بسم الله الرحمن الرحيم


احبتي الكرام


السلام عليكم و رحمة الله و بركاته ،،، و بعد


اقدم لكم اليوم اولى حلقات سلسلة التجارب التي قمت بها على احدث السيارات


ولا اخفيكم سراً اني و قبل ان ابدأ بكتابة التقارير راجعت مواضيع عميد تجارب السيارات الاخ S8 و بقية الاخوة الكرام حتى اخرج لكم تجربتي هذه على الوجه الذي اتمناه لها ان تكون



سيارتي اليوم هي موديل مستحدث لهذه السنة من شركة عريقة و لها سمعتها الكبيرة في العالم و الخليج العربي بالذات


استولت على عرش صناعة السيارات ،،،


اشتهرت بجودتها العالية و عمليتها و قلة اعطالها


سيارتي اليوم هي سيارة 4×4


اقل ما يمكنني وصفها به هي عبارة "وحش مفترس"


منذ الوهلة الاولى تأسرك بجاذبيتها الاخّاذة و ملامحها الشرسة و حوافها الانسيابية


سيارتي اليوم هي :

السلام عليكم ورحمة الله وبركاته


تجربة حلوه واكيد للتثبيت

السلام عليكم

اول شي اشكرك عالمجهوووود الكبير الي قمت فيه احمد

بالنسبه للموضوع والسياره الجميله واول شي احب اقوله

الله يعطيكم خيرها ويكفيكم شرها ان شاء الله,,

وثاني شي اشكرك على الاهداء الجميل منك ويشرفني ذكر اسمي بين الاعضاء

بالنسبه للسياره

هي عمليه بكل ماتحمله الكلمه من معنى وصممت عشان تعيش اكبر فتره مع الشخص

ابتعدت عن التكنلوجيا والتعقيدات , لكن من وجهة نظري مع هذا كان المفروض

يتم وضع بعض الموصفات الي اشوفها تعتبر عاديه ومستغرب من عدم وجودها

مثل الأريل يفتح بالايد انا استغربت بصراحه يوم عرفت انه يدوي مش اوتو

بالنسبه للمسجل ذكرت لك تعقيبي عليه وعلى عبداللطيف جميل

بس بالنسبه للسياره انساها وان شاء الله ماراح تفكر في اي مشاكل راح تواجهك

سياره لك وللزمن

واشكرك مره ثانيه عالاهداء والموضوع المميز والمجهود في كتابته وانتقاء الصور

تحياتي لك

ماشاء شي جميل وجهد رائع وتشكر عليه .


عندي سؤال الجلد الداخلي من الشركه :-)

انا زعلان منك وانت لازم تعرف السبب :sss:

تسلم على التقرير الشامل الكامل أخوي سناري


السيارة من أول ما نزلت وهي عاجبتني

بس الشي الوحش فيها الأنتن (أريل*) زي الي في الكورولا

اهليين زورو مشكور على التثبيت بس الاهم ما قلت رأيك في السيارة


اهليين توب سيكرت طبعا التويوتا او كما يطلق عليه في بلادنا التااايوووته عندها سيارة عملية لابعد درجة و الا كيف تربعت على عرش كبار مصنعي السيارات

بشكل عام الياباني و خاصة تويوتا و هوندا و نيسان و متسوبيشي يمثلو المربع الذهبي الياباني في عالم صناعة السياراة و لو اخترت لهم صفة راح اقول الجودة اولا و اخيرا ... الله يخليهم لنا


اهليين يا محبنا و مغلينا

نسيت اذكر انه السيارة منجده بجلد عشان عندنا بزارين الله يحفظهم عندهم قدرات عجيبة على تحويل السيارة من جديدة الى خردة في غضون ثواني معدودة


اهليين محمد ايوا والله ثلاث ساعات و انا اكتب و اعدل و ازبط بس الحمدلله و كلو عشان سوالف يهون و عجبني تحليلك من ناحية استهلاك البنزين للسيارة و على فكرة انا شايف انه الصدام معطي السيارة شكل جميل جدا


اهلين مشرفنا الحبوب

ما عاش مين يزعلك بس اذا مني ما عليك ارضيك و اذا من التقرير لا تكفى تراني تعبان فيه

كيف ما تضيف اسمي ويا الأعضاء وتهديني الموضوع :cry1:

مبرووووووووووووووووووووووووووووووووووووووووووووووووووووووووووووووووووووووووووووك الف مبروك اخوي سناري على اول تجربه لك ........

