العودة سوالف للجميع > سوالف رياضه وسيارات > ســـوالف الــسيارات > الكامري الجديدة بكل تفاصيلها تجدها هنا ..
المشاركة في الموضوع
صفحة 1 من 2 1 2 >
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#1  
الكامري الجديدة بكل تفاصيلها تجدها هنا ..
بسم الله الرحمن الرحيم


السلام عليكم ورحمة الله وبركاته .. كيف الحال يا شباب إن شاء الله بكل خير وعافية .. إسمحولي على الهجران والإنقطاع .. بس الدراسة وما تسوي .. اليوم يايبلكم موقع التيوتا في أمريكا وفيه فلاش تجد فيه كل المعلومات اللي ترغب بمعرفتها عن الكامري الجديدة من صور ومعلومات .. كل ما عليك تنقر هنا وبتحصل الفلاش على الركن اليمين في أسفل الصفحة .. وإن شاء الله راح تشوفون الجمال من منظار آخر .. وما أقدر أقول عن هذي السيارة غير إنها في أمريكا السيارة رقم 1 بلا منازع .. يالله .. سلااااام


عيناوي كوول غير متصل قديم 28-02-2006 , 04:07 AM    الرد مع إقتباس
sayedco sayedco غير متصل    
مبدع متميز جداً جزيرة البحرين  
المشاركات: 4,649
#3  

إقتباس:
المشاركة الأصلية بواسطة عيناوي كوول
. وما أقدر أقول عن هذي السيارة غير إنها في أمريكا السيارة رقم 1 بلا منازع .. يالله .. سلااااام




قصدك في السعودية مب أمريكا




مشكور على الموقع

sayedco غير متصل قديم 28-02-2006 , 05:50 PM    الرد مع إقتباس
TOP-SECRET TOP-SECRET غير متصل    
مبدع فائق التميز قطــــــــــــــــــ الخيرــــــــــــر  
المشاركات: 8,154
#4  

يعطيك العافيه اخوي عيناوي كوول عالموضوع الغالي ولاهنت :-)

TOP-SECRET غير متصل قديم 02-03-2006 , 02:57 PM    الرد مع إقتباس
الأنصاري الأنصاري غير متصل    
مبدع الدوحة-قطر  
المشاركات: 2,441
#5  

مشكور اخوي والكامري مو محتاجه حد يمدحها وحده من اكثر السيارات انتشارا واعتماديه في العالم

الأنصاري غير متصل قديم 02-03-2006 , 03:17 PM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#6  

إقتباس:
المشاركة الأصلية بواسطة الأنصاري
مشكور اخوي والكامري مو محتاجه حد يمدحها وحده من اكثر السيارات انتشارا واعتماديه في العالم



الرخص اكبر سبب في انتشارها..اقصد القطع وسحبيتها


طبعاً مع اسبابك المذكوره

مؤيد اف1 غير متصل قديم 03-03-2006 , 04:49 AM    الرد مع إقتباس
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#7  

سدرك :

العفو يالغالي


sayedco :

السعودية السعودية .. ما أردك فديتك .. العفو حبيبي


TOP_SECRET :

هلا يالغالي .. ومشكور على مرورك لا هان الله لك عزيز ولا غالي


الأنصاري :

هلا حبيبي .. أقولك أنا يوم شفت الأمريكان طايحين على السيارة طيح من عام 2000 يوم أول ما طبيت أمريكا وأنا أقول شعندهم هذيل مطيحين على الكامري مع إني زمان كنت أشوفها والحق يقال سيارة سعرها فيها وكديدة .. يعني ما كنت أشوف وين الجمال الداخلي فيها .. بس بعد الشكل هذا والشكل اللي جاي قريبا غيرت رأيي من سيارة كديدة وبس إلا سيارة ممكن تسوقها وإنت كاشخ .. تعرف ليش لأني ما أتوقع إني بحصل سيارة بهذا السعر راح تحمل شكل الأفالون ورحابتها .. ومشكور على مرورك فديتك :p


مؤيد إف 1 :

ما عندك تعليق على موضوعي أطوف لك إياها وأقول ما عليه من كثر كرهه للكامري ما خلاه يرد على موضوعي لا بخير ولا بشر ..
المهم أنا الحين بسألك سؤال وجاوبني عليه ..
عطني سيارة ب 20000 دولار أسوقها وأنا مغمض من ناحية التصليح وتعيش وتكد وكشخة وواسعة ولما أضغط فص المسجل ما يطير على عيني ولما أفتح وأغلق الباب شوي بقوة ما ينقلع الديكور الداخلي ولما أعفسها عفاس فوق المطبات ما أسمع طوت للسيارة ولما أوصل 200000 كيلو ( مبالغة ) بعد بحصل سعر فيها ؟
طبعا لا تييبلي أي سيارة أمريكية لأن صدقني ما راح أرد عليك والسبب لأني أعرف السيارات الأمريكية الجديدة زين وأن ما فيها ولا صفة من الصفات المذكورة فوق .

