هاي شلة


كيف حالكم


وش مسوين


عساكم تمام











ادري ادري قلتوا وراه طوووول علينا


يا شباب , انا ناوي بإذن الله اشتري سيارة لكن ما تتعدى 65 الف ريال


وش تنصحوني بسيارة بهالسعر ؟



واتمنى ان تعطوني من ارائكم السنعة .




ولكم فائق إحترامي ...

هوندا اكورد فل اوبشن 4 سلندر او ماجنا VR-X ب 66 الف الله يعينك الف زياده ;) بس مادري انت ماحددت صالون ستيشن ياباني امريكي :rolleyes:

السلام عليكم ورحمة الله وبركاته

لخيارات عندك كثيييير فيه عندك عيوني لو كوري(هونداي كبير والسوناتا) وفي اليباني طبعا السوباروا وياعيوني على السوباروا (بس يبغالك تستنى الشكل الجديد لو نويت على سوباروا لأنه بكى بمعنى الكلمة) غير كذا لو ودك بتايوتا (وما انصح) انت عارف ايش عندهم مايحتاج اقلك .... يعني السيارات كثييييييره الي ممكن تشتريها بالسعر هذا بس انت حدد شوية مواصفات تبغاها زي اخوي تويوتا وبس ما قال...

سيات ليون

سياره روعة و انا حاط عيني عليها بس خايف منها....

السلام عليكم ورحمة الله وبركاته

اتمنى عزيزي انك تعمل بحث عن كلمة سيات ليون في المنتدى هنا...

هلا و غلا
اولا اخي الكريم فكر قبل شراء اي سياره فكر في الصيانه وتوفر قطع الغيار و السعر بعد البيع كدلك جوده السياره و هنا انا انصح اما اكورد او ماجنا مع انه الاخير الصيانه عنده في الشرقيه تعبانه شويتين

خايف من ايش

انا عندي 2002 و ماشيه تقريبا 45 الف
و الحمد لله كل شي تمام
ولا حطيت فيها الا
قماشات( سواقتي مو حكم لاني لو اسوق امريكي كان كل شهرين بغير قماشات )
و بواجي ( غيرتهم في البيت )

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين



اخي انصحك بالمازدا6 لانه صراحه سياره. يمكن صح سعر الرقم واحد اكثر من 6500 ريال عماني بس ما لازم انك تشتري رقم واحد. اللي انا اعرفه ان في عمان ينزل 18 نوع من المازدا6 و رقم واحد قيمته 7800 ريال و ما يميز المازدا6 عن باقي السيارات اليابانيه ان البريكات نظامها غير و انك ما تحتاج تغير التايمنج بلت ابدا لانه اصلا جنزير ما ربر و ايضا تغير الزيت كل 10.000 كيلو ما 5.000.

السلام عليكم ورحمة الله وبركاته

والله إخوي بهالسعر في سيارات كثير، وإذا تبي ياباني عليك بالأكورد أو الماكس، وإّا أمريكي خذ لومينا، وإذا ألماني أنصحك إن تاخذ أوميجا، وإنت شوف شنو أفضلك وتوكل على الله ولاتنسى الإستخاره.

هلا خوي
أعتقد ان أفضل اختيار في حدود المبلغ اللي حددته هو

أولاً الهوندا أكورد وسعرها في البحرين يبدأ بــ 6300 دينار

ثانياً المازدا 6 وسعرها في البحرين يبدأ بــ 5800 دينار

والخيار لك

ماجنا

كل المواصفات هذي موجوده في موستنج

السلام عليكم ورحمة الله وبركاته


ما أدري يا أخوي ... هل لك نظر في المونديو



تحياتي

إذا تبى سيارة حلوة في سيارتين عندك ماجنا أو مازدا 6

الصراحة هذه السيارتين ما عليهم كلام



وهذه المازدا 6



والسلااااااااااام

السلام عليكم ورحمة الله وبركاته

نصيحة مني

لا تاخذ الماكسيما لانها تعبانة جدا جدا

رخيصة والقطع متوفرة لكن شوف الامان

البودي مالها ورقة ماشي امان ابد

وخفيفة جدا


وانت توكل على الله وخذ اللي في خاطرك


بس انت حدد هل تريد فورويل ولا صالون ولا شو؟

من ناحيتي انا اقترح ( مجرد اقتراح ) مازدا 6
اشوفها حلوة وزينة سعر جيد والقطع متوفرة بعد
الهيكل مالها اقوى من الماكسيما


