التاريخ 9-1-1427
السلام عليكم ,,
أمس زرت وكالة البي إم دبليو الناغي , لمقارنة الفئة الخامسة مع الأودي A6 ولكزس جي اس 300
( لغرض الشراء) على العموم تفاجأت بأسعار البي إم , واعتبرها شخصياً رخيصة مقارنة بأسعار المنافسين :
عندهم حالياً أربعة أنواع :
523 ==> ب 150 ألف ريال سعودي فقط
طبعاً على كلام المسؤول إنهم وقفوا 520 وبدوا يجيبون 523 لأنها أقوى مكينة
المواصفات : مكينة 6 سرندل , 177 حصان , زينون , جنط 17 , حساسات ,شاشة , ستاير , خشب,فتحة, تحكم إلكتروني نص كامل للمقاعد الأمامية .
لو بتغير الجنط إلى 18 (زي حق ال 530) ==> السعر النهائي = 160 ألف فقط !
530 ==> ب 210 ألف ريال ( ممكن بعد الخصم 200 ألف ريال) ,
المواصفات : مكينة 6 سرندل , 258حصان, جنط 18 , نافيقيشن سيستم, تهوية في المقاعد, 6 سيديات, المقاعد الأمامية تحكم إلكتروني كامل.
550==> 280 ألف
M5 ==> مادري والله بس شكلها فوق 400 ألف .

----------------------------------

وجهة نظري : أنا أشوف إن ال523 ممتازة كمواصفات وكل شي , والفروق بينها وبين 530 مجرد كماليات بالنسبة لي , الجنط ممكن أضيفه لل523 وتصير من برا 530 , لكن المصيبة فيها : المكينة.
أنا مجرب ال520 ومكينتها الصراحة ضعيفة , خاصة إني متعود على سيارات 8 سرندل , لكن المسؤول في المعرض قال أخليك تسوي تجربة قيادة قلت مافيه مشكلة خلال هاليومين ان شاءلله.
لذلك أعتقد ان التجربة راح تكون الفيصل .
عندهم ضمان 5 سنوات شامل قطع الغيار مع مساعدة على الطريق
========================================
زرت أيضاً ساماكو قبل كم يوم , أبشوف ال A6 , أعجبتني , خاصة اتساع "المقصورة" مقارنة بالمنافسات, والأسعار :
A6 2.4 : هذي ب 158 ألف ريال , مكينتها 155 حصان بس , والجنط أعتقد 17 , فتحة , قماش, زينون , شاشة عادية غير ملونة . دفع أمامي ( على حسب كلام المسؤول)
A6 3.2 : ب 220 ألف ريال سعودي , دفع رباعي , ميتين حصان وشي (نسيت بالضبط), جنط أعتقد 19 , شاشة مع نافيقيشن سيستم , تشغيل وإطفاء السيارة بالأزرار , كي لس إنتري,
وفيه نوع منها بزوايد S يسمونها S line بفرق 15 ألف ريال

وجهة نظري : السيارة حلوة ووسيعة ومواصفات رائعة . بس: القلب ومايهوى !
ماعندهم مساعدة على الطريق
=====================================
زرت عبد اللطيف جميل أبشوف اللكزس GS300 , المهم أسعارها:
GS300 : ب 200 ألف ريال , من الداخل السيارة روعة , مع نافيقيشن , وكل شي .
GS 430 : ب 215 ألف ريال , الفرق جنوط و مكينة بس .
-------------------------------
وجهة نظري : السيارة روعة , بس (حسب ذوقي) : التصميم مافيه إبداع ولافيه تميز, الفئة الخامسة لو تشوفها على طول تقول بي ام , المرسيدس والأودي نفس الشي بس هذي تحتار : تيوتا ولا لكزس ولا إيش . (أكرر حسب ذوقي فقط) .
====================================
زيارة خاصة :
كان هناك ميول نحو السالين S281 , ورحت للوكيل الغسان بالرياض , ماعندهم إلا حبتين بيضا وزيتي , كلهم على 190 ألف ريال , وكلهم قير أتوماتيك , مع تخشيبه !
اعذروني بس الصراحة أول مرة أشوف سالين بتخشيبة :smart:
على العموم نظراً لأني أعيش بالرياض وليس ميامي , قررت أشيل فكرة السالين من دماغي :smart:

================================
الخلاصة : الاتجاهات هي : 90 % بي إم , 9% لكزس , 1% أودي , 0% سالين .
وصح بقي أروح للجفالي أشوف الE لكن أحس إنها بتتغير قريب .


