العودة سوالف للجميع > سـوالـف الجمـيــــــــع > سوالف الطرائف والكاركاتير > حالة نفسية : الجزء الثاني
المشاركة في الموضوع
قصيمي وافتخر قصيمي وافتخر غير متصل    
عضو جديد  
المشاركات: 13
#1  
حالة نفسية : الجزء الثاني
السلام عليكم
هذا الجزء الثاني من قصة حالة نفسية




وفيمــا كانـت الطيـاره تحــاول تخطــي مرحلــة الخطــر .. فـقــد كابـتـن الطيــارة السيطــرة عليهـــا وأخـذت الطيــارة طريقهــا للسقــوط ... وحــدثـت ضجــة كبيــرة بيــن الركــاب وتعـــالــت الأصـــوات والصيحـــات .... وفـي هاللحظــة التفــت فليسكــو عـلى الكنــدرة وهــو خــايـف ويقــول : وش الســالفـة ياولــد ..؟؟؟؟
رد الكنـدرة ببــرود : الظــاهر إننـــا بنشــرنــا ...!!!!
قـال فليسكــو : ياخــي أنــت ثــور .. وش اللـي بنشـرنـا .. والله لـو اننــا راكبيـــن هــايلوكــس ....!!


وانقــطــعـــــت الأصـــوات فـجـــاة .........................!!!!





طـاحــت الطيــارة فــي جــزيــرة مـهـجـورة .... وقـــف فليسكــو وســط الركــام ينفــض عنـــه الغبــار ويتحـسـس جــروحــة ... وكان حــولـه بعــض الجـثـث متـراميــة ... وبينمــا هــو يفكــر وش يســوي هاللحيـــن فـي هالمصيبـــه .... طلــع الكنــدرة مــن بيـــن الركـام وهــــو يسحــب جثـــة ....... تــوجـه فليسكــو مســرع إلـى الكنــدرة ومشـاعــره مختلطـــة بيـــن خــوف وفـرح وحــزن ورعـــب ..... حـضــن فليسكــو الكنــدرة ... وتحمــد الله علــى ســلامتـــه ... وســأل فليسكــو الكنـدره : وش هالجـثــة اللـي تسحبـهــا ..؟؟؟
رد الكنــدرة وهــو يلـهـث مــن التعــب : هــذي جـثــة المضيفـــه اللبنــانيـــة نـاديــن ...!!!
ورد فليسكــو باستغـراب : طـيـب ليــش تسحبهــا وهــي ميـتـــه ..؟؟؟
قــال الكنـدره : داري إنـهــا ميتــه .. بــس يمكـــن نستفيــد مـنهـــا ....!!!!
رد فليسكــو وهــو معـصــب : وش اللـي نستفيــد مـنهــا يـالمنحــرف .. والله لــو إنهــا كـشـَــاف .. ياخـــوي هـذا بــدال ماتتحمــد الله إنــك حــي ..
قـال الكنـدرة بعنــاد : لــو سمحــت يافليسكــو لا تـدخــل .. بعـديــن هــي تبـرعــت لـي بأعـضــائهــا قبــل ماتمــوت .. بعـدين لاتنســى إنهـا عـذراء قلـقـه تنتـظـر رجــل جبــار .....
رد فليسكــو : إنـت ماضيعـك ولعـب فـي مخــك إلا هالقنـوات اللي مثـل وجهــك .. المهــم خلنـــا مــن هالســالفـة وقــول لــي ماشـفــت أحــد حــي مــن الركــاب ...؟؟؟؟
رد الكنـدرة : إلا كان كابـتــن الطيــارة حــي .. وحـاولـت أنقــذه لكـنـــه مــات ......
قــال فليسكــو : وش لـــون مــات طيــب ....؟؟؟ قــال الكنــدرة : بعــد ماطــاحــت الطيــارة تأكــدت مــن نفـســي أنــا مـتــت ولا لااا ... وبعــد ماتـأكــدت إنــي عــايــش سمعـــت صــوت الكـابتــن يطلـب المســاعــدة .. ويــوم قــربـت مـنــه لقيــت راســـة محشــور بيـــن ركــام الطيــارة .. وحــاولــت إنــي أطلــع راســة لكـــن ماقــدرت ... ولقيــت جنبـــي منشــار وقطـعــت راســـه وسحبـت جسمــه بــرا ... والحمــد لله كان جسمـــه سليـــم ومافيــه شــي بـس إنــه بـدون راس .. أنـا تـوقعــت إنــه فـاقــد الوعــي يــوم شفتــه مايتحــرك .. وانــت عــارف يافليسكــو إن فـاقــد الوعــي لا يـعطـيـــه ..... لكنــي إكتشـفــت بعــد هالتعــب كلـــه إنـــه مـــات ..... والله إنـــه قـهــرنــي مــن جــد .. مادامــــه بيمـــوت إبــن الكلــب ليــش يطلــب المســاعـدة ويتعبنــي وانـــا أقطـــع راســـه واسحـبـــه ... بــس ماعليــــه هــذا قــدره .....................
مـــارد فليسكــو علــى الكنـدره وجلــس يبكــي علــى قــدره اللـي جمعـــه مــع الغبـــي الكنــدرة ............ أمــا الكنــدرة فكـــان منشـغـــل مــع جـثــة نـــادين وجــالـس يســوي لـهـــا تنفــس صـنــاعــي .....



