أنا في الحقيقة محتار بين 3 سيارات ...

الأولى ( وهي الأرجح ) : تيوتا كامري جراندي GLX قير عادي ...

الثانية : لومينا SS ...

الثالثة : فولكس واجن باسات V6 ..

و أنا عندي كامري XLi و الحقيقة إنها تتحمل أكثر من أي سيارة ثانية ...

و ما أدري رأي الناس عن الثلاث سيارات المذكورة الرجاء ذكر عيوب و مزايا كل واحدة منهم ....

ياأخ نسر ماسمعت المثل الي يقول:
لاتفكر ولا تحتار باسات تقرب المشوار
أنصحك يا أخ نسر بالباسات لأن الألماني هو الأفضل.
ولو كان على الحوادث الله يخلي التأمين .

يانسر كانك تبي عيوب ومزايا الثلاث سيارات
فهي صعبة !ولكن اختر سيارة وحده وانا أعطيك
عيوبها ومزاياها .

شكرا يا جرح الحبيب ...
أما أنا فأقول هذا نقطة ضعف الباسات أنا ألمانية و أنا أحب الياباني أكثر من أي شيء ثم الأمريكي ثم الألماني ...
مزايا و عيوب الكامري و الباسات أعرفها أما بالنسبة للومينا SS فأنا لا أعرفها

اللومينا SS
ألولامزاياها:هي سيارة شبابية ولها شكل رائع وهي سريعة
جدا .
أما عيوبها :فلا توجد سيارة بلا عيوب ولاكن اللومينا SSاعيوب
كثيرة منها : انها سيارة لاتوجد بها رساوة مطلقا ولاتماسك
في المنعطفات وأن الجيربوكس فيها ظعيف جددددددددددا
فهو لايكمل سنة واحدة
والسيارة من الداخل لايوجد بها أي مظهرمن مظاهر الفخامة.

أقول يا حبيبي ،، وصلني البيجر بس ما كنت فاضي ،،
على العموم السيارة واقفة عند مشتل السحيمي ( ما فيها بنزين )

لا تفكر ولا تحتار ،، خلك على الكامري بلا خربطة ،،

في حد غلط علي
من ..... ؟
الأخ جرح الحبيب ( يا حبكم للأغاني )

أما سالفة إن اللومينا ما فيها تماسك ، فاسمحلي أفولك إنك غلطان ، وكلمة "رساوة" هذي ما فهمتها

أكثر ما يشد الإنتباه في اللومينا هو ثباتها المختلف عن كل السيارات الأمريكية ، وإسأل مجرب

سالفة الجير بوكس ... ما أدري ، أنا سيارتي بتكمل سنة في 8/9/2000 ولحد الحين ما صادفتني أي مشكلة في الجير

مع ان سواقتي لا تحتمل دايماً معصب وبعدين حتى لو كان كلامك صحيح ، فالسيارة عليها ضمان لمدة 3 سنوات

يعني لا تهتم بأي شي

الشي اللي مضايقني في اللومينا هو استهلاك البترول في المناطق الداخلية "داخل المدينة" أما على الطرق الخارجية

فاستهلاكها ممتاز بالنسبة لـ سيارة بمحرك 5.7 لتر و8 سلندرات وهذا هو الشي الوحيد

الاخ جرح الحبيب ،، من وين جبت هالاخبار ؟؟
اللومينا مافيها رساوة ؟؟ أقول مانت صاحي ،،
أنا كانت عندل لومينا LTZ أجار لمدة اسبوع كامل ،، مالقيت منها الا طيبة الخاطر ،، بس عيبها الوحيد زي ما تفضل الاخ E55 انها تصرف بنزين داخل المدينة ،،

E55 رساوة تعني ،، رسو السيارة على الطريق ،، أو ثباتها

من ناحية القطع غيار ....

من ناحية قطع الغيار

قطع غيار التويوتا هي الأرخص لكن اللي مستغرب منه في قطع غيار التويوتا ، السفايف مثلاً تحتاج انك تبدلها كل 6 إلى 8 شهور

بينما في السيارات الثانية ، على الأقل كل سنة

قطع غيار اللومينا غالية نوعاً ما ، لأني من اسبوع حبيت أعرف سعر السفايف ( ويا ليتني ما عرفت ) فقالي بـ 370 درهم

للي جدام بس ، الله يرحم المكسيما ، الأربعة بـ 280 درهم ويستمرون معاك لمدة سنتين

شلونكم شباب في واحد منكم ضحكني وقال انه اللومينا ثابته انا اقولك اسالني انا اللومنيا بنوعيها العادي والss
مو ثابت كلش ميزتين الحلوين فيها هي السرعه والشكل فقط لا غير

وهي غير ثابته تماما تماما تماما انا عندي لومينا ورفيجي عنده SS
وتقريبا كل يوم اسوقها مو ثابته واللللللللللله مو ثابته
بعدين منو يقول اللومينا شكلها الداخلي مو فخم اصلا حلوه وما فيها شي جلد اسود وفيه نقش والله ما فيه شي
\وسلامتكم


______________________
خل نفسك بعز دوم وبالك تذلها
ولا تطلب الحاجات الا من اهلها

لا لا إحلف بعد شوي عشان أقتنع بكلامك

إلا على طاري الـ SS ، غيرت شكل سيارتك وخليته مثل شكل الـ SS ولا بعد ؟

على فكرة ، لا تنسى تبدل السبرنجات والجامبينات عشان تحس بالثبات عدل