(جميع ماذكر أعلاه من وجهات نظر تمثل وجهة نظري المستندة على ذوقي و تفكيري فقط )

نفس ما قلت أشوف أحسن شي البي أم .. مواصفات وسعر حلو مقارنه بالباقيين .. بس الـ550 وش ذي .. 8 سلندر ..

اختيار موفق... واسعار اللكزس بصراحة خيالية!
ولكن اخوي غريبة ما جربت المرسيدس!

EL_3grab
يس 8 سلندر , كانوا يجيبون 545 بس وقفوه وبدوا يجيبون 550 حالياً .

الماني
المرسيدس أبروح أشوفه هاليومين بس خايف من تغيير الشكل السنة الجاية .

يا عزيزي ياعزيزي

خذ لكزس وريح بالك .. نصيحة لوجه الله

البي إم تروح الصيانه تحجز موعد بعد 3 أسابيع ليس
لا .. وعلى أقل شي تجلس السيارة عندهم اسبوع ...
على ايش !! ... وعلى فكره سيئة جدا وبايخه

واللكزس صيانه في يومها تخلص .. وليونه أكثر من البي إم

والأودي بصراحة .. ما جربتها .. لكن قريبا ان شاء الله
بس اللي أعرفه متعة في القيادة + تصميم خارجي جميل + تصميم داخلي سيء


للمزيد :

http://www.swalif.net/sforum1/showt...52&page=2&pp=25

المرسيدس شكلة محا يتغير قريب انما بس بيحطو علية تعديلات بسيطة...

السلام عليكم

حياك الله حبيبي....والله بادئ بقوة معانا..:p

شوووف عيوني اذا مايهمك سعر البيع بعد الأستعمال اقلك ومن غير تفكير خذ البي ام

بس الصراحة شكل الـ550 شئ جباااااااااااااااااااار 360 حصان على هذا الحجم...!
يعني تقدر تقووول ام3 قديمة واااااااااااو:p


ويالله بتووفيق مقدماً

اذا كنت ادور السعر الرخيص مقابل مواصفات معقوله اخذ بي أم

لكن صدقني راح تعاني من ضعف المحرك عندنا مرسيدس E240

من كثر ما اعاني والله ما قمت ادوس ولا افكر بالمناورات ولا شي

اذا ما يهمك السعر الكزس راح تعجبك :smart:

أخي العزيز من تجربتي الشخصية أقولك خلي البي إم وخذلك الأودي وأنت مغمض !! أيوا مغمض عندنا 530 صار لها سنة وشهرين وصار لها داخلة الواكالة سبع مرات (غير الصيانة) من أجل تغير الأزرار والتخشيبة بالاضافة إلى الوكيل التعبان جداً (سلطنة عمان) وعندنا الأودي صار لها 8 شهور وما شاء الله عيني عليها باردة ما دخلت الوكالة إلا مرتين للصيانة (على فكرة معاي 2.4 مع زوائد إس لاين) والأهل ناوين ألحين على 3.2 كواترو صراحة أبو الشيء :-) عموماً هذي تجربتي وحبيت أني أفيدك بيها عاد أنت وراحتك :-) وأقولك مبروووك مقدماً على السيارة الجديدة

مشكور أخوي Vicster على المجهود الرائع والمقارنة ولكن في أعتقادي أن الأودي هي من سأختار لأنك تحصل على أكثر مما تدفع(وجهة نظر) والبي أم (مشاكل) واللكزس مبالغ في سعره جدا.....