ومـرت سـاعــات وهــم علــى هــذي الحــال .. فليسكــو يفكــر فــي مصيبتهـــم والكنـدرة مشغــول بالتنفــس الصـنــاعـي ... والتفــت الكنــدرة علـى فليسكــو وقـال لــه .. يـافليسكــو ليــش ماتســولــف معــاي ...؟؟؟
قــال فليسكــو : ياخـــوي مابـي أســولـف بالغصــب الدعــوه ........
قـال الكنــدرة : أنــا عــارف إن فـيـك مـرض الحــاله النفسيـــه لكــن إنـت لازم تــوقـف فـي وجــه المــرض .... تصــدق يـافليسكــو إنــي أنــا واخــوانــي كنــا عــايشيــن فـي عــذاب وكان ابــو وامـي دايــم يضربــوننــا ... لكنـنــا صـمدنــا فـي وجــه الحيــاة .. وحـتــى بـعــد ماطلــق ابــوي أمـــي ما تـأثـرنــا أنــا واخـوانـــي ......
قـال فليسكــو : والله بعـذره أبـوك يطقــك انــت واخــوانـك .. نعــن ابــوك انـت واخــوانك كلكــم تتشــابهــون كنكـــم ذبـــاب ... بــس ماقلــت لـي ليــش ابـــوك طـلــق أمــك ...؟؟؟؟
رد عليــه الكنــدرة : طـلقـهــا لأنـهــا ماتـجيــب عـيــال .....!!!!!!
وقـام فليسكــو يبقــس لكنــدرة ويقــول لــه : الله يلعــن هالوجــه بتجننــي أنــت .. مـن ويـن جـيـت أنـت واخـوانــك إذا أمــك ماتجيــب عيــال ... سكــراااان أنــت ....!!!!!!
رد الكنــدرة وهــو يمســح الدم مـن خشمــه : هههه ههههه الله ياخـذك صـدتنــي مــره ثـانيــه ... يــاحبــك للتـدقيــق .. أقــول لك تعـــال خــذ لـك حبتيـــن تنفــس صـنــاعــي مــع الجثـــة ووســـع صــدرك .............
رد فليسكــو وهــو يقــوم مــن مكانـــه : إنــت خـلك مــع الجثــة يالمـريــض وانــا باخــذ لــي لفـــه علــى الجــزيـره يمكـــن ألقـــى شــي يســاعـدنــا ...
قال الكنـدره : خــلاص انـت خـذ لك لفــه .. واذا مالقيــت شـي يسـاعــدنا في الجــزيره خـذ لك لفــه علــى العربيــه يمكن تلقـى عنـدهـم ..!!!!!
قـال فليسكــو : تستخــف دمــك أنـت وسكسـوكتــك اللي ماصلحتهــا إلا بترخيــص مـن البلـديــه ..................................... وترك فليسكــو الكنــدره مـع جثــة نــاديـن وراح ...