قبل لا تحكم علي إن محب لنوع معين من السيارات بقولك إني ما أحب غير الأودي ولا أشوف سيارة ثانية تملي عيني ومع هذا ما راح أقول إني منحاز للألماني لأني أحب أي سيارة تثبت جدارتها في الإستخدام حتى لو كانت هذي السيارة كورية .. والكوري هذي الأيام قام يطور صناعته لدرجة إن هايونداي أصبحت على قرب من المنافسة العالمية لكبار صناع السيارات ..

المهم أنا أعرفك عدل وقاري كل ردودك ومواضيعك .. كلها أمريكي وبس واللي يقول غير كذا ينحرق موضوعه بردودك اللبقة .. وتقول أنا أفكر بعقلانية .. ما علينا .. بس نصيحة أخيرة قبل لا تجاوب على سؤالي .. توقيعك يقول إن في دولة بحرف ال ( J ) شغلتها تنسخ وتسوي كوبي من تعب ناس وما يعرفون يخترعون ولا يسوون شي إلا من دول ثانية .. طيب يا فهيم عطني سيارة يابانية واحدة تشبه أي سيارة ثانية إذا ما قلنا إن المرسيدس قلدت البي إم في الديكور الداخلي .. وعطني دولة من كثر ما هي تقلد هذي الدولة قامت تنافس منتجاتها في عقر دارها وتتدلع وتسوي مصانع في عقر دراها وبعدين يجوك أهل الدار هذي ويشترون سياراتها !!! يعني إنتى تقول إنك إنته المفتح ما شاء الله عليك والأمريكان كلهم خبلان ولا حتى يشوفون التقليد ؟ .. وتجي في موضوع تقول أنا أحترم الهوندا وشغلها جميل .. هذا إيش تسميه يا عقلاني ؟ أنا أسميه إنفصام في الشخصية لأنك تقول دولة بحرف ال ( j ) وقصدك ( japan ) فالهوندا ما أعرف إذا تعرف إنها شركة يابانية ؟

خلني أنصحك نصيحة مشترك جديد بس قديم قدم سوالف .. مثلك من المتعصبين لصناعة دولة معينة بغض النظر عن إنها أمريكا أو لا راح يخلي أغلب المشتركين ما يوصلون لأي حقيقة وراح تنعدم عنكم أي مصداقية في كلامكم لأنها ما تعتمد إلا على التعصب مش على العقلانية .. محد راح يعرف ويش الحقيقة إذا وده يستفيد لأن بدل عمل المقارنة للوصول إلى الحقيقة صارت المقارنة بس عشان أبرهنلك إن الدولة إللي انا متعصب إلى صناعتها هي أفضل دولة مصنعة للسيارات وتصير مشاكل وتصير كره بين الإخوان ..

فأتمنى إذا ما كان عندك رد على الموضوع إلا بشر إنك توفر ردك لنفسك .. وهذا الرد راح أرد فيه على كل حد راح يسوي مشاكل بين الإخوان بردوده

سلاااام

عيناوي كوول غير متصل قديم 03-03-2006 , 07:26 AM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#8  

تصدق عاد


انا مااكره الكامري الا عشان المدح الزايد..وانت كرهتني فيها زياده


انا ماحب سيارات مافيها راحه ولا فيها سيفتي..ولا احب سيارات مافيها ابداع وابتكار


انا وياك الكامري عمليه..بس ماتروق لي


الهوندا اشوفها الافضل في الياباني..بس تضل ورق


انا احترمها لانها تهتم بالجوده والراحه والعملانيه وفوق كل هذا ماتقلد على احد..ولو فكرت اخذ ياباني باخذ هوندا وانا مغمض ويمكن نيسان بس تويوتا نو نو نو


مع احترامي

مؤيد اف1 غير متصل قديم 03-03-2006 , 07:31 AM    الرد مع إقتباس
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#9  

أخوي الغالي مؤيد إف 1 :

يا أخي أنا لو تجيبلي الموستج كوبرا 2003 إلى 2004 يمكن أمدحها لك أكثر من الكامري فديتك ..
أنا ما أقولك إني متعصب لشركة .. بس أنا ما أحب إللي ينكر حقيقة من أجل هواه الشخصي ..