مشكورين جميعاً على التعقيب ,,
بصراحة : أنا كنت حاط خمسة خيارات في بالي (تفكير بصوت عالي):
1) BMW 530I
2) AUDI A6
3)MERC E280
4)LEXUS GS 300
5) SALEEN S281 (أعرف بتقولون وش دخلها , بس عاد هذا مزاجي :cool: )

المهم :
أقرب شي لي كان ولا زال البي إم (القلب ومايهوى)
الأودي جميلة لكن أحس إن شكلها الخارجي مايقارن بالبي إم (مسألة ذوق)
المرسيدس قوية ومتينة لكنها من زمان نازلة وأعتقد إن شكلها ماعاد له ذاك الجاذبية بالنسبة لي (مسألة ذوق أيضاً)
اللكزس قلت رأيي فيها فوق في أول الموضوع , وسعرها بصراحة غالي بالنسبة لليابانية (وجهة نظر خاصة فقط )
السالين : :cry1: بالإضافة إلى كلامي عنها فوق , مشكلتها الوكيل ماعنده قير عادي

على العموم أنا توني جاي من وكيل البي إم ووكيل اللكزس , وكل واحد استلمني يفر راسي ,
اللكزس يقول لازم أعطيك تست درايف يوم السبت والبي إم يقول اللكزس؟؟ ما أتكلم عنها هذي ! أصلاً كيف تقارنها بالبي إم ! :banana:

الله ييسر الأمور ويكتب اللي فيه الخير إن شاء الله .

[QUOTE=ح ب ي 666]يا عزيزي ياعزيزي

خذ لكزس وريح بالك .. نصيحة لوجه الله

البي إم تروح الصيانه تحجز موعد بعد 3 أسابيع ليس
لا .. وعلى أقل شي تجلس السيارة عندهم اسبوع ...
على ايش !! ... وعلى فكره سيئة جدا وبايخه

واللكزس صيانه في يومها تخلص .. وليونه أكثر من البي إم

QUOTE]

تقريبا اغلب وكلاء السيارات الاوروبية عندنا خدماتهم لمابعد البيع لا تضاهي لكزس وتويوتا وباقي الوكلاء !! وهذا الي يخلي الواحد يتردد كثير قبل ماياخذ من عندهم !

1-مستوى الخدمات لمابعد البيع

2- السرعة في الخدمة

3-وتوفر قطع الغيار، اعتبرها من اهم النقاط الي لازم تضعها في الحسبان قبل ماتشترى اي سيارة... :cool:

اذا تبغى راحة البال خذلك الجي اس...ولو كان عبداللطيف جميل هو وكيل بي ام، كان قلت لك خذ البي ام...

تحياتي...

مشكور على مشاركتك الموضوع معانا :smart:

السيارات الي ذكرتهم كل وحده تقول الزود عندي واهم شي واهم شي التجربه
لازم تجربهم (ماعدا السالين لانه مااتوقع انه عنده تجربه)
اذا تبغى رأي ترى (السالين والكامارو والشله الباقيه) حق شهرين او ثلاث شهور وبعدين راح تتندم انك شريته


في النهايه لازم تختار الى يحبه قلبك

اخوي انت حددلنا السعر اللي في بالك بتوصله ..... لان كل نوع فيه اكثر من محرك وكل محرك له سعره ...والفرق كبير في السعر بين اقل محرك واعلى محرك من نفس النوع ... اقل شي عشان نساعدك فيها ...

سلااااااااااااااااااام


أدري انك بتطقني وتكفخني



بس تكفى اسمع نصيحتي ومنتب خسران شي



البي ام الفئه الخامسه ولا عليها


هي والأودي ماشالله خيال



اللكزس اتركها عنك ... الشاشه حقتها عليها ألوان... تقول جوال سيمنز قديم.. كلها مربعات



بس تكفى اسمعني....