ومــرت فـتــرة مــن الزمـــن كـان فليسكــو يستكـشــف الجـزيــرة .. وعــرف أنهــم فـي مــوقــف محــرج لأن الجـزيـرة فـاضيـــة ومـافيـهـا شــي يمكــن يسـاعـدهــم .. ورجـــع فليسكــو لمكــان حـطــام الطيــارة .. ولـقــى الكنــدرة يــدور بيــن حطــام الطيــارة وفـيــه صـــوت صيــاح جنبــــه ... اقتـــرب فليسكــو مــن الكنــدرة وســألــه : وش الســالفــة .. وصــوت ميــن هــذا ...؟؟؟؟
رد الكنــدرة : بعــد مـارحــت أنــت سمعــت صــوت صيــاح .. ويــوم قـربــت لقيـــت واحــد مــن الركـــاب محشـــور ويبينــي أســاعــده .....
قــال فليسكــو : طيــب انــت وش ســويــت ..؟؟؟
قــال الكنــدرة : ولاشــي .. حــاولـت أســاعــده ومـاقــدرت لأنـــه محشــور بيـــن كـومــة حــديــد وكــل ماحــاولـت أسحبـــه يـتــألــم ويصيـــح ... وبغيــت أقطـــع راســـه واسحبـــه لكنـــي خـفــت إنـــه يمـــوت مثــل الكــابتــن الوصـــخ .. عـشــان كــذا قــررت إنــي أدور المنشــار أو أي شـي حــاد واطعـنـــه عـشــان يمـــوت ومـا يـتــألــم إذا سحبـتـــه ............................................. وقــام فليسكــو وبطـــح الكنـــدرة وصفقــــه الليـــن عــض الأرض ....


وبعـد ماخلـص فليسكــو مــن طــق الكنـدرة تــوجـه للمصــاب وأنقــذه وسحبـــه بعـيــد عــن الطيـاره بمسـاعـدة الكنــدره .. وطلـع المصـاب شـاب مصـري قصـيـر ودب إسمــه مـصـطـفـى .. وأول مـاطلـع قـال .. بتصــدئـوا يـارجـاله .. أنـا كنـت أئـدر أطلــع بـدون مسـاعـده .. لكــن أنــا حبيــت ينــولكـوا ثــواب لأنكــم ساعـدتـونـي ............ وقـام فليسكــو يضــرب كــف بكــف ويقــول : لاحــول ولاقــوة إلا بالله .. كنــا فـي غبــي وصـرنــا فـي غبـي ونصــاب ....!!!
أمــا الكنــدره فكـانـت دمـوعــه علـى خــده إعجــابـاً وتقــديراً لمـوقــف الشـاب المصــري اللـي عــرض حيــاتــه للخطــر في سبيــل إنــه يخلــي غيــره يـآخــذ ثـواب إنقـاذه ....... وكان واضـــح إن الكنــدره معجــب بـمصطفـى ..




