بسم الله الرحمن الرحيم
قصيدة شعبية للشاعر البصري عباس جيجان... يرثي بها الرئيس صدام حسين
وين الفجر يوم العيد
وي نحر النحور صدام
قدم للوطن روحه
اجا مثل الاسد مجروح
يمشي وتضحك جروحه
هل شايف جبل ينقاد
واذا شفت الجبل ينقاد
تلقى العلة بسفوحه
مثل النخل مات وقوف
شاخص شامخه صروحه
لو غم الرجال بموت
ماصخ مابه ملوحه
بكيت ومابكيت عليك
بكيت على الزمان اضمك بلوحه
وبكى حتى الفرات عليك
ونهر دجله انتحر نوحه
اذا تستاهل ينوح عليك
شاعر مابطل نوحه
لان انت الوحيد الذي خليت
المشانق للرجال تصير مرجوحه
رغد يارغد لاتبكين
بس دمعة حزن للزين مسموحه
ابوك اللي كتب اسمه بجبهة التاريخ
تعب الوطن عنده وعاليه سطوحه
الزمن يشهد لابو اللثين
ولا انا شهادتي بصدام مجروحه
مادنق براسه وانحنى لجلاد
رغم سلسلوا رجله وشدوا كفوفه
رفض يلبس نقاب الموت
وضحك عالموت سنه وعين ماتشوفه
اجل والله يتباهى يسجل التاريخ
عنه وتكتب حروفه
مو حبل على رقبه طلع ملفوف
رقبه على الحبل طلعت ملفوفه
اذا حقها العرب تحزن عليه وتنوح
وقع خيالها والشمس مكسوفه
من صغره عجيب وعنيد وضد الاستعمار
ابوك اللي وصل سابع جار معروفه
واذا البصره حزنت بصباح يوم العيد
يم تكريت طلعت تلطم الكوفه
واجت نينوى محنية ظهر وتصيح
وين ابن الرماة اللي باسط سيوفه
سواها العلوج ودنسوا بغداد
وعاصمة الرشيد اصبحت مشطوفه
لان انت الوحيد الذي خليت
المشانق للرجال تصير مرجوحه
http://alrafdean-news.com/abbas.mp4
ــــــــــــــــــــــــــــــــــــــــــــــــــــــــــــــــــــــــــ
رحمك الله يا بو عدي وغفر الله ذنوبك
عرض نسخة للطّباعة |
ارسل هذه الصفحة لصديق]