والتجربه الحقيقه رائعه على سياره رائعه :banana: ......ومشكور على الاهداء الشكر الجزيل وهذا اعتبره شرف كبير لي الصراحه :-) ,,,,,,,,,


معلوماتي عن السياره, تأتي بمحركين 2.7 اربعه سلندرات

ومحرك 4,0 سته سلندرات

وعيبها بصراحه السعر غالي جدا ...

وشكرا مره ثانيه اخوي سناري على الاهداء... :p

اخوك احمد HummerBoi

سيارة حلووة .. اخذنا منذ فترة ( لفة ) على سيارات الدفع الرباعي ..

تعتبر حلووة .. لكنا فضلنا البرادو عليها .. لمى يتمتع به البرادو من فخامة .. نوع ما ..

واكثر العيب الملاحض فيها .. هو ظيق الكرسي اللي بالخلف ..

لكن جلستها حلووة ..

ودام انها تويوتا .. فما يحتاج اتكلم عن الجودة ..

:p

اشكرك عالتجربة..

بس واللة سعرها غالي..

خصوصا انها من تايلند..

من جد أما البزارين حاله عندي لك فكره زي مايقولو (إنما هايله) .



ركب تلفزيونات بالخلف وجهاز تشغيل DVD وجب دايماً توم وجيري وعدنان ولينا <<< قديم



والله يوفقك إن شاء الله .

هذا اضافة الى انها عباره عن هايلوكس V6

السلام عليكم ورحمة الله وبركاته


من وجهت نظري فيها بعض العيوب مثل ماقال اخونا 560 هايلكس مصندق

بس بشكل حلو


اول شي خزان البترول 60 لتر ماتسوي شي حق سياره مخصصه للرحلات البريه

يعني مع شويه رمل وشيل وحط طارت ال 60 لتر وين بصب بترول وانا في نص البر ؟

ثاني شي مستوى الجلوس عالي شوي يجعل مركز ثقلها مرتفع شوي فيأثر على التوازن

ثالث شي السعر مبالغ فيه بصراحه

مثل ماقالوا الشباب صناعة تايلند (ما اعيب ان صناعة تويوتا في تايلند تعبانه ) لأ لكن الايدي العاملة والتكاليف ارخص يعني لازم السعر يكون اقل من هذا لكن تويوتا لعبتها صح ونزلتها بسعر مرتفع مع هامش ربح لهم مرتفع

مزاياها كثيره

يكفي انها تويوتا يعني جوده وعمر طويل وتكاليف تشغيل وصيانه منخفضه

محرك قوي وعزم حلو

تصميم حلو


ما اقدر احكم اكثر لاني ماجربتها

لكن كنت اتمنى من تويوتا تنزلها بسعر 85 الف للفئه الاولى و سعر 74-73 الف للمزوده بمحرك 4 اسطوانات لو انها عملت بهذا السعر ستحرق السوق خصوصا الباثفايندر القديم والباجيرو



سناري مادري عن بريكها كيفه ؟

تسلم يالغالي على التجربة الرائعة..

بس، هاي السيارة ما عجبتني.. رأي شخصي ..

كأنها عبارة عن هايلكس مرفع ومصندق :think: ..



تحياتي..

يسلمو حبيبي سناري ..

السياره أدائها أتوقع أحسن عن الاند كروزر بمراحل ..

4 لتر .. 280 حصان .. خلوصها العالي ..وزنها الخفيف ..

يعني اللي تباه للبر .. <<ما همه غير البر ..

انا يمكن معجب بالسيارة علشان مكينتها بس .. :banana:

تقرير كامل .. والكامل الله ..

تحياتي

ماشاءلله تبارك الله .. الله يطعمك خيرها ويكفيك شرها

وحش بالفعل إذا شفتها في الشارع

بس ولله البانزين مشكله

بعدين اعتقد إن هالسياره سوقها غير سوقنا

تحيات لك

ومشكور على الاهداء اخوي مهندس سناري

ماشاء الله التقرير جداً جميل

السيارة في نظري أفضل من البرادو عيبها جنوطها شويه صغيره ومافي تحكم من الدركسون والأريل اليدوي وانا معقد من صرفية جيوب الياباني في البنزين

بالنسبة لعازلية الصوت كيف صوت الهواء بعد ال120

الدعامات الأماميه فكرتني بدعامات السوناتا الشرطة السريه (أخذوني التوقيف اليوم)