رح للجميح .... وشوف ال STS


شف صدقني انا مجرب



اخوي عنده A6 وخويي عنده 530 وواحد ثاني عنده GS300



وربي نادمين كل الندم انهم ما عندهم زي سيارتي (كاديلاك STS )



السياره واللـــــه راحة بال



أول شي احسن مواصفات فيهم كلهم.....


أقوى مكينه... 8 سلندر 4.6 لتر .. 320 حصان... 0 - 100 خلال 5.8 ثوان


ثبات على الطريق... يمكن تقول عني دلخ.. بس قاعد انطل فيها على شارع ثلاث مسارات وانا ماشي 220.... اثبت منها ما شفت.... هي والأودي


بعدين انت مبين يهمك المواصفات الداخليه


فيه كذا أشياء :


- DVD changer ... الChanger اللي فيها تقدر تحط فيه DVD أو CD ... مو بس CD زي باقي السيارات

- تقدر تشغل افلام DVD .. ما تقدر تشغل في اللكزس والبي ام دبليو _مدري عن الاودي)

- فيها تلفزيون يطلع المحطات القريبه زي الأنتل.... الباقيات مافيهم

- تشغل سيديات MP3... اللكزس ما تقدر.. واتوقع ما تقدر في البي ام والأودي

- تشغيل السياره من بعيد (اتوقع زي اللي ذكرت انت في الأودي)

- النافيقيشن سستم تقدر تشوف الخريطه بثلاث أبعاد .. والشاشه الونها خياليه وجدا واضحه

- تدفئة دركسون...

- فيها تحكم بالصوت للسي دي والراديو والنافيقيشن والبلوتوث ... وزياده شيئين مو موجودين في أي سياره غيرها... تتحكم بالمكيف وتنزل الدرايش وترفعها بالصوت

- نظام مراقبة ضغط الكفرات (مدري اذا موجود في السيارات الثانيه او لا)

- نظام صوتي Bose بـ 15 سماعه وتوزيع مو طبيعي تقول استوديو ماشالله...

- فيها نظام Audio Pilot... هذا النظام اذا شغلته يساوي موجات صوتك وموجات صوت الراديو... اذا رفعت صوت الراديو عالي وتكلمت.. اللي معك في السياره ما يسمعك لأن صوت الراديو عالي وموجاته أطول من موجات صوتك... وهالنظام يساوي طول موجاتكم بحيث انك تسمع الراديو وتسمع خويك في نفس الوقت

- فتحات Video/Audio (أصفر/ابيض/أحمر) ممكن توصل فيها Walkman او ipod وتسمعها على سماعات السياره .... او كاميرا فيديو وتطلع صورتها على الشاشه

- هدوء وعزل صوتي ممتاز جدا .. طبعا ما يوصل مستوى اللكزس... بس ممتاز


وكلها شي ... وسواقتها شي ثاني... والله شي مو طبيعي...


قبل يومين جربت اللكزس GS الجديده حقت خويي... مو شي بصراحه


الدركسون مو موزون... صغير وخفيف في البدايه ويثقل بعد ما تفره شوي

دعسة البنزين فاضيه في البدايه وبعدين تبدا تطلع...


حتى قلت لخويي يجي يجرب سيارتي... يقول لي ما تخيلتها حلوه لهالدرجه...


يمكن التجربه توضح لك كل شي... على قولة اللي في بي ام... "كيف تقارنها في بي ام"


وشكلها جذااااااب جدا.... لدرجة انه في ناس والله اشوفهم ضاربين فرامل بنص الشارع بس علشان يشوفونها... ولمباتها الخلفيه اللي جايه خط من فوق لتحت مره حلوه


لمباتها الأماميه... الزينون عدسه والعالي عدسه والكشاف اللي تحت عدسه... يعني 3 عدسات على اليمين وثلاثه على اليسار.... شكلها جدا جميل...


والزينون تنور مسافه قدامك ماشالله كبيره جداً... على عكس اللكزس اللي تنور على اليمين واليسار بشكل كبير وقدام ما تنور الا مسافه بسيطه



انظمة السلامه فيها متطوره واخذت جائزه في السلامه .. 8 ايرباق... وزي ما قلت لك على المساعدات... اسرع مساعدات في العالم... استجابتها 1/1000 في الثانيه...


