|
مبدع متميز
|
UAE
|
المشاركات: 3,658
|
#7
|
أنا بفترض إن السيارة اللي تتكلم عنها جديدة
اسمحلي أقولك ان أخطأتوا بشكل كبير في التعامل مع الوكيل
في أي سيارة جديدة ، لما تحصل اي مشكلة لازم تعرف شو اللي سووه بالضبط ، ولازم تعرف سبب العطل
أما إن حرارة المكينة ترتفع ، والوكيل يلاقي الراديتر فاضي وكل اللي يسويه إنه يعبيه ماي وبس ، فهذا غلط وكان المفروض انكم ما تستلمون السيارة منه
أنا تعرضت لمشكلة من فترة وهي ان السيارة ما رضت تشتغل وكان السبب واضح انه من البطارية ، ومع هذا اتصلت
برقم الطواريء الخاص بشركة جنرال موتور وطلبت منهم ان يرسلون سيارتهم عشان يشوفون سيارتي ، مع ان المشكلة ممكن تنحل بسهولة
شالوا السيارة وودوها الوكالة وبعدين اتصلوا فيني وقالوا لي ان السيارة جاهزة
لما سرت استلمها سألت عن العطل اللي كان فيها وقالوا ان البطارية كانت فاضية
سألتهم : وشو سويتوا ؟
قالوا لي شحنا البطارية ... قلت لهم ما بستلم السيارة إلا لما تبدلون البطارية بوحدة جديدة لأن بطاريات السيارات الأمريكية
لا تشحن ، طبعا في البداية رفض وقال انهم يعتمدون على أجهزة كمبيوتر وهي اللي تحدد ، فعرضت الموضوع على المدير
وأصريت على اني ما بستلم السيارة إلا ببطارية جديدة وفعلاً بدلوا البطارية بوحدة جديدة
المهم ، رقم الطواريء الخاص بالسعودية هو 8008973779 وهو رقم مجاني والمفروض ان أي مشكلة تتعرض لها حتى لو كانت تافهه
تتصل على هالرقم وتخليهم يشيلون السيارة .
إذا تكررت المشكلة ، لا تسلم السيارة إلا للمدير العام وتشرح له ان هذي هي المرة الثانية اللي تتعرض فيها لنفس المشكلة
إذا تكررت فما عليك إلا انك تراجع مكتب جنرال موتورز الرئيسي في البحرين وتتصل فيهم على الرقم 00973217779
أو إنك ترسل لهم فاكس ( وبالعربي ) على الرقم 00973215177
وهم موجودين 24 ساعة يومياً حسب ما قالوا لي ، وإذا كنت بترسل لهم فاكس فإذكر كل المعلومات اللي تعتقد انها مطلوبة وخاصة
رقم المحرك واسم الوكيل وتاريخ شراء السيارة ورقم تلفونك
أدري إني طولت عليك وايد ومصختها
وإذا تبي الإيميل هذا هو gulfassist@batelco.com.bh
|
|
19-08-2000 , 12:56 PM
|
الرد مع إقتباس
|