الموستنج هذا أنا سقته لمدة شهر يوم ربيعي سافر البلاد .. ولو أفتح باب الوصف ممكن ما أوقف لأن هذا النوع أثبت لي إنه غير عن أي كوبرا بشكل خاص و GT بشكل عام ..

أخوي الحبيب أنا أحب وايد من السيارات الأمريكية وخاصة المسل كاارز ,

شوف السيارات مثل الحريم .. كل إنسان له ذوقه الخاص .. بس أكيد في كل بنت من الصفات اللي الله سبحانه وتعالى حط فيها صفة يشهد فيها الجميع تقريبا إنها جميلة أو مرغوبة ..

تقبل مني وافر تحاياي والله لا يجيب الزعل إن شاء الله وهذي بوسة على راسك إذا زعلت مني

سلاااام

عيناوي كوول غير متصل قديم 03-03-2006 , 07:39 AM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#10  

انا احترم وجهة نظرك واسلوبك في الكلام..ماشوف في سبب يخليني ازعل عزيزي


انا مثل ماقلت لك..الكامري مااحبها ويمكن اعتبرها اسوء سياره..وسببي الرئيسي اني ماارتاح فيها ولا لها..ولان العالم مخلينها احسن سياره في العالم..انا مرتاح ويا الامريكي ومكيف على الآخر وياه ولا اشوف في سبب يخليني افضل الكامري عليه.


انا ماانكرت حقيقة انها عمليه لكنها تفتقر للكثير ولا هي افضل سياره..فقط هذا الي اقوله..واشوف بدلاء افضل عنها.


على العموم حصل خير


تقبل تحياتي

مؤيد اف1 غير متصل قديم 03-03-2006 , 07:46 AM    الرد مع إقتباس
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#11  

فديتك ما حصل إلا كل خير


وما اقول يا خوي غير إن الناس تدور على الأصلح لجيبها قبل راحتها الشخصية وعلى هذا الأساس الأمريكان يفكرون .. أنا معاك إن كثير من المواصفات ما هي توب .. بس أنا كواحد يهمني سيارة شكلها حلو وتعيش وتكد أكيد بشتري اللي يريح جيبي .. وإذا الكامري حازت على هذا اللقب مع مرتبة الشرف من كثير من الناس فاعلم إن هذي هي حاجة الناس في أي سيارة وقادرين إنهم يتخلون عن أشياء وايدة مقابل هذي الميزات ..

ومع إحترامي للمنتجات الأمريكية .. أقولك إن الأمريكان نزلت سمعتهم بعد ما فضلوا سياسة بيع شي رخيص حق الناس مع ربح أكثر .. يعني تجي تشوف سيارات الساترن والفوكس القديم والنيون .. ما تقدر تقارنها بالصني أبدا .. والحل في نظري إنهم لازم يظحون شوية ويحسنون خاماتهم لأن العلم ما ينقصهم .. بس تنقصهم الجودة اللي فقدوها بعد ما كانت موجودة في فترة من الفترات ..

تقبل مني وافر تحاياي

سلاااام

عيناوي كوول غير متصل قديم 03-03-2006 , 08:01 AM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#12  

بس بغيت اضيف شي..الامريكي مستحيل يبقى على هالحال لانهم يعرفو ان هالشي بيدمرهم ;)

مؤيد اف1 غير متصل قديم 03-03-2006 , 08:04 AM    الرد مع إقتباس
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#13  

طيب هذا حافز جميل إذا بيخليهم يزيدوا في الجودة وأنا أول واحد راح أشتريها ..

ياخي والله حرام شركات كبيرة مثل جي أم وفورد تخسر عشان سوالف الجودة لأن ياخوي والله العظيم ما أكذب عليك إن الأمريكي صار مثله الشهير هو :

( My Second car will be a Lexus )

يعني بدأ يفقد الإعتمادية على المنتجات الامريكية لأنه يعرف كم راح تخسره مع الأيام وإن البيع ما بعد الإستخدام راح تكون غير مرضية ..