وتمسك السياره زي الصمغ في الأرض




نجي للنقطه الأهم.... الوكاله


دايم الناس يسبون الجميح... بس هنا يختلف الوضع... لأنهم فصلوا قسم شفروليه وجي ام سي عن كاديلاك وهمر....


قسم شفروليه وجي ام سي عليه خدمه رايحه فيها... قسم كاديلاك وهمر العكس تماماً


تروح لوكالة كاديلاك استقبال ماشالله... تبي تجرب السياره ما عندهم مشكله ...


واذا اشتريتها .. لك 4 سنين او 100 الف كيلو... ما تدفع ولا ريال... حتى القماشات والبواجي وغيرها عليهم.... بس عليك البنزين والكفرات



واذا رحت تسويلها صيانه ... اذا تشييك عادي وتغيير زيت يدخلونك غرفه فيها شاهي وقهوه وتلفزيون... شوي ويجونك يقولون لك سيارتك جاهزه...


واذا يبيلها كم يوم... تحجز عندهم سياره بديله.. وتحط سيارتك وتاخذ البديله لين ما تخلص سيارتك...


والحلو في الموضوع ضمانهم اللي ما تدفع فيه ولاشي كل هالمده...


باختصار يحطونك على راسهم ... وهذي تجربه شخصيه لي انا في الجميح طريق الخبر الدمام...

وعندهم المساعده على الطريق خدمه ممتازه جدا في أي مكان في العالم واي وقت


حتى لو ضعت في مكان ما يغطيه النافيقيشن.. دق عليهم ويحددون موقعك ويدلونك



السياره عمليه ما شالله والى يومك مافيها مشاكل ابد... وتكلمت مع واحد ماخذها قبلي بسنه... والى يومك ما واجه معها شي...


لأن الكاديلاك تغير بعد نقلوا مصانعها الى مصنع في ميتشيغان يعتبر من افضل المصانع جوده في العالم... وصاروا يسوون اختباراتها في الحلبات الألمانية فقط... وصار تصميمها ألماني من حيث صغر الحجم وطول المقدمه....


صاروا يهتمون بأدق التفاصيل لدرجة انها ما شالله صارت جدا جدا عمليه...


والسعر 215 الف ريال... بالنسبه لل 8 سلندر


وتقدر تاخذ 6 سلندر 3.6 لتر .. 255 حصان ... 0-100 خلال 7 ثوان


سعرها 190 الف... نفس مواصفات ال8 سلندر بس فرق المكينه والمساعدات والجنوط


مساعدات ال8 سلندر رياضيه اكثر (اقسى شوي) وجنوطها 18 (جنوط ال 6 سلندر 17)



الخيار لك أولا واخيرا....



بس حبيت اني اقول لك رايي اخاف تندم بعدين




والله يوفقك وتشتري السياره اللي تريحك

السلام عليكم

وش رايك في الانفنتي g35

وليه ماتفكر بالانفنتي ام

خصوصا انها تفوقت على جميع السيارات التي ذكرتها
في المقارنات الي عملتها المجلات الامريكيه

البدر 888...

الg35 ما ترتقي لمواصفات السيارات المذكوره



NisFan....

انفينيتي إم هي أفضل من كل الاختيارات المذكوره... لكن للأسف.. غير متوفره في بلدنا... مكتوب عليها في الموقع قريبا... لكن ما اتوقع انها قريبا... لأني سألت عنها في الوكاله قالوا ما نعرف عنها أي شي الى الآن ولا هي جايتنا قريب

اخوي Vicster ...
البي ام ما ادري وش عاجبك فيها ؟؟؟ :think:
موادها من الداخل شبيهه بالبلاستيك والوانه و ليست بتلك الفخامة ... على الاقل الاودي اكثر فخامة من الداخل وشكل خارجي احلى بكثير ....
لكن انصحك بالكزس بشكل عام فبي ام لايوجد لها وكيل ... ( الناغي سئ جدا ) ، اما لكزس فوكيلها من ناحية الخدمات ممتاز وسعرها عند البيع ممتاز ومريحة جدا واقلهم استهلاك و ثباتها عالي وجودة موادها الداخلية الافضل ....