وانت شوف الشباب بيفيدونك


والله يعطيك خيرها ويكفيك شرها


تحياتي
كروزر2000

خوي الأرهابي انا خايف من اشياء كثيره منها :
أولا:انوا بصراحة اسم السيات مو قد كذا عندنا هنا .
ثانيا:نفس الشئ بالنسبة للوكيل وتعامله مع الزبائن .
ثالثا:قطع الغيار وأسعارها .
رابعا:سعر مابعد البيع اكيد نااااازل وهذي ماتهمني كثير لأني لو اشتريتها
مراح افكها (تقليد عائلي)
خامسا:التربو كيف صيانته.
والأهم ان انا في مدينتي مافيه وكيل لها واقرب وكيل لي الي في جده يعني اجي ابغى اغير زيت التمرين ولا اقل مشكلة لازم انزل لجده علشان المشكلة .
فهمتني ؟؟؟ واتمنى انك تجاوبني _(انت او الشباب الي عنهم سيات)_
والف شكر...




والكثير الكثير بس خلها بعدين لمن افضالك....

أولا:انوا بصراحة اسم السيات مو قد كذا عندنا هنا .
-------------------------------------------------------------
شي طبيعي
السوق هنا ما يعترف الا بماركات محدده و معلوفه




ثانيا:نفس الشئ بالنسبة للوكيل وتعامله مع الزبائن .
-------------------------------------------------------------
انا اشوف تعاملهم زين ( مع اني ما دخلت السياره صيانه الا مره وحده بس )




ثالثا:قطع الغيار وأسعارها .
-------------------------------------------------------------
متوفره
و اسعارها مناسبه مقارنه مع مثيلاتها من الاوروبيات




رابعا:سعر مابعد البيع اكيد نااااازل وهذي ماتهمني كثير لأني لو اشتريتها
مراح افكها (تقليد عائلي)
-------------------------------------------------------------
اذا ما تفكر تبيع اوكيه
اذا تفكر تبيع
خذ لك مستخدم احسن




خامسا:التربو كيف صيانته.
-------------------------------------------------------------
ما له صيانه ابد
طبعا له عمر و ينتهي خاصه اذا كنت تدعس
بس للمحافظه عليه لا تطفي السياره و هي حاره او توك داعس او جاي من مشوار
خليها تبرد شوي




والأهم ان انا في مدينتي مافيه وكيل لها واقرب وكيل لي الي في جده يعني اجي ابغى اغير زيت التمرين ولا اقل مشكلة لازم انزل لجده علشان المشكلة .
-------------------------------------------------------------
المسافه بين بيتي و بين الوكاله حول 50 كيلو :rolleyes:
لكن ان شاء الله ما راح تحتاج للوكاله
و نصيحه
بتاخذ الليون او غير الليون
امن عليها قبل ما تطلعها

خلك مع الياباني احسن

خذ لك هوندا أكورد أو مكسيما :cool:


و مبروك مقدماً

مشكوووورين اخواني على تفاعلكم الأكثر من رائع مع الموضوع


وما قصرتو


والله انا محتار



لكن انا افضل الاكورد لكن المشكلة في قطع غيارها نااااااااار





ونتمنى المزيد من التفاعل



ولكم فائق إحترامي و تقدري ...

السلام عليكم ورحمة الله وبركاته

والله إخوي توكل على الله ولا تهتم بقطع الغيار، صج إنه بتكلفك أكثر من التيوتا، لكن بتريحك من جميع النواحي، إحنا عندنا أكوردين أحين، ومرتاحين منهم، والكامري اللي عندنا تشوفه كأنه موديل80 مو99، أخس مواد حاطينها فيه، ولاتنسى الأستخاره.

مشكور اخوي وما قصرت على رايك


والله يجزاك خير على تذكيري بالإستخارة



ولك فائق إحترامي و تقديري ...

السلام عليكم ورحمة الله وبركاته
اول شئ تسوية اخوي اذا نويت على سياره استخير ربك ...
و الف شكر اخوي الأرهابي على ردك ليه اما بالنسبة لي

الخوف انها اوربية يعني اخوي ياليت تديني مثال كذا على طاير يعني الأقمشة مثلا او الأشياء الاستهلاكية هذي.


افكر ادور لي وحد وارد من الي تكون دفع رباعي (اهااااا لو الاقيها) تتقوع القيها ولا؟؟؟


المشكلة انوا بيني وبين الوكالة اكثر من 150كيلو !!!
وغير كذا انت عارف الوضع هنا (لفين على نص الورش ندور واحد يصلح لنا كادلك تخير كادلك امركي مش سيات وتيربو بعد)...
على فكرة ترى مجهزلك كم سؤال بس خل تغلق الأختبرات وافضى لك...

قلنا لك موستانغ