ياخي شوف أنا واحد أموت في شي إسمه كاديلاك .. لأنها في نظري راقية وتصاميمها مذهلة .. بس إنك تبدل حساس ب 400 دولار عشان إنه إخترب لحاله وإنك تبدل ( Alternator ) ب 1100 دولار ( ألف ومائة ) وهذا الشي قدام عيني لسيارة صاحبي الكاتيرا موديل 98 خلاني أغير رأيي مبدأيا في عملانية السيارة ..

يالله محد مستفيد من تغيرهم إلا محن المستخدمين .. وإن شاء الله إلى الأمام لمنتجاتهم إذا راح تخدمنا

سلاام حبيبي

عيناوي كوول غير متصل قديم 03-03-2006 , 08:12 AM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#14  

ماعليه لو سمحت لا تفتح مواضيع ثانيه وتجرني لشي مااتفق معاك فيه


انت مخلي الامريكي زباله وهو مو بعيد عن الياباني..ميكانيكيا انا اقول الامريكي افضل بس بقية الاشياء الياباني..وبالنسبه للاسعار ماحاولت تشوف اسعار اللكزس الحبيبه ؟


خلاص حبيبي خلينا نسكر السالفه افضل ;)

مؤيد اف1 غير متصل قديم 03-03-2006 , 08:16 AM    الرد مع إقتباس
الطاهري الطاهري غير متصل    
عضو جديد  
المشاركات: 4
#15  

السلام عليكم ورحمة الله وبركاتة


أخوي بغيت اعرف كم سعر كامري 2007

اتمنى الرد باسرع وقت ممكن....

الطاهري غير متصل قديم 03-03-2006 , 04:01 PM    الرد مع إقتباس
XenonX® XenonX® غير متصل    
عضو نشيط  
المشاركات: 145
#16  

طيب الكامري مواصفاتها تقارن بمنافسينها ............وش ينقصها طيب ؟ :-)

حنا مانقارنها بمواصفات بالكاديلاك .....نقارنها بالألتيما والأكورد ....الخ ....وش اللي يخليها أقل منهم ؟؟؟ :m:

XenonX® غير متصل قديم 04-03-2006 , 05:25 PM    الرد مع إقتباس
الشبابي الشبابي غير متصل    
مبدع متميز مملكة التوحيد  
المشاركات: 3,460
#17  

مواصفات رائعة ..
وشكرا لك يا عيناوي كوول على الموضوع ...









اخوكم الشبابي

الشبابي غير متصل قديم 04-03-2006 , 05:30 PM    الرد مع إقتباس
بندوق بندوق غير متصل    
عضو نشيط إلا رسول الله صلى الله عليه وسلم.. لاللدنمارك  
المشاركات: 290
#18  

إقتباس:
المشاركة الأصلية بواسطة مؤيد اف1
ماعليه لو سمحت لا تفتح مواضيع ثانيه وتجرني لشي مااتفق معاك فيه


انت مخلي الامريكي زباله وهو مو بعيد عن الياباني..ميكانيكيا انا اقول الامريكي افضل بس بقية الاشياء الياباني..وبالنسبه للاسعار ماحاولت تشوف اسعار اللكزس الحبيبه ؟


خلاص حبيبي خلينا نسكر السالفه افضل ;)


مسكين حالك :laugh1:

بندوق غير متصل قديم 04-03-2006 , 05:35 PM    الرد مع إقتباس
أبو حسين أبو حسين غير متصل    
عضو فائق النشاط  
المشاركات: 713
#19  

إقتباس:
وبالنسبه للاسعار ماحاولت تشوف اسعار اللكزس الحبيبه ؟


أعلى سعر لها 250 ألف..

واللكزس ES إللي تقولون إنها كامري جراندي بس مغييرين الشعار هاذي يا طويل العمر ب120 ألف وأنت طبعا كالعادة بتستكثرها بحكم إنك حاط بتوقيعك حرف J إنهم يقلدوا كل شي ومايطوروا إلا بتطويرات الشركات الأخرى..طيب وش رايك لو قلت إن اللومينا والكابريس هم أصلا أوبل أوميجا بس مطور بمحركات جي إم وسعرها نفس سعر اللكزس ES طيب ليه الجي إم ماصنعت سيارة محترمة لذلك المحرك القوي المكون من ثمان سلندر 340 حصان ووضعوها على سيارة كانت بالأساس 4 و 6 سلندر وتلوم اللكزس واليابان كله على أفعالها؟؟ وإذا أنت مصر على قولك بأن اللكزس تويوتا فل أبشن أقول الكاديلاك إسكاليد والهمر مجرد جمس فل أبشن..