اخوكم الشبابي

لو ما موزع كاديلاك الرهيبه الجميع الزفت كان قلت لك خذ STS بدون تردد..بس انا اقول خدمته افضل من موزعي السيارات الاوروبيه..واذا زودها كلم الاداره الاقليميه..وبيعاملك مثل الامير واكثر!


ماقولك انه بيعاملك معامله سيئه..لان الحين وكاله خاصه للكاديلاك عنده مستقله حالياً..بالاول المشاكل كانت من ان الصيانه كانت وحده لكل السيارات..اما الحين مادري عنه بس المفروض احسن..عشان كذا عزل السيارات الفخمه لحالها..اعتقد جي ام ضغطت عليه من شكاوي العملاء.


اما الكاديلاك STS ممتازه وماعتقد في سياره راح ترتاح فيها مثله..ومواصفاته فله وبسعر اكثر من ممتاز..ومكينه قويه بقوة 320 حصان وممتازه وصيانتها قليله وجير 5 سرعات ..وكمبيوتر رحلات متطور ودفع رباعي بثبات عالي ونظام صوتي متطور من نوع بوز محيطي 5.1 ب15 مكبر صوت و دي في دي ونظام ACC الي يحدد المسافه بينك وبين السياره الي قدامك ونظام مراقبة ضغط الاطارات والزيت وفيها كي لس انتري وتشغيل عن بعد وزينون مع اصطبات LED ..واشياء كثيره فيه ماذكرتها لاني مابخلص منها..بس روح الجميح وشيك عليها نصيحه لوجه الله


وماعليك الي يقولك الكاديلات خرابات..هذا الكلام بالاول وقديم جداً وكان الحال في عالم السيارات يضل مثل ماهو..الحين ينافس الياباني في الجوده..وافضل من الالماني في قلة الاعطال بشي مو بسيط..


في النهايه القلب ومايهوى


واذا كلش كلش مو بخاطرك تزور الوكاله زور الموقع يمكن يحمسك

وتذكر انك تقدر تحجز تجربه للسياره على كيفك ولحالك كمان

تدعس وتفحط وتجرب ثبات على كيفك


هذا الموقع

http://www.gmme.com/action/rbCNBroc...riorphotos.html


هنا الموديلات والموصفات

http://www.gmme.com/action/rbCNBroc...d_interior.html


يبقى الخيار لك..ولو انا مكانك اليوم اروح اخذ الSTS واتميز عن الكل وانا مرتاااااح :p


غير ان الصيانه على الوكاله بالقطع حتى الزيت والفلتر :cool:



فكر زين

أشكركم جداً على تعقيبكم وتفاعلكم مع الموضوع ,,

CL-Class
الميزانية من صفر :smart: إلى 200 ألف فقط

Ascari
أشكرك جداً على مساعدتك , وكلمة شكر قليلة في حقك . أنت شكلك تعذبت بالاختيار مثلي , عاد تصدق إني مارحت للكدلك ! شكلي أبروح أشوفهم وأعقب على الموضوع علطول . بس لاحظت إنك تهتم بشكل كبير بوسائل الراحة داخل السيارة , وتغفل جانب (روح السيارة). إحساسي يوم أسوق سيارة ألمانية يختلف عنه لما سوق سيارة أمريكية حتى لو كانت الأمريكية أفخم. (وجهة نظر فقط ). بس الصراحة مواصفات الكدلك اللي حطيتها, خيالية وماتوقعت ولا صفر بالمية الكدلك يشتغلون كذا . بس شكلهم ناوين ينافسون وبقوة.

