفوه في مشهدٍ ما يسعد الناظر
بغى يعاند .. لكن خانه أسلوبه ... " لأنه مسكين لا ينهي ولا يأمر "
ويا قلب .. كانك تحبه لاتجي صوبه … حافظ على سمعته .. من هرجة الصاغر
ومادام دونه رماح الموت منصوبة … فأحذر من القرب .. وأحذر غلطة الشــــاطر
باكر .. يقولون (F15 ومحبوبة ... وافين .. وافين .. لكن حظّهم عاثر )!
روحين مستسلمة للأمر .. مغلوبة … يا ويله .. القلب .. و( المتمرد الفاجر )!
باكر .. إلى لآن قلب الصخر والطوبه … باكر يعوّد لنَفس الدار .. من سافر
يا قلبي أنفاسنا في العمر محــــسوبة ... وأخاف نفنى وباكر ما يجي باكر!!!!

أتمنى أن تنال رضاكم واستحسانكم … مع خالص حبي وتقديري
F15

صـــوره من الماضـــي ..


F15 غير متصل قديم 12-04-2000 , 10:13 AM    الرد مع إقتباس
الساري الساري غير متصل    
عضو نشيط  
المشاركات: 79
#2  

الأخ F15 :
القصيدة حلوة والله يعينك
مسكين من مثلكم ضاعت به دروبــــه **** عز الله إنك وفي وتكسر الخاطــر
هذي طباع البشر ولا هي أول النوبه **** ياكم صريع تلقى طعنة الغادر
وعساك يارب تسهل له بمحبوبــــــه **** تعوضه عن عذاب الهـوى الغابـر

الساري غير متصل قديم 12-04-2000 , 06:09 PM    الرد مع إقتباس
F15 F15 غير متصل    
عضو نشيط جداً  
المشاركات: 294
#3  

اخوي الساري .. مشكور على التواصل .. والله يسمع منك يـــــــــــــا رب ..

F15 غير متصل قديم 17-04-2000 , 09:45 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.