ومــر وقــت علــى وجــود الشبــاب الثـلاثــه فـي الجــزيره .. وخيــم عليهــم الليــل وأصــابهــم الجــوع .... وقــال الكنـدره لفليسكــو : يـاخــوي شـف لنــا شــي نـآكلــه تـرى ذبحـنــا الجــوع ........
رد عليــه فليسكــو : والله لــو إنــي أمكـــم .. بعــدين هالجـزيـره مافيـهـا شـي ينـوكــل إلا سمـك أو جــوز هـنــد .. وطبعـاً مانقـدر نصيـد سمــك لأن مامعــانا أدوات صيــد .. عــشان كــذا مالنــا إلا نآكــل جــوز هـنــد ............
قــال الكنـدره باستغـراب : يـافليسكــو استــح علـى وجهــك .. صحيــح إنـنـا ميتيــن مــن الجــوع .. بـس مـاتـوصــل إن نـآكــل جــوز هـنــد المسكيـــن .. طيــب إفـتــرض إنـنــا متـوحشيــن وعيــال كلــب وأكلنــا جــوز هـنــد .. وش ذنـب هـنــد المسكينـــه تعـيــش بـدون جــوز ..... بـعــديــن جــوز هـنــد هــذا وش إسـمـــه ....!!!!!!!
سكــت فليسكــو شــوي فـي محــاولـه لتمـالك أعـصـابــه .... وقــال بعــد فتــره مــن الصمــت : يـاخــي انــت حمــار .. وش اللــي متـوحشيـن وهنــد مسكينــه ووش إســم جـوز هـنـد .... يآخــي أنــت متــى بتصيــر رجــال ....
وهنــا تــدخــل مصطفــى فـي محــاوله لإحتــواء المــوقــف بيــن فليسكــو والكنــدره وقــال : خليـــه يافلكســـو أنــا حافهمـــه المـوضـوع ...!!
رد عليـه فليسكــو : يالله فـهمــه يانيــوتــن .. مــع إنــي مــن شفتــك تقــول فلكســو وانا غـاسـل يــدي منـــك ...
اقتـــرب مصطفــى من الكنــدره وقــال لــه : بــص يابنـــي .. إنـتــا حــاول تشــوف المــوقـف مــن زاويــه إيجـابيــه .. دا المـوضــوع فيــه حـاقــه حلـــوه أووووي .. وهــي إنـنــا حـانـآكـل جــوز هـنــد وبعــدهـا نـنـــام مــع هـنــد ..............
واقتنـــع الكنــدره بكــلام مصطـفــى بينمــا فليسكــو كان منهمــك فـي البحــث عــن لــوح عــشــان يلعـــن والــديـن هالحميـــر إللــي تـورط معــاهـم ..... أمــا الكنـدره ومصطفــى فكملــوا ســوالفهــم .... وقـال الكنـدره لمصطفــى : إلا علــى فكــره يامصطفــى .. وجهــك فــي أي شـهــر ..؟؟؟؟
قـال مصطفــى : إزاي يعنــي .. مافهمتــش ســؤالك ..؟؟
قـال الكنــدره : أقصــد يعنــي متــى بيــولـد وجـهــك .. لأنـي ما أعتقــد إن فيــه وجــه منتفــخ زي كــذا إلا إذا كان حــامـل ..!!
قـال مصطفــى : لا والله دا وجهــي طبيعـي كــدا .. بـس تصــدق ياكنـدوره إن دمــك شـربــات .. عـشـان كــدا أنــا باحــب السعـودييــن وباحــب السعــوديــه أوي أوي ودايمـاً بازورهــا .......
قـال الكنـدره : حـتـى انـا أحبهــا ودايـم أزورهــا ...!!!
ســألــه مصطفــى : إزاي تـزورهــا وانـتا سـاكـن فيهــا ...؟؟
قـال الكنـدره : لا أنـا ساكـن فـي الريـاض بـس إنـي زرت السعـوديـه مرتيــن ........
رد مصطفــى : آآآآه فـهمــت دلـوئتـي .. تـصـدق ياكنـدوره إن اللـي خـلانـي أحـب السعــوديـه زيــاده إن خـالـي مــن السعــوديــه ........
جـاوبـه الكنـدره : مـاشـاالله وانـت بعـد تصـدق إن اللـي حبـبنــي فـي مصــر إن خـالـي مـن الكـوليستـرول ...........
رد مصطفـى باستغـراب : وهــو فيـه مكـان إسمـه كـدا ..؟؟؟
جاوبـه الكنـدره : إيييـه هــو مكان عـنـد جمهـوريـة الولايـات المتحــده الفـرنسيــه .....!!
قـال مصطفــى : آآآآآه يعنــي خـالك يبقــى اسـتـرالـي ...!!
وفـي هـذي اللحظــه كان فليسكــو جايهــم يـركـض ومعــاه جــذع شجــره فـقـَـع وجيهـهـم فيــه إلليــن نــامــوا ....!!!!