البدر888, NisFan
مشكورين على الرد , والكلام اللي كنت أبقوله بالحرف الواحد قاله أخوي Ascari.
ال G35 فئة ثانية , أصغر .
أما ال M , حلوة , بس : وينها ؟؟

الشبابي
اللكزس ياطويل العمر ميزتها مثل ماقلت أنت الصيانة وقطع الغيار والوكيل الممتاز , حتى إنهم قالوا لي تقدر تمدد مدة الضمان من 3 سنوات (100ألف كيلومتر) إلى 5 سنوات (مفتوحة) ب 3 آلاف ريال فقط ! والبي إم نفس الكلام خمس سنوات, لكن مقاعدها غير مريحة عكس مقاعد اللكزس, يمكن جايبين دفعة طلبية كذا , لكنها مع ذلك "داخلة المزاج".

كومودور
أشكرك على الروابط والموقع , وجاري حالياً محاولة إقناع ذاتية :smart:


ويستمر التفكير بصوت عالي :
كانت الخيارات خمسة كما في الأعلى وأصبحت ثلاثة فقط (بحذف ثلاث سيارات وإضافة واحدة):
1) BMW 530
2) لكزس GS300
3) CADI STS

اللي بيحدد الاختيار هو : التجربة إنشاء الله في الغد , وزيارة وكيل الكدلك الجميح .
ومشكورين على تفاعلكم مرة أخرى والله يكتب اللي فيه الخير .

لو آنا اللي منزل الموضوع عشان أستشيركم جان قلت حق المشرف يغلق الموضوع أحسن لي لا أتجنن

آنا رايي ، السعر الكادلاك أحسن شي

البي إم بعده

بس أنصحك في الكاديلاك

و مشكور على الأسعار و المواصفات أخوي Vicster

اخوي بالمختصر

خذ اللي انته ترتاح له.... وترى فالنهاية بتاخذ سيارة لك مش للاعضاء علشان كل واحد يقول اللي فخاطره

أخوي Vicster



ولا يهمك شدعوا



انا من جد تعذبت لين ما اخترت... بس والله ارتحت بعد ما اخترت... وغيري والله انهم يعضون اصابع الندم.... ولا ودي انك تكون مثلهم



لقيت كل اللي أبيه ... كل شي بدون ما ينسون شي... تحت سقف سياره وحده


والله كل شي كل شي... من سواقه الى رفاهيه الى راحة بال


وعلى فكره



انا تكلمت عن احساس السياره


لأني من الناس اللي يقدرون احساس الألماني



وهذا الشي اللي خلاني احب الكاديلاك بعد ما جربتها



اذا انت من اللي يقدرون احساس الألماني جرب الكاديلاك



وربي وربي وربي راح تنصدم ان الامريكان وصلوا لهالمواصيل




انا من اللي يقدرون متعة القياده اللي موجوده في الالماني



علشان كذا ما حبيت اللكزس ابد ابد ابد


لكن ال STS لقيتها متعتها فوق الخيال



قسم بالله ما اكذب عليك اني احيانا انزل مطعم اتعشى او محل.. والله اني اكون ميت ودي ارجع اسوقها مره ثانيه...



انا شايل هم لو بغيت اوديها تشييك وشلون بتركها وامشي... صدقني ادماااااااااااان




حتى المنتديات الاجنبيه سألت الناس اللي جربوها يقولون متعة ألماني بسياره أمريكيه




صدقني... جربها ... اسرع فيها ... خذ فيها لفات قويه... مو تمشي فيها حبه حبه



واستمتع بصوت مكينتها NorthStar V8 ... طرب طرب مو طبيعي... احلى صوت مكينه لسيدان سمعته



(على فكره... الدركسون اول ما تشغل السياره يكون فيه ثقل بسيط... بس بعد ما تحمى السياره يخف)


ورد علي



عن اذنك انا ماشي الحين ... اشتقت لها بروح اسوق

الكاديلاك طور عمرها متميزه..بس في فتره نهاية التسعينات كانت شوي لك عليها في الخرابات..اما الحين هي في صدد الرجوع لامجادها وايام عزها :knight: