|
مبدع فائق التميز
|
|
المشاركات: 19,033
|
#3
|
الله يخليك لك أمك .. ويخلي لك ولدك حمودي ( قصدي حمودك )
الأنشودة تشتغل تمام .. وعلى الميديا بلير ..
كلمات الأنشودة :
الأم ذكره يا عرب يرفع الراس
وما ينكر المعروف غير الجحودي
يا ما على ذاك الولد جاه هوجاس
ويا ما على شانه بنفسه تجودي
ويا كم لاجله تكتم آهات وانفاس
ويا كم زول الموت يمه يعودي
وقت الحمل .. والهم كاس ٍ بثر كاس
تسهر .. ونجمات السما له شهودي
تخشى من النسمه .. ترى الحمل حساس
وتخاف لا قامت عيون الحسودي
من زود حرصه صار بالقلب وسواس
وصار المشي خطو ٍ خفيف وركودي
وتدعي طوال الليل : يا خالق الناس
إنك تهوّن كربتي والجهودي
وتخفـّـف الآلام .. وتزيل هالياس
ويصير وضعي باليسر والبرودي
ولا جاه يوم الوضع تشقى وتنحاس
دقات قلبه مثل صوت الرعودي
ما غير تشهق واحتمت منها الانفاس
وترفع يدينه للكريم الودودي
والطلق من كوده تقل ضاربه ماس
وزفراتها بين انحدار وصعودي
والحشرجه في صدرها ماله قياس
وانينها والكرب صاير بزودي
وإذا نزل مولودها .. زال هالباس
وقامت تضمه ما تقل جاه كودي
صاح الطفل .. وامه تضمه بنوماس
وتقول له : يا بـَـعـَـد ْ عمري وعودي
وإذا كبر .. ينسى حنينه والاحساس
ويذوّقه مر النكد والجحودي
|
|
27-03-2006 , 07:15 PM
|
الرد مع إقتباس
|