مقدمه
الشباب والشابات الجدد اللي كل شوي واحد منهم داخل ومسجل وفي النهايه يقول تراني مااعرف احط الصوره
وعشان كذا ألفت هذا الكتاب
الله ينفع به من كتبه ويجزاه خير ويستر عليه ويزوجه ويدخله الجنه
قولوا آمين
أووووه نسيت
ومن قرأه كذلك
الباب الأول :صوره لها عنوان في الانترنت وتريد وضعها في الموضوع
هذي طول الله عمري ومن قال ومن كتب هالكتاب لازم في البدايه تروح للصوره
وتجيب الفاره ( بس انتبه لايكون فيه قطاوه ) على الصوره وتضغط الزر اليمين
وتختار خصائص أو properties
ولما تطلع لك تروح على طول ناحية العنوان او الـ Address
اللي يبتدي بـhttp
تروح وتظلل عليه وتعمل له نسخ او copy
وبعدين ياحبيب الشعب ( اللي هو أنا .. أجل انت ووجهك )حفظني الله وأياي تروح للموضوع اللي انت قاعد تكتبه
تحصل فوق تحت الوجيه زر مكتوب عليه IMG
تروح تضغط عليه ( بشويش طبعا ... لاتكسرون أزرارنا )
بتطلع لك نافذه صغيره مكتوب فيها
http://
حط العنوان حق الصوره فيها مع ملاحظة ان الـ
http:// مو مكرره
وبعدين اضغط على اوكيه
وبكذا خلصنا
الباب الثاني: صوره ليس لها عنوان في الانترنت وتريد وضعها في الموضوع
1- لازم قبل كل شي إنها تكون اقل من 100 كيلوبايت
2- تكون أحد أنواع الملفات التي يسمح بإرفاقها ( مكتوبه تحت كلمة Browse ومو مشكله إذا كنتم تريدوني أضيف أي نوع من الملفات لايردكم الا لسانكم )
3- الشغله كمان اللي ابيكم تعرفوها ...... انه فقط تقدر ترفق ملف واحد على الاكثر ............ ملف واحد فقط
4- الحين نبدا بالطريقه
بعد ماتخلص من كتابة الموضوع
تنزل تحت شوي
بالضبط فوق كلمة شاهد الرد
تحصل كلمة Browse
اضغط عليها واختار الملف او الصوره
وبعدين اضغط على إعتمد الرد
وبكذا خلصنا
بحمد الله أنهينا المنهج ويجعل ماأعمل في موازين حسناتي
اللهم أنا وكل من دعى لي
وسلامتكم
للكاتب ابو محمد