جلــس فليسكــو لحــالــه يطــالـع القمــر ويفكـر فــي مصيــرهـم الأســود .. منقطعيــن في جــزيـره فـاضيـــه مايعـرفــون حـتـى ويــن مــوقعهـا .... وبينمــا فليسكــو جــالـس قــام الكنــدره مــن نــومــه وجلــس جنــب فليسكــو يطــالع القمـــر .... قــال الكنــدره : تــصدق يافليسكــو إننـــا قريبيـــن مــن بيتنـــا .............!!
رد عليــه فليسكــو : وش دراك طيــب ..؟؟
قــال الكنــدره : لأن نـفــس هالقمــر أشــوفــه وانــا فــي بيتـنــا .. وهــذا يــدل إن بيتنــا قــريب ..............!!!
التفــت فليسكــو على الكنــدره وقــال : واللــي يرحــم والــديك يالكنـدره لا تجننـــي .. ياخــوي فـي أي مكــان فـي الدنيــا تشــوف نفــس القمــر .. كـل العــالم يشــوفــون نــفس القمـــر ..
قــال الكنــدره : غــريبــــه .. يعنــي كل العــالم قــريبيـــن مــن بيتنـــا ...!!!!!!!!!!!!
رد فليسكــو والدمــوع في عيــونــه : تكفــى تكفــى اسكــت .. أنـــا ألاقيــــها مــن دلاختـــك ولا مــن الوضــع اللــي احنــا فيـــه ........




وســادت لحظــات مــن الصمـــت .... وبعــدهـا قــال الكنــدره : فليسكــو .. انــت جــربــت الحـــب ..؟؟؟
قـــال فليسكــو : للأســـف ماجربتـــه ...........
قــال الكنــدره : آآآآآآه يافليسكـــو .. يــازيــن الحـــب .............
قــال فليسكــو : اخـسسسسس يالكنــدره والله إنــي أحسبــك ثــور وماعنــدك إحســـاس .. أثــاريــك رومــانســـي .. يالله علمينـــي مــن حبيــت وكيــف ..؟؟؟؟
قــال الكنــدره : أنــا حبيـــت بنــت جـيراننـــا ... المسكينـــه مــريضـــه وكــل يــوم تــروح للمستشفـــى ... أنــا في البــدايــه كنــت أحبهــا مــن بــاب التعــاطـف مــع حالتهـــا .. وبعــديــن تطــور المــوضــوع وصــرت أحبهــا مــن جــد ... تـصدق يافليسكــو إنهــا المسكينـــه تــروح المستشفـــى كــل يــوم مــن الســاعــه سبـعــه الصبــح ولا تــرجــع إلا الســاعـه ثنتيــن الظهـــر .. ومــره مــن المـرات ضبطـت نفســي وكشخــت ومشطــت شعـري علــى جنـــب و دخلــت وراهــا المستشفــى ...
قـال فليسكــو : ياخــوي وش اللي مشطــت شعـرك علــى جنـب .. والله لـو انــه قـاطـع إشــاره شعـرك ... بعــدين مـن زيـن شعـرك .. تـرى كلهــا شعـرتيـن اللي فـي راســك .. قســم بالله طـالع شعــرك فـي راســك كنــه مكــرنـة فلسطـينييــن .. يحطــون شــويـة مكــرونــه فـي صحــن كبيــر يعنـــي ثــلاثــة أربــاع الصحــن فـاضــي .. مثــل راســك بالضبــط ..!!
قـال الكنـدره : يـافليسكــو خــل عنــك الحقــد تــرى الجمــال مـن الله ..!!
قـال فليسكــو : طيـب طيـب كمــل سـالفتـك خلنــا نشــوف آخـرتهــا ..
قـال الكنـدره : المهــم إنـي دخلــت وراهــا المستشفــى ولقيتهــا لابســـه لبــس أبيــض وجــالسـه في غــرفـــه والنــاس مجتمعيـــن بـرا الغــرفــه وكـل شــوي الممـرضــه تنــادي واحــد منهــم ويــدخل عنــدهـا .. الظــاهر انهــم جــاييــن يـزورونهــا ويسلمــون عليهـــا .. والله مسكينـــه الله يشفيهـــا ...!!
وانفجــر فليسكــو في وجــه الكنــدره وقــال : الله يلعـــن مخــك ياشيـــخ .. ياخــي أنــت نــاوي تـذبحنــي يابــن الكلــب ....!!
رد الكنــدره باستغــراب : وش فيـــك عصبـــت طيــب ...؟؟؟
قال فليسكــو : ياخــوي وحــده تـروح كل يــوم للمستشفــى مــن سبــع الصبــح الليــن ثنتيــن الظهــر ولابســـه أبيــض وعنــدها غــرفــه وممــرضــه ونــاس يراجعــونهــا ... يعنــي حتــى الحمــار لــو سألتـــه بيعــرف إنهــا تشتغــل في المستشفـــى ...........
رد الكنــدره بلهجـــة حــاده : لــو سمحــت يافليسكــو لا تستهــزيء هـمــن يبــلاك الله ... يعنــي بالله وش تشتغــل في المستشفــى .. تشتغــل مريضـــه يعنــي .. يعنــي بيــوضفـونهــا مــريضــه بالزكــام كبــدايــه وبعــدين يرقــونهــا ويخلــونهــا مريضــه بسـرطـان الثــدي .. عـــاد إذا أثبـتـت نفسهــا مــع الوقــت وثــابرت وتعبــت يحطــونهــا مريضـــه بالإيــدز .. استغفــر ربــك يافليسكــو بـــس ... ولــو افتـرضنــا إنــي سـايرتــك في تفكيــرك الغبــي وافتــرضـت انهــا تشتغــل في المستشفــى .. وش اللـي يــوديهــا كــل يــوم طــيب .....!!
قــال فليسكــو : تـدري يالكنــدره إن المشكلـــه ميــب فيــك .. المشكلـــه فينـــي أنــا الملعـــون اللــي معطيــك وجـــه وجــالس أســولف معـــاك ........................ وقــام فليسكــو ينـــام .. أمــا الكنــدره فكــان مستغــرب مــن كــلام فليسكــو ومــوب مستــوعــب الســالفــه ............


تقبلوا تحياتي وانتضروا الجزء الثالث والاخير

قصيمي وافتخر غير متصل قديم 29-10-2007 , 11:28 PM    الرد مع إقتباس
شهرناز شهرناز غير متصل    
كاتب فعال فيه أحلى من طيبة الطيبة ؟!  
المشاركات: 1,168
#2  

إقتباس:
المشاركة الأصلية بواسطة قصيمي وافتخر
السلام عليكم



تقبلوا تحياتي وانتضروا الجزء الثالث والاخير


مو معقوله .. قرأت الجزء الأول مع وحده من قريباتي و مع إن ضغطنا كل إشوية يرتفع اكثر بس قاعدين نكمل و نقرأ ..

و إنت دحين قاعد تقول فيه جزء ثالث .. فين تبغى تودينا ؟ .. لمستشفى المجانين !!

شكرا لك أخوي قصيمي و افتخر .. و أهلا و سهلا فيك

بنروح نقرأ الجزء الثاني و بإنتظار الجزء الثالث ..

شهرناز غير متصل قديم 30-10-2007 , 12:51 AM    الرد مع إقتباس
بن زمزم بن زمزم غير متصل    
مشرف سوالف الأسلامية  
المشاركات: 592
#4  

يا أخي

الله يهديك ..
كان من المفروض ان تنقح قصتك قبل نقلها ..

بعض الإيحاءات مش طيبة .. !



بن زمزم غير متصل قديم 01-11-2007 , 04:25 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.