الله يعطيك خيرها ويكفيك شرها

وبانتظار تجاربك القادمه

منوووووووووووووووووووووووووووووووووور والله العضيم يا سنااااااااري

بتجربة والله 10/10 من جد والله تجربة متميزة

بس تصدق انا للأسف مابلعت هذي السيارة .... مدري ليش احسها كوريلا منفخة ! :blink:


عموماً ياليت تقلي كيييييف الأنجن؟؟؟ يستااااااااهل ولا؟ :m:




على مشكووووووووور على الأهداء ياعسل....على لا تختفي عنا خلينا نشوووفلك رد على الأقل هناااك ..... انت عارف ضروووفنا انا وكيادي عاااااااد اوكي :p

:blink: :blink: :blink:

سعر غالي حيث يبلغ 98 الف ريال للفل اوبشن قير عادي و بزيادة 4 الاف للقير الاوتو

:blink: :blink: :blink:

نغس الجي تي اي
:blink: :blink: :blink:

نفس الميني كوبر اس
:blink: :blink: :blink:
نفس سعر الزد تقريبن
:blink: :blink: :blink:

اهليين حبيبي super x1

ربنا يرزقك بوحدة زيها

و زي ما تفضلت فعلا الانتن ينرفع باليد في سيارة قيمتها 100 الف عيييب

عموما انا اشوف السعر مبالغ فيه و المواصفات لا تليق بسيارة فل اوبشن سعرها 100 الف


اهليين حبيبنا عمر

هذولي الناس اللي قريبين مني و انت طبعا اولهم و لا يهمك التجربة القادمة و اللي زي ما ذكرت حتكون وحش فوق العادة راح تكون مهداة خصيصا لك انت فقط :p


اهليين حبيب قلبي همر بوي "احمد"

الله يبارك فيك و عقبال تجربتك القوية اللي بنخليها مفاجأة للاعضاء

و معلوماتك صحيحة المحرك الاول حق الهايلكس ممتاز و معقول على هذه السيارة و الثاني جديد و مبتكر و قوي جدا و عزمه رائع

و انا اتفق معاك على سعرها الغالي جدا و انا مستحيل اشتري سيارة بهذه المواصفات بسعر 100 الف

و حياك الله


اهليين خبير الكورفيت ابو مهدي

فعلا البرادو افضل لكنه مو من نفس الفئة

و زي ما تفضلت يكفيها انها تايوته


اهليين حبيبي 1100 ار


الفورتشنر صناعة تايلاندية ... معلومة جديدة !!

بس ما اعتقد تايلاندية و سعرها 100 الف

خليني اتأكد من المعلومة من الانترنت و اجيب خبرها

شكرا لمشاركتك و الله يعطيك العافية


اهليين بمصممنا الكبير مرة ثانية

هذه الفكرة تصلح بس ان شاء الله مع الجمس اللي بشتريه للعيلة


اهليين حبيب قلبي زرزوري

ماشاءالله عليك تحليلك شامل و كامل

و اتفق معك تماما في العيوب و المميزات

و السعر اللي تفضلت فيه اتوقع لو نزلت راح تاكل السوق اكل بس ما ادري كيف تفكير الوكلاء ... نفسي افهم وجهة نظرهم

بالنسبة للبريكات قوية ماشاءالله لكن مافيها تميز عن غيرها من السيارات


و لي عودة ان شاء الله

:p

حيوووووووووووووووووووووووو حبيبي سناري

يااخي موضوعك واسلوب طرحك عجييييييييييييب يااخي ماشاء الله عليك

وتسلملي على الإهداء الحلو من واحد ولا احلى

ماشاء الله المكينه عاجبتني يعني انا سقت الباث فاندر 3500 سي سي

كان جبار بكل المعاني فأعتقد هذا بيكون افضل

شكل المكيف الخلفي ظريف

تسلم وكثرلنا من مواضيعك الحلوه

مشكوووووور سناري على التجربه


بالنسبه للسياره ما اعجبني فيها الا المحرك بس

يعني تويوتا ابدعت في هالمحرك
على البرادو ويعطيه تسارع مذهل .. وشلون على هذا


السعر غااالي ولا اعتقد ان السياره تستاهل


تحياتي :-)

غاااالية جدا والله وعندنا الفل ابشن توصل لل 112 الف !!! :blink:

يعني بسعرها باخذ نيسان مورانو احسن ..

بس شكرا لك اخوي على التقرير الرائع .. ومجهود تشكر عليه ..