لا تغضب فأنا لا أحاول التقليل من شأن السيارات الأمريكية ولكنك تقلل من الأخريات وزعمك من أن السيارات اليابانية تقلد الأخريات فأنا "لا" أنكر ذلك ولكن التقليد سياسة معظم الشركات..

تحياتي وتقبل ردي بكل رحابة وسعة صدر..

أبو حسين غير متصل قديم 04-03-2006 , 06:17 PM    الرد مع إقتباس
مؤيد اف1 مؤيد اف1 غير متصل    
GM Defender LS engine Series  
المشاركات: 3,183
#20  

احب اقولك ان شاصي اللومينا والكابرس كأساس فقط مثل الاوميجا..بس مغير فيه شغلات كثيره..والسسبنشن كله يختلف..بس مو مشكله..كل الشركات بتاع جي ام تتعاون مع بعض..تويوتا ولكزس يسوو هالشي مااشوف فيها اي مشكله..بس انك تقلد شركه ماهي لك هذا الحركه مالها داعي بالمره. تاخذ جهود غيرك بكل سهوله انا ماارضاها..حتى في الجامعه اذا احد مايحل الواجب ويقول لي ابي الحل وهو ماافتكر فيه الا قبل الحصه مااعطيه وجه..اقوله اتعب على حالك.


بس انا ماقلت لكزس تويوتا فل..انا قلت كلهم واحد


خلاص سمي كل سيارات جي ام دايو ماتفرق عندي

مؤيد اف1 غير متصل قديم 04-03-2006 , 07:24 PM    الرد مع إقتباس
sayedco sayedco غير متصل    
مبدع متميز جداً جزيرة البحرين  
المشاركات: 4,649
#21  

My Second car will be a Dodge or Chrysler

للعلم ، صج آنا مب متعصب كما تشوف ردودي كلها

لكن الصراحة أحب التميز و القوة و الأداء و الثبات

في الكامري إنسى التميز >>>> يشبه هالإبتسامة :-) << كل واحد استخدمها

و أفضل الأكورد عليها لأنها سبورتية أكثر ، لكن بعد أفضل عليها شي مميز

إن شاء الله الكرايسلر بنبدله بالجارجر

لكن بالنسبة للعملانية ، آقولك الناس أذواق ، يعني مب كل شي عملي معناته إن الكل يشترونه ، و الحياة تجارب و كل واحد يتعلم من تجربته

بس تدري ، آنا ملاحظ كثييييييير ، إن إذا واحد عنده سيارة و حبها يصير متعصب لها < تقريباً

شوف مؤيد عنده لومينا و يحبها وايد و الشفر كله

و بو حسين ميت في اللكزس

و آنا في الدودج و الكرايسلر << بس مب متعصب أحب سيارات ثانية بس الكرايسلر أثبت لي متانته

و عندك المشرف GrandV8 يحب الشيروكي

و Prelude 4 life كان عنده برليود و أحين حتى الآن يحب كل الهوندات و يقضلهم على الباقيين

باختصار هاي دراستي للمرحلة

sayedco غير متصل قديم 04-03-2006 , 08:37 PM    الرد مع إقتباس
عيناوي كوول عيناوي كوول غير متصل    
عضو نشيط جدا شوف النكنيم :)  
المشاركات: 291
#22  

مشكوين يا شباب على الرد .. لا خليت منكم فديتكم ..

أما Sayedco >>

كلامك صحيح فديتك كل إنسان راحته تتحدد بحسب تكيفه الشخصي مع الشي اللي يتعامل معاه وكل إنسان ذوقه وتعريفه للراحة تختلف ..

أما عن تعصب الشباب للشي اللي عندهم وكأن إذا مدحوا شي ثاني بيقولون لهم الناس إشمعنا إشتريت هذا الشي وتوك تمدح الماركة الثانية ؟؟ فأنا أقول إن التعصب يطير المصداقية تعرف ليش ؟ لأنها تجعل الشخص يكذب في بعض الأحيان بس عشان يبرهن إنه هو صح ويحرق الطرف الآخر ..

ياخي أنا عندي أودي إس 8 وموديل 2003 ما قمت أضارب إللي يقول إن الياباني صار ينافس الألماني لأني في قرارة نفسي أقول إن كل شي راح يتغير فإذا كان اليوم كلامه طموح من يدري ياجر يصير كلامه صحيح .. وبالرغم من حبي الشديد للأودي لن أجرح أخ لي يتكلم عن سيارة ثانية وخلها يسبها بعد لأن في النهاية أنا مستانس بسيارتي وما يهمني كلامه عن قطعة حديد ..

تقبلوا مني وافر تحاياي ..

سلااام

عيناوي كوول غير متصل قديم 05-03-2006 , 04:28 AM    الرد مع إقتباس
The Monster The Monster غير متصل    
عضو نشيط  
المشاركات: 30
#23  

في البداية أحب أكد للشباب أن Toyota تعتبر أول صانع للسيارات في العالم لأن في شباب يعتقدون غير هذا الشئ ...

وقبل ثلاث أسابيع كان عندي تسليم Paper عن كتاب أسمة The Toyota Way ... المهم الكتاب يتكلم عن Toyota من بدايتها لين الحين ... وللعلم إن Toyota عندهم System معين الشركات الثانية تتمنى تطبقه صح وهب رايمه ... ولي يقولي GM تطور الحين ترى الفضل يرجع ل Toyota بعد ما علموهم ال Lean manufacture وساعدوهم في تطوير مصانعهم ...

وعندي دكتور أخد وياه Class وكان يداوم في شركة GM وبعضمة لسانه يقول GM Sucks !!! وهذا مواطن أمريكي ...

وفي النهاية أنا هب متعصب Toyota ... بس الحقيقة أن Toyota ---> Moving Forward

The Monster غير متصل قديم 05-03-2006 , 05:21 AM    الرد مع إقتباس
american muscles american muscles غير متصل    
عضو جديد المملكه العربيه السعوديه  
المشاركات: 18
#24  

السياره الوحيده اللي لو ايش يكون شكلها راح تمشي يعني تمشي وراح تلاقي رواجا عالي مع ان السياره لم تعجبني بالمره

american muscles غير متصل قديم 05-03-2006 , 06:35 AM    الرد مع إقتباس
sayedco sayedco غير متصل    
مبدع متميز جداً جزيرة البحرين  
المشاركات: 4,649
#25  

إقتباس:
المشاركة الأصلية بواسطة The Monster
في البداية أحب أكد للشباب أن Toyota تعتبر أول صانع للسيارات في العالم لأن في شباب يعتقدون غير هذا الشئ ...

وقبل ثلاث أسابيع كان عندي تسليم Paper عن كتاب أسمة The Toyota Way ... المهم الكتاب يتكلم عن Toyota من بدايتها لين الحين ... وللعلم إن Toyota عندهم System معين الشركات الثانية تتمنى تطبقه صح وهب رايمه ... ولي يقولي GM تطور الحين ترى الفضل يرجع ل Toyota بعد ما علموهم ال Lean manufacture وساعدوهم في تطوير مصانعهم ...

وعندي دكتور أخد وياه Class وكان يداوم في شركة GM وبعضمة لسانه يقول GM Sucks !!! وهذا مواطن أمريكي ...

وفي النهاية أنا هب متعصب Toyota ... بس الحقيقة أن Toyota ---> Moving Forward



يعني تويوتا علمت مرسيدس و بيئم كل هالتقنيات ؟ و الراحة و الثبات ؟ و علمت الفراري القوة و الأداء و الصوت ؟!

الصراحة آنا أول مرة آدري إن تويوتا هي أول مصنع في العالم ، اللي خبري تويوتا حدهم السبعينات

أيام أول كله أمريكي و اوروبي

لكن ما أقول إنهم ما يصلحون بالعكس الكل تطور لكن تويوتا لم تكن أول صانع للسيارات و لا أولها اختراعاً للتكنولوجيا

++++++++++++++++++++

أخوي عيناوي كول ، إنت قاعد تكلمني كأنك عايش في المنتدى من أول أيامه

عدل كلامك ، التعصب يعمي العيون و يطير المصداقية على قولتك ، لكن مهما كان يبين من طريقة الكلام و الأدلة إذا كان الكلام صحيح أو لا بس في أشياء لازم يكون اللي تشتشيره ذو ثقة تامة ، ما بي أييب مثال ;)

بس آنا أقول إن في سوالف ما نبي تعصب ، و ما نبي هواش و لا كلام مجرح ، المهم نكون متحابين في الله ، و كل واحد يعطي من خبراته و لا أحد يألف ، و الله يوفق الجميع

تحياتي ، المدير خخخ :laugh1:

sayedco غير متصل قديم 05-03-2006 , 06:18 PM    الرد مع إقتباس
المشاركة في الموضوع
صفحة 1 من 2 1